grupi c Archives - Albeu.com

Brazili dominon Skocinë, Maroku siguron kalimin mes 16 më të mirëve në Botërorin 2026

admin — Thu, 25 Jun 2026 06:19:48 +0000

Dy sfidat përmbyllëse të Grupit C në Botërorin 2026 u luajtën paralelisht pas mesnate, duke nisur nga ora 00:00. Nuk pati vend për befasi, pasi skuadrat e konsideruara favorite e konfirmuan epërsinë edhe në fushë.

Brazili mori një fitore të pastër 3-0 ndaj Skocisë, falë dy golave të Vinicius JR dhe një realizimi të Cunha. Në ndeshjen tjetër, Maroku mposhti Haitin me rezultatin 4-2, me autorë golash Hakimi, Saibari, Rahimi dhe Yassine për përfaqësuesen afrikane.

Pas këtyre rezultateve, Brazili dhe Maroku avancojnë në fazën e radhës me nga 7 pikë, duke u renditur përkatësisht në vendin e parë dhe të dytë. Skocia, ndërkohë, mbetet e treta me 3 pikë dhe vijon të shpresojë te një mrekulli për kualifikimin.

The post Brazili dominon Skocinë, Maroku siguron kalimin mes 16 më të mirëve në Botërorin 2026 appeared first on Albeu.com.

VIDEO/ Maroku vendos ndeshjen me Skocinë që në minutën e 2-të, tani sfidon Brazilin për kreun e Grupit C! Edhe surpriza mbetet në lojë

admin — Sat, 20 Jun 2026 07:11:29 +0000

Maroku po konfirmohet si një kundërshtar shumë i fortë në Grupin C. Pas barazimit të marrë ndaj Brazilit, përfaqësuesja marokene arriti të fitojë 1 – 0 ndaj Skocisë në ndeshjen e 2-të.

Takimi u zhbllokua menjëherë, pasi Saibari realizoi që në minutën e 2-të. Një tregues i rëndësishëm i paraqitjes së Marokut ishte fakti se skuadra britanike nuk goditi asnjëherë në kuadrat.

Pas fitores së Brazilit, llogaritë në grup mbeten të hapura plotësisht, si për vendin e parë, ashtu edhe për çështjen e kualifikimit, ku ende ekziston mundësia edhe për vendin e 3-të.

Pas 2 ndeshjeve të zhvilluara në Grupin C për secilën kombëtare, Brazili dhe Maroku mbajnë bashkë vendin e parë me nga 4 pikë.

GOLI I NDESHJES

The post VIDEO/ Maroku vendos ndeshjen me Skocinë që në minutën e 2-të, tani sfidon Brazilin për kreun e Grupit C! Edhe surpriza mbetet në lojë appeared first on Albeu.com.

Brazili fiton ndaj Haitit, por nuk bind ende; Cunha dhe Vinicius vendosin sfidën

admin — Sat, 20 Jun 2026 06:56:39 +0000

Pas barazimit 1 – 1 ndaj Marokut në ndeshjen hapëse të Kupës së Botës 2026, Brazili u përball me kritika të shumta dhe me presion të shtuar.

Në përballjen e dytë të Grupit C, të zhvilluar sot në mëngjes, “Seleçao” mori fitoren që i nevojitej, duke mposhtur Haitin me rezultatin 3 – 0. Protagonistë në suksesin e brazilianëve ishin sulmuesi i Manchester United, Cunha, që realizoi dopietë, si dhe Vinicius.

Megjithatë, edhe pse 5 herë kampionët e Botës e mbyllën ndeshjen që në pjesën e parë me shifrat 3 – 0, paraqitja e tyre mbetet ende larg pritshmërive. Këtë e tregon edhe fakti se në fraksionin e dytë Haiti goditi 3 herë portën kundërshtare, ndërsa ekipi i drejtuar nga Ançelotti nuk regjistroi asnjë goditje në kuadrat.

Për Brazilin, sfida e fundit në Grupin C do të luhet ndaj Skocisë më 25 qershor, në orën 12 të mesnatës (ora lokale në Shqipëri).

GOLAT E NDESHJES

The post Brazili fiton ndaj Haitit, por nuk bind ende; Cunha dhe Vinicius vendosin sfidën appeared first on Albeu.com.