Sipas informatave të siguruara nga Alsat, prej burimeve brenda ASH-së, Kryeministri Dimitar Kovaçevski dhe Arben Taravari janë marrë veshtë edhe për numrin më të madh të drejtorive qendrore.

Nga Drejtoritë të cilat i ka udhëhequr Alternativa, ASH-së i kalojnë MPSO, Fondi pensional, Spitali i Tetovës dhe Hekurudhat – Transporti. Ndërsa prej kuadrove të cilat janë të afërta me “Grupin e Zjarrit”, siç mëson Alsat, ASH do të udhëheq me Spitalin Psikiatrik në Bardovcë.

Ndërsa nga BDI do të marrë Teatrin e Tetovës dhe Inspektoratin për Arsim.

Nga drejtoritë e udhëhequra nga LSDM, ASH-së do ti takojnë Postat e Maqedonisë dhe Drejtoria për menaxhim me pronën e sekuestruar. Siç mësohet, pazar mes ASH-së dhe Kovaçevskit është edhe Avokati i Shtetit.

Në drejtoritë qendrore, ASH do të ketë edhe tre zëvendësdrejtorë. Dy i merr nga BDI dhe atë, Zëvendësdrejtorin e DAP-it dhe atë të ELEM-it, ndërsa nga Alternativa do ta marrë zëvendësdrejtorin e Agjencisë për Rini dhe Sport. Partia e Taravarit do të drejtoj edhe Qendrën ndërkomunale për punë sociale në qytetin e Shkupit

Alsat mëson se ASH-së do i takojnë edhe dy sekretar shtetëror dhe atë, Ministrinë e Punës dhe politikës sociale, si dhe në ministrinë për Sistem politik.

Për shkak të “luftës” në BDI mes Ahmetistëve dhe “Grupit të Zjarrit”, ASH mori edhe Zëvendësministrin e Mbrojtjes, i cili udhëhiqet nga Bashkim Asani, i cili është i afërt me strukturat e Grupit të Zjarrit në Gostivar.

Sipas marrëveshjes mes Kovaçevskit dhe Taravarit, ASH do të udhëheqë edhe me disa drejtori të tjera, por të cilat për momentin nuk bëhen të ditura nga asnjëra palë.

 DREJTORITË

MEPSO – Alternativës

Fondi pensional –                                             Alternativa

Hekurudhat – Transporti –                        Alternativës

Spitali i Tetovës –                                              Alternativë

Spitali Psikiatrik – Bardovcë –                       BDI (Grupi i Zjarrit)

Avokati i Shtetit –                                             /////

Inspektoratin për Arsim –                               BDI

Teatri i Tetovës –                                             BDI

Postën e Maqedonisë –                                   LSDM

Drejtoria për menaxhim me pronën e sekuestruar –       LSDM

 ZV/DREJTOR

Zëvendësdrejtor në DAP                                                    BDI

Zëvendësdrejtor në ELEM                                                     BDI

Zëvendësdrejtor në Agjencinë për rini dhe Sport         Alternativa

 SEKRETAR SHTETËROR

Në ministrinë për sistem politik

Në ministrinë për punë dhe politikë sociale

Zëvendësministër të Mbrojtjes (Grupi i zjarrit)./Alsat.mk

The post ASH-ja nuk jep detaje për emrat e drejtorëve, “zjarrit” i merret zv/ministri i mbrojtjes appeared first on Albeu.com.

Ish-komandant i njësisë speciale të Gardës së Republikës, epror i Agim Llupos i cili u arrestua dhe dënua së bashku me komandantin e Gardës për 21 Janarin (Ndrea Prendi) ka folur sot për gazetarin Dylber Balla të “5Pyetjet.al”duke mohuar audion që ka dalë dhe shprehet se nëse ka pasur qitje të drejtpërdrejtë, që ai thotë se nuk e besoj, nuk justifikohet.

Intervista e plotë

Zoti Ahmetcenaj a ju kujtohet komunikimi me zotin Prendi në 21 Janar?
Nuk e kam idenë. Nuk e di fare. Unë di që në 21 Janar kam kryer detyrën në zbatim të ligjit.

Nuk ju kujtohet momenti kritik kur humbën jetën protestuesit?
Në 21 Janar ka pasur komunikime në mënyrë të vazhdueshme.

Kjo audio del për herë të parë dhe nga qeveria është cilësuar si provë e re…
Nuk di të them. Nuk jam në gjendje të them tani komunikimet që kemi pasur, pas 12 vitesh. Por nuk gjykoj që ka ndonjë gjë këtu, ata le ta konsiderojnë gjë të re dhe si të duan. Këta janë komunikime normale të kryerjes së detyrës.

Ne e kuptojmë se kjo është çështje sensitive. 21 Janari ka qenë një ditë fatkeqe për atë që humbën jetën dhe për në gardistët. Hetimi është devijuar që në fillim për këtë çështje.

Këto që më thatë (për audion) nuk jam në gjendje as t’i konfirmoj dhe as t’i mohoj. Nuk di të them. Ne kemi pasur një plan masash që mendoj se është zbatuar në korrektesë. Në dijeninë time nuk kam shkelur ndonjë rregull.

Në audio, sipas transkiptit thuhet se Ndrea Prendi deklaron “ky është urdhri dhe nëse protestuesit kalojnë gardhin të hapet zjarr luftarak”, por ata nuk e kaluan gardhin…
Nuk di të them. Në dijeninë time nuk kam marrë urdhër kurrë për të qëlluar. Përdorimi i armëve të zjarrit është bërë në përputhje me ligjin.

Para një viti Ndrea Prendi thoshte që plumbat kanë qenë rikoshet, ju si mendoni?
Kjo duhet të dalë nga provat. Efektivët e mi, unë fola pas protestës, aty e mora vesh që kishte të vdekur dhe më thanë që armët janë përdorur pa kryer qitje të drejtpërdrejtë mbi njerëzit. As kam marrë urdhra për të vrarë njëri. Kjo që ndodhi nuk duhet të ndodhte.

Përdorimi i armëve personale është përgjegjësi personale atyre që e kanë. Çdo punonjës që ka qenë në detyrë në 21 Janar ka bërë një instruktazh dhe ka firmosur dhe e di përgjegjësinë për përdorimin e armës së zjarrit. Përgjegjësia është e atij që e ka në dorë armën. Ka pasur një plan masash për 21 Janarin pa menduar se do të vinte kjo.

Ju nuk keni marrë urdhër në radio për të qëlluar, njësia që ju drejtonit?
Jo! Këto që kanë dalë, transkiptet nuk i mbaj mend.

Qëndrojmë te audio, zoti Prendi ju tërheq vëmendjen duke ju thënë “Alfred, po afrohen shumë dhe duhet të jemi gati për zjarr”.
Këtë nuk e di. Nuk jam i sigurt për ta thënë këtë. Plani i masave e ka pasur të përcaktuar në momentin që kishin detyrimin për përdorimin e armëve.

Ky momenti i përdorimit të armëve ka qenë i përcaktuar në planin e masave. Edhe nëse “luan nga mendtë” dhe jep dikush urdhër për të qëlluar, sikur po pretendohet. E ka detyrimin punonjësi urdhrin e paligjshëm të mos e zbatojë.

Edhe nëse ka pasur urdhër…
Përdorimi i armës së zjarrit nuk i lë hapësirë që punonjësi ta përdorë me urdhër. Ngarkon personin përgjegjës me përgjegjësi të drejtpërdrejt. Këta duan ta keqpërdorin këtë ngjarje. Kjo në dijeninë time nuk është e mbyllur si dosje.

Ne na kanë thirrur dhe pyetur në mënyrë të vazhdueshme. Edhe nëse do të përdoreshin armët e zjarrit, në të gjitha rastet duhet të bëhej në përputhej me ligjin nëse prekej territori, por jo përdorimi i drejtpërdrejtë ndaj njerëzve. Përdorimi i armëve në ajër është në përputhje me ligjin.

Duke e parë tani pas shumë vitesh ku janë qëlluar protestuesit, vendi, a justifikohet nëse marrim versionin që ka qenë qitja e drejtpërdrejtë?
Nuk justifikohet në asnjë rast. Kjo duhet të dalë nga hetimi nëse është regjistruar qitja e drejtpërdrejtë apo nga cilët anë. Unë për fat kam qenë në pjesën e përparme të Kryeministrisë kur ka ndodhur kjo, përdorimi i armëve të zjarrit atë ditë. Nuk kam qenë as në kontakt vizual.

Pra, qitja e drejtpërdrejtë a justifikohet duke pasur parasysh pozicionin e protestuesve?
Nuk e besoj se ka pasur qitje të drejtpërdrejtë.

Si e ka shënjuar 21 Janari jetën tuaj?
Sigurisht është ngjarje stresuese. Humbja e jetës së njerëzve nuk duhet të ndodhi asnjëherë. Ndjej keqardhje për atë ngjarje. Të gjithë oficerët e gardës atë ditë në detyrë i ka tronditur. Kur ka mbaruar protesta e mësova që kishte viktima. Kjo është ngjarje tronditëse që nuk duhet të kishte ndodhur.

The post Gati për zjarr! Flet komandanti i “Grupit të Gatshëm” të Gardës: Çfarë ndodhi atë ditë appeared first on Albeu.com.

Lind pyetja, a shihen këto aktivitete si panik i njërës palë për të fituar më shumë territor dhe i palës tjetër për të mos humbur mbështetjen që ka pasur?

Edhe pse këtë pyetje ia drejtuam përmes një sms porosie Artan Grubit dhe Bujar Osmanit, përgjigje nuk morëm nga asnjëri. Të njëjtën pyetje e pranoi edhe Izet Mexhiti, por as ai nuk denjoi u përgjigj.

Edhe pse në takimin e tetorit lideri i BDI-së dhe përfaqësues të “ Grupit të zjarrit” u fotografuan të buzëqeshur krah njëri tjetrit, si njëra pale ashtu edhe tjetra thumbohen mes tyre, qoftë përmes deklaratave, apo postimeve nëpër rrjetet sociale.

Rivaliteti mes tyre u thellua edhe më shumë kur “grupi i zjarrit” informoi për takimin që do të mbanin në Studeniçan. Mexhiti para banorëve të Studeniçanit përmendi edhe njëherë kërkesat e tij për llogari nga ekzekutivi për mos efikasitetin e tyre, sepse siç thotë është realizuar vetëm 2% nga programi i premtuar. në fund të postimit ai theksonte mbështetjen për liderin e BDI-së Ali Ahmeti dhe i përcillte atij mesazhin që “të mos digjet jorgani për disa pleshta.”

Vetëm pak orë pas këtij postimi të Mexhitit, zv. Kryeministri Artan Grupi publikoi në story në facebook Ali Ahmetin duke kënduar.

Kjo solli një tjetër reagim të Mexhiti, ku ky i fundit përdorte një fjalor më akuzues konkretisht që” BDI-ja duhet të çlirohet nga uzurpatoret, mercenarët dhe të paaftët” duke aluduar në Grubin, Osmani dhe të tjerët që rreshtuar krahë tyre. I pyetur të komente videon duke kënduar dhe nëse ai ishte në dijeni të kësaj videoje, Ahmeti u përgjigj pa qartësuar pozicionin e tij edhe pse tërthorazi del në mbrojtje të Grubit.

“E mira është se asnjëherë nuk më keni parë duke qarë, por më keni parë ë uniformë dhe duke kënduar. Unë nuk veproj në ilegaliteti por edhe këndoj”, u shpreh Ali Ahmeti, kryetar i BDI-së. /Alsat.mk

The post Thellohet hendeku në BDI, intensifikohet beteja për terren appeared first on Albeu.com.

“Vendimmarrja është bërë privilegj ekskluziv i një klani të ngushtë të Artan Grubit, ne kemi ngritur zërin për veprimet e Artan Grubit që janë në kundërshtim me qëndrimet e shumicës së anëtarëve të BDI-së. Kjo ka sjellë tek rënia e përkrahësve të votuesve dhe ka prodhuar përçarje brenda strukturave partiake.”- deklaroi Izet Mexhiti – nënkryetar i BDI-së.

Mexhiti duke u mbështetur në sondazhin e IRI thotë se zv/kryeministri Artan Grubi dhe kryediplomati Bujar Osmani kanë performancën më të ultë, dhe se për herë të parë opozita shqiptare ka tejkaluar Bashkimin Demokratik për Integrim.
Artan Grubi dhe Bujar Osmani kanë performancën më të dobët dhe për herë të parë rejtingu i opozitës shqiptare tejkalon rejtingun e BDI-së dhe ne këtë e shohim si një alarm për sensibilizim dhe mobilizim brenda BDI-së.

The post Grupi i zjarrit sërish në aksion, Mexhiti: Grubi dhe Osmani me përformancën më të dobët në ekzekutiv appeared first on Albeu.com.

“Pas kërkesës tonë të para tre muajve filloi funksionimi institucional i organeve partiake, u hap diskutimi për llogaridhënie, pas dy mbledhjeve u ndërpre puna në kryesi. Vërejtjet tona për mosrealizimin e premtimeve programore për zgjedhjet e vitit 2020 nuk u morën në shqyrtim dhe nuk u murrën në shqyrtim, dhe mbledhjet u mbyllën pa asnjë vendim. Prandaj ne vendosëm që t’i drejtohemi anëtarësisë, votuesve dhe opinionit publik për gjendjen në BDI. Vendimmarrja është bërë privilegj ekskluziv i një klani të ngushtë të Artan Grubit. Ne e kemi ngritur zërin për veprimet e Artan Grubit që janë në kundërshtim me qëndrimet e shumicës së anëtarëve të BDI-së, kjo ka sjellë tek ramja e përkrahësve të votuesve dhe ka prodhuar përçarje përbrenda strukturave partiake”, tha Izet Mexhiti, deputet i BDI-së.

Mexhiti: Luftën do ta zhvillojmë brenda partisë

Izet Mexhiti hodhi poshtë zërat për formim të një partie të re, duke nënvizuar se “Grupi i zjarrit” luftën do ta zhvilloj brenda partisë.

“Unë presin e fillova duke prezantuar njerëzit përreth meje, këtë jemi një pjesë e madhe e kryesisë dhe ne luftën do zhvillojmë brenda partisë”, tha Mexhiti./alsat

The post “Grupi i zjarrit” flet për ngjarjet e fundit në BDI, kërkon mobilizimin e anëtarësisë appeared first on Albeu.com.

I pyetur për përplasjet brenda grupeve në BDI, ai u përgjigj se këto janë bisedime dhe mendime ndryshe brenda partisë dhe duhet të respektohen. Por nga ana tjetër, sipas tij, demokracia ka kufijtë e vetë, ku anarkia nuk lejohet në demokraci, ndërsa hodhi poshtë të gjitha pretendimet për një përçarje të partisë.

“Takimi ishte në vazhdën e takimeve tradicionale të BDI-së. Debati ishte shumë konstruktiv, janë dëgjuar vërejtje mbi raportin e ekzekutivit, për të përmirësuar punën në këto institucione. Ka pasur bisedime mbi çështjen e vetingut, ku si BDI kemi përgjegjësi për mbarëvajtjen në shtet. Ka pasur edhe tema të ndryshme për zbatimin e ligjit mbi zbatimin e gjuhës shqipe. Mos pretendoni të ndalen debatet në BDI apo mendimet ndryshe. Unë jam njëri nga ata që nuk do të pajtohesha nëse mendimi ndryshe të ngulfatet, por në fund duhet të repektohet mendimi i shumicës. Demokracia ka kufijtë e vet, do të thotë se anarkia nuk lejohet në demokraci”, ka përfunduar Ahmeti.

Por nga ana tjetër, priten deklarime nga “Grupi i zjarrit”, të cilët nuk dihet se si do të vijojnë me veprimet e tyre drejt fraksionit brenda partisë apo edhe veprime tjera./ina

The post Ahmeti si duket nuk i jep ministrat, në pritje të qëndrimeve nga “Grupit të zjarrit” appeared first on Albeu.com.

Zëdhënësi i partisë, Bujar Osmani, pas takimit tha se konsultimi i anëtarëve të kryesisë me degët e partisë ka qenë konstruktiv. Në takimin e djeshëm, u arritën edhe përfaqësues të “Grupi i zjarrit”, të cili kërkojnë reforma në parti.

“Kemi pasur një takim joformal konsultativ të kryetarit Ahmeti, me përfaqësues të partisë nga degët e ndryshme në përgatitje për mbledhjen e nesërme të Këshillit Qendror, ku do të merren vendimet për formimin e Kryesisë Qendrore dhe organeve të tjera të partisë. Kryetari Ahmeti këto ditë ka mbajtur takime individuale, por tashmë në dy raste takime me disa zyrtarë të partisë me të cilët janë shkëmbyer mendime, konsultime se si do të merren vendimet e Këshillit Qendror nesër. Mendoj se i gjithë takimi kaloi në atmosferën më konstruktive, në një atmosferë bashkëpunimi, bashkimi, gatishmërie të partisë për fitore të reja, tha Bujar Osmani.

Mbledhja e Këshillit Qendror të BDI-së do të mbahet sot në Tetovë. Duhet të zgjidhet një sekretar i përgjithshëm, sekretar organizativ dhe nënkryetarë të rinj, me mandat deri në kongresin e ardhshëm.

Riorganizimi në parti filloi pasi i ashtuquajturit “Grupi i zjarrit” kërkoi reforma në BDI, dhe përgjegjësi të disa zyrtarë.

The post Mblidhet sot Këshilli Qendror i BDI-së, do të vendosë për zyrtarët e rinj partiakë appeared first on Albeu.com.

Kështu që u vendos që më 15 tetor të zgjidhet kryesia e BDI-së.

Kujtojmë se BDI që para pandemisë, funksionon pa organe funksionale brenda partisë dhe nën menaxhimin e Këshillit të Përgjithshëm si organi më i lartë mes dy kongreseve.

Që nga kongresi zgjedhor i 21 nëntorit të vitit 2019, BDI të gjitha vendimet si listat e kandidatëve për deputetë, kabinetin qeveritar, kandidatët për kryetarë komunash dhe vendimin për bashkëqeverisje i ka kaluar vetëm në Këshillin e Përgjithshëm edhe pse statuti i partisë e parashikon ndryshe.

“Kryesia e Këshillit të Përgjithshëm me propozim të kryetarit të Partisë, duke pasur parasysh propozimet e degëve, përpilon listën e kandidatëve për deputetë, te cilën ia paraqet për verifikim Këshillit të Përgjithshëm. Me propozim të kryetarit, Kryesia e Këshillit të Përgjithshëm cakton bartës të funksioneve tjera shtetërore, si dhe personin i cili do të udhëheq me punët financiare të partisë” , thuhet në statutin e BDI-së, Neni 66.

Më 15 tetor Këshilli i Përgjithshëm i cili sipas statutit të partisë numëron 75 anëtarë do të duhet të zgjedh kryesinë e partisë ose referuar statutit Kryesinë e Këshillit të Përgjithshëm e cila duhet përbërë nga 33 anëtarë. Kryesia ashtu siç paralajmëroi kreu i BDI-së, Ali Ahmeti pas analizës së zhvillimeve politike në vend merr kohën e duhur për të zgjedhur organet e partisë, përfshi sekretarin e përgjithshëm dhe sekretarin organizativ të cilët i propozon kreu i partisë ndërsa zgjidhen me shumicë votash nga numri i përgjithshëm i anëtarëve të Këshillit të Përgjithshëm. Nuk dihet nëse do të shqyrtohet edhe mundësia e ndryshimit të nënkryetarëve të partisë, dy prej të cilëve për momentin janë pjesë e grupit të pakënaqur.

Një ditë pasi Ahmeti u përball me “grupin e zjarrit” këta të fundit nuk u shfaqën në opinion për të komentuar pritjet e tyre nga 15 tetori. Por një ditë më parë thanë se janë të kënaqur që debati tani e tutje do të zhvillohet brenda partisë, duke mos komentuar nëse është biseduar edhe për shkarkimin e zëvendëskryeministrit të parë, Artan Grubi emri i të cilit lakohet më së shumti në letrën publike të adresuar kreut të BDI-së.

Në letrën publike grupi i pakënaqur fajin e rezultatit të dobët zgjedhor në Tetovë dhe Gostivar ia faturoi “mungesës së jetës organizative brenda BDI-së”, ndërsa zgjedhjet kadrovike i cilësoi si privilegje të Artan Grubit sjellja e të cilit sipas tyre ka shkaktuar revoltë dhe pasivitet të strukturave dhe votuesve.

Grupi i pakënaqur revoltën e tyre e kishte shprehur që nga formimi i Qeverisë pas zgjedhjeve të vitit 2020, ndërsa dalja e tyre publike si formacion i pakënaqur me performancat e ekzekutivit ishte formalizimi i parë i krizës brenda BDI-së që nga themelimi i saj.

The post RMV/ Pas takimit me Ali Ahmetin, “shuhet” “Grupi i Zjarrit”, më 15 tetor zgjidhet kryesia e BDI-së appeared first on Albeu.com.

Kjo fotografi vjen pas pakënaqësive në BDI nga i ashtuquajturi “grupi i zjarrit”, ku Mexhiti dhe Bexheti janë dy prej nënshkruesve të letrës publike me pakënaqësitë.

përcjell TV21. “Bashkë”, kanë shkruat në mbishkrimin e fotografisë Bexheti dhe Mexhiti, të cilët fotografinë e njëjtë e kanë publikuar në profilet e tyre në Facebook. Ndryshe, deputeti Rexhepi aktualisht në Kuvend vepron si deputet i pavarur, pas shkëputjes së tij nga Lëvizja Besa.

The post Maqedoni e Veriut, a po i bashkohet Kastriot Rexhepi “grupit të zjarrit”? (FOTO LAJM) appeared first on Albeu.com.

Përmes një postimi në Facebook, Hoxha shprehet se video është bërë një vit më parë në odën e burrave në shtëpinë e tij ku ka qenë duke festuar.

“Ky polici dixhital, qenka si qytetari dixhital i Saliut. Paska marrë videon e 1 viti më parë dhe nga oda e burrave ne shtepine time ku kam festuar e paska vendosur në PD. Ah, se desh harrova: Këtë videon me aheng e këngë e kam ripostuar për qejfin tim dhe me sa duket komisariati digjital paska dëgjuar jehonën e këngës që para një viti. Sa keq kur polici digjital bëhet po aq i mjerë sa qytetari digjital i Saliut dhe tallen dhe me prokurorinë .p.s. Keto takime te paret tane i quanin NEJE,dhe ne ne respekt te tyre i organizojme ne ruajtje te tradites por edhe per te kujtuar te renet nder shekuj per liri e flamur.sigurish i kendojme burrave ulur kembekryq ne sofer dhe me cifteli shqip,pasi “feja e shqiptarit eshte shqiptarija”, shkruan Florenc Hoxha.

The post U akuzua se qëndroi në krye të ‘Grupit të Zjarrit’ brenda PD-së, reagon Florenc Hoxha appeared first on Albeu.com.