Babai i Jurgeni, ka treguar momentet e fundit të të birit para e të largohej nga shtëpia, dhe momentin kur mori vesh lajmin e kobshëm.

Teksa ai ka rrëfyer detajet e rënda, gazetarja Anila Ahmataj, nuk i ka shmangur dot lotët.

“Ishte një fëmijë shumë i edukuar dhe punëtor. Që 12-vjeç kapi kazmën që të mbillte gjëra në kopsht. Kurrë nuk më tha jo. U rrit shumë i ndërtuar si fëmijë, pa vese. Vetëm pranë familjes, ishte djalë i paqes dhe mirësisë jo i konfliktit.

Një djalë që u brymos prej halleve dhe ndjeu peshën e familjes që i vogël. Edhe pse kishte shanse që të ikte jashtë vendit, nuk largohej sepse kishte hallin tonë. Atë mëngjes e përcolla tek dera bashkë me bashkëshorten. I thashë: Mirë ardhsh e më tha “mirë ju gjetsha”. Iku për të mos u kthyer më i gjallë.

Një djalë nga fshati më mori në telefon më tha ka ardhur Jurgeni, jo i thashë. Më tha se ka bërë një aksident në punë.

Mendova se kishte bërë një aksident e kishte lënduar ndonjë këmbë por ai dergjej në mal dhe ende nuk e kishin dërguar në spital. Asnjë nuk ma jepte dot lajmin që djali kishte ndërruar jetë. Ma sollën vetëm në 2 të natës në shtëpi me arkivol”, deklaron ai.

The post I biri humbi jetën në gurore, babai i 24-vjeçarit rrënqeth me fjalët: Doli nga shtëpia për të mos u kthyer kurrë, ma sollën në 2 të natës me arkivol… appeared first on Albeu.com.

Jurgen Veshi, ishte punëtor në guroren e këtij fshati, dyshohet se aksidentalisht gjatë punimeve me skrep, është dëmtuar nga gurët dhe si pasojë ka humbur jetën.

I riu nuk ka mundur t’u rezistojë dot plagëve dhe ka ndërruar jetë.

Pas vdekjes se 24-vjeçarit Jurgen Veshi në Brataj të Vlorës, policia ka vënë në pranga drejtuesin teknik të punimeve Erald Breganaku.

The post Ky është 24-vjeçari që humbi jetën teksa punonte në gurore në Vlorë appeared first on Albeu.com.

Sakaq, policia ka vënë në pranga drejtuesin teknik të punimeve Erald Breganaku.

34-vjeçari banues në Tiranë me detyrë drejtues teknik i gurores në fshatin Brataj, sipas policisë dyshohet se nuk ka marrë masat për zbatimin e rregullave të mbrojtjes në punë, në këtë gurore.

Policia një ditë më parë shoqëroi disa persona mes tyre edhe administratorin, ndërkohë që gurorja kishte pak ditë që ishte hapur.

I riu humbi jetën pasi e goditi një masiv gurësh, teksa po punonte me skrep në firmën ‘Xhindolli’.

“Vlorë/Vihet në pranga, për shkelje të rregullave të mbrojtjes në punë, drejtuesi teknik i gurores në fshatin Brataj, ku dje humbi jetën një punëtor.

Në vijim të veprimeve hetimore për zbardhjen e rrethanave të ngjarjes së ndodhur ditën e djeshme, në fshatin Brataj, ku gjatë punës në gurore, humbi jetën pasi dyshohet se gjatë punimeve me skrep u dëmtua nga gurët, shtetasi J. V., 24-vjeç, specialistët për Hetimin e Krimeve të Stacionit të Policisë Selenicë kanë arrestuar shtetasin:

E. B., 34-vjeç, banues në Tiranë, me detyrë drejtues teknik i gurores në fshatin Brataj, pasi dyshohet se nuk ka marrë masat për zbatimin e rregullave të mbrojtjes në punë, në këtë gurore.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme, për veprën penale “Shkelja e rregullave të mbrojtje në punë”,– njofton policia.

The post Vdekja e 24-vjeçarit në gurore në Vlorë, vihet në pranga drejtuesi teknik i firmës appeared first on Albeu.com.

Sipas lamianow.gr, aksidenti ka ndodhur herët në mëngjes në kantierin e kompanisë në rrethana ende të pazbardhura.

Në vendin e ngjarjes kanë mbërritur forcat zjarrfikëse dhe ambulance.

62-vjeçari ishte duke punuar në makineri kur në rrethana të panjohura për momentin e tërhoqi brenda, duke i shkaktuar vdekjen e menjëhershme pasi mësohet se ishte copëtuar.

Zjarrfikësit nga P. Y. Lamia po përpiqen të nxjerrin trupin e viktimës.

Në vendngjarje ndodhet edhe policia për të zbardhur shkaqet e aksidentit./albeu.com

The post Tragjedi në Greqi, 62-vjeçari bllokohet në makinerinë e gurores dhe humb jetën appeared first on Albeu.com.

Sipas tyre, shpërthimi ka ndodhur r rreth orës 17:45 dhe ka qenë më i fortë se herët e tjera, duke qenë se kjo është një gurore që operon prej kohësh.

Banorët e lagjes “Hima” kanë njoftuar policinë dhe kanë deklaruar se po u dëmtohen banesat nga shpërthimet e forta.

Ndërkohë që uniformat blu i kanë ftuar ditën e nesërme të bëjnë kallëzimin në komisariat.

Banorët nuk kanë pranuar me arsyetimin se nuk kanë besim tek institucionet, ndërsa mësohet se mes denoncuesve është edhe fisi Maja i cili u rrah nga fisi Rrahja pak javë më parë.

Kujtojmë se gurorja e fisit Rraja u mbyll disa kohë më parë, pas dhunës që fisi Rraja ushtroi ndaj kushërinjve Maja. Këta të fundit ishin ankuar për dëmtimet që u kishin shkaktuar në shtëpi shpërthimet e guroreve.

Si ndodhi ngjarja

Bilbil Maja dhe kushëriri i tij, Jashar Maja kanë qenë duke biseduar me inxhinierin për gjetjen e një zgjidhjeje për guroren, e cila po u shembte banesat për shkak të shërthimeve që bëheshin aty.

Në atë moment sipas Bilbil Majës disa anëtarë të familjes Rraja mes tyre vëllezërit e Rrahman Rrajës dhe djali i tij me shkopinj bejsbolli në duar dhe me pistoleta i kanë dhunuar barbarisht.

Bilbil Maja është shprehur gjithashtu se Xhelal Rraja e ka goditur nga pas me qytën e pistoletës, ndërsa Flamur Maja e ka goditur me shulin e pistoletës në kokë.

“Në lokal pashë që kur u shtriva në dysheme u futën edhe katër persona të tjerë, ishte edhe “Caku” që është pronar i gurores. Kishin në duar shkopinj me të cilët na godisnin. Flamur Rraja më ka goditur me shulin e pistoletës, kurse Xhelal Rraja më goditi nga mbrapa në shpinë me qytën e pistoletës.”, ka thënë në polici Bilbil Maja.

Ngjarja fillimisht u mbajt e fshehtë nga ana e uniformave blu, dhe u bë publike vetëm pasi vido e bërë nga vetë autorët e dhunës u shpërnda me shpejtësi në rrjetet sociale.

Për këtë ngjarje të rëndë dha dorëheqjen nga mandati i deputetit Rrahman Rraja, si dhe u shkarkua Ministri i Brendshëm, Bledi Çuçi.

/Albeu.com

The post Shpërthimet në gurore dëmtojnë shtëpitë në Borizanë, banorët kanë frikë të denoncojnë pas dhunës së Rrajave appeared first on Albeu.com.

Shkak për dhunën e rëndë u bë një gurore, e cila sipas banorëve, pavarësisht dhunës së rëndë të dy ditëve më parë, vazhdon punën pa asnjë shqetësim.

Banorët kanë treguar për gazetarin Igli Çelmeta se janë bërë dhjetëra denoncime, por nuk janë marrë parasysh.

Ndër të tjera, ata tregojnë se prej gurores kanë hyrë në konflikt dy fiset më të mëdha të Krujës dhe paralajmërojnë ngjarje të tjera nëse autoritetet nuk reagojnë.

“Kemi bërë 40 denoncime, por i kanë lënë në sirtar. Në Dukagjin ka 100 vjet që nuk ikën gjakmarrja, tani shteti e ka fut edhe në Krujë. Nuk ka shtet këtu o vëlla. Këtu nuk ka kriminelë, por të parët janë policët e Fushë-Krujës dhe të dytët vijnë në Tiranë që nuk i komandojnë të Fushë-Krujës. I bëj thirrje Edi Ramës sepse keni për ta bërë gjakderdhje kot. A mund t’i dalin familjes para me gjithë atë dhunë që kanë bërë? Unë më mirë pranoj vdekjen se atë dhunë barbare, se nesër pasnesër më thotë gruaja ‘mos e ngre zërin se të kanë rrahur e s’ke surrat të më shohësh’.  A ka shtet a jo, a të shkojmë të vrasim veten a çfarë të bëjmë… Prej shtëpie na nxorën. Kanë hyrë në hamësi dy fiset më të mëdha të Krujës, se keni për t’ia dëgjuar krismën po nuk ndërhyri shteti”, tha një nga banorët.

The post “Keni për të bërë gjakderdhje kot”, flasin banorët në Borizanë: Gurorja vijon punën sikur nuk ka ndodhur asgjë appeared first on Albeu.com.

Rexhep Rraha është shpallur në kërkim dhe vijon puna për kapjen e tij, teksa janë 4 të dnaluar.

Njoftimi i policisë:

Në vazhdim të veprimeve hetimore në lidhje me ngjarjen e ndodhur me datë 06.07.2023, ku në një lokal në aksin rrugor Fushë Krujë-Thumanë, një grup personash kanë goditur me sende të forta shtetasit B. M., dhe J. M., Policia e Shtetit ka ndaluar 4 persona dhe ka shpallur në kërkim 3 të tjerë.

Në vijim të veprimeve hetimore është identifikuar dhe shtetasi R. Rr., për të cilin janë dërguar materialet pranë Prokurorisë së Gjykatës së Shkallës së Parë të Juridiksionit të Përgjithshëm Tiranë.

Shtetasi R. Rr., është shpallur në kërkim policor dhe vijon puna nga shërbimet e Policisë, për lokalizimin dhe kapjen e tij.

Vazhdon puna për identifikimin e personave të tjerë të përfshirë në këtë ngjarje.

Kujtojmë që konfikti i dhunshëm nisi për shkak të guroreve në zonë, që janë në pronësi të fisit Rraja.

Fisi Maja ankohet për zhurmat e krijuara nga plasjet në një gurore në Borizanë, në pronësi të Përparim Rrajës, vëllait të deputetit socialist, Rrahman Rraja

Përplasja mes fiseve Rraja dhe Maja ka degraduar në përdorimin e sendeve të forta siç janë shkopat e bejzbollit por edhe të pistoletës.

Anëtarët e fisit Rraja kanë shkuar në një lokal në zonë dhe kanë sulmuar me shkopa bejzbolli dy anëtarët e fisit Maja, të cilët në ato momente po pinin kafe.

Jashar Maja ka treguar se në momentin e dhunës ata kanë qenë duke pirë kafe me kushëririn e tij Bilbil Maja dhe një inxhinier, me të cilin po diskutonin për minimet qëu kanëdëmtuar shtëpitë.

Bilbil Maja është në gjendje më të rëndë, teksa kushëriri i tij ka paralajmëruar autoritetet se nëse nuk merren masa do të bëjë vetëgjyqësi.

The post Dhuna ndaj kushërinjve Maja, shpallet në kërkim djali i deputetit Rrahman Rrahja appeared first on Albeu.com.

Vetë Jashar Maja ka treguar edhe një herë të gjithë dinamikën e ngjarjes, teksa ndodhej në një lokal duke pirë kafe bashkë me kushëririn e tij, po ashtu i plagosur rëndë, dhe një inxhinier të gurores, e cila dyshohet se ishte dhe shkaku i ngjarjes.

Jashar Maja ka thënë se ata ishin duke diskutuar me inxhinierin për mundësinë që shpërthimi i minave të ishte më i butë, pasi u janë dëmtuar banesat.

Gjatë këtij momenti kanë mbërritur një grup personash nga fisi Rraja dhe kanë ushtruar dhunë ndaj tyre me shkopa bejsbolli dhe qytën e armës. Sipas Jashar Majës, ai ka parë vëllanë e deputetit, Xhelalin, i cili kishte pistoletë në dorë.

Ai ka treguar se ka mbetur pa ndjenja, teksa sipas tij policia ka mbërritur dy orë me vonesë, pasi i tremben këtij fisi. Jashar Maja u bën apel autoriteteve ligjzbatuese, duke kërkuar që të arrestohen dhe dënohen të gjithë personat që morën pjesë në këtë sulm, për ndryshe thotë se do të bëjnë vetëgjyqësi.

“Ishim në prani të një inxhinieri të gurores dhe po diskutonim për minat, që t’i bëjnë më të buta shpërthimet sepse po na shembin shtëpinë. Menjëherë kanë ardhur fisi Rraja, me armë me shkopinj bejsbolli, na kanë dhunuar brutalisht deri sa të dy kemi rënë pa ndjenja. Kur kam ardhur në vete kam shkuar dhe kam ndihmuar çunin e xhaxhit, kemi dalë në xhade dhe kemi njoftuar policinë.

Pas dy orësh kanë ardhur se kishin frikë me këta persona. Nuk kanë njoftuar as ambulancën. Na shoqëruan me një makinë dhe kemi shkuar në spital më pas. Bilbili është shumë keq, unë kam dëmtime por jam pak më lehtë. Bilbili ndodhet në një klinikë private sepse ka thyerje dore, këmbë, shpatull, ka shumë të çara në kokë.

Kanë qenë tre veta me armë, Xhelal Rraja, atë që e kam njoh. Disponojmë dhe një video që e kanë nxjerrë po ata, nuk e di pse e kanë nxjerrë. Me dash shteti i verifikon. Unë i bëj thirrje shtetit që t’i dënojë sa i parashikon ligji nëse nuk e bën do bëj vetëgjyqësi sepse skam çfarë të bëj.

Përparimi ka një gurore, për shkak se kemi protestuar sepse na kanë plasur shtëpitë nga minat, për këtë kemi protestuar dhe kemi denoncuar. Nuk na është hapë asnjë derë. Shkojmë te policia na thonë mos shkoni te gurorja se do t’u marrim të pandehur. Ne jemi të dëmtuar nga çdo anë, ajo gurore prapë vazhdon aktivitetin. Kemi shumë dëmtime në banesë, janë të plasaritura nga shpërthimi i minave.

Ne nuk kemi as mbrojtje as ka ardhur policia të na pyes a jemi gjallë apo kemi vdekur.

Unë kërkoj të vihen autorët të gjithë të marrin dënimin përkatës, ose do ta kthej në vetëgjyqësi. Xhelal Rrajas nuk ia fal sa të jem gjallë sepse nuk i kam faj. E kam bërë shtëpinë me djersë.

Kur na sulmuan nuk na folën fare, vetëm na ofenduan. Më kanë goditur edhe me armë, edhe me shkop bejsbolli.

Kryesorët që kanë qenë me armë dhe kanë kryer dhunën, nuk janë arrestuar, sepse nuk ka kapacitet ky shtet me i kap. Për këtë gurore jam bërë kështu, se kam bërë me pisllëk sikur janë ata. Nuk kam shkuar unë te Rrajat, por kanë ardhur ata tek unë. Kryesorët e kësaj ngjarjeje janë të lirë”, u shpreh ai.

The post “Nuk e fal sa të jem gjallë”, Jashar Maja flet pas dhunës nga fisi Rraja: Policia i ka frikë, do bëj vetëgjyqësi appeared first on Albeu.com.

Mësohet se konflikti ka nisur për shkak të një guroreje.

Dy persona kanë mbetur të plagosur pasi janë dhunuar me sende të forta.

Bëhet fjalë për Jashar Maja dhe Bilbil Maja të cilët janë dërguar drejt spitalit.

Sakaq, Bilbil Maja ndodhet në gjendje të rëndë shëndetësore. Shërbimet e Komisariatit të Policisë Krujë kanë shoqëruar shtetasit Xh. Rr., dhe P. Rr., si dhe po punojnë për shoqërimin e shtetasve I. Rr., dhe K. Rr., të përfshirë në këtë konflikt.

Njoftimi i policise:

Krujë/Informacion paraprak

Ditën e sotme, në një lokal në aksin rrugor Fushë Krujë – Thumanë ka ndodhur një konflikt mes shtetasve B. M., e J. M., dhe shtetasve Xh. Rr., I. Rr., dhe K. Rr.

Gjatë konfliktit shtetasit Xh. Rr., I., Rr., dhe K. Rr., dyshohet se kanë goditur me sende të forta shtetasit B. M. dhe J. M., të cilët si pasojë janë dëmtuar dhe ndodhen në spital, nën kujdesin e mjekëve.

Shkak për konfliktin midis këtyre shtetasve dyshohet të jetë një gurore në fshatin Borizanë, në pronësi të shtetasit P. Rr., i cili ka leje shfrytëzimi dhe licensë për zhvillimim e aktivitetit dhe sipas pretendimeve të shtetasve të dëmtuar (B. M. dhe J. M.) kur ndodhin plasje në gurore, krijon shqetësime në banesat e tyre.

Shërbimet e Komisariatit të Policisë Krujë kanë shoqëruar shtetasit Xh. Rr., dhe P. Rr., si dhe po punojnë për shoqërimin e shtetasve I. Rr., dhe K. Rr., të përfshirë në këtë konflikt.

Grupi hetimor në bashkëpunim me Prokurorinë po punon për sqarimin e rrethanave të ngjarjes dhe në përfundim të veprimeve hetimore do të ketë një informacion të plotë.

/Albeu.com/

The post Sherr me sende të forta në Krujë, plagosen dy persona, njëri në gjendje të rëndë appeared first on Albeu.com.

Rama u ka dhënë një mesazh të prerë; ose të pyllëzojnë zonën e shfrytëzuar ose të mbyllen. Më tej, kreu i qeverisë tha se këta kompani kanë afat 2 muaj, deri në datën 31 dhjetor, për të firmosur marrëveshjen e pyllëzimit.

“Këto sjellje me Ujësjellësin nuk na sjellin vota, por vetëm dëme. Prandaj, bashkërisht duhet të kundërveprojmë për të vendosur një digë që si fillim humbjet të mos thellohen si fillim. Që e gjithë kjo sforco e bërë nga taksapaguesit shqiptar që i japin buxhetit dhe sigurojnë që edhe partnerët të përfshihen do rimëkëmben. Jo. S’mund të jetë kështu. Duhet të ndryshojmë tani. Javën e ardhshme ministrja do të jetë qark për qark me të gjithë kryetarët e bashkive dhe do të shpalosi planin si do të veprojmë.

Duhet nxjerrë nga duart e politikës punësimet në ujësjellës. Për këtë do të kërkojmë ndihmën e partnerëve tanë, sepse kanë investuar, kohë dhe para. Duhet të jemi të terja palët aleatë për një ndryshim radikal për këtë drejtim. Ndryshimi duhet të nisë nga vetja juaj. Këto janë skandale. I gjithë publiku sot duhet ta dëgjojë që ne jo vetëm jemi shumë të vendosur për ta ndryshuar këtë situatë, por do të ndërhyjmë që sistemi të ndryshojë. Se përveç letrës që thotë se ju jeni autonomë, s’ka asnjë argument tjetër. Me çfarë argumenti duhet të vazhdojë kjo histori?

Janë disa shembuj pozitivë, e këtyre shembujve duhet t’i drejtohemi për të treguar se si kjo duhet shtrirë në të gjithë Shqipërinë. Shumë shpejt do të jenë kompanitë që shfrytëzojnë malet, ndërsa ju si bashki duhet t’i qëndroni shumë larg këtyre punëve, sepse ndërhyrjet sociale mbajnë erë të keqe. Shfrytëzuesit e guroreve ose duhet të vijnë tani të firmosin marrëveshjet e pyllëzimit ose të gjitha do të mbyllen pa kthim, e të mos e mendojnë që të përdorin punonjësit që shfrytëzojnë si skllevër në ato gurore, për protesta.

Ata duhet të marrin përsipër të pyllëzojnë dhe më pas të vazhdojnë punën, e për këtë kanë afat në datën 31 dhjetor”, tha Rama./albeu.com

The post “Keni dy muaj afat”, Rama paralajmëron pronarët e guroreve: Mbylleni nëse nuk pyllëzoni zonën e shfrytëzuar appeared first on Albeu.com.