Duke folur në emisionin “El Chiringuito” mbrëmjen e djeshme, ish-futbollisti spanjoll hodhi poshtë akuzat ndaj arbitrit Szymon Marciniak, i cilësuar nga shtypi katalanas si fajtori kryesor.

Me një nuancë ironie, Guti u përgjigj: “Sot pati një komplot global kundër Barçës. Por realiteti i vetëm është se ata pësuan shtatë gola dhe Interi pranoi gjashtë”.

Më pas ai vazhdoi duke bërë shaka për mungesën e thelbit të akuzave ndaj arbitrit: “Thjesht gëlltite dhe vazhdo, gëlltite si çdo vit. Gabimi i Ronald Araujo dënoi një Barcelonë që ka qenë e njëjtë gjatë gjithë vitit. Është një ekip që pranon shumë gola. Kur pëson katër gola jashtë shtëpisë, është shumë e vështirë të arrish në finale”.

Ish-ylli i Real Madrid theksoi se, pavarësisht një paraqitjeje të mirë sulmuese me gjashtë gola të shënuar në dy ndeshjet, Barcelona ende ka mbetur prapa për shkak të mangësive në mbrojtje. “Është e mrekullueshme të sulmosh dhe të shënosh shumë gola, por një ekip që dëshiron të arrijë një finale duhet të pësojë shumë pak”.

The post Guti thumbon Barçën: Pësuan 7 gola nga Interi! appeared first on Albeu.com.

Real Madridi përjetoi humbjen e parë këtë sezon në La Liga, ku u mposht nga Rayo Vallecano me rezultat 3-2.

Karim Benzema nuk luajti, sikurse që bëri edhe dy ndeshjet e mëparshme. Në fund të tetorit, Real Madridi bëri të ditur se sulmuesi francez, i cili pritet të luajë me Francën në Botërorin e Katarit, ka një problem muskulor.

“Unë nuk e kuptoj Benzeman. Leo Messi luan për PSG dhe Robert Lewandowski për Barcelonën, si shumë lojtarë të tjerë. Duhet të pranosh rrezikun e lëndimeve para Kupës së Botës, nuk mund ta tradhtosh klubin tënd”, ka thënë Guti për El Chiringuiton.

Spanjolli nuk e kupton pse Real Madridi nuk solli zëvendësues për 35-vjeçarin Benzema.

“Të gjithë e dinim se mund të ndodhte. Nuk e kuptoj pse nuk kanë një zëvendësues për të”, nënvizoi Guti.

Kujtojmë se Benzema fitoi Topin e Artë, duke u shpallur lojtari më i mirë në botë.

The post Guti sulmon Benzeman: Dëshiron të luajë në Katar 2022 prandaj nuk luan, po e tradhton klubin appeared first on Albeu.com.

David Beckham, i cili ishte ende duke luajtur për Manchester United, shënoi një dopietë (përfshirë edhe golin nga gjuajtja e lirë), dhe 10 vjet më vonë ai tregoi një histori që tregon qartë psikologjinë e lojtarëve të Madridit, shkruna albeu.com.

“Kam festuar goditjen time më të mirë të lirë me fanellën e Manchester United. Në 3-3 isha në ekstazë, por papritmas lojtarët e Madridit po më afroheshin dhe po përpiqeshin të bisedonin, edhe pse ndeshja po vazhdonte. Së pari, Guti vrapoi dhe pyeti nëse mund të ndërronim fanellat pas ndeshjes. Atëherë Roberto Carlos buzëqeshi dhe e pyeti: “Epo, do të bashkohesh me ne?”

“Dhjetë minuta kanë mbetur dhe ishte radha e Zidane: “David, si thua për të shkëmbyer bluzat?” Unë ende po vrapoja nëpër fushë, duke u përpjekur të bëja diçka. Ata nuk po përpiqeshin të më shpërqendronin apo të më ndeznin ata thjesht ishin të sigurt se do të fitonin.”

Pas një kundërsulmi të shkëlqyer dhe një kombinimi të Solskjaer, Giggs dhe van Nistelrooy, Beckham shtyu një tjetër top në portën e zbrazët dhe më pas realizoi një goditje dënimi të rrezikshme. Loja përfundoi 4-3.

Beckham kujton: “Kur shtrënguam duart me lojtarët e Real Madridit, mendova disa herë: “Oh, sikur gjithçka të shkonte pak më ndryshe”. Pastaj u pushtova nga emocioni. Në 30 minuta të kësaj ndeshjeje kam përjetuar më shumë kënaqësi se çdo lojë e sezonit. U ktheva në dhomën e zhveshjes me fanellat e Guti dhe Zidane dhe ndjenja të ngrohta. Më kujtohet sesi trajneri më tha me qetësi: “David, luajte mirë”.

Ferguson ishte i kënaqur jo vetëm me vetë lojën, por edhe personalisht me Ronaldon: “Çfarë loje! Ronaldo ishte i mrekullueshëm. Goli i tij i tretë është një goditje e pabesueshme. Ju nuk keni kontroll mbi dikë që krijon momente të tilla. Kjo është arsyeja pse ai është një nga më të mirët”. /albeu.com/

The post “Papritur erdhi Guti, pastaj Zidane”, si yjet sollën Beckham te Reali me 3 fjali appeared first on Albeu.com.

Ish-kapiteni historik i Realit, Guti, është intervistuar nga “tuttomercatoweb” për një analizë të shkurtër rreth ndeshjes ndaj Manchester City.

“Fryma e sakrificës, zemrës, entuziazmit dhe futbollit, këto ishin çelësat e fitorës së Real Madrid ndaj Manchester City. Në futboll gjithçka mund të ndodhë, asgjë nuk është e pamundur.”

Më pas Guti foli edhe për Karim Benzema.

“Në këmbët e tij ka një talent të jashtëzakonshëm, por nuk e prisja këtë paraqitje si golashënues. Ai po jep shum te Reali që pas lamtumirës së Cristiano Ronaldos, ai kishte nevojë të lirohej dhe të shënonte. Benzema përfaqëson futbollin në gjendjen më të pastër, është zot.”

Guti u pyet edhe në lidhje se si mund ta fitojë Reali këtë finale.

“Lojtarët janë profesionistë, jetojnë dhe paguhen për të luajtur futboll. Ata e dinë që prestigji i klubit të tyre është gjithmonë në rrezik dhe prandaj jam i bindur se ata do të japin gjithçka pa llogaritur se si do shkojnë gjërat. Ata tashmë kanë festuar titullin e La Liga, ndoshta festojnë edhe Champions League.”/ h.ll/albeu.com

The post Guti: Benzema është “zot”, ai përfaqëson futbollin appeared first on Albeu.com.

Guti mori pjesë në një ngjarje në vendin osman dhe u pyet për gjendjen e tij dhe mundësinë e kthimit në Turqi. Ai ishte një lojtar i Besiktas dhe më vonë punoi për klubin. “Gruaja ime më kujton çdo javë se Stambolli është qyteti më i mirë për të jetuar. Shpresoj të kthehem shpejt,” thotë ai në një deklaratë të mbledhur nga Sportx .

Guti, pas daljes në pension, punoi si ndihmës trajner i Beshiktashit duke ndihmuar Senol Gunes, ndonëse u largua nga klubi në maj të 2019. “Presidenti Fikret Orman nuk e mbajti fjalën”, shpjegon Guti.

I pyetur për të ardhmen në një stol në Turqi, Guti ishte i qartë. “Ëndrra ime është të jem trajner i Real Madridit, por nëse vjen një ofertë apo mundësi nga Turqia, pse jo? Dua të drejtoj një ekip. Por nuk mund të drejtoj Fenerbahçen apo Galatasarayn. Nëse ka një ofertë prej tyre, do ta refuzoj. Nuk mund ta pranoj”, shpjegon tekniku. /albeu.com

The post Guti ëndërron të drejtojë Real Madridin appeared first on Albeu.com.