Shkak për shtyrjen e seancës është bërë fakti se nuk janë njoftuar të gjitha palët dhe në rastin konkret nuk është njoftuar për të dytën herë Emiljano Prenga i cili mbeti edhe i plagosur”.

Vetë Arbër Paplekaj nuk ishte sot i pranishëm në seancë, por vetëm avokati i tij Mirash Martini, i cili foli dhe për median në fund.

Kujtojmë se dosja e 21 prillit 2021 po shqyrtohet e gjitha bashkë përfshirë edhe punonjësit e policisë. Mirash Martini avokati i Paplekajt ka kërkuar heqjen e çështjes nga Gjykata e Elbasanit. Ai i është drejtuar me një kërkesë gjykatës së Lartë dhe gjykatës së Elbasanit. Gjykata e Elbasanit nuk mund të vendosë largimin e çështjes kështu që në lidhje me këtë kërkesë pritet të shprehet Gjykata e Lartë.

Kërkesa e avokatit justifikohet me faktin që persona me rrezikshmëri të lartë të përfshirë në ngjarjen e 21 prillit në Elbasan janë ende të lirë.

Në 21 prill të vitit 2021, gjatë një përplasje me armë mes dy grupimeve politike mbeti i vrarë mjeku Pjerin Xhuvani, ndërsa mbetën të plagosur 4 persona të tjerë mes të cilëve edhe një punonjëse policie.

Pas ngjarjes, në polici u vetëdorëzua Arbër Paplekaj, shoqërues i drejtuesit politik të PD të Elbasanit në atë kohë Gazmend Bardhit.

The post Vrasja në Elbasan në prag të zgjedhjeve, shtyhet sërish seanca për Arbër Paplekaj appeared first on Albeu.com.

Bardhi e ka quajtur mbledhjen si një akt përçarës i partisë demokratike.

Ai ka shtuar se ajo që po bën Sali Berisha nuk ka lidhje me bashkimin e PD- së por ka të bëjë me krijimin e një partie të re personale.

Bardhi thote se interesi i demokratëve është bashkimi dhe lufta e të gjithëve por Berisha do ta përçarjë dhe zvogëlojë atë.

Postimi i Gazment Bardhit:

Nesër Sali Berisha ka lajmëruar një tjetër akt përçarës të Partisë Demokratike. Interesi i demokratëve është bashkimi dhe lufta e të gjithëve bashkë me Edi Ramën. Interesi i Sali Berishës është përçarja, zvogëlimi, lufta dhe armiqësia mes demokratëve dhe ndërtimi i një partie personale, që i shërben vetëm interesit të tij personal.

Në vijim të ndërtimit të një partie personale, nesër sipas tij radhën e ka Këshilli Kombëtar. Qartësisht ajo që po bën Sali Berisha nuk ka lidhje me Partinë Demokratike. Këshilli Kombëtar i PD është në detyrë, funksional, i regjistruar në gjykatë dhe me mandat që i përfundon më 17 Korrik 2025.

Ndërtimi i strukturave paralele nga baza në qëndër, nuk është asgjë tjetër, vetëm nje akt turpi për të dëmtuar PD, për të mbajtur gjallë ndasitë mes demokratëve dhe për të shfokusuar PD nga beteja me regjimin e Edi Ramës./albeu.com

The post Mblidhet Rithemelimi, reagon Bardhi: Akt përçarës i PD-së, do të ndërtojë parti personale appeared first on Albeu.com.