“Lidhur me pohimet e VMRO-së, informojmë se deri të presidenti gjatë këtij viti në dy raste ka pasur propozime për të menduar për faljen e politikanëve të caktuar, ose të mbështesë miratimin e Ligjin e Amnistisë për politikanë aktualë dhe të mëparshëm. Këto propozime, përmes ndërmjetësve iu bënë presidentit nga struktura politike dhe të sigurisë, të afërta me opozitën aktuale dhe nga ish politikanë”, thuhet në reagimin e presidencës. /Alsat.mk

The post Presidenca e Maqedonisë së Veriut: Amnistinë për Gruevskin e kërkuan njerëz të afërt me opozitën appeared first on Albeu.com.

Sipas LSDM-së, partia e Mickoskit dhe Levica dje kanë treguar se nuk kanë asnjë argument dhe se nuk dinë të diskutojnë e të bëjnë debat.

“Me shumë lehtësi tregojnë se janë të gatshëm të bllokojnë të ardhmen evropiane të qytetarëve, vetëm për qëllime personale dhe kundër një jete më të mirë për qytetarët dhe realizimit të qëllimit strategjik, anëtarësimit të plotë në BE. Është e qartë si kristali se qëllimi i tyre nuk është të negociojnë një marrëveshje të re, por qëllimi i tyre është të bllokojnë dhe të shpëtojnë karrierën e tyre politike. Mickoski dëshiron ta tërheqë vendin prapa, vetëm për shkak të ulëses së tij në Pallatin e Bardhë, ashtu siç bëri Gruevski për 11 vjet” thonë nga LSDM.

Nga LSDM shprehen të bindur se do të sigurojnë 80 deputetë për ndryshimet kushtetuese./ina

The post LSDM: Mickoski si Gruevski,VMRO-DPMNE-ja kundër BE-së appeared first on Albeu.com.

Gruevski më 13 nëntor të vitit 2018 ishte arratisur në Hungari, ndërsa pak ditë më vonë kishte njoftuar se autoritetet në Budapest i kishin miratuar kërkesën për azil politik, për shkak të, siç ka thënë, “ndjekjes politike nga Qeveria e kryeministrit [të atëhershëm të Maqedonisë së Veriut] Zoran Zaev”.

Pretendimet e tij janë hedhur poshtë nga Qeveria maqedonase e cila e kërkon Gruevskin për vuajtjen e disa dënimeve me burg.

Ish-kryeministri maqedonas duhet përballet me 12 vjet e gjysmë burgim për dy gjykime të formës së prerë dhe një të shkallës së parë, por edhe me disa procese gjyqësore që janë duke vazhduar.

Ministria maqedonase e Drejtësisë njoftoi se është duke ndjekur procedurat gjyqësore dhe se do të kërkojë edhe një herë që Gruevski të ekstradohet në Maqedoninë e Veriut.

“Deri më tani për Nikolla Gruevskin është dërguar një kërkesë për ekstradim në nëntor të vitit 2018 dhe një tjetër në qershor të vitit 2019. Kërkesa për ekstradim përfshin të gjitha rastet për të cilat kemi dijeni se janë duke u zhvilluar procedura para organeve gjyqësore maqedonase, gjegjësisht për të gjitha procedurat për të cilat është lëshuar fletë-arrest”, thuhet në njoftimin e Ministrisë së Drejtësisë.

Hungaria ka refuzuar kërkesën për ekstradim më 5 tetor të vitit 2019 me arsyetimin se Nikolla Gruevskit i është dhënë azil dhe, sipas ligjit hungarez, një person nuk mund të ekstradohet në vendin nga i cili ka ikur.

Ndjekja e ish-kryeministrit maqedonas, Nikolla Gruevski, dhe zyrtarëve të tjerë ishte iniciuar nga afera e përgjimeve që ishte publikuar në vitin 2013 nga Zoran Zaev, ish-kryetari i Lidhjes Social Demokrate, parti e cila në atë kohë ishte në opozitë.

Nikolla Gruevski ka qenë kryeministër i Maqedonisë së Veriut nga viti 2006 deri më 2016. REL

The post Akuzohej se kishte shpërdoruar detyrën dhe u arratis në Hungari, Shkupi kërkon sërish ekstradimin e Gruevskit appeared first on Albeu.com.

Reagimi i Gruevskit vjen pas vendimit për “Parcelat në Vodno” ku ai u dënua me 7 vjet, ndërsa gjykata i konfiskoi parcelat në Vodno si dhe banesat, përveç banesës që ishte në emrin e nënës së tij.

Gruevski thekson se viktima është dënuar para se të fillojë gjykimi dhe zbardhja e të vërtetës nga pushteti dhe nga gjyqësia.

“Gjithçka tjetër është teatër për opinionin, përkatësisht kohë për propagandë kur edhe opinioni duhet të bindet”, reagon Gruevski.

Ai shton se prokuroria dhe gjykata mund të të shpallin se ke marrë para të shumta pa asnjë dëshmi, material ose dëshmi dhe në fund përdoret fjala “u dëshmua se…”.

Në Maqedoni, shkruan Gruevski, nuk gjykon gjykata, por politika.

“Qeveria përmes sistemit gjyqësor bën çfarë të dojë, sekuestron diçka nga kush do dhe në çfarë vlere do, pavarësisht nga gjithçka, sekuestro kë të dojë, varësisht nga afërsia me të. Nuk ka masë kritike mes elitës profesionale që është e gatshme të bëjë pyetje logjike sado që sheh paligjshmëri dhe procese absurde”, shkruan Gruevskit.

The post U dënua me 7 vite burg, reagon Gruevski appeared first on Albeu.com.

Të akuzuarit në këtë lëndë ish-kryeministri Nikolla Gruevski, ish-shefi i policisë sekrete Sasho Mijallkov dhe Jordan (Orce) Kamçev u shpallën fajtorë.

Nikolla Gruevski dënohet me 7 vjet burg, Sasho Mijallkov dënohet me 1 vit e 3 muaj, duke llogaritur dhe kohën e kaluar në paraburgim.

Risto Novaçevski u dënua me masë alternative, 3 vite dënim me kusht.

Jordan (Orce) Kamcev u dënua me 1 vit burg, ku i llogaritet edhe koha e kaluar në paraburgim. Nenad Josifoviç dënohet me masë alternative, 2 vjet burg me kusht.

Rastin e e ka udhëhequr gjykatësi Ilija Tërpkov, ndërsa përfaqësues i akuzës ka qenë prokurorja Lile Stefanova.

Sipas aktakuzës, Gruevski është akuzuar për veprat larje parash dhe për fitim kundërligjor dhe “fshehje të pronës”, kumbari i tij Risto Novaçevski, biznesmenët Nenad Josifoviq, Jordan (Orce) Kamçev dhe Ratka Kunovska Kamçeva akuzohen për “larje parash”, ndërsa kushëriri i parë i Gruevskit dhe ish-drejtor i DSK-së, Sasho Mijallkov, është akzuar për “ndihmë gjatë veprës penale larje parash dhe punë tjera nga vepra ndëshkuese”.

The post Nikolla Gruevski dënohet me 7 vjet burg, zbulohet arsyeja appeared first on Albeu.com.

Në një reagim në profilin e tij në Facebook, Gruevski thotë se gjatë qeverisjes së tij vetëm ka mbrojtur interesat e shtetit dhe kjo ka bërë që të përfitojë shumë armiq të jashtëm, sipas tij.

“Përpjekjet e mia disavjeçare që problemi me emrin të zgjidhet në një mënyrë tjetër, vendimet lidhur me krizën e migrantëve dhe mbylljen e korridorit ballkanit në vitin 2016 dhe disa vendime tjera me të cilat po përpiqesha të mbroj interesat shtetërore dhe nacionale të Maqedonisë, kanë irrituar disa shtete dhe më krijuan shumë armiq si p.sh. Xhorxh Soros i cili investoi shumë përpjekje dhe financa për të rrëzuar Qeverinë time”.

Vendimet e djeshme të Departamentit Amerikan të Shtetit, ku Nikolla Gruevski dhe Sasho Mijallkov u shpallën “persona non grata”, i ka komentuar edhe kreu i Aleancës për Shqiptarët Ziadin Sela. Ai e përshëndet vendimin e administratës së presidentit Bajden, por thotë se kjo listë duhet zgjeruar edhe më shumë.

“Unë si një nga aktorët politik e përshëndes këtë vendim, sepse me të vërtetë që lufta ndaj korrupsionit dhe figurave politike të cilët shfrytëzojnë këtë situatë politike këtu në Ballkanin Perëndimor për nevoja personale dhe pasurim individual natyrisht se duhet të jetë e pakompromistë. Vlerësoj se kësaj liste i duhen shtuar edhe shumë aktorë politikë”.

Për Gruevskin dhe Mijallkov do të bllokohen të gjitha pronat dhe financat që kanë ose mund të kenë në SHBA. Në listat e zeza të SHBA-së prej më herët figurojnë edhe politikanë tjerë, si kreu i PDSH-së Menduh Thaçi, Xhevat Ademi nga BDI dhe Lube Boshkovski.

The post “U shpall non-grada nga SHBA”, Gruevski: Mbrojta shtetin më eliminuan “armiqtë e jashtëm” appeared first on Albeu.com.

Nga ana tjetër, sekretarja e afaristit Aleksandar Ivanovski-Teranova, Tatjana Stojanovska në sallën gjyqësore tha se në fletën e pronësisë posedon dy banesa – njëra është regjistruar në emrin e saj, kurse banesa tjetër në emrin e kompanisë, banesa këto të cilat, siç tha, nuk i posedon ajo, por Nikolla Gruevski.

Në pyetjen e prokurores Stefanova – kush i ka dhënë të holla për banesën, dëshmitarja tha – paratë ishin në agjenci, ka kaluar shumë kohë, nuk më kujtohet. Shkova në agjencinë e cila e publikoi banesën. Erdhi një njeri i Gruevskit, shkuam te noteri për t’u nënshkruar dhe kaq, deklaroi dëshmitarja, e cila shtoi se nuk ka dhënë para nga xhepi i saj.

Gjatë dëshmisë ajo theksoi se asnjëherë nuk ka marrë çelës dhe nuk ka hyrë në banesë. Ajo u përgjigj se është menaxhere e ITK Inzhenering. Qartësoi se kompania është themeluar në vitin 2008-2009 për të marrë pjesë në tender.

Ndryshe, sipas aktakuzën për rastin “Parcelat në Vodno”, Gruevski i cili me familjen e tij jetonte në Bihaqka” ka pasur edhe dy banesa në po në të njëjtën ndërtesë të cilat në dokument figuronin në emrin e njerëzve të tjerë, të cilët në këto banesa nuk kanë hyrë asnjëherë. /TV21/

The post Gruevski ka blerë banesa, por jo ne emër të tij appeared first on Albeu.com.

Në analizë përkujtohet se Marki-Zaj paraprakisht në një postim në Fejsbuk paralajmëroi se “do t’i ekstradojë kriminelët emigrantë të cilët FIDES (partia e Orbanit) i solli në vend: Nikolla Gruevskin nga Maqedonia e Veriut, Zaid Nafa  nga Jordani dhe të tjerë”.

Por, siç citohet në tekst, sipas ekspertëve juridik, që t’i hiqet statusi Gruevskit si azilant dhe për ekstradimin e tij do të duhet më shumë nga vullneti politik dhe ai proces mund të jetë shumë i komplikuar dhe i gjatë.

“Në një shtet demokratik bazuar në qeverisje të së drejtës, asnjë qeveri, asnjë kryeministër, nuk kanë të drejtë dikujt t’ia marrin statusin e refugjatit”, deklaroi Andras Lederer, përfaqësues i Komitetit hungarez të Helsinkut, i obliguar për monitorimin e të drejtave të njeriut.

Por, edhe përveç kësaj, sipas autorëve të analizës, ekzistojnë mënyra juridike që t’i hiqet statusi i azilantit Gruevskit, sepse Drejtoria e përgjithshme nacionale për menaxhim me shtetas të huaj në Hungari, në çdo tre vjet i kontrollon statuset e refugjatëve.

“Kjo në përgjithësi është një procedurë e re për azil, në të cilën aplikuesi duhet të dëshmojë se ende ekzistojnë arsye për shkak të të cilave i pranohet azili. Bazuar në dëshmitë, autoritetet mund të vendosin nëse do ta vazhdojnë azilin ose do ta ndërpresin”, sqaron Lederer.

Në analizë përkujtohet se Gruevski “arriti në Hungari më 11 apo 12 nëntor të vitit 2018, për t’i ikur vuajtjes së dënimit me burg prej dy viteve”, pas së cilës muajin e njëjte mori azil me procedurë urgjente, të cilën “shumë kritikë e konsideronin si shumë kontrovers dhe si gjest personal i vullnetit të mirë të Orbanit ndaj aleatit të tij politik”.

“(Gruevski) në mëngën e tij e fshehte mendimin e Komisionit për mbrojtje nga diskriminimi të cilën e mori pak para se të arratiset dhe në të cilën thuhej  se është diskriminuar dhe se nuk do të marrë gjykim të drejtë në shtetin e tij. Ironi është ajo që ky Komision ishte zgjedhur në kohën kur partia e Gruevskit ishte në pushtet dhe e udhëhequr nga mbështetësi i tij i fuqishëm – Aleksandar Dashtevski, shtohet në tekst, me ç’rast përkujtohet se kërkesa për azil në Hungari ishte miratuar për më pak se 10 ditë.

Në analizë theksohet se organizatat joqeveritare hungareze, si Komiteti i Helsinkut, ishin befasuar nga miratimi i shpejtë i kërkesës për azil të Gruevskit, duke potencuar se autoriteteve të emigracionit në Hungari zakonisht u nevojiten rreth 60 ditë për të vendosur në kërkesat e tilla, të cilat më së shpeshti i refuzojnë. Ata potencojnë se në vitin 2018, Hungaria u ka dhënë azil 68 personave, ndërsa ka refuzuar 595 kërkesa të azilantëve.

“Por, madje edhe nëse statusi i azilantit të Gruevskit në Hungari ndërpritet, ai mund të paraqesë ankesë  të vendimit te gjykata hungareze”, shtohet në analizë.

Në tekst përkujtohet se Gjykata në Hungari në vitin 2019 e refuzoi kërkesën nga Maqedonia e Veriut për ekstradimin e Gruevskit, duke pohuar se “një person i njohur si refugjat nuk mund të ekstradohet në shtetin nga i cili është arratisur”.

“Në një proces të ri, nëse ka kërkesë të re për ekstradim nga Maqedonia e Veriut dhe nëse Gruevski tashmë nuk konsiderohet si refugjat, atëherë mund të ekstradohet. Por, gjykata hungareze duhet të vendosë nëse në atdhe do të ketë gjykim të drejtë”, sqaron Lederer, duke shtuar se gjithë procesi mund të zgjasë me muaj, nëse jo edhe me vite.

Në analizë theksohet edhe se disa media hungareze, si sajti 24.hu, spekulojnë që në rast se i merret azili në Hungari, Gruevski “mund të vendosë të shpërngulet në Turqi ose Rusi”.

 

 

The post 24.hu: Gruevski mund të shpërngulet në Turqi ose Rusi appeared first on Albeu.com.

Sipas informacioneve që i ka publikuar “Dojçe Welle”, Gruevski ka regjistruar firmë.

Qendra e firmës do të jetë në qytezën e vogël Pecel. Sipas dokumenteve të publikuara në Qendrën për regjistrimin e firmave në Hungari, personi Nikolla Gruevski, i lindur më 31 gusht 1970 nga nëna Hadezhda Mijallkova, ka kërkuar dhe ka marrë pëlqim për të filluar biznes me firmën me qendër në Pecel.

Nga dokumentete siguruara nga “Dojçe Welle”, mund të lexohet se Shoqëria me përgjegjësi të kufizuar e Gruevskit planifikon aktivitete të zgjëruara të biznesit, së paku në 10 sektore të ndryshme.

The post Gruevski bëhet biznesmen në Hungari, ka hapur firmë appeared first on Albeu.com.

Ai thtë se nuk është hera e parë që të bastiset shtëpia e tij dhe vetëm para disa muajve policët kanë pyetur nëse ai ka qenë në shtëpi.

Për pistoletat Gruevski thotë se ka leje.

“Lajmi më i ri është se kanë gjetur armë pa leje. Katër pistoletat e mia janë me leje të dhëna nga MPB dhe aty kanë mund t’i gjejnë edhe lejet. Kjo leje vlente deri në momentin kur u arratisa nga Maqedonia me qëllim që të kërkoj azil politik për shkak të përndjekjes time nga pushteti”, shkruan Gruevski duke shtuar se pas arratisjes afati i lejes ka skaduar dhe se nuk ka mundësi të vazhdohet leja për shkak se nuk ndodhet në Maqedoni.

The post Ju sekuestruan 4 pistoleta, reagon Gruevski appeared first on Albeu.com.