“Afati i vendosjes është me të vërtetë non-sens i Supremes për këtë mjet juridik të çrregullt është mes 2 deri 4 vjet. Ka kaluar më shumë se 1 vit që e kemi parashtruar dhe d.m.th. këto të dënuar që e kanë pasur të plotfuqishme me vetë Apelin, që nuk kanë pasur burg të përjetshëm tani po e presin këtë mjet juridik të çrregullt që të kenë parakushtin, të drejtën që të aplikojnë të Gjykata për të drejtat e njeriut në Strasburg”, tha avokati Naser Raufi.

Raufi planifikon që nga e hëna të takohet me të dënuarit e grupit të Kumanovës dhe të vendosin edhe për çështjen e transferimit të disa prej tyre në Kosovë. Edhe pse Raufi thekson se disa prej të dënuarve janë kundër transferimit në Kosovë.

“Unë si avokat i 8 shtetasve të Kosovës, deri tani dy prej tyre për të cilët edhe vlen transferimi, refuzojnë të transferohen me shpjegimin që me atë veprim ato faktikisht e pranojnë akuzën që ato janë terroristë dhe kanë kryer vepra terroriste”, u shpreh Naser Raufi – avokat.

Ndërsa sipas avokatit Raufi, vendimi i Gjykatës Supreme që të mos ketë rigjykim për grupin e Kumanovës nuk është i arsyetuar.

“Nuk ka një fjali  që e arsyeton këtë aktgjykim që praktikisht refuzon ankesat e palës mbrojtëse dhe të dënuarve, që unë të mund të komentoj se cila është arsyeja se përse nuk ka rigjykim. Praktikisht vet Supremja nuk e shpjegon pse?  Provat që i propozuar pala mbrojtëse që janë më shumë se 200 nuk i ka pranuar dhe nuk ka asnjë arsyetim përse nuk janë pranuar ankesat”, shtoi avokati Naser Raufi.

Më 2 janar Gjykata Supreme vendosi që të mos ketë gjykim të ri për lëndën “Lagja e Trimave” apo siç njihet edhe si Rasti i Kumanovës, duke i vlerësuar si të pabaza ankesat e të akuzuarve. Më 2 nëntor të vitit 2017 Gjykata Themelore e Shkupit i ka dënuar me gjithsej 746 vjet burg pjesëtarët e grupit të Kumanovës, të akuzuar për terrorizëm për ngjarjet e 9 dhe 10 majit të vitit 2015 në Kumanovë. Për veprën terrorizëm janë dënuar gjithsej 33 persona, prej të cilëve 8 me burg të përjetshëm.

The post Grupi i Kumanovës, 8 i plotësojnë kushtet për Strasburg (VIDEO) appeared first on Albeu.com.

Ka qenë kryeministri, Albin Kurti, i cili tha se kërkesa për transferim të të burgosurve duhet të jetë individuale, por deri tani s’ka pasur një të tillë, pasi rasti ende është në Gjykatën Supreme në Maqedoninë e Veriut.

“Deri më tani nuk jam njoftuar se është bërë një kërkesë e tillë, pra nëse një shtetas i Kosovës i ka shprehur interes palës dënuese, pra Maqedonisë së Veriut për t’u transferuar, ajo palë e njofton palën zbatuese, këtë rast Kosovën, porsa vendimi të ketë marrë formë të prerë. Por rasti i Kumanovës është në Gjykatën Supreme dhe rasti nuk ka përfunduar”, tha ai.

Deputeti i PDK-së, Hisen Berisha, i cili edhe bëri pyetjen parlamentare, kërkoi nga kryeministri të tregoj çka kanë bërë që mos të cilësohen si terrorist.

“Çka është bërë që ata mos të cilësohen si terrorist, se këtë në Kuvend është debatuar mbi këtë fushë”, pyeti ai.

Por këtë epitet, siç e quajti të padrejtë, Kurti tha se e ka thënë kolegia e Berishës në PDK, duke aluduar në Blerta Deliun.

“Epitetin e padrejtë ‘terrorist’ e ka thënë kolegia juaj. Ndërkaq, ju tash kinse po brengoseni për djemtë e Kumanovës që mbahen në burg atje. Populli ynë e ka një fjalë të ulët për këtë shprehje dhe sjelljen tuaj. Por unë juve s’po iu them”, tha ai.

Por deputetja Deliu e quajti manipulim deklaratën e kryeministrit Kurti.

“Sot u vërtetua kush ka qenë makineria manipuluese. E saktësoj qartë kryeministri me manipulimin se armata e udhëhequr nga ai që i ka bërë gjatë kohës”, tha ajo./albeu.com/

The post Grupi i Kumanovës sërish temë debati në Kuvendin e Kosovës appeared first on Albeu.com.