Në vigjilje të këtij super takimi, Pep Guardiola merr një lajm jo pozitiv pasi tekniku bask duhet të bëjë llogaritë pa Ruben Dias, i ndalur së fundmi për një problem në kavilje. I vetëdijshëm për peshën e këtij takimi është Pep Guardiola, me trajnerin e Man.City i cili u shpreh i bindur se nëse humbasin ndaj Arsenal atëherë janë jashtë garës për titull:

“Sigurisht, nëse humbasim gjithçka përfundon. Çdo rezultat tjetër na mban ende në garë pasi 6 ndeshje janë shumë”, theksoi Guardiola në konferencë për shtyp.

Kjo pritet të jetë një ndeshje me shumë emocion, me shumë presion, por nuk e sheh në këtë mënyrë Erling Haaland, me biondin që theksoi se nuk ndjen asgjë: “Më ndodh shumë rrallë që të ndjej këtë lloj presioni. Për të qenë i sinqertë nuk është se ndjej tension apo diçka tjetër, pasi kemi të gjithë sezonin që i ndjekim dhe nuk kemi asgjë për të humbur, pra nuk ndjej asnjë lloj presioni”, u shpreh Haaland.

Sigurisht, presioni në këtë rast është mbi Arsenal, pasi “topçinjtë” lëshuan “pe” në mënyrë të papritur, ku humbja e fundit kundër Bournemouth futi Man.City në garë. Arteta duhet të bëjë llogaritë në këtë sfidë pa Bukayo Saka:

“Është jashtë, kjo është e sigurt”, u shpreh fillimisht Arteta duke shtuar: “Ndaj Man.City është ndeshja më e rëndësishme, kjo pasi është ndeshja e radhës. Përballë do të kemi skuadrën dhe trajnerin më të mirë në këtë kampionat, por për ne kjo është një mundësi e shkëlqyer për të fituar, jemi përgatitur për këtë”, u shpreh Arteta në konferencë për shtyp.

The post Beteja për titull në Angli, Guardiola i sinqertë: Nëse nuk fitojmë, jemi jashtë appeared first on Albeu.com.

Ndeshja u ndërpre për pak çaste në “Elland Road”, në mënyrë që tre futbollistë të Cityt, Rayan Aït-Nouri, Rayan Cherki dhe Omar Marmoush të mund të thyenin agjërimin pas perëndimit të diellit.

Tifozët u informuan për arsyen e ndërprerjes përmes ekranit të madh të stadiumit, por një pjesë e mbështetësve vendas shprehën pakënaqësinë e tyre me fishkëllima.

Sipas rregullave në fuqi që nga viti 2021, lojtarëve u lejohet një pauzë e shkurtër gjatë ndeshjeve të Premier League për të ndërprerë agjërimin gjatë muajit të Ramazanit.

Guardiola reagoi ashpër në konferencën për shtyp pas ndeshjes.

“Jetojmë në një botë moderne, apo jo? Shikoni çfarë po ndodh. Respektoni fenë, respektoni diversitetin, kjo është çështja. Liga Premier lejon një pushim një ose dy minutash që lojtarët që agjërojnë të mund ta bëjnë këtë. Kështu funksionon. Lojtarët e dinë këtë. Ne morëm disa vitamina sepse Cherki dhe Aït-Nouri nuk kishin ngrënë sot. Asgjë më shumë se kaq. Pyetja është: a mund ta bëjnë apo jo? Cili është problemi?”, deklaroi tekniku spanjoll.

Edhe ndihmëstrajneri i Leeds, Edmund Riemer, u shpreh i zhgënjyer nga reagimi i tifozëve, duke theksuar se respekti dhe toleranca duhet të jenë pjesë e futbollit modern.

The post Ndërprerja e ndeshjes për iftar, Guardiola kritikon tifozët e Leeds për fishkëllimat ndaj myslimanëve: Respektoni fenë appeared first on Albeu.com.

“Ishte një ndeshje e mirë. Pasi pësuam golin e parë, patëm vështirësi, por u rikthyem në rrugën e duhur në finale”.

“Në përgjithësi, performanca ishte pozitive, por për fat të keq, nuk mundëm të fitonim. Plani ynë ishte të luanim me topin në tokë, të shënonim dhe të mos pësonim gol”.

“Pas golit të tyre, ata morën kontrollin dhe ne nuk arritëm ta rifitonim menjëherë, por kjo nuk ishte problem. Po luajmë në një nivel të lartë, thjesht duhet të gjejmë qëndrueshmërinë për të fituar ndeshjet”.

The post Guardiola pas barazimit me Tottenham: Patëm vështirësi, por luajtëm mirë appeared first on Albeu.com.

“Është çështje rezultatesh. Nëse nuk fiton, të shkarkojnë. Nëse nuk fitojmë, do të më shkarkojnë edhe mua. Kemi fituar shumë, prandaj jam i ulur këtu. Nuk ka sekret tjetër. Në një klub tjetër, nuk do të isha konfirmuar pas sezonit të kaluar.

Ata janë më të duruar, ndoshta edhe për shkak të asaj që kemi bërë në të kaluarën. Kemi pasur tre muaj vërtet të dobët. E kaluara ka qenë vërtet pozitive, dhe kjo është arsyeja pse jam ende këtu”.

54 vjeç, Guardiola është në krye të City-t që nga korriku i vitit 2016.

Përvoja e tij me klubin anglez përfshin 6 tituj të Premier League, 2 FA Cup, 4 Kupa të Ligës, 3 Community Shield, një Champions League dhe një Superkupë Evropiane dhe një Botëror për Klube.

The post Guardiola: Pas një sezoni si ai i vitit të kaluar, një klub tjetër do më kishte shkarkuar appeared first on Albeu.com.

Trajneri spanjoll i ka paralajmëruar lojtarët e tij, kushdo që bëhet mbipeshë pas 25 dhjetorit, nuk do të udhëtojë për ndeshjen jashtë fushe kundër Notingam Forest.

Duke qenë se pothuajse e ka arritur Arsenalin pas një nisjeje të ngadaltë dhe duke mbetur vetëm dy pikë larg kreut të Premier Ligës, Guardiola nuk dëshiron ta humbasë punën e bërë deri më tani.

Ai e kishte anuluar tashmë kërkesën e lojtarëve për të pasur pushim të dielën pas fitores 3-0 ndaj Uest Ham, duke besuar se skuadra nuk kishte luajtur mjaftueshëm mirë, siç zbuloi Daily Mail dhe tani ka vendosur t’u imponojë një test të shkallës së lartë të gjithë lojtarëve pas festimeve të Krishtlindjeve, për të kontrolluar dëmin e shkaktuar nga të ngrënit pa pushim gjatë tre ditëve të pushimit.

“Kur të mbërrijnë pas tre ditësh, dua të shoh se si ndihen “, paralajmëroi Guardiola, i cili fluturoi për në Barcelonë të dielën për të qenë me babanë e tij 94-vjeçar.

“Ata mund të hanë por dua t’i mbaj nën vëzhgim”, shpjegoi spanjolli. “Duhet të bëj një përzgjedhje për ndeshjen e 27-të kundër Notingam Forest. Imagjinoni një lojtar që është perfekt tani, por që vjen me tre kilogramë shtesë? Ai do të qëndrojë në Mançester dhe nuk do të udhëtojë me ne, kjo është e sigurt”, përfundoi Guardiola.

The post Të relaksohen dhe të hanë shumë për Krishtlindje? Guardiola iu jep ultimatum lojtarëve: Asnjë kilogram shtesë ndryshe i pret stoli appeared first on Albeu.com.

Lajmet e fundit, thonë se Mareska është kandidat për të zëvendësuar trajnerin, Pep Guardiolën.

“Nuk më prek mua, sepse e di që 100 për qind janë spekulime. Nuk kam kohë për gjëra të tilla. Kam një kontratë këtu deri në vitin 2029. Fokusi im është këtu, në këtë klub dhe jam krenar. Një javë më parë ishte e njëjta gjë në Juventus. Nuk i kushtoj rëndësi. E di se nga doli ky lajm, por është spekulim”, u shpreh Mareska, duke reaguar pas lajmeve të dala në shtypin dhe mediat e mbarë Europës.

The post Zëvendësuesi i Guardiolës te Mançester Siti? Mareska: S’kam kohë për këto spekulime appeared first on Albeu.com.

Haaland humbi një penallti në minutën e 13-të, por më pas e kompensoi atë në minutën e 29-të duke zhbllokuar sfidën.

Ndërkohë, Nico Gonzalez dyfishoi në minutën e 45-të dhe Doku në minutën e 64-të mbylli të gjitha llogaritë.

Kështu, City ngjitet në kuotën e 22 pikëve, duke u rikthyer në vetëm katër pikë larg liderëve të ligës, Arsenalit, një dhuratë e bukur për Guardiolën.

Nga ana tjetër, Liverpool vazhdon rënien në Premier League: pesë humbje në gjashtë ndeshjet e fundit të ligës dhe vetëm 18 pikë në renditje.

The post City mposht Liverpoolin, Guardiola feston ndeshjen e tij të 1000-të appeared first on Albeu.com.

Mesfushori spanjoll u vlerësua me çmimin individual më të rëndësishëm për sezonin që mbylli me City-n, por pas dëmtimit duket se është shumë larg formës së tij më të mirë. Madje më i rëndë është edhe fakti se dëmtimi duket se i ka lënë pasoja.

Në vigjilje të ndeshjes kundër Burnley-t, Rodri i ishte afruar trajnerit të tij duke i kërkuar që të mos e aktivizonte pasi kishte dhimbje në gju.

“Kur të gjithë po kryenin ushtrime më topin pak minuta përpara ndeshjes, Rodri mu afrua dhe më kërkoi të mos e aktivizoja pasi kishte dhimbje në gju. Unë sigurisht që i thash se nuk do ta aktivizoja”, tha Guardiola pas fitores së City-t përballë Bunrley-t të Brojës.

Sipas trajnerit spanjoll mesfushori mbetet në dyshim edhe për ndeshjen me Monaco-n, të vlefshme për javën e dytë të takimeve në grup të Champions League.

The post Rodri alarmon Guardiola-n: Më tha para ndeshjes se kishte dhimbje në gjurin e operuar! appeared first on Albeu.com.

Por Siti nuk sheh ëndrra me titull këtë sezon. Objektivi i tyre në një sezon të tillë është çuditërisht kualifikimi në Champions dhe dje bënë një hap të rëndësishëm drejt konfirmimit. U desh një gol në shtesë i Nunjeshit për të shpërthyer festën në skuadrën e Guardiolës.

Miqtë bënë një start të fortë dhe goditën shtyllën që në minutën e parë me Rashfordin, e nisur nga Tilemans. Por pasi kaloi këtë frikë të parë, Siti shënoi. Marmush ishte spektakolar në të majtë dhe pas depërtimit në zonë, dribloi Meti Kesh dhe ftoi Bernardo Silvën, goditja e të cilit preket vetëm nga dorezat e Emi Martinezit, por jo sa për të mos përfunduar në rrjetë. Është goli i parë i portugezit që prej Krishtlindjes. Por Vila që lufton që edhe këtë vit të shkojë në elitën europiane nuk pajtohet me rezultatin.

Xhakob Ramsej pengohet në zonë në një incident që ka për protagonist Ruben Diazin. Për arbitrin Pousën nuk ka penallti, por pasi thërritet në VAR, ai ndryshon mendim. Guardiola proteston i tërbuar tek arbitri i katërt dhe ndëshkohet me karton të verdhë. Diaz bën me shenjë se nuk ka pasur kontakt, por Rashford i drejtohet i qetë pikës së bardhë dhe bën një ekzekutim të akullt, duke e dërguar Stefan Ortegën në krahun tjetër.

Tani, vetëm Mo Salah (9) dhe Xhemi Vardi (8) kanë shënuar më shumë gola kundër Sitit të Guardiolës sesa djaloshi i “Djajve” në Premier Ligë (5). Atëherë kur mendohej se Pep dhe Emeri do të ndanin nga një pikë, Doku prodhon një magji në krahun e majtë dhe topi që përshkon gjithë pasqyrën e portës përfundon në momentin e duhur te Nunjesh: 2-1. “Aston Vila është atje ku është për një arsye. Na hapën probleme. Gara është atje. Iku një finale dhe mbeten edhe katër të tjera. Do të luftojmë deri në fund”, tha i kënaqur Pep Guardiola.

Festa e Guardiolës: (VIDEO)

The post VIDEO/ Siti fiton “finalen” e parë, Guardiola pas festës: Edhe katër! appeared first on Albeu.com.

Sipas trajnerit italian, kolegu i tij do të kishte disa Champions League më shumë nëse nuk do të ishte kaq… arrogant.

“A me dini çfarë nuk më pëlqen te Guardiola? Arroganca e tij! Në sezonin e vetëm ku nuk tentoi ndonjë shpikje të tijën arriti që të fitonte Champions-in me Sitin. Nëse do të vini re me kujdes gjatë punës që bëri në Mynih dhe Mançester nuk ka fituar asnjëherë sa herë ka tentuar që të ishte ai protagonisti”, arsyetoi Kapelo.

Më tej trajneri italian shtoi dozën e kritikave duke thënë: “Ai ndryshon gjithmonë diçka pasi në fund të ditës dëshiron të thotë:

‘Lojtarët nuk fitojnë, unë bëj një gjë të tillë!’. Kjo arrogancë e shfaqur prej tij i ka kushtuar disa Champions. Unë kam respekt për Guardiolën, por arrogancën e tij e dalloj me sy të lirë. Ai i ka bërë shumë dëme futbollit”.

The post Kapelo sulmon ashpër Guardiolën: Arrogant, ka dëmtuar rëndë futbollin! appeared first on Albeu.com.