Komiteti Ekzekutiv i Federatës Shqiptare të Futbollit ka miratuar strukturën e dy grupeve, A dhe B, ku do të garojnë skuadrat e Kategorisë së Dytë gjatë sezonit futbollistik 2026/27.

Ndarja e ekipeve u përgatit nga Departamenti i Garave në bashkëpunim me Komisionin e Ligave dhe Garave, përpara se të merrte miratimin përfundimtar nga Komiteti Ekzekutiv i FSHF-së.

Edicioni i ardhshëm do të ketë gjithsej 23 skuadra. Në Grupin A do të luajnë 12 ekipe, ndërsa Grupi B do të përbëhet nga 11 skuadra.

Përbërja e grupeve për sezonin 2026/27 është kjo:

Grupi A: Lushnja, Shiroka, Erzeni, Tërbuni, Luzi 2008, Veleçiku, Naftëtari, Gramshi, Basania, Vllaznia B, Partizani B dhe Eagle Football.

Grupi B: AF Luftëtari, Apolonia, Butrinti, Bylis B, Maliqi, Tomori, Devolli, Delvina, Këlcyra, Albpetrol dhe Memaliaj.

Pas përcaktimit të grupeve, FSHF do të vijojë përgatitjet administrative për nisjen e sezonit të ri 2026/27. Hapi i radhës do të jetë organizimi i garës dhe hartimi i kalendarit të ndeshjeve nga departamentet përkatëse.

The post FSHF përcakton grupet e Kategorisë së Dytë për sezonin 2026/27 appeared first on Albeu.com.

Në minutën e 74-të erdhi goli i parë, Manzambi, 1 – 0 për Zvicrën. Pak momente më vonë, Muharemovic doli me të kuq te boshnjakët.

Vargas dhe Manzambi i dërguan shifrat 3 – 0 në favor të Zvicrës. “Goli i nderit” te ballkanasit mbajti “firmën” e Mahmic (90+3’).

Në frymën e fundit të shtesës, 90+7, Xhaka rezultoi i saktë nga penallti, 4 – 1. Festimi i mesfushorit shqiptar ishte i “koduar”, ndërsa vjen si “sinjal” për kritikat gjatë ditëve të fundit.

The post Zvicra shpërthen me 4 gola ndaj Bosnje-Hercegovinës, Granit Xhaka lë gjurmë edhe me një festim me mesazh të nënkuptuar appeared first on Albeu.com.