Kjo mbledhje vjen pas mblëdhjes së ditës së sotme të Komisionit të Rithemelimit.

Grupi i “Rithemelimit” është mbledhur vetëm një ditë para seancës së radhës në Kuvend.

Sipas burimeve, raportohet se grupi i Berishës po diskuton se si do të funksionojë Partia Demokratike në Kuvend, pas vendimit të gjykatës për t’i dhënë “vulën” Rithemelimit.

Ndërkohë nga ana tjetër, Grupi Parlament i PD-së, ka dërguar një mesazh ku njofton se ditën e nesërme rreth një orë par Kuvendit do të ketë një mbledhje të këtij grupi. Ky mesazh nuk u ka shkuar vetëm 5 deputetëve, siç janë Sali Berisha, Flamur Noka, Edmond Spaho, Luan Baci apo Albana Vokshi.

Burime për ABC, kanë konfirmuar se ka pasur negociata dhe telefonata të vazhdueshme mes kryetarit të komanduar të PD-së Enkelejed Alibeaj, Gazmende Bardhit dhe anëtarëve të Grupit të Rithemelimit.

Po ashtu Sali Berisha tha se do të mbërrijë në Selinë Blu për mbledhjen e Grupit Parlamentar të PD-së.

‘Jo mbledhje të përbashkët. Mbledhje të grupit parlamentar nuk është i ndarë se e ndani ju nuk është i ndarë. Më kanë njoftuar kolegët e mi se ka mbledhje dhe unë do të shkoj’, tha Berisha.

Pritet të shihet qëndrimi që do të mbajë Enkelejd Alibeaj, i cili është në mes dy zgjedhjesh, të kërkojë largimin e Berishës ose të dakortësohet që ai të jetë pjesë e grupit.

The post Alibeaj e kundërshton, Berisha: Nesër do të shkoj i pari në mbledhjen e Grupit Parlamentar të PD-së appeared first on Albeu.com.

Gjatë fjalës së tij për mediat, deputeti Flamur Noka u shpreh se Enkelejd Alibeajn e respektojnë si kryetar të Grupit Parlamentar, por jo si kryetar të komanduar të Partisë Demokratike.

“Ka vend për të dhe këto që do të japë kontributin e tyre për PD. Do takohemi me Alibeajn dhe Bardhin sepse jemi kolegë. Jemi të hapur dhe nuk na ndan asnjë. Jemi në funksion të bashkimit. Kur do takohemi? Asgjë nuk na ndan, të gjitha hijet e të shkuarës hidhen pas. Jemi në kontakt çdo moment. Javën tjetër mbledhim grupin parlamentar. Diskutime me Dumën dhe Salianjin? Me të gjithë kam folur, kjo parti nuk është pronë e askujt. Kemi detyrë që të bashkojmë demokratët për ta bërë forcë fituese. Demokratët janë tolerantë por edhe mendjehapur, e dinë ata që po nuk hodhëm pas hijet e të shkuarës, nuk ecim dot para”, u shpreh Noka.

Kush do e thërrasë grupin parlemantar?

“Do takohmi sërish me kreun e grupit parlamentar. Do të mblidhet. Ne e respektojmë Alibeajn në cilësinë e kreut të grupit, është kolegu dhe miku ynë”, tha Noka.

The post Noka: Enkelejd Alibeajn e respektojmë, por si kryetar grupi appeared first on Albeu.com.

Vendimi erdhi pas mbledhjes që grupi i rithemelimit bëri për pak çaste në zyrat pranë RTSH-së.

Më pas, disa prej anëtarëve të këtij komisioni, Edmond Spaho, Beldin Këllici, Flamur Noka, Elda Hoti, Albana Vokshi, Ivi Kaso, iu drejtuan selisë dhe hynë në ambientet e brendshme të saj, ndërsa po zhvillojnë një takim me kryetarin e komanduar, Enkelejd Alibeaj dhe sekretarin e përgjithshëm, Gazement Bardhin.

The post Grupi i Rithemelimit në PD, takim me Alibeajn dhe Bardhin appeared first on Albeu.com.

Agron Zhukri është gjyqtari i gjykatës së Tiranës që mori vendimin.

Zhukri mbrëmë u kërcënua me burg nga Gazment Bardhi dhe sot nga Enkelejd Alibeaj me padi, të dy të shkarkuar me vendimin e sotëm që firmosi ky gjyqtar. Por cili është ai dhe si është ngjitur në karrierë?

Gjyqtari Agron Zhukri 56 vjeç, ka një karrierë të gjatë prej më shumë se dy dekadash në sistemin e drejtësisë. Në periudhën dhjetor 1992 deri në qershor 1994 ka punuar pranë Ambasadës Shqiptare në Romë. Zhukri thotë se ka qenë punonjës, por pa e specifikuar punën që bënte, disa thonë se ka qenë shoferë.

Zhukri është shfaqur si ndihmës gjyqtar në procesin e famshëm të gjykimit të të akuzuarave për grushtin e shtetit të 14 Shtatorit 1998. Prej disa vitesh ai është pjesë e trupës në gjykatën e Tiranës.

Ai ende nuk kanë kaluar procesin e Vetingut. Procesi i verifikimit për Zhukrin ka nisur në qershor të vitit 2020, ku aktualisht nuk ka një datë të caktuar për t’u paraqitur në Komisionin e Vetingut për t’u njohur me dosjen hetimore.

Më shumë se sa për vendime, Zhukri dhe gruaja e tij Rezarta janë lakuar kohët e fundit për pasurinë. Megjithatë do të jenë konkluzionet e Komisionit të Vetingut që do të përcaktojnë nëse kjo pasuri e deklaruar është e ligjshme apo gjyqtari Agron Zhukri e ka krijuar duke përdorur funksionin.

The post “Shkriu” grupin e Bashës, kush është gjyqtari që i dha vulën dhe selinë Berishës? appeared first on Albeu.com.

Përmes këtij vendimi, gjykata njeh praktikisht Komisionin e Rithemelimit si drejtues të Partisë Demokratike, i cili në fakt përbëhet nga deputetë dhe funksionarë të PD, mbështetës të Berishës.

Si u shkua deri këtu?

Pas humbjes së zgjedhjeve të 25 prillit, PD organizoi Kuvendin Kombëtar më datë 17 korrik të vitit të shkuar duke rikonfirmuar Lulzim Bashën në krye të partië si edhe strukturat e tjera drejtuese.

Në këtë Kuvend ishte i pranishëm edhe Sali Berisha. Pak javë pas këtij Kuvendi, Basha doli në një konferëncë për shtyp duke thënë se kishte marrë vendim personal për të shkarkuar Sali Berishën nga Grupi Parlamentar i PD-së pasi ishte shpallur “non grata” nga Departamenti Amerikan i Shtetit. Fill pas kësaj, Berisha nisi takimet nëpër rrethe, të cilat i quajti “Foltorja” duke akuzuar Bashën se ishte peng i Edi Ramës.

Në përfundim të takimeve, Berisha dhe mbështetësit e tij njoftuan Kuvendin e 11 Dhjetorit, ndërsa pak ditë para tij, PD zyrtare u kujtua se nuk e kishte regjistruar në gjykatë statutin e ri të partisë bashkë me ndryshimet e bëra. Me urgjencë PD dërgon statutin e ri në gjykatë, e cila e regjistron. Në këtë mënyrë, PD zyrtare ishte një hap para vendimeve që do të merreshin në 11 Dhjetor, raporton abcnews.al.

11 dhjetori

Si fillim, mbështetësit e Berishës ngritën një grup të quajtur Komisioni i Rithemelimit, i cili merrte përsipër drejtimin e partisë deri në bërjen e një referendumi për shkarkimin e kryetarit Lulzim Basha dhe zgjedhjen e një kryetari të ri.

Komisioni i Rithemelimit, i përbërë nga 28 persona, propozoi edhe disa vendime duke i përmbledhur në një statut, të cilin e çuan për ta regjistruar në gjykatë.

Pjesë e vendimeve ishte edhe shkarkimi i të gjithë strukturës drejtuese te PD-së përmes votës në Kuvendin Kombëtar.

Nëse do të regjistrohej ky statut, atëhere PD mbetej pa strukturat drejtuese. Statuti u miratua sot dhe tashmë PD nuk ka asnjë strukturë drejtuese përveç Grupit Parlamentar.

Ankimimi

Një javë pas 11 dhjetorit, PD e drejtuar nga Lulzim Basha organizoi Kuvendin Kombëtar duke shkarkuar përgjithmonë Sali Berishën nga partia dhe dhënien e besimit ndaj Lulzim Bashës.

Menjëherë pas këtij Kuvendi, PD ankimoi në gjykatë statutin e mëparshëm, që ishte miratuar në 11 korrik duke kërkuar pasqyrimin edhe të këtyre ndryshimeve në të, ku vendimi më i rendësishëm ishte përjashtimi i Berishës nga partia.

Ngërçi

Aktualisht, drejtues të PD-së janë Komisioni i Rithemelimit sipas vendimit të sotëm të gjykatës, por situata mund të ndryshojë kryekëput nëse gjykata njeh ankimimin PD-së për statutin e 11 korrikut dhe të fusë aty vendimet e 18 dhjetorit, të cilat përjashtojnë Berishën përfundimisht nga partia duke e rikthyer situatën në gjendjen aktuale.

Zgjedhjet lokale dhe dorëheqja e Bashës

Pas humbjes së zgjedhjeve të pjesshme lokale, Lulzim Basha u përball me presion të brendshëm të deputetëve, të cilët kërkuan largimin e tij dhe ribashkimin e partisë. Basha kërkoi disa ditë kohë dhe vetëm pak ditë më parë deklaroi se bënte një hap pas duke i hapur rrugën proceseve të reja në PD.

Tani ka negociata për ribashkimin e partisë, ku deputetë në krahut të Bashës dhe Berishës janë duke negociuar për gjetjen e një formule, ndërkohë që ky i fundit është shprehur se nuk ka nevojë për negociata mes demokratësh duke kërkuar organizimin e një mbledhjeje të madhe ku të merrnin pjesë të gjithë, ku do të diskutohej mbi veprimet e mëtejshme në PD.

Çfarë ndodh tani?

Vendimi i sotëm i gjykatës e lë PD-në pa drejtues, ku të vetmet njësi që mbeten në “këmbë” janë Komisioni i Rithemelimit, i cili njihet “de facto” si drejtues i partisë dhe Grupi Parlamentar.

Mbetet për tu parë tashmë se cili do të jetë vendimi i Berishës për ditët në vijim, nëse do të futet në seli me deputetët që e mbështesin apo jo. Më parë ai ka kërkuar nga mbështetësit e tij që të tregohen të përmbajtur ndaj demokratëve dhe të mos pasqyrojnë entuziazëm dhe hakmarrje.

Berisha pritet të jetë present sot në orën 17:00 gjatë prezantimit të një libri kundër “Sorosit”, të cilin e ka akuzuar për çfarë ndodhi në PD, ku pritet edhe të zbulojë në një farë mënyrë se çfarë do të bëjë më tej.

Vendimi i sotëm i Gjykatës

1.Pranimin e kerkeses se pales kerkuese Partia Domokratike e Shqiperise, perfaqesuar nga Komisioni i Përkohshëm i Rithemelimit të P.D.SH.
2.Depozitimin e vendimeve te kuvendit Kombetar te PDSH duke rregjistruar ndryshimet perkatese ne regjistrin e partive politike:
Vendimin nr 1. dt.11.12.2021, me anekset bashkëlidhur Statutin e Partisë Demokratike, të Kuvendit Kombëtar të Partisë
Vendimin nr 2. dt. 11.12.2021 të Kuvendit Kombëtar të Partisë Demokratike
Vendimin nr 3. dt. 11.12.2021 të Kuvendit Kombëtar të Partisë Demokratike
Vendimin nr 4. dt. 11.12.2021 të Kuvendit Kombëtar të Partisë Demokratike
Vendimin nr 5. dt. 11.12.2021 të Kuvendit Kombëtar të Partisë Demokratike
Vendimin nr 6. dt. 11.12.2021 të Kuvendit Kombëtar të Partisë Demokratike
Vendimin nr 7. dt. 11.12.2021 të Kuvendit Kombëtar të Partisë Demokratike
3.Kunder ketij vendimi mund te behet ankim sipas ligjit.
U shpall sot me date 25.03.2022 ora 11.10

Kuvendi i 17 korrikut, ku u miratuan të gjitha propozimet e Lulzim Bashës

Kuvendi i 17 korrikut solli 11 ndryshime duke përfshirë zgjerimin e kryesisë me të tjerë anëtarë dhe shtimin e numrit të sekretarëve. Basha krijoi edhe Këshillin Koordinues të Qarkut për organizimet elektorale.
Basha nuk kishte asnjë propozim në lidhje me mandatin e kryetarit (në ndryshim nga Berisha).
Ndryshimet e Kuvendit të Bashës kishin të bënin kryesish me zgjerimin e Kryesisë, Sekretariatit dhe shtimi të strukturës së përhershme të Këshilli Koordinues i Qarkut, që do të ketë përgjegjësi në organizimin elektoral dhe aksionet e veprimtaritë politike të partisë në nivel qarku.
Në zgjerimin e Kryesisë është përfshirë edhe Kryetarin e Këshillit Kombëtar, Kryetarin e Bordit Financiar, Kryetarin e Komisionit Zgjedhor dhe Kryetarin e Komisionit të Apelimit, Integritetit dhe Etikes.
Në këtë kryesi është ruajtur edhe respektimi gjinor, ku jo më pak se 30 % e anëtarësisë të jetë grua.
Të gjitha këto propozime të Bashës u miratuan në 17 korrik përmes Statutit të ri me 60 nene.

Ndryshimet në statutin e PD në Kuvendin e Sali Berishës

Ndryshime në Statut në 2018 dhe 2021 të bëra pas dy humbjeve të rënda nga kryetari në detyrë, në vend të çlironin energji të reja, centralizuan pushtetin në duart e kryetarit duke ja marrë pushtetin organeve kolegjiale.
Parimi 1 anëtar 1 votë me qëllim fuqizimin e anëtarësisë. Kjo për zgjedhjen e organeve në qendër dhe lokale.
Referendumi, vendimet e rëndësishme do merren nga anëtarësia ku i jep demokratëve referendumin që vendosin me demokraci të drejtpërdrejtë.
Për të garantuar dhe forcuar lirinë e fjalës dhe mendimit ,garantohen me parime dhe ne fusim në statut fraksionet.
Kryetari duhet të udhëheqë mbi bazën e vendimeve të tyre por nuk u merr dot tagrat dhe nuk i përdor dot si vulë noteri si me vendimet e fundit.
Duke riformatua në madhësi organet për ti bërë eficente, do bazohet në garën dhe zgjedhjen e anëtarëve me votë të fshehtë.
Rol përcaktues kuvendit dhe këshillit kombëtar. vendime te tyre përcaktojë politikëbërjen dhe aksionin politik.
Të zgjedhurit në organet qendrore do jenë shumicë.
Organizatat partnere përveç LGD dhe FRPD, është shtuar grupimi dhjetor 90. Ato do kenë akses më të sigurt në listat e kandidimit në pushtetin vendor.

The post DETAJET/ Gjykata i dha “vulën” Berishës. Kush e drejton tani PD-në? Çfarë do të bëjë Berisha dhe si u shkua deri këtu? appeared first on Albeu.com.

Delegatët në “Air Albania” votuan pro shkarkimit të kryetarit të PD-së së asaj kohë, Lulzim Basha, nënkryetarëve, Grida Duma, Jorida Tabaku dhe Enkeled Alibeaj, sekretarit të Përgjithshëm, Gazmend Bardhi si dhe kryesisë së partisë.

Aktualisht, pas dorëheqjes së Bashës, sekretari i Përgjithshëm, Gazmend Bardhi komandoi në detyrën e kryetarit, Enkelejd Alibeajn.

KRYESIA E PD

KRYETAR

Lulzim Basha (I dorëhequr)

SEKRETAR i PËRGJITHSHËM

Gazment Bardhi

NËNKRYETAR

Enkelejd Alibeaj (I komanduar kryetar)

Agron Gjekmarkaj (I dorëhequr)

Jorida Tabaku

Grida Duma  (e dorëhequr)

KRYETAR i KËSHILLIT KOMBËTAR

Arta Sakja

KRYETAR i KOMISIONIT TË APELIMIT, INTEGRITETIT DHE ETIKËS

Flutura Açka (e dorëhequr)

KRYETAR i KOMISIONIT ZGJEDHOR

Jemin Gjana

SEKRETAR ORGANIZATIV

Flamur Hoxha

SEKRETARE PËR TË PËRNDJEKURIT POLITIK

Jonila Godole

SEKRETAR PËR MARRËDHËNIET ME PUBLIKUN

Greta Bardeli

SEKRETAR i KOORDINIMIT ELEKTORAL

Taulant Zenel

SEKRETAR PËR ORGANIZATAT PARTNERE

Orjela Nebiaj

SEKRETAR PËR ORGANIZIMIN DIXHITAL

Endri Hasa

SEKRETAR PËR ÇËSHTJET LIGJORE DHE ZGJEDHORE

Indrit Sefa

SEKRETAR PËR EMIGRACIONIN DHE DIASPORËN

Kreshnik Çollaku

SEKRETAR PËR DECENTRALIZIMIN DHE PUSHTETIN VENDOR

Roland Bejko

SEKRETAR i MARRËDHËNIEVE ME JASHTË

Gentian Gaba

ZËDHËNËS

Ina Zhupa

ANËTARË TË ZGJEDHUR

Agron Kapllanaj

Dhurata Tyli (Çupi)

Ervin Salianji

Fitim Zekthi

Gazmend Koduzi

Gert Bogdani

Helidon Bushati

Juela Hamati

Lindita Metaliaj

Orjola Pampuri

Taulanda Jupi

Tomor Alizoti

Xhemal Gjunkshi

Xhelal Mziu

The post EMRAT/ Vendimi i Gjykatës së Tiranës, këta janë të gjithë drejtuesit e PD-së që konsiderohen të shkarkuar appeared first on Albeu.com.

Aldo Bumçi dhe Gent Strazimiri kanë qenë dy personat që kanë tentuar të futen brenda duke trokitur, por askush nuk i hapi dyert.

Më pas ashtu si dje, ata kanë dhënë një deklartatë për mediat.

“Kemi ardhur këtu me drejtuesit e tre degëve të Tiranës, me Gentin dhe Ivin dhe kishim caktuar një mbledhje pune dhe vend tjetër për ta bërë përveç shtëpisë sonë nuk ka. Kjo është kthyer në një shtëpi e mbyllur. Është kthyer në një bunker.

Kujt i shërben kjo? Të gjejë dikush një të mirë publike, një interes, që opozita të kthehet në burg, bunker. I shërben vetëm Bashës që të mbajë karrigen e tij dhe Ramës. Opozita është në këmbën ditën e shtunë do ta çlirojë këtë bunker, do ta kthejë në shtëpinë e madhe të demokratëve. Opozita duhet t’i ketë dyert e hapura” tha deklaroi Aldo Bumçi

/albeu.com

The post Komisioni i Rithemelimit mbërrin në selinë e PD, dera vazhdon të jetë e kyçur appeared first on Albeu.com.