Brenda pak çastesh, bashkëshorti dhe babai i viktimave mbeti pa gruan dhe të birin.

Duke folur mes lotësh për televizionin publik grek ERT, ai u shpreh: “Humba si gruan ashtu edhe fëmijën tim. Ata ishin duke shkuar në punë, nuk e di çfarë ndodhi. Humba gjithçka.” Deklarata e tij ka prekur opinionin publik grek, ndërkohë që familja po përjeton një tragjedi të jashtëzakonshme.

Ngjarja ndodhi rreth orës 07:30, në rrugën provinciale Amfipolis–Drama, në afërsi të Paleokomit. Sipas autoriteteve greke, automjeti drejtohej nga 21-vjeçari, ndërsa e ëma 43-vjeçare udhëtonte në sediljen e pasagjerit. Për shkaqe që mbeten nën hetim, makina hyri në korsinë e kundërt dhe u përplas kokë më kokë me një kamion. Goditja ishte tepër e fuqishme dhe nënë e bir ndërruan jetë në vend.

Drejtuesi 56-vjeçar i kamionit, i cili pësoi plagë të lehta, tregoi për televizionin Mega çastet e aksidentit: “Po lëvizja normalisht në korsinë time me rreth 75-80 kilometra në orë. Papritur pashë një makinë që po vinte drejt meje. Kishte humbur kontrollin dhe kishte kaluar në kahun tim. U përpoqa të shmangesha duke lëvizur majtas, por nuk pata kohë”.

Në qendër të hetimeve pritet të jenë regjistrimet e kamerës së instaluar në kamion. Mediat greke raportojnë se, kur ndodhi përplasja, shoferi po zhvillonte një transmetim të drejtpërdrejtë në Facebook përmes kamerës së automjetit, e cila fiksoi të gjithë ngjarjen. Në pamje shihet kamioni duke udhëtuar normalisht në rrugën Amfipolis–Drama, ndërsa makina që vinte përballë kapërcen vijën ndarëse dhe futet në korsinë e tij, duke e bërë përplasjen të pashmangshme.

Ekspertët pritet ta shqyrtojnë videon, e cila vlerësohet si një provë me rëndësi për të përcaktuar plotësisht dinamikën e aksidentit.

Dy viktimat ishin shtetas shqiptarë, të vendosur prej vitesh në zonën e Paleokomit, ku punonin në një biznes lokal. Në komunitet njiheshin si njerëz punëtorë dhe të respektuar. Tragjedia ka sjellë pikëllim të thellë te banorët, ndërsa në rrjetet sociale janë publikuar dhjetëra mesazhe ngushëllimi.

Pas aksidentit, shoferi i kamionit u dërgua në Spitalin e Dramës, ku mori ndihmën e parë mjekësore. Ai është jashtë rrezikut për jetën. Hetimet e autoriteteve greke vazhdojnë për të zbuluar arsyen pse automjeti i drejtuar nga 21-vjeçari kaloi në korsinë e kundërt, duke shkaktuar aksidentin që i mori jetën atij dhe nënës së tij.

The post Aksidenti tragjik në Greqi/ Shqiptari humb gruan dhe djalin që po shkonin në punë: Humba gjithçka… appeared first on Albeu.com.

Paraditen e së premtes, në afërsi të urës së Fshajtë në Gjakovë, është gjetur një grua pa shenja jete.

Lumni Graishta, drejtor rajonal i Policisë në Gjakovë, i ka konfirmuar Indeksonline se në vendngjarje janë angazhuar të gjitha njësitet e nevojshme. Ekipi i mjekësisë ligjore pritet të mbërrijë për kryerjen e ekzaminimeve përkatëse.

Sipas të dhënave paraprake të bëra të ditura nga Graishta, viktima dyshohet se është rreth 50 vjeçe. Nga këqyrja sipërfaqësore e trupit nuk janë vërejtur shenja të dukshme dhune.

Graishta ka deklaruar se, në këtë fazë, policia nuk disponon informacione të tjera përtej atyre të publikuara në komunikatë, pasi mjekësia ligjore ende nuk ka arritur dhe deri atëherë nuk mund të ndërmerren veprime të mëtejshme. Ai ka bërë të ditur se njësitet përkatëse ndodhen në vendin e ngjarjes, ndërsa identiteti i viktimës nuk është përcaktuar ende. Policia ka verifikuar gjithashtu raportimet e kësaj jave për persona të zhdukur, por nuk ka gjetur ndonjë rast që përputhet me viktimën. Të dhëna shtesë pritet të sigurohen pas ekzaminimit nga IML-ja dhe hetimeve të sektorit rajonal.

The post Gjendet pa jetë një grua pranë urës së Fshajtë në Gjakovë appeared first on Albeu.com.

Një video virale tregon Macronin duke iu afruar Presidentit turk Rexhep Tajip Erdogan dhe gruas së tij Emine Erdogan gjatë një përshëndetjeje zyrtare.

Në një moment, presidenti francez përkulet nga zonja e parë, gjë që shumë përdorues të mediave sociale e interpretuan si një përpjekje për t’i puthur dorën. Megjithatë, Emine Erdogan e tërheq shpejt dorën, pas së cilës përshëndetja vazhdon pa shqetësime të mëtejshme.

Videoja shpejt mblodhi miliona shikime dhe interneti u mbush me komente dhe interpretime të ndryshme të këtij takimi. Ndërsa disa e konsiderojnë atë një moment diplomatik të ngathët, të tjerë theksojnë se nuk është e mundur të konkludohet me siguri se cili ishte qëllimi i Macron vetëm bazuar në videon e shkurtër.

Vëmendje e veçantë iu kushtua reagimit të qetë të Emina Erdogan, e cila, sipas shumë komentuesve, me edukatë, por me vendosmëri, shmangu një gjest që nuk është i zakonshëm në raste të tilla.

Në takimet diplomatike, protokolli dhe ndryshimet kulturore shpesh luajnë një rol të rëndësishëm, kështu që momente të tilla shpesh interpretohen ndryshe në publik.

The post Emmanuel Macron u përpoq t’i puthte dorën Zonjës së Parë të Turqisë, reagimi i saj shkaktoi bujë në rrjetet sociale appeared first on Albeu.com.

Vendimi është marrë pas zhvillimit të seancës dëgjimore para gjyqtarit të procedurës paraprake.

Në kërkesën e Prokurorisë Themelore në Ferizaj për caktimin e paraburgimit thuhet se ngjarja ka ndodhur më 28 qershor 2026, rreth orës 22:40, në rrugën “Sejdi Sejdiu” në Ferizaj, në një objekt banesor të marrë me qira nga babai i të pandehurës, M.B., ku e pandehura dyshohet se e ka privuar nga jeta tashmë të ndjerin F.H.

Sipas së njëjtës kërkesë, viktima kishte shkuar në banesën ku ndodhej e pandehura dhe, gjatë kohës sa po qëndronte aty, pas një mosmarrëveshjeje dhe një përleshjeje fizike mes tyre, e pandehura ia ka marrë armën e zjarrit tani të ndjerit dhe ka shtënë një herë në drejtim të tij, duke i shkaktuar plagë vdekjeprurëse, nga të cilat ai ka ndërruar jetë në vendngjarje.

The post 30 ditë paraburgim për Arjeta Roshajn, e dyshuar për vrasjen e ndodhur në Ferizaj appeared first on Albeu.com.

Në vendngjarje kanë ndërhyrë forcat zjarrfikëse, të cilat kanë hapur derën e banesës, ku është konstatuar trupi i pajetë i të moshuarës, e cila jetonte e vetme.

Nga këqyrja e parë mjeko-ligjore, në trupin e viktimës është konstatuar një hematomë në kokë, çka ngre dyshime se ajo mund të jetë rrëzuar aksidentalisht dhe si pasojë ka humbur jetën.

Policia ndodhet në vendngjarje dhe ka nisur hetimet për të sqaruar plotësisht rrethanat e ngjarjes, ndërsa trupi është dërguar në morg për ekspertizën mjeko-ligjore.

The post E rëndë në Korçë/ Gruaja gjendet pa shenja jete në banesën e saj, kishte hematoma në kokë! Dyshohet se… appeared first on Albeu.com.

Në atë kohë, Emmanuel Macron mohoi çdo “mosmarrëveshje familjare” dhe e përshkroi atë thjesht si një “moment bashkëfajësie”. Pallati Elize më pas u përpoq ta minimizonte incidentin.

Megjithatë, një vit më vonë, një libër nga Florian Tardif e rindezi polemikat duke e vendosur emrin e aktores Golshifteh Farahani në qendër të skenës në aeroplan.

Në librin e tij, “Një çift (pothuajse) perfekt”, gazetari Florian Tardif pretendon se e ka zgjidhur misterin e këtij imazhi.

“Është një version që e kam verifikuar. Çdo gjë në libër është fakt, fakt dhe asgjë tjetër përveç faktitnë fakt është një skenë midis një çifti”.

Florian Tardif tregon se, pak para se të zbarkonte në Hanoi, Brigitte Macron zbuloi një mesazh në telefonin e Emmanuel Macron nga “një figurë e njohur”. Ai deklaron: “Ajo që ndodhi është se ajo (Brigitte Macron) pa një mesazh nga një figurë e njohur.

Sipas Florian Tardif, Emmanuel Macron pati një ” marrëdhënie platonike ” për “disa muaj” me Golshifteh Farahani, 42 vjeç, një aktore franko-iraniane e lindur në Teheran dhe refugjate në Francë që nga viti 2007. Disa nga mesazhet e presidentit drejtuar aktores thuhet se “shkuan mjaft larg”, duke përfshirë “Të gjej shumë të bukur”.

The post I zbuloi mesazhet me aktoren iraniane, zbulohet arsyeja pse Emmanuel Macron u godit nga gruaja në avion appeared first on Albeu.com.

Ndonëse e moshuara nuk u lejua që të hynte nga dera prej hekuri, ajo gjeti një zgjidhje alternative, duke hipur përmes kangjellave.

Teksa u konfrontua dhe u nxor jashtë nga roja i institucionit, ajo sërish tentoi të futej. Zonja në fjalë e quhet Drane Gjoka, lëshoi akuza në drejtim të ish-kryebashkiakes së Kurbinit, Majlida Cara, për të cilën tha se i ka vjedhur pronat përmes tjetërsimit. Ajo kërkoi mes të tjerash qeveri teknike.

“Më ka thënë Majlinda Cara. Ca ke ti me Majlindën? Vetëm qeveri teknike, s’ka punë tjetër këtu. Mos më prek me dorë!
Ik andej. Mos më ndal. Ku janë oficerët? Ku janë oficerët? Ik andej, zhduku. Ku është kryetari i SPAK-ut? Kë shtyn prej dore ore? S’ka burrë të mos më lërë në SPAK. Ca e ke atë Majlindën e Kurbinit? Vetëm qeveri teknike këtu! Majlinda Cara më ka marrë pronat, mi ka tjetërsuar. Mi vodhi pronat!”, tha zonja.

The post VIDEO/ Çfarë po ndodh, qytetarja e revoltuar hipën në majë të kangjellave dhe hyn në SPAK: Ku është kryeprokurori? appeared first on Albeu.com.

Këtë herë në qendër të vëmendjes ishte Miri, për të cilin u transmetua një mesazh nga bashkëshortja e tij. Ky moment erdhi pasi natën e kaluar në shtëpinë e BBVA ishte transmetuar një video ku Miri dëgjohej teksa shprehej se e do Selinen, një deklaratë që kishte ngritur shumë diskutime dhe reagime mes banorëve dhe publikut.

Megjithatë, përmes rubrikës “Big Love”, gruaja e tij zgjodhi t’i japë një mesazh mbështetës dhe plot dashuri, duke treguar se qëndron krah tij pavarësisht gjithçkaje që po ndodh brenda shtëpisë.

Në mesazhin e transmetuar në ekran, ajo i shkruante:

“Mos ki merak për çdo hap që ke bërë deri më tani. Jam me ty, në anën tënde, dashuria jonë është e shenjtë dhe e vërtetë. Vazhdo si luan që je. Të dua shumë”.

Ky mesazh krijoi një moment emocional në shtëpinë e Big Brother VIP Albania, ndërsa u komentua edhe nga publiku në rrjetet sociale. Shumë ndjekës e interpretuan si një shenjë të fortë mbështetjeje ndaj Mirit në këtë rrugëtim brenda shtëpisë më të famshme në Shqipëri.

The post Pas deklaratës për Selin, gruaja i dërgon mesazh Mirit appeared first on Albeu.com.

Miri zbulon se për herë të parë ata janë parë në një dasëm ku ishin të ftuar të dy, e që atë ditë ata shkëmbyen Messenger-in me njëri-tjetrit.

Duke qenë se të nesërmen e dasmës, partnerja e tij nisej për Gjermani, Miri, asokohe 32 vjeç, shpjegon se e vetmja mënyrë për të ruajtur marrëdhënien e tyre ishte të komunikonin herë përmes Messenger-it, e herë ajo e telefononte përmes telefonit të shtëpisë.

Këto ishin dy metoda që forcuan marrëdhënien e Mirit dhe partneres së saj. Ndonëse me një anglishte jo perfekte, banori shpjegon se partnerja e tij përpiqej që ta kuptonte.

“Ne takohemi aty në dasëm, të dy. Nga aty fillojmë kontaktet, ajo të nesërmen ikën për Gjermani. Unë 32 vjeç këtu në Tiranë dhe flisnim me messenger, se ajo kohë ishte atëherë, nganjëherë më merrte dhe me telefonin e shtëpisë, se nuk kishim Whatssapp akoma. Flisnin në telefon, në Messenger, unë me atë anglishten time çobanëshe” tha Miri.

Rrëfimi i plotë i Mirit: Martohet kushërira ime, me një diplomat gjerman që punonte në ambasadë, ata martohen në Tiranë, bëjnë dasmën dhe ne shkojmë si të ftuar. Atje vjen dhe kjo gjermanka, si shok me këtë dhëndrin, kishte marrë nja 20 vetë krushq ai, mes tyre ishte dhe kjo. Ne takohemi aty në dasëm, të dy. Nga aty fillojmë kontaktet, ajo të nesërmen ikën për Gjermani. Unë 32 vjeç këtu në Tiranë dhe flisnim me Messenger, se ajo kohë ishte atëherë, nganjëherë më merrte dhe me telefonin e shtëpisë, se nuk kishim Whatssapp akoma. Flisnin në telefon, në Messenger, unë me atë anglishten time çobanëshe. Ku dija unë anglisht atëherë, unë e kisha harruar. Po nuk e praktikove e harron. Atëherë fillova të praktikoja sërish kur flisja me atë. Unë kohën e foljeve nuk e di, siç e keni parasysh, por ajo kuptonte. Pastaj erdhi dhe njëherë ajo këtu që erdhi tamam për mua.

The post “Unë me anglishten time çobanëshe”, Miri rrëfen për herë të parë historinë e tij të dashurisë: Na erdhën krushqit gjermanë appeared first on Albeu.com.

Që prej asaj dite këngëtari nuk ka nguruar që të shprehi publikisht dashurinë për Eronitën dhe t’i bëj asaj dedikime në rrjetet sociale.

Në një postim të bërë së fundmi, teksa ka publikuar një foto të Eronitës ndërkohë që përgatitej për dasmën, Blero e ka cilësuar këtë të fundit si shpirtin e tij binjak dhe shoqen e tij.

Ndër të tjera ai shkruan se as në ëndrrat e tij më të çmenduara nuk mund të kërkonte dikë më të mirë se ajo.

“As në ëndrrat e mia më të çmendura, nuk mund të kërkoja asgjë më të mirë se ty. Dashuria ime, shoqja ime më e mirë dhe shpirti im binjak”, shkroi këngëtari në një postim në “Instastory”.

The post “Shpirti im binjak”, Pas disa javësh martesë, Blero i bën dedikimin romantik bashkëshortes appeared first on Albeu.com.