Gjatë rrëfimit të tij, ai shpjegoi se i biri që në vegjëli thirrej “Kinezi”, për shkak të formës së vogël të syve. Pasi përfundoi vuajtjen e dënimeve, Eltoni kishte kryer ndryshimin e emrit në regjistrat civilë, duke marrë identitetin Alban Semaku.

Lidhur me autorësinë e mundshme apo ndonjë shkak hakmarrjeje për ngjarje të së shkuarës, Kujtim Mermali u shpreh se nuk ishte në gjendje të akuzonte askënd. Ai rrëfeu se e kishte njohur Laert Haxhiun që në fëmijëri dhe se e kishte ndihmuar duke e strehuar kur ky i fundit dhunohej nga i ati.

“Elton Mermali ishte djali im. Doli jashtë të shtunën në mbrëmje, natën para krimit, dhe nuk u kthye më. Ne morëm lajmin për vrasjen e tij, se kishin zbuluar trupin. Fillimisht e transportuam në Peqin dhe më pas në morgun e Elbasanit. Policia njoftoi motrën e tij të madhe që banon në Itali, dhe ajo ma komunikoi mua. Lashë punën, vajta në morg, mora trupin e djalit dhe e solla në banesë. Për arsyet nuk dija asgjë. Unë nuk mund të them dot se kush e kreu këtë akt, sepse nuk e kam idenë.

Eltoni ishte fëmija im i dytë, nuk ishte i punësuar. Pas vuajtjes së dënimit, nuk ishte në gjendje të mirë dhe nuk ushtronte asnjë profesion. Arsyet pse u burgos, nuk i di. Djali u arrestua për herë të parë në Itali në vitin 2004. Qëndroi dy muaj në qeli dhe pastaj gjykata e nxori me arrest shtëpiak për dy vjet.

Gabimi i tij ishte se shkeli masën e arrestit të shtëpisë dhe më pas e transferuan këtu. E ndaluan atje sepse akuzohej për një vrasje të kryer në Shqipëri, atë të Artan Sulçes. Në vitin 1997, im bir ndodhej në vend. Sipas dijenisë sime, ai nuk kishte përfshirje, pasi hakmarrja do të ishte marrë në atë periudhë, siç ndodhi me të tjerët. Ai ishte i pandehur bashkë me grupin e Aldo Bares.

Nuk di të them nëse vrasja e djalit tim ka si shkak hakmarrjen për vrasjen e Artan Sulçes dhe Bledar Haxhiut në 1997-ën. Im bir nuk tregohej i kujdesshëm ndaj askujt. Doli nga burgu i Peqinit më 6 maj 2021 dhe u vra më 17 tetor të po atij viti. Pasi u lirua, djali nuk ishte në rregull, nuk e mora vesh se kush i siguronte lëndë narkotike brenda institucionit.

Në banesë nuk konsumonte kurrë substanca të paligjshme. Sjellja e tij ndaj meje ishte shumë e mirë, nuk shfaqte agresivitet. Asnjëherë nuk më përmendi nëse kërcënohej nga dikush gjatë kohës në burg, apo me kë e ndante qelinë. Djali njihej me nofkën ‘Kinezi’ për shkak të syve të vegjël, kështu e thërrisnin qëkur ishte i mitur. Kur u lirua, vajti në zyrën e gjendjes civile, ndryshoi emrin dhe e regjistroi si Alban Semaku. Artan Tafani do t’i siguronte një vend pune kur ta takonte. Kështu më ka thënë djali”, përfundoi dëshminë e tij Kujtim Mermali.

The post Zbardhet dëshmia e babait të Elton Mermalit në gjyqin ndaj grupit të Laert Haxhiut: Detaje mbi jetën e të birit dhe lidhjen me të pandehurin appeared first on Albeu.com.

Avokati Aldo Duro iu drejtua trupës gjykuese: “Edhe njëherë përsëris kërkesën time për vlerësim psikologjik për bashkëpunëtorin e drejtësisë Artan Tafani. Ai jo vetëm ka qenë përdorues i drogëve, të llojit kokainë dhe heroinë, por vazhdon trajtimin me metadon, një substancë e cila krijon varësi po njësoj”.

Të pandehurit kundërshtuan dëshmitë e dhëna nga bashkëpunëtori Artan Tafani.

Erisiano Abedini: Nuk e kam takuar Laert Haxhinë. Unë me këta persona nuk jam as mik, as armik, asgjë. Kemi tre vjet që nuk po marrim asnjë përgjigje. Nuk më lidh as profesioni me Laert Haxhiun as miqësia me të. Kam tjetër profesion dhe tjetër miqësi. Vlerësojeni pak këtë.

Bujar Abedini: Unë dua as mëshirë asgjë, dua vetëm drejtësi.

Aldo Shkëmbi: Kemi të drejtë të njihemi me të gjitha aktet, nuk na interesojnë faktet apo të dhënat për persona që nuk janë objekt i këtij gjykimi.

Prokurori Behar Dibra: Ka një hetim tjetër që po vijon dhe aktet nuk lidhen me çështjen, objekt i këtij gjykimi. Kërkesa është e pabazuar në ligj. Aktet që ka dhënë cilësinë e personit që ka dijeni, nuk kanë asnjë interes.

Artan Tafani për vrasjen e Fridman Xhaferrit: Në lidhje me pengmarrjen, e kam shpjeguar se si është goditur në kokë me armë. Plumbi e ka kapur në rrëshqitje sepse lëvizte. Ai ka qenë gjallë derisa është futur në ujë. Ka ndërruar jetë kur e futëm në ujë, herën e dytë kur e lidhëm me gurë. Makina ka qenë e zezë, por bënte nuancë kur rrinte në diell. Në lidhje me Bledarin dhe Mariglenin, kur kërkuam vend me hedh trupin e Fridmanit, nuk ka qenë hera e parë.

Tafani iu drejtua të pandehurve në kafaz:

“Shoku juaj më mori në qafë mua, Laerti”.

Pas këshillimit në dhomën e këshillimit, trupi gjykues vendosi të pranojë kërkesën e të pandehurve për kundërshtimin e dëshmisë së dhënë nga Artan Tafani gjatë këtij gjykimi në raport me dëshmitë e dhëna gjatë fazës paraprake. Të gjitha procesverbalet, të cilat edhe prokurori i relatori bëhen pjesë e fashikullit të gjykatës, do të vlerësohen nga gjykata për të shqyrtuar besueshmërinë e personit që është pyetur (Artan Tafani).

The post Seanca në GJKKO për grupin e Laert Haxhiut, përplasje mes të akuzuarve, Tafani: Ai më mori në qafë appeared first on Albeu.com.

Trupa gjykuese i dha kohë vetëm 45 ditë prokurorit Behar Dibra, për të përfunduar plotësisht hetimet.

Në këtë dosje, janë marrë të pandehur Erisiano Abedini, Bujar Abedini, Lulzim Spahija, Ligor Romaçka, Idriz Manej, Maringlen Topuzi, Bledar Berberi, Enriko Xhahysa dhe Fatjon Veliu.

Arrestimi i Artan Tafanit, pas një grabitje në një pikë të këmbimit valutor në zonën e Astirit në Tiranë, coi në goditjen e grupit të Laert Haxhiut.

Tafani u bë i penduari i drejtësisë dhe rrëfeu disa ngjarje kriminale që kanë tronditur vendin përgjatë viteve 2021-2023, duke nisur nga vrasjet, atentatet e deri te vjedhjet me dhunë.

Banda kriminale u godit në fund të muajit shtator të vitit 2023, pas një operacioni të gjerë policor që u shtri në të gjithë vendin.

The post Grupi i Laert Haxhiut, Gjykata i lë 45 ditë kohë SPAK-ut që të plotësojë dosjen appeared first on Albeu.com.