Basha teksa ka mohuar akuzat, e cilësoi Bardhin avokat të Berishës, ndërsa thejsoi se familja e tij ka të deklaruar çdo cent.

“Përgjigja ime ishte aty. Është shpifje e pastër e shkollës berishiste. Vjen nga një njeri që sulmonte babain e Zenit dhe sot është bërë avokat dhe i kullave 64 katëshe. Familjarët e mi e kanë çdo gjë transparente, cent më cent taksat ndryshe nga aleancat e kullave dhe avokati i tyre më i ri, Gaz Bardhi.”, tha ai.

Basha ka reaguar pas përjashtimit nga grupi parlamentar të 11 deputetëve, me arsyetimin se mbështetën Berishën.

I pyetur nëse do të kenë të njëjtin fat edhe ata që u rreshtuan krah Gazment Bardhit, ai u shpreh se deputetët do maten nga detyra që bëjnë.

“PD do veprojë si çdo parti, do i kërkojë deputetëve të bëjnë detyrën e vet dhe do të masë çdo deputet nga detyra që ka nga karshi demokratëve dhe qytetarëve”, tha Basha.

Kreu i PD-së, Basha e konsideroi një ditë turpi faktin që Kuvendi i Shqipërisë nuk mbajti qëndrim për Kosovën.

Basha theksoi se salla e parlamentit është nën kontrollin e atyre që duan ta mbajnë vendin pa opozitë funksionale.

“Sot është një ditë turpi tjetër për Kuvendin, duhet të kishte mbajtur qëndrim për Kosovën. Nuk arrin dot të formulojë një qëndrim, është një nga momentet më të turpshme të Parlamentit që është kthyer në neveri për shqiptarët.

Nëse PD do të ishte përfaqësuar në mënyrë zyrtare, PS do kishte kartonët e vet por edhe turpin për shtyrjen me 1 javë.

Salla është nën kontrollin e atyre që duan ta mbajnë vendin pa opozitë funksionale. Qytetarët kërkojnë ndryshim, ky Parlament ka rënë akoma pa ardhur data e zgjedhjeve të ardhshme. Do jemi me njerëzit që Parlamenti i ardhshëm të ketë fytyrat e tyre dhe jo në maskaradë të shpifur si kjo që po shohim”, tha ai.

The post “Pronar i dy kateve në një kullë”, Basha: Shpifje, familja ime ka të deklaruar çdo cent appeared first on Albeu.com.

“Me qëllim që procedura kushtetuese të jetë sa më transparente për publikun dhe dialogu parlamentar ndërmjet palëve të jetë i bazuar në një metodologji dhe kritere të qarta që synojnë arritjen e konsensusit, Grupi Parlamentar i Partisë Demokratike propozon ndërtimin e një procesi transparent dhe demokratik për përzgjedhjen e një kandidature dinjitoze për funksionin kushtetues të Avokatit të Popullit, me lehtësimin e kryetares së Kuvendit” shkruan Bardhi.

Por a do ta marrë Nikolla letrën në konsideratë? Kjo mbetet për t’u parë pasi seanca e djeshme ishte e mbushur me tension dhe debate për shkak se Nikolla po shkon drejt njohjes së Lulzim Bashës si kryetar grupi të PD-së, i cili ka deleguar këtë post tek Flutura Açka.

The post Bardhi, letër Nikollës: Jam gati të ulem me PS-në për Avokatin e Popullit appeared first on Albeu.com.

Bardhi, në emër të grupit parlamentar, i ka kërkuar që të fusë në rendin e ditës kërkesën e Prokurorisë së Posaçme për arrestimin e Arben Ahmetajt.

“Sa kohë kërkesa përmban edhe nevojën për të autorizuar kontrollin e banesës së deputetit, si dhe nisur nga informacionet që z. Ahmetaj është larguar në datën 07.07.2023 nga territori i Shqipërisë, për të shmangur çdo vonesë që do t’i jepte kohë z. Ahmetaj, të humbë kontaktet për gjetjen e tij apo të kryente veprime që mund të pengonin drejtësinë, përmes zhdukjes apo fshehjes së provave kërkojmë Ndryshimin e Rendit të Ditës së seancës plenare të datës 13.07.2023.”, shprehet Bardhu në emër të Grupit të PD.

Ai shkruan se kërkesa e SPAK duhet të vendoset si pikë e parë e Rendit të Ditës dhe iu drejtua kryeparlamentares “duke shpresuar se nuk do të bëheni pengesë për organet e drejtësisë dhe do të përmbushni detyrimin tuaj sipas Kushtetutës dhe Rregullores.”

Rendi i ditës në Kuvend

The post Bardhi shkresë Kuvendit: Fusni në rend dite kërkesën e SPAK për arrestimin e Ahmetajt appeared first on Albeu.com.

Sa i përket qëndrimit të tij të mëparshëm ndaj Berishës, Bardhi tha se për çështjet që ne na ndajnë nuk ka ndryshim qëndrimi, por ka disa beteja që jemi bashkë.

Ai theksoi se nuk do jetë në krah të Berishës, por kjo nuk e pengon të jetë në krah të kandidatëve për zgjedhjet vendore.

Gazment Bardhi: Nëse qëndrojmë të ngurtë, i fituari i madh është Edi Rama. Unë nuk i kërkova asgjë z. Paloka dhe ai nuk më kërkoi asgjë. Ne ramë dakord që nuk do nxjerrim detaje nga ajo bisedë. Ishte tërësisht konstruktive. Unë dhe z. Paloka në ato bisedime hynim në mënyrë të sinqertë bashkëpunimi se si arrihet bashkimi opozitar. Jemi në retorikë, mund të kemi më shumë se sa një ide.

Unë nuk dua të bëj negociata në televizor. Nëse jap opsionet këtu nuk kam pse të ulem në tavolinë. E rëndësishme është që të biem dakord që nuk ka kushte dhe të bëjmë teatër për demokratët. Nëse ne biem dakord, po jemi të hapur, nuk jemi të ngurtë në pozicionet që kemi pasur deri tani sepse interesi është të bashkojmë demokratët, z.Paloka mund të vijë me disa opsione dhe unë mund të shkoj me disa opsione.

Unë dhe z. Paloka nuk shprehëm qëndrime, nuk u pozicionuam. Kemi një objektiv si mundet Edi Rama dhe kemi bërë një bisedë mes kolegësh si arrihet ky objektiv. Nuk kemi mbajtur qëndrime. Po përpiqemi të gjejmë një mekanizëm që bën bashkë demokratët.

Zgjedhjet lokale kanë specifikën e krijimit të lidershipit në institucionet lokale.

Për çështjet që ne na ndajnë nuk ka ndryshim qëndrimi, por ka disa beteja që jemi bashkë. Nuk kandidon Sali Berisha për kryetar bashkie, ne kemi lidershipin lokal. ne mbështesim kandidatët në 61 bashkitë e vendit.

Keni hequr dorë nga kushti që ai është non-grata?

Nuk ka ndryshim qëndrimi për çështjes që na ndajnë. nuk ka kushte për çështjet që na bashkojnë. Halli që na bashkon për zgjedhjet lokale është si të mundin 61 kandidatët tanë, 61 kandidatët e Ramës.

Sulo: Nga ana e z. Berisha është teatër.

Bardhi: Në primare nuk ka nevojë për ftesë dhe as për leje. Nëse dua unë shkoj. Unë do jem në krahë të liderëve lokalë në këtë fushatë. Po flasim për kandidatë të përbashkët.

Sulo: ju keni humbur dhe moralin dhe kauzën dhe mbështetjen e SHBA, ndaj i keni shkuar Berishës në prehër.

Bardhi: Nuk është e vërtetë. Nuk kam qenë në krah të Sali Berishës për shkak të problemit që ka me SHBA. Nuk kam qenë në krah të Berishës dhe nuk do jem, por kjo nuk më pengon të jem në krahë të kandidatëve.

E rëndësishme që demokratët të bëhen bashkë, të bashkëpunojnë në nivel lokal dhe të mundin Ramën.

Sulo: Je me Amerikën apo me Berishën do u thonë demokratët?

Bardhi: Çdo demokrat do thotë jemi me Amerikën.

Sulo: I ke vajtur Berishës në prehër dhe nuk e pranon.

Bardhi: Jo mo zotëri as unë nuk i kam shkuar në prehër, as ai mua.

Rakipllari: Është shumë e rëndësishme që opozita të jetë e bashkuar. Jo vetëm fraksionet në PD, por gjithë faktori opozitar. Çështja qëndron këtu që palët duhet të pranojnë realitetin politik. Pavarësisht qëndrimeve që keni pasur, ju do veproni si parti aleate. Në rast se nuk kemi një reflektim për atë që ka ndodhur në PD gjatë këtij viti, e pranoni ju se Berisha ka përkrahjen e anëtarësisë, pavarësisht asaj që keni thënë se është non-grata, pra të pranoni realitetet përkatëse dhe pastaj të bisedojmë. Thuaj kemi hequr dorë nga kushti i non-gratës./bw

The post “Nuk kam qenë në krah të Berishës dhe nuk do jem”, Gazment Bardhi: Do jem në krah të kandidatëve për zgjedhjet lokale appeared first on Albeu.com.

Bardhi tha se flet vetëm për veprimet e veta, ndërsa shtoi se në lidhje me këtë çështje ka reaguar dhe ish-kryetari i PD-së Lulzim Basha.

“Së pari, njihem si Gazment Bardhi dhe mbaj përgjegjësi për veprimet e mia. Ajo që i referoheni është një lajm i njohur, thashetheme apo akuzë e e bërë prej kohësh, që ka marrë përgjigje nga drejtësia. Nuk kam asnjë koment shtesë, ndërkohë që Basha ka reaguar për atë çështje”, tha Bardhi.

Ai shtoi: “Nëse cenohen marrëdhëniet me SHBA-të, PD do të jetë gjithnjë në krah të SHBA-ve. Për këtë çështje referohuni zyrtarëve të PD-së që kanë qenë në krye të PD-së në ato vite.”./albeu.com

The post Financimi rus për PD-në, Bardhi: Nuk kam asnjë koment, mbaj përgjegjësi vetëm për veprimet e mia appeared first on Albeu.com.

Vrasja e Pjerin Xhuvanit në Elbasan, disa ditë para zgjedhjeve parlamentare të 25 prillit është kthyer në sherri brenda Partisë Demokratike.

Gazment Bardhi, i dërguari politik i qarkut në kohën e Lulzim Bashës, i është kundërpërgjigjur akuzave të Sali Berishës, duke u shprehur se ka dyfishuar numrin e mandateve të Partisë Demokratike në këtë qark. Gjatë një statusi në tëitter, Bardhi akuzon Berishën si të përfshirë në “bandat e pushtetit”.

  Gazment Bardhi i përgjigjet Sali Berishës:

“Shpifja është i vetmi mjet që i ka mbetur Sali Berishës për të bërë politikë. Ai e di shumë mirë se roli im në Elbasan ka qenë dyfishimi i mandateve për PD nga 3 në 6 mandate përballë terrorit të bandave të pushtetit, që sot janë në ortakëri me Sali Berishën. Sot e kësaj dite nuk ka asnjë deklaratë të SB për t’u distancuar nga ndërhyrja e bandave të Elbasanit në punët e Foltores. Me shpifje as nuk mbulon dot të vërtetën, as nuk shkon dot larg”/albeu.com

1/2. Shpifja është i vetmi mjet që i ka mbetur Sali Berishës për të bërë politikë. Ai e di shumë mirë se roli im në Elbasan ka qenë dyfishimi i mandateve për PD nga 3 në 6 mandate përballë terrorit të bandave të pushtetit, që sot janë në ortakëri me Sali Berishën.

— Gazment Bardhi (@GazmentBardhi) May 27, 2022

The post Vrasja në Elbasan, Bardhi i përgjigjet Berishës: Je palë me bandat e pushtetit appeared first on Albeu.com.