Gunther Werks ka prezantuar GXR-Evo, modelin e ndërtuar mbi Porsche 911 të gjeneratës 993, i cili është shndërruar në një veturë me orientim të theksuar drejt performancës në pistë.

Pothuajse e gjithë karroceria është realizuar me fibër karboni, ndërsa fuqia sigurohet nga një motor 4.0-litërsh me gjashtë cilindra, që prodhon 455 kuaj fuqi.

Një kambio manuale me gjashtë shpejtësi e dërgon fuqinë te rrotat e pasme.

GXR-Evo peshon më pak se 1,100 kg dhe vjen me frena Brembo Pista, suspension JRZ të përshtatur posaçërisht, si dhe një sërë komponentësh të frymëzuar nga makinat e garave.

Modeli është homologuar për përdorim në rrugë, por qëllimi kryesor i krijimit të tij mbetet ngasja në pistë.

Prodhimi do të kufizohet në vetëm 15 njësi, ndërsa çmimi fillestar është 1.55 milionë dollarë.

The post GXR-Evo me bazë Porsche 993, vetëm 15 ekzemplarë me çmim 1.55 milionë dollarë appeared first on Albeu.com.