gripi i pulave Archives - Albeu.com

Gripi i pulave, ish-drejtori i AKU-së: Epidemia më e rëndë ndër vite, 1.5 milionë shpendë të ngordhura

E B — Wed, 23 Mar 2022 21:28:02 +0000

Ish-drejtori i AKU Isuf Shehu i ftuar në Radarin Informativ tha se epidemia e gripit të shpendëve ka prekur të gjithë vendin. Sipas tij kjo është një situatë ku duhet të shpallet gjendja e jashtëzakonshme. Duke bërë një vlerësim të situatës Shehu tha se ky është rasti më i rëndë i epidemisë te shpendët.

“Në gjykimin tim kjo është gjendje e jashtëzakonshme është rast epidemie që prek kafshët dhe sigurinë e shëndetin e njerëzve. Ne duhet të shpallim gjendjen e jashtëzakonshme. Gjithë tregu është dëmtuar. Ky është rasti më i rëndë që kemi pasur ndër vite”.

Sipas tij reagimi nga ana e institucioneve përgjegjëse për gripin e shpendëve ka qenë i vonuar. Shehu tha se janë rreth 1.5 milionë shpendë të infektuar që kanë ngordhur.

Sot jemi në një situatë edhe më të rëndë. Faktikisht ka pasur një njoftim që në 6 mars ka pasur identifikim të kafshëve të egra që janë mbartës. Ky fakt s’u mor seriozisht dhe nuk shërbeu si alert që mbarështruesit e shpendëve të merrnin masa. Edhe në 16 mars edhe ministria bëri njoftim se nuk ishte identifikuar asnjë rast me grip shpendësh. Institucionet në varësi të ministrisë nuk kishte dijeni dhe informacion në lidhje me këtë fakt. Veprimet u morën pas kësaj date. Në pikëpamjen time ka qenë moment shumë i vonë për të ndërmarrë veprime.

Janë 1.5 milionë shpendë që janë infektuar dhe kanë ngordhur. Kemi të bëjmë me 1.5 milionë vakte të konsumatorit shqiptar. Ka më pak profesionistë të fushës së veterinarisë. Na mungojnë ekspertët në terren dhe që duhet të ishin përfshirë në këto situata. Të gjitha këto veprime janë menaxhim krize jo para menaxhim krize. Fakti është se jemi duke përjetuar dëme kolosale sepse është përhapur”.

Ai foli edhe për hetimet e nisura nga prokuroria e Durrësit. “Ne i referohemi vetëm isuv. Vendet tona kufitare e kishin identifikuar, kurse ne jo. Kjo duhet të kishte mjaftuar që ne të kishim vënë alert. Kjo është katastrofë. Në gjykimin tim është pikërisht vënia në rrezik e jetës së shëndetit të publikut. Sepse janë nxjerrë këto produkte në treg”./abcnews.al

The post Gripi i pulave, ish-drejtori i AKU-së: Epidemia më e rëndë ndër vite, 1.5 milionë shpendë të ngordhura appeared first on Albeu.com.

“Produktet e mishit, të sigurta”, AKU reagon pas gripit të shpendëve: Ja ku duhet të tregoni kujdes

E B — Tue, 22 Mar 2022 19:01:55 +0000

Që prej shfaqjes së rastseve të gripit të shpendëve në vende të ndryshme të Europës, prej disa javësh, AKU ka qenë në gatshmëri dhe kontrolle të vazhdueshme të produkteve në tregjet shqiptare.

Autoriteti Kombëtar i Ushqimit përmes një njoftimi për shtyp deklaron se ka marrë të gjitha masat, si në terren ashtu edhe në Pikat e Inspektimit Kufitar, në bazë të Planit të Kontigjenceës, të miratuar nga Ministri, për monitorim dhe kontroll të situatës në përmbushje të sigurisë ushqimore dhe garantimin e shëndetit të konsumatorit.

Drejtoresha e Përgjithshme e AKU-së, Jeta Deda, në terren me inspektorët, ka përcjellë mesazhe sigurie për konsumatorin shqiptar.

“Prej 5 javësh monitirohet në mënyrë të vazhdueshme dhe raportohet lidhur me gjetjet nëpër tregje, dyqane mishi për gjurmueshmërinë, dokumentacionin e rregullt, certifikatat veterinare”. Jeta Deda tha se janë instensifikuar kontrollet që me shfaqjen e par të rastit të gripit të shpendëve në Shqipëri. Me marrjen e informacionit nga AKVMB, AKU është në terren për të monitoruar masat e marra nga shërbimi veterinar duke garantuar konsumatorin për produktet e nxjerra në treg dhe sigurinë ushqimore.

Sipas drejtoreshës Jeta Deda, deri tani, nuk është evidetuar asnjë rast problematik, si në dokumentacion ashtu edhe në etiketim të produktit, si dhe kushtet e ruajtjes.

AKU siguron konsumatorët se ushqimet me origjinë shpendore në treg janë brenda stadardeve të gjurmueshmërise dhe janë të verifikuara nga inspektorët, të cilët janë në terren.

AKU ka ftuar konsumatorët të drejtohen në pikat e certifikuara të shitjes së mishit.

The post “Produktet e mishit, të sigurta”, AKU reagon pas gripit të shpendëve: Ja ku duhet të tregoni kujdes appeared first on Albeu.com.

Dalin rastet e para, kjo bashki asgjësoi 181 pula të infektuara

admin — Tue, 15 Jun 2021 10:39:25 +0000

Gripi i shpendëve ka alarmuar Shqipërinë. Pas rasteve të para, Bashkia Peqin ka asgjesuar 181 shpendë. Sipas burimeve , dyshohet se infektimi ka ardhur nga shpendër migratorë. /albeu.com/ [...]