habilajt Archives - Albeu.com

Nga apartamentet te makinat luksoze, Habilajt kërkojnë në Gjykatën e Lartë t’u kthehen pasuritë e konfiskuara

K Agaj — Fri, 06 Jan 2023 17:42:37 +0000

Anëtarët e fisit të Habilajve, kanë kërkuar në Gjykatën e lartë që t’i kthehen pasuritë e konfiskuara.
Sipas A2 CNN, Moisi e Florian Habilaj kanë dërguar një rekurs në Gjykatën e Lartë ku kërkojnë prishjen e vendimit të Apelit të Posaçëm të qershorit 2022.
Vendimi në fjal la në fuqi Shkallën e Parë për kalim në llogaritë shtetit të 9 pasurive të tyre dhe familjarëve, me një vlerë prej gati 80 milionë lekë të rinj në total. Pasuritë që kërkojnë të rimarrin Habilajt janë 2 apartamente, një garazh 514 m2, një njësi tregtare, si edhe 5 automjete të markave të ndryshme, mes të cilave edhe Audi A8.
Anëtarët e grupit të Habilajve, u hetuan nga ish-Prokuroria për Krimet e Rënda, në të njëjtin dosje me ish-ministrin e Brendshëm, Saimir Tahiri. Pasi çështjet u veçuan, ata u fajësuan nga Gjykata e Posaçme në maj të vitit 2021 me 37 vite burg në total për akuzën e “trafikut të narkotikëve” dhe “grupit të strukturuar kriminal”.
Moisi Habilaj mori dënimin më të rëndë, 10 vite burg në mungesë, i akuzuar si drejtues i grupit. Në të njëjtën kohë ata u dënuan me burg edhe nga Gjykata e Katanias në Itali, për trafik të narkotikëve. /albeu.com

The post Nga apartamentet te makinat luksoze, Habilajt kërkojnë në Gjykatën e Lartë t’u kthehen pasuritë e konfiskuara appeared first on Albeu.com.

U dënua me 8 vite burg për trafik me Habilajt, gjykata lë fuqi vendimin për ish-shefin e Sektorit të Luftës Kundër Krimit të Organizuar

E S — Fri, 23 Sep 2022 10:29:42 +0000

Gjykata e Posaçme e Apelit për Korrupsionin dhe Krimin e Organizuar e përbërë nga gjyqtarët Astrit Kalaja (kryesues), Valbona Vata (anëtare) dhe Valbon Çekrezi (anëtar), sot më datë 23.09.2022 shpalli vendimin lidhur me çështjen e regjistruar me nr. 41 akti, datë 27.04.2022, në ngarkim të ankuesit/të pandehurit Gj.K., me objekt “ankim ndaj vendimit nr. 74, datë 01.12.2021 të Gjykatës së Posaçme të Shkallës së Parë për Korrupsionin dhe Krimin e Organizuar”, që ka deklaruar fajtor të pandehurin Gj.K., për veprat penale “Trafikimi i narkotikëve”, në bashkëpunim, në formën e grupit të strukturuar kriminal, parashikuar nga nenet 283/a/1, 28/4 të Kodit Penal, “Grupi i strukturuar kriminal”, parashikuar nga neni 333/a/2 të Kodit Penal, “Kryerja e veprave penale nga organizata kriminale dhe grupi i strukturuar kriminal” parashikuar nga neni 334/1 të Kodit Penal, dhe vendosi:

– Lënien në fuqi të vendimit nr. 74, datë 01.12.2021 të Gjykatës së Posaçme të Shkallës së Parë për Korrupsionin dhe Krimin e Organizuar.

The post U dënua me 8 vite burg për trafik me Habilajt, gjykata lë fuqi vendimin për ish-shefin e Sektorit të Luftës Kundër Krimit të Organizuar appeared first on Albeu.com.

GJKKO “fundos” Gjergji Kohilën, jep vendimin për ish-shefin e Narkotikëve të Policisë Vlorë

admin — Wed, 01 Dec 2021 13:53:37 +0000

Këtë të mërkurë GJKKO ka dhënë vendimin për ish-shefin e Narkotikëve të Policisë Vlorë, Gjergji Kohilën.

Në vendimin e saj gjykata ka vendosur dënimin me 12 vite për Kohilën, ku në bazë të gjykimit të shkurtuar ai do të bëjë 8 vite burg.

Masa e sigurisë për të është dhënë në mungesë.

Kujtojmë se ish-oficeri që nga nëntori i vitit 2017 është shpallur në kërkim, pasi akuzohet për trafik ndërkombëtar droge në kuadër të grupit të strukturuar kriminal.

Ai akuzohet si i përfshirë në trafikun e mbi 3 ton kanabis-sativa nga Shqipëria drejt Italisë, në kuadër të grupit të organizuar kriminal të drejtuar nga “Habilajt”./albeu.com/

The post GJKKO “fundos” Gjergji Kohilën, jep vendimin për ish-shefin e Narkotikëve të Policisë Vlorë appeared first on Albeu.com.