Në një dedikim të ndarë në rrjetet sociale, ajo përshkruan boshllëkun që la humbja e babait në moshë të vogël, dhimbjen që nuk është zbehur me kohën dhe përpjekjen për të jetuar një jetë që do ta bënte atë krenar. Kujtimi i Azemit, siç shkruan Rudina, mbetet një udhërrëfyes i heshtur në çdo hap të jetës së saj.
Reagimi i plotë

Të humbasësh një prind është pa dyshim një nga dhimbjet më të mëdha që mund të përjetojë njeriu në këtë jetë. Është një dhimbje e pashmangshme, që herët a vonë troket në derën tonë. Mund ta kemi menduar, mund të kemi përgatitur veten në disa raste, por asgjë nuk na bën gati përballë të vërtetës së saj therëse. Sa herë takoj dikë që ka humbur një prind, ndiej menjëherë plagën e tyre. E ndiej boshllëkun që ata mbartin, sikur shpirti të transportohet në një botë tjetër, në një planet ku nuk njeh askënd. Atje ndihesh i vetmuar, përballesh me veten dhe kërkon dritën për të dalë nga errësira dhe të jetosh edhe një herë nga e para në këtë realitet të ri. Për mua, ky realitet i hidhur nisi shumë herët, plot 27 vite më parë. Që nga ai çast, jeta ime mori një trajtë tjetër, një udhëtim i copëzuar mes kërkimit të kuptimit të jetës, dashurisë dhe vetes.
Përjetova njërën nga dhimbjet më të mëdha ende pa kuptuar ende mirë kufijtë e dashurisë. Në mes të këtij tymi ndjenjash, u largova dhe u ktheva sërish në Shqipëri. Amerika u bë vendi ku ndërtova veten me vlera që ti i doje fort. Sakrifica u bë mënyra ime për të treguar sa shumë të dua, për të ngritur një jetë që ti do ta miratoje me krenari, ashtu siç bëje sa herë merrja një notë të mirë në shkollë dhe ti më ngrije në krahë. Çdo përpjekje e imja e jetës e kam menduar si një përqafim prej teje. Ato çaste kanë mbetur kujtimet më të bukura që më dhe. Dashuria jote më mungoi si ajri, por mungesa jote më mësoi të dhuroj timen. Të humbësh një prind kur je ende fëmijë është sikur të ecësh krah për krah me botën e përjetshme. Fillon ta shohësh vdekjen jo si fundin e madh, por si një derë ku ndoshta do ta takosh sërish. Në kërkim të çlirimit nga kjo stuhi, fillon e hedh sytë drejt qiellit për të ndier nëse je aty, duke më parë.
Shtresa e qiellit bëhet si një pëlhurë e lehtë që më mbështjell trupin sa herë rëndohem nga ky udhëtim i vështirë. Praninë tënde nuk e ndiej vetëm pranë banesës së fundit. Sa herë vij, më duket sikur hapat e mi nuk e prekin tokën, sikur flladi më ledhaton faqen me prekjen tënde. Lotët rrjedhin vetvetiu, ashtu si ditën e parë kur të pashë të zhyteshe në dhe, duke marrë me vete edhe fëmijërinë time. Unë të mbaj gjithë kohës me vete. Je në krahët e mi, i padukshëm, brenda meje, dhe aty do të jesh gjithmonë. Do të jesh edhe në zemrën e vajzës sime dhe më vonë. Dashuria ime për ty do të shndërrohet në kujtimin e saj të përhershëm. Çdo 12 shtator e kam parë veten në cepin e shtëpisë duke pritur e përcjellë njerëz të ndryshëm, pa ditur saktë kush ishin shumë prej tyre. Në mendjen time gjithmonë ka qenë një pikëpyetje e madhe nëse dikush prej tyre kishte dorë në këtë dhimbje kaq të madhe. Ky dyshim më ka përndjekur, për mirë apo për keq. Megjithatë, në këtë udhëtim ka pasur edhe momente domethënëse, kur dëgjoja rrëfimet e atyre që i kishe prekur thellë.
Ndër to mbaj mend një histori të rrallë: dikush rrinte vetëm, i heshtur. Kur e pyetën, ai tregoi një ngjarje nga Tropoja, kur në një nga atentatet, makina jote ishte futur në hyrje të një pallati për t’u shpëtuar plumbave. Atë natë, në derën ku trokitje, nuk pranove të hyje brenda nga meraku se mos vije në rrezik familjen e tij. Kërkove një karrige dhe një gotë ujë dhe u ule jashtë në pragun e derës. Personi që tregonte, i moshuar mes lotësh, tha: “Sikur edhe shtatë jetë t’i kisha, nuk do të bëja kurrë atë që bëri Azemi”. Atëherë nuk i kuptova plotësisht ato fjalë, por e dija se kishin një kuptim të veçantë. I mbajta me vete për t’i kuptuar më thellë dhe për t’i dhënë më shumë kuptim jetës sime. Unë dua që kjo jetë të ketë kuptim, qoftë edhe një çerek të asaj që kishe ti. Vetëm kështu do të ndjehem e plotësuar, sado pak.
Ti ishe i tillë, jetove pak, por arrite shumë. Sido që të ishte, unë nuk do të resht kurrë së thëni: Të dua, babi! Do të jetoj gjithmonë me përpjekjen për të të bërë krenar, sepse kjo është mënyra më e bukur për të ecur përpara, duke marrë me vete kujtimet dhe rrëfimet e atyre që ti i ke ndryshuat jetën, duke i rijesjellë në jetën time të përditshme dhe duke ndërtuar një ekzistencë të re, atë të pranisë së thellë shpirtërore brenda meje. Sepse, në fund të fundit, dashuria që na japin prindërit është drita që na udhëheq në këtë botë dhe ajo dritë nuk shuhet kurrë brenda nesh, kudo që ata janë.

The post “More me vete edhe fëmijërinë time” / Rudina Hajdari kujton të atin në 27-vjetorin e vdekjes: Më ka përndjekur dyshimi, kush kishte dorë në vrasjen tënde appeared first on Albeu.com.

Ceremonia, e zhvilluar pranë monumentit të tij në Tiranë, përfshiu përfaqësues të lartë të Partisë Demokratike, miq dhe të afërm, por Rudina Hajdari nuk ishte e pranishme.

Azem Hajdari, një nga udhëheqësit kryesorë të lëvizjes studentore të viteve ’90, u qëllua për vdekje më 12 shtator 1998, vetëm disa metra nga ndërtesa e Parlamentit. Ai luajti një rol të rëndësishëm në lëvizjen studentore të dhjetorit 1990, që çoi në rrëzimin e regjimit komunist dhe vendosjen e pluralizmit politik në Shqipëri.

Rudina Hajdari ka ndarë arsyen e mungesës së saj nëpërmjet një postimi në Instagram. Ajo tregon se për 25 vjet ka ndjekur të njëjtën rutinë në këtë ditë, duke vizituar memorialin dhe varrezat, dhe duke u takuar me të afërmit dhe miqtë e babait të saj, Azem Hajdari. Por këtë vit, ajo vendosi të dërgojë vajzën e saj në shkollë.

Në postimin e saj, Rudina shkruan: “Babi, për 26 vjet, kjo ditë më ka pritur gjithmonë me të njëjtën rutinë: vizita te memoriali, varrezat dhe takime me të afërmit dhe miqtë e tu. Sot, vendosa të dërgoj mbesën tënde në shkollë. Më kujtohet që ti nuk do të kesh mundësinë ta takosh Sihanën, mbesën tënde, e cila shpesh thonë se ngjan me ty. Sa shumë do të kishe dashur ta shihje, e imagjinoj. Më ka marrë shumë malli, babi. Shpresoj që të na shohësh nga lart dhe të jesh krenar për ne.”

The post Mungoi në homazhe/ 26-vjetori i vrasjes së Azem Hajdarit reagon e bija: Sot, vendosa të dërgoj mbesën tënde në shkollë dhe… appeared first on Albeu.com.

Së fundmi ajo ka vendosur të shijojë pushimet në jug të Shqipërisë, ku nuk ka ngurruar të ndajë as foto në rrjetet e saj sociale. Por surprizë ka qenë një foto e hedhur së fundmi me partnerin e saj të ri Tan Kazazi, i cili është një producent dhe regjisor filmash. Ajo shihet e ulur në prehrin e tij, të përqafuar dhe të dy shumë të qeshur.

Në mbishkrimin e kësaj foto ish-deputetja e PD-së shkruan: E bekuar!

The post U nda nga bashkëshorti para dy vitesh, Rudina Hajdari rigjen dashurinë, ja se kush është (FOTO) appeared first on Albeu.com.

Si Zheji, ashtu edhe Hajdari, mendojnë se asgjë nuk do të ndodhë në këto dy data, dhe se Berisha nuk mund t’i marrë zyrat e PD me forcë, pa dëshirën e kryedemokratit Lulzim Basha.

Pyetje: Çfarë pritet të ndodhë më 5 apo 8 janar?

Zheji: Basha është kryetari i PD, i kontestuar nga Berisha dhe njerëzit e tij. Ai flet për demokratët që të mos i frikësohen, flet për ndërkombëtarët që të kuptojnë se aty ka një situatë kritike, por ai e përballon, flet për kundërshtarët që nuk trembet. Për kundërshtarët e Bashës do të ishte mirë që ai të hapte rrugën. Por Basha thotë që do të qëndrojë, le të vijë 5 apo 8 janari, pra thotë nuk devijoj, nuk jap dorëheqjen, nuk ua bëj të lehtë, nuk më largon dot, përndryshe do kalosh vijën e kuqe. Dhe kur kalon vijën e kuqe edhe Berisha do të jetë në siklet. Do të shtoja që befasia, që ishte procesi i “Foltores”, që filloi si një gjë e thjeshtë, mori formën e një orteku, u rrit në mënyrë eksponenciale. Berisha, me gjithë moshën, ishte në top formë dhe arriti të bind një pjesë të konsiderueshme demokratëve që ishte viktimë e një konspiracioni të trekëndëshit Soros-Basha-Rama, si anti-tezë e trekëndëshit të Bermudës, që thotë Basha. Pra, sipas tij, Basha peng i Ramës, Rama peng i Soros dhe Soros armiku i tij.

Befasi nuk ka, orteku pro-berishian arriti kulmin e vet më 11 dhjetor dhe prodhoi dy gjëra, një Kongres që nuk i pamë asnjëherë numrat e saktë, dhe një referendum që sërish nuk ja pamë numrat e saktë. Fakt është që kemi dy palë, i janë drejtuar gjykatës, pra kanë kërkuar një arbitër jashtë vetes. Kjo tregon se ndoshta Basha ka të drejtë dhe as më 5, as më 8, ka shumë mundësi të mos ndodhin përplasje, të cilave ju druhen shqiptarët. Absolutisht që Basha nuk i liron zyrat, aq më tepër do t’i blindojë ato.

Hajdari: Tashmë historia mes dy grupeve në PD nga pikëpamja ligjore do të zgjidhet nga gjykatat. Çdo lëvizje që do të bëhet jashtë vendimeve gjyqësore, nuk e shëndosh gjenden që ka PD. Meqenëse puna shkoi në gjykatë, tani duhet të presin gjykatën, kujt do t’i japë të drejtë. Duhet të jetë një albitër, se ato i bënë punët pa qenë të përfshirë të dy palët. Doktori me një krah, dhe Basha në krahun tjetër. Është gjykata që jep vendimin. Nëse këto mendojnë se janë në një shtet demokratik, që kërkojnë ta çojnë Shqipërinë në BE, duhet të pranojnë vendimin e gjykatës. Këto e kanë çuar në gjykatë, tani pse duhet të nxitojë Berisha dhe të thotë me datë 8 do shkoj të bëj pushtimin, kur gjykatat nuk janë shprehur akoma? Çfarë bukurie ka se shkove e more ca tulla atje? Si mund ta marrësh ti zyrën e kryetarit të partisë, nëse nuk ke një vendim gjykate, kur kryetari i opozitës është njeri i mbrojtur? Si e merrte ti? Do shkosh të përleshesh me gardistët?

Zheji: Në katin e dytë, që tha Berisha e të tjerë se ka njerëz të armatosur, paskan qenë gardistët?

Hajdari: Unë nuk e di. Unë nuk e di se çfarë ka parasysh Berisha të thotë, por di që Basha mbrohet nga Garda e Republikës, si objekt, me akte ligjore. Objekt quhet Basha dhe ky objekt ruhet në shtëpi, në zyrë, në rrugë. Kudo që shkon, gardistët janë aty. Basha nuk ka asnjë komunikim me gardën. Detyra është e atyre që e ruajnë, që të komunikojnë me eprorët për situatat që paraqiten. Ata nuk janë robot, raportojnë në çdo 24 orë për objektin.
Zheji: 10 vite më parë Garda bëri një vetëveprim shumë të rëndë, goditi qytetarët, në janar. Atëherë ata po mbronin kryeministrin, Berishën. Pra, Garda ose vepron në mënyrë autonome, ose merr urdhra.

Hajdari: Historia e 21 janarit është shumë herë më e madhe. Duhet ta themi qartë dhe saktë, Basha ruhet nga Garda e Republikës, siç ruhen dhe shumë të tjerë. Këta njerëz ruhen në shtëpi, në lëvizje, por edhe në zyrë. Njerëzit që ruajnë një objekt mundet të komunikojnë me eprorët e tyre për situatën. Ata mund të kërkojnë përforcime për situatën që shohin. Pra, gardistët komunikojnë me eprorët e tyre. Unë që s’ka për të pasur asnjë lloj problemi. 21 janari është histori tjetër. Nisi shumë keq dhe të gjithë njerëzit kanë reflektuar. Di që është vendosur për t’u rihetuar 21 janari. Por, unë mendoj se nuk është në interes të asnjërës palë, si të Berishës, ashtu edhe të Bashës, që të mos ketë incidente, sepse incidentet dëmtojnë të dyja pjesët e PD. E sigurt është që agjencitë ligjzbatuese shqiptare kanë marrë masa që edhe pa qenë prezente të jenë prezente aty, në çdo centimetër, për të monitoruar. Garda nuk merret me punë operative, por Shërbimi Sekret, Shërbimet e Policisë Kriminale, nuk kanë asnjë pengesë që të shkëmbejnë informacione konfidenciale edhe me shërbimet partnere.

Pyetje: Ligjërisht, nëse grupi i Berishës mësyn në PD, çfarë ndodh?
Hajdari: Asgjë nuk ndodh. Zyra e kryetarit të PD nuk mund të merret dot, vetëm nëse kryetari do ta lirojë vetë. Nuk merret dot, sepse është personeli i Gardës së Republikës që ruan kryetarin e PD për hir të funksioneve, pikë. Jemi shtet demokratik, vend kandidat për t’u bërë anëtar i BE, vend i NATO, ku jemi këtu, s’merret pra, si u merka. A, nëse Basha thotë që po ik në shtëpi, atëherë e marrin zyrën, se nëse Basha ikën në shtëpi, edhe gardistët ikin pas tij, se ata nuk ruajnë zyrën, por objektin.

Deklaratat e Ramës ndaj Bashës…
Zheji: Nëse thuhet që një njeri ka lindur me këmishë, pra që ka shumë fat, për Ramën duhet të themi se ka lindur me pallto. Pra, nëse nuk do të sqarohet situata te opozita, nëse një nga palët nuk do të dorëzohet, nëse nuk do të kemi një PD të rithemeluar, dhe unë uroj që kjo të ndodhë, sepse është mirë për Shqipërinë, për mazhorancën, që të veprojë nën presion, pasi në të kundër shkapërderdhet mazhoranca, shkon deri në pakujdesi. Pra, fillon e humbet kontrolli, pasi njerëzit e kuptojnë që nuk ka më presion. Rama ka gjithë të drejtën e Zotit të bëjë diversion, të tallet. Kështu ka bërë edhe Berisha, kur e majta lëngonte në përçarje. Por, Rama e di, sepse ka inteligjencën e duhur dhe eksperiencën e duhur politike, që ky moment do i kthehet bumerang atij, sepse nga gjithë kjo gjë e tmerrshme që po ndodh në radhët e PD, në fund do të kemi një produkt të ri dërrmues, të fuqishëm, të rikonstruktuar dhe muskuloz nga ana politike. Nuk do të jetë një dualizëm, një gjë si e ngordhur, si hasude që jepet pas ushqimit të fortë. Por, deri atëherë ka X kohë dhe ai do bëjë ç’është e mundur që kjo gjendje jo e ekuilibruar e të djathtës të zgjasë sa më shumë. Por, herët apo vonë, koha do të flasë për opozitën, pa diskutim.

Hajdari: Demokracia është një trup që mbahet me dy këmbë, sepse po shkoi pesha e gjitha në një këmbë, ajo do të rrëzohet. Kështu që të gjithë duhet të shpresojmë që problemet që janë krijuar tek opozita shqiptare të mbarojnë sa më shpejt. Unë sot e dëgjova konferencën e shtypit të Bashës dhe më bëri përshtypje kur tha se ‘unë e PD jemi të vendosur që në fillim të janarit të paraqesim një draft të madh për ndryshime të thella kushtetuese, në mënyrë që Shqipëria të ketë një sistem tjetër demokratik, që ka të bëjë me balancën e pushteteve, llogaridhënien, transparencën, kontrollin parlamentar mbi qeverinë, votën e emigrantëve”. Këto janë reforma që bëjnë shtetin, të shikojmë se këto janë një ogur i mirë dhe të shpresojmë që janari, që ka ngelur në memorien tonë për keq nga 21 janari, ky të jetë janari i nisjes së një procesi të madh për ringritjen e demokracisë, për të ndërtuar një biproces jo vetëm nga PD, por në bashkëpunim me qeverinë, Komisionin e Venecias, me ODIH, në mënyrë që të rregullojmë dhe dy kolonat e tjera, se kemi rregulluar pushtetin gjyqësor, por pushtetin ekzekutiv dhe pushtetin e parlamentin e kemi të papërshtatshme me reformën që bëmë në fushën e drejtësisë.

The post A do e marrë PD-në me forcë Sali Berisha? Hajdari: Shërbimet Sekrete do monitorojnë çdo cm më 5 e 8 janar appeared first on Albeu.com.