Automjeti në të cilin udhëtonin dy gra, i cili shkonte në drejtim të Sfikisë, ka rënë nga një shkëmb rreth 80 metra i lartë. Për pasojë pasagjerja 73-vjeçare ka humbur jetën dhe drejtuesja e mjetit ka mbetur e plagosur.

Sipas informacioneve të verianet, shoferja ishte nusja e viktimës dhe ato po ktheheshin nga spitali i Verias ku e moshuara i ishte nënshtruar hemodializës.

Njësia e Zjarrfikëses ka nxjerrë dy të aksidentuarat nga makina dhe i ka dërguar në spital, por për të moshuarën mjekët nuk mund të bënin më asgjë.

Në të njëjtën kohë, sipas mediave vendase, është ndaluar edhe drejtuesi i makinës, me origjinë shqiptare, mjeti i të cilit dyshohet se i ka bllokuar rrugën makinës me të cilën udhëtonindy gratë.

Gruaja që po kthehej në Sfikia, me vjehrrën për të shmangur një përplasje kokë më kokë, ka devijuar rrugën e saj dhe ka përfunduar në humnerë.

Autoritetet po kryejnë hetimet për ngjarjen, ndërsa eksperti në vendngjarje pritet të zbardhë shkaqet e sakta të tragjedisë.

The post PAMJET/ Aksident tragjik në Greqi, makina bie nga humnera, i përfshirë dhe një shqiptar appeared first on Albeu.com.

61-vjeçari mori dënimin më të madh, shumëzuar me 4, aq sa ishin dhe viktimat e tij, një çift dhe dy djemtë e mitur 1 dhe 2 vjeç, duke i’u bashkuar plotësisht akuzës të ashpër të prokurorit për një vrasës të egër, që bëri çdo gjë në gjakftohtësi e pasi mbyti dhe foshnjen me duart e tij, ndërroi rrobat e u largua nga zona.

Krimi makabër ndodhi në një familje shqiptare në mars të vitit 2022, për 2 qira të papaguara.

Ngjarja tronditi jo vetëm banorët e Andravidas, por gjithë Greqinë ndërsa akoma dhe sot shumë banorë deklarojnë se që shtëpia ku djali i madh i familjes gjeti trupat pa jetë të prindërve dhe vëllezërve të mitur nuk banohet nga askush, por edhe shumica e tyre nuk munden akoma të kalojnë as nga rrugica ku ndodhet.

61-vjeçari vrasës do të vuaj 21 muaj dënim dhe 900 euro gjobë për armëmbajtje pa leje.

The post Vrau familjen shqiptare për 2 qira të papaguara, dënohet 4 herë me burgim të përjetshëm 61-vjeçari appeared first on Albeu.com.

Një aksident tragjik ka ndodhur në Halkidiki të Greqisë ku një 29-vjeçar shqiptar ka humbur jetën.

Makina që ai drejtonte është përplasur me një kamion.

29-vjeçari u dërgua në spitalin Polygyros por me gjatë rrugës i ka ndërruar jetë.

Aksidenti ka ndodhur në orën 6:50 të mëngjesit të sotëm në km 23 të rrugës N. Moudania – Sithonia. Makina e 29-vjeçarit nga Shqipëria, siç raporton është përplasur me një kamion që drejtohej nga një 48-vjeçar, raportojnë mediat greke.

Në vendngjarje ka mbërritur autoambulanca e EKAV-it, e cila e ka transportuar të riun në Spitalin e Përgjithshëm të Halkidikit, ku ka konstatuar vdekjen.

Një hetim paraprak po kryhet nga Departamenti i Qarkullimit të Poligyros.

The post Aksident tragjik në Greqi, ndërron jetë 29-vjeçari shqiptar appeared first on Albeu.com.

Dy viktima dhe tre të plagosur është bilanci i mbrëjes së të shtunës në Athinë pas dy përplasjesh me armë. Dhe, si duket i përfshirë është një shqiptar. Mediat në vend raportojnë se përplasja e dy makinave në, në një prej të cilave ndodhej një shqiptar përfundoi në të shtëna në Agios Anargyros.

Mediat raportojnë se ora tregonte 21:30 kur nisën të shtënat në Kato Patisia. Pas aksidentit, pasagjeri i mjetit tip “Mercedes” ka kapur armën dhe ka qëlluar dy personat e tjerë të automjetit me të cilin ka ndodhur përplasja, duke plagosur drejtuesin dhe pasagjerin.

Të dy u dërguan në spitalin “Pammakaristos”, ku drejtuesi i mjetit ndërroi jetë.

Pas incidentit me të shtëna në rrugën Kourtidou, pasagjeri i Mercedesit që ka qëlluar ka zbritur nga makina dhe ka vjedhur një “Yaris”, me të cilin është nisur drejt Agioi Anargyros. Atje ai shkoi në këmbë në një pikë karburanti ku edhe u kap nga policia.

Kur pa efektivët, sipas raportimeve, shqiptari nisi të qëllonte drejt tyre duke plagosur dy efektivët e policisë, njëri në këmbë dhe tjetri në gjoks.

Policia i është kundërpërgjigjur zjarrit dhe shqiptari ka gjetur vdekjen, Mediat greke e kanë cilësuar Athinën e kësaj të shtune si “Çikagon e viteve ’30”, për shkak të incidenteve të shumëfishta në rrugët e kryeqytetit që patën si protagonist shtetasin shqiptar./albeu.com

The post Tragjike në Athinë: Shqiptari vret shoferin e një makinë, plagos dy policë, eliminohet nga efektivët appeared first on Albeu.com.

The post Aksident tragjik në Greqi, ndërron jetë i riu shqiptar appeared first on Albeu.com.