Në Banjskë të Zveçanit u shënua një tjetër moment i rëndësishëm përkujtimor, me vendosjen e gurthemelit për obeliskun kushtuar Heroit të Kosovës, Afrim Bunjaku.

Ceremonia u zhvillua pikërisht në ditën që shënon tri vjet nga rënia e rreshterit të Policisë së Kosovës, gjatë përballjes me sulmin terrorist të orkestruar nga Serbia.

Albulena Haxhiu, në cilësinë e ushtrueses së detyrës së presidentes, e cilësoi atë si një kryengritje të armatosur të tmerrshme kundër vendit, por theksoi se falë përkushtimit të Policisë së Kosovës dhe sakrificës së rreshterit Bunjaku, ai sulm u zmbraps me sukses.

“Kjo bëri që plani i Serbisë të dështonte”, deklaroi ajo.

Duke folur për obeliskun e ri, Haxhiu e vlerësoi si një testament mirënjohës për kontributin e jashtëzakonshëm dhe flijimin e Afrim Bunjakut.

The post Përurohet gurthemeli i obeliskut përkujtimor për heroin Afrim Bunjaku appeared first on Albeu.com.