Në total, janë në dispozicion rreth 280,000 doza, të cilat do të shpërndahen në të gjithë vendin.

Në një intervistë për “Ora News”, Drejtoresha e Institutit të Shëndetit Publik, Eugena Tomini, theksoi rëndësinë e vaksinimit si mjet kryesor parandalues kundër gripit veçanërisht të grupeve të rrezikuara.

Një risi këtë vit është mundësia që çdo qytetar të aplikojë online për vaksinën përmes platformës e-Albania dhe përmes këtij shërbimi, mund të zgjedhin qendrën shëndetësore ku dëshirojnë të marrin shërbimin , pavarësisht nga vendi ku janë regjistruar administrativisht.

ISHP bën të ditur se janë të gjithë qytetarët që përfitojnë nga vaksinimi falas si një nga mënyrat për të parandaluar komplikacionet e gripit.

The post NIS VAKSINIMI KUNDËR GRIPIT! Rreth 280 mijë doza për grupet e rrezikuara, gati nga nesër! Aplikimi, edhe online appeared first on Albeu.com.

Për të dalluar nëse bëhet fjalë për të ftohtë, grip apo COVID, duhet të dini ndryshimet në mënyrën se si shfaqen dhe zgjasin simptomat.

Dallimi kryesor mes gripit dhe COVID-19 qëndron te shpejtësia e shfaqjes dhe kohëzgjatja e simptomave. Gripi zakonisht shfaqet brenda një deri në katër ditë pas ekspozimit, ndërsa simptomat e COVID-it mund të shfaqen nga dy deri në 14 ditë pas infektimit.

Kohëzgjatja e simptomave ndryshon gjithashtu: simptomat e gripit zgjasin nga disa ditë deri në dy javë, ndërsa simptomat e COVID-it mund të zgjasin deri në gjashtë javë në rastet më të rënda.
Dallimi mes simptomave të të ftohtit dhe COVID-19

Ftohja e zakonshme është shumë më e lehtë në krahasim me gripin dhe COVID-in, si nga ashpërsia ashtu edhe nga kohëzgjatja e simptomave. Simptomat e të ftohtit shfaqen gradualisht dhe zakonisht arrijnë kulmin pas dy ose tre ditësh nga ekspozimi. Në përgjithësi, simptomat e të ftohtit zgjasin rreth shtatë ditë, ndërsa ato të gripit dhe COVID-it mund të zgjasin deri në dy javë.

Tabela e simptomave kryesore për të dalluar COVID-in, gripin dhe të ftohtin:

Kur duhet të vizitoni një mjek?

Nëse keni simptoma gripi ose COVID-i dhe mendoni se mund të jeni infektuar, bëni një test COVID-i në shtëpi ose kontaktoni mjekun tuaj për një diagnozë. Nëse jeni i/e moshuar, shtatzënë, keni një gjendje shëndetësore kronike ose po kujdeseni për një fëmijë të vogël me simptoma të ngjashme me gripin apo COVID-in, kërkoni ndihmë mjekësore menjëherë.

Si të mbroheni nga COVID-19, gripi dhe i ftohti:

Lani duart rregullisht dhe në mënyrë të saktë.
Mbani pastër sipërfaqet në shtëpi.
Qëndroni në shtëpi kur jeni të sëmurë për të mbrojtur veten dhe të tjerët.

The post Nuk ndiheni mirë? Ja si të dalloni gripin, ftohjen dhe COVID-19 appeared first on Albeu.com.

Pjesë e këtij problemi është se jo të gjithë i dinë shenjat paralajmëruese të infeksionit të sinusit. Sinusiti është pezmatimi i zgavrave të brendshme të hundës. Infeksioni i sinusit shfaqet kur një virus, bakter ose myk rrethon veshjen e brendshme të një ose më shumë sinuseve.

Një tjetër arsye përse pacientët shpesh e ngatërrojnë infeksionin e sinusit për ftohje është sepse infeksioni i sinusit shfaqet shpesh pas ftohjes. Kjo sepse këto veshje të brendshme të sinuseve janë më të ndjeshme ndaj infeksionit pas një ftohje. Ndërkohë që ftohja mund të zgjasë vetëm pak ditë, infeksionet e sinusit mund të zgjasin edhe më shumë se 10 ditë.

Infeksionet e sinusit janë ose akute (zgjasin rreth 4 javë), subakute (4 deri në 12 javë) ose kronike (12 javë ose më shumë). Infeksioni kronik mund të zhvillohet nëse lihen pa trajtuar infeksioni akut ose subakut.

Dhimbje në fytyrë

Sinuset janë të lokalizuara në ballë, mes dhe poshtë syve. Prandaj, në varëse të sinusit të infektuar, infeksioni mund të shkaktojë një ndjesi të ushtrimit të presionit sipër faqeve, mes syve, sipër ballit ose edhe në pjesën e sipërme të dhëmbëve. Ka raste kur infeksioni i sinusit duket edhe si dhimbje e dhëmbit. Nëse problemi është në sinuset frontale, mund të duket më shumë si dhimbje koke.

Hundë të bllokuara

Infeksionet e sinusit shkaktojnë një grumbullim të mukusit në hundë dhe sinuse. Prandaj mund të keni edhe rrjedhje nga hundët ose duhet t’i shfryni më shpesh.

Dhimbje fyti

Mukusi i grumbulluar në hundë gjatë një infeksioni të sinusit mund të kalojë edhe në pjesën e pasme të fytit, duke shkaktuar ngjirje të zërit, dhimbje të fytit ose kollë.

Erë e keqe nga goja

Duke qenë se janë bllokuar hundët, mund të merrni frymë nëpërmjet gojës, duke shkaktuar kështu tharje dhe zhvillim të erës së keqe të gojës. Kjo e fundit shkaktohet edhe pak shkak të kalimit të mukusit nga hundët në pjesën e pasme të fytit.

The post Nuk është grip, as ftohje, çfarë paralajmërojnë hundët e bllokuara appeared first on Albeu.com.

Sipas Intitutit Robert Koch në Gjermani vërehet një rritje e ndjeshme e sëmundjeve të organeve të frymëmarrjes, më shpesh fëmijët preken nga virusi, RSV, virusi respirator sincitial.

Gjendje e vështirë edhe në kopshte

Sidomos në kopshtet gjermane paraqitet gjendje e vështirë e personelit për shkak të valës së gripit. “Në nivel federate aktualisht shumë kopshte janë duke luftuar të kompensojnë mungesën në numër të madh të personelit”, u shpreh drejtuesja e Shoqatës Gjermane të Kopshteve, Waltraud Weegmann për RND. Ndërsa zëdhënësja e organizatës joqeveritare, “Arbeiterwohlfahrt”, Jennifer Rotter bëri fjalë për një “gjendje të vështirë” të kopshteve për shkak valës aktuale të sëmundjeve të dimrit që pritet të keqësohet. “Reduktimi i orëve të hapjes së kopshteve deri tek mbylljet afatshkurtra për shkak të mungesës së personelit aktualisht janë bërë rregull dhe nuk janë më përjashtim”, bëri të ditur ajo.

Sipas Weegmann duhet të merren masa urgjente për shkak të mungesës së ndjeshme të personelit të kualifikuar në kopshte. Duhet të nxitojmë, tha ajo, “ndryshe nuk do të kemi më krizë kopshtesh, por kolaps të plotë të kopshteve.” / DW

The post Vala e gripit në Gjermani krijon probleme me shkollat dhe kopshtet, gjendja e vështirë appeared first on Albeu.com.

Më poshtë ju njohim me listën e gabimeve që duhet të shmangni kur jeni sëmurë:

Trupi plogështohet kur është sëmurë dhe i shterojnë energjitë. Trupi ka nevojë për pushim absolut. Anulojini të gjitha planet dhe jepini vetes kohë për t’u ndier më mirë.

Simptomat e gripit dhe të ftohurës janë më se të kuptueshme ndaj nuk duhet ta anashkaloni nevojën për të marrë solucionet tretëse kundër gripit menjëherë brenda 48 orëve të para të sëmundjes. Ato do të lehtësojnë simptomat dhe do t’i shkurtojnë ato.

Mungesa e gjumit dobëson sistemin imunitar dhe e bën më të vështirë betejën kundër gripit dhe të ftohurës. Ekspertët thonë se njerëzit që flenë më pak se gjashtë orë janë katër herë më të rrezikuar nga sëmundje të tilla. Antibiotikët luftojnë vetëm bakteret, ndërkohë që e ftohura dhe gripi shkaktohen nga virozat.

Një e treta e antibiotikëve që jepen me recetë në raste të tilla janë krejt të panevojshme. Për më tepër, ato shfaqen me efekte anësore, siç është diarreja në rastin më të mirë dhe rezistenca e trupit ndaj antibiotikut në rastin më të keq.

Trupi kur është i sëmurë ka nevojë për më shumë lëngje, jo vetëm për t’u hidratuar, por edhe për t’i çliruar rrugët e frymëmarrjes. Pini sa më shumë çajra dhe hani supë pule rregullisht sa herë që të jeni të ftohur ose me grip.

Kur jeni me grip ose të ftohur, oreksi është i pari që ikën, por kjo nuk do të thotë që duhet të qëndroni larg ushqimit. Kaloritë dhe ushqyesit tek ushqimet e ndihmojnë imunitetin të jetë më i fortë dhe të luftojë virozat më me efikasitet.

Duhani nuk duhet pirë kur jeni sëmurë, sepse do të dëmtojë mushkëritë dhe irritojë fytin. Hiqni dorë nga cigarja dhe qëndroni larg ambienteve me tym duhani.

Stresi çliron hormone që e dobësojnë imunitetin dhe i hapin rrugën inflamacionit. Simptomat ikin më me vështirësi kur jeni të stresuar ndaj ruani toruan.

The post Gabimet që nuk duhet të bëni asnjëherë gjatë periudhës kur jeni me grip appeared first on Albeu.com.

Mbani distancë

Meqenëse spërklat e lëshuara nga kollitja ose teshtitja arrijnë një distancë prej më shumë se 4.5 metra brenda një sekonde, ne duhet të mbajmë distancën nga ata që janë prekur nga gripi. Nuk shtrëngojmë duart dhe përqafojmë personat, pasi 70% e atyre që infektohen me grip mbajnë virusin në duar.

Flini mirë

Gjumi është i nevojshëm për funksionimin e duhur të trupit dhe forcimin e mbrojtjes sonë. Ekspertët shpjegojnë se një gjumë i mjaftueshëm zgjat 7-9 orë dhe është aleati ynë kundër gripit.

Ajrosni hapësirën tuaj

Virusi “lulëzon” në zona që nuk janë të ajrosura. Ndaj sigurohuni që të ajrosni hapësirat ku kaloni shumë orë çdo ditë.

Lani duart shpesh

Mund ta dëgjoni shpesh dhe të mos mendoni se është aq efektiv, por ndoshta është masa më e rëndësishme për të parandaluar transmetimin e viruseve. Duhet të lani rregullisht duart për të paktën 20 sekonda me sapun dhe ujë. Nëse nuk kemi ujë të rrjedhshëm dhe sapun në dispozicion, atëherë mund të përdorim disa xhel antiseptik ose peceta pastrimi.

Është gjithashtu mirë të kujtojmë se nuk duhet ta prekim fytyrën me duar. Sa më shpesh ta prekim fytyrën me duar, aq më të mëdha janë mundësitë për të transmetuar viruse nga duart në hundë dhe gojë.

The post Disa këshilla se si mund të shmangni gripin kur gjithë të tjerët afër jush janë të sëmurë appeared first on Albeu.com.

Më poshtë ju sjellim disa nga simptomat e gripit, të cilat nuk duhen injoruar.

1. Sa të rënda janë simptomat?

Gripi dhe i ftohti kanë pothuajse të njëjtat simptoma, temperaturë, ethe, kollë etj. Megjithatë simptomat e gripit vijnë më shpejt dhe janë më të rënda sesa i ftohti.

2. Keni dhimbje

Shpeshherë gripi shkakton dhimbje trupi. Nëse keni grip, muskujt dhe nyjet tuaja do t’ju dhembin.

3. Keni ethe

Nëse shikoni që termometri kalon temperaturën 38 gradë, ju do të keni ethe. Efekti i etheve është shumë i dëmshëm në shëndet, sidomos te fëmijët e vegjël. Mos u habisni nëse ethet zgjasin disa ditë, ethet ndonjëherë janë të nevojshme pasi luftojnë infeksionet.

4. Ndiheni të pafuqishëm dhe të lodhur

Kur ju prekeni nga gripi, menjëherë trupi bëhet i dobët dhe nuk ka fuqi. Kjo zgjat për disa ditë nëse jeni ftohur. Nëse jeni me grip zgjat disa javë.

5. Dhimbje barku

Të gjithë viruset e gripit, kanë ndikim te stomaku juaj. Ju do të keni të vjella, diarre, ose dhimbje stomaku.

The post Këto 5 shenja tregojnë se jeni me grip appeared first on Albeu.com.

Rama shprehet se pavarësisht se ka qenë sëmurë, nuk e ka ndalur punën dhe shton se tashmë po diskuton me kabinetin e tij politikat e reja mbështetëse.

“Fillimjavë të mbarë. Bëni kujdes me këtë flamën gripale që është vërdallë se e hoqa vetë dhe s’të bën për burrë sic thonë tironsit.

Nuk e kam ndalur komunikimin me skuadrën time, sidomos me financat për politikat e reja mbështetëse. Duke nisur nga pagat e reja minimalem, mbështetja për kategorinë e vecantë të skuadrave, mbështetja me strehim e mjekëve, ushtarakëve, policëve, paga tjetër për pensionistët. Na vjen mirë që pakoja e madhe ka lehtësuar ndjeshëm dhe vihet re edhe në rritje të konsumit. Pa diskutim që duhet akoma, sidomos me ata që punojnë me pagë minimale në sektorin privat”, tha Rama.

Kujtojmë se shkëputja e Ramës këto ditë nga puna është kritikuar shumë, pasi ndodhi fill pas arrestimit të ish-agjentit të FBI-së Charles McGonigal, ku ndër akuzat kryesore ndaj tij ishte dhe marrja e një shume të majme parash nga një ish-punonjës i sigurimit të shtetit. Gjithashtu në dosjen hetimore përmendjen dhe një takim i fshehtë i agjentit me kryeministri Rama në vitin 2017./albeu.com

The post Rama kthehet në zyrë pas gripit, poston videon duke pirë kafe: Kujdes nga kjo flamë, s’të bën për burrë appeared first on Albeu.com.

Ministria japoneze e Bujqësisë, Pylltarisë dhe Peshkimit tha se rastet e gripit të shpendëve janë rritur në 54 pasi u regjistruan infeksione të reja në provincat Chiba dhe Fukuoka.

Ky është numri më i lartë i rasteve të gripit të shpendëve këtë sezon, i cili thuhet se është përhapur për shkak të shpendëve shtegtarë.

Më herët, Japonia kishte raportuar 52 raste të gripit të shpendëve në 18 provinca midis nëntorit 2020 dhe marsit 2021. Kjo kishte çuar në “asgjësimin e rreth 9,9 milionë pulave, që është niveli më i lartë i të gjitha kohërave”, raportoi Kyodo News me bazë në Tokio.

“Nuk ka asnjë mundësi që njerëzit të infektohen me gripin e shpendëve nga ngrënia e pulës apo vezëve”, tha ministria.

Ndërkohë, Japonia raportoi 7.688 vdekje rekord për shkak të COVID-19 në dhjetor, shifra më e lartë se ajo e regjistruar herën e fundit në gusht të vitit të kaluar kur 7.329 njerëz vdiqën nga infeksioni, i regjistruar për herë të parë në dhjetor 2019.

Japonia ka regjistruar 29,4 milionë raste të konfirmuara të COVID-19 deri të hënën në mbrëmje, duke përfshirë 57.944 vdekje.

The post Rritja e rasteve me gripin, Japonia asgjëson 7.75 milionë shpendë appeared first on Albeu.com.

Kur kemi ftohje ose grip, duam të përmirësohemi sa më shpejt të jetë e mundur. Por disa nga zakonet tona në fakt mund të na bëjnë më keq.

Ne e neglizhojmë shëndetin

Nuk duhet të praktikojmë rutinën tonë të zakonshme. Trupi ynë ka nevojë për energji për të luftuar virusin e ftohjes ose gripit. Pushimi duhet të jetë prioriteti ynë. Ne duhet të anulojmë të gjitha planet dhe të qëndrojmë në shtëpi në vend që të shkojmë në punë ose shkollë. Përveçse do të ndihmojmë trupin tuaj të rikuperohet, ne gjithashtu do të parandalojmë përhapjen e mëtejshme të mikrobeve.

Ne i shpërfillim simptomat e gripit

Zakonisht nuk shkojmë te mjeku për ftohjen e zakonshme. Por nëse kemi simptoma të gripit, si temperaturë e lartë, dhimbje trupi dhe lodhje, duhet të kërkojmë këshilla mjekësore. Ai mund të na japë një ilaç antiviral. Nëse e marrim ilaçin në 48 orët e para pasi ndihemi të sëmurë, mund të lehtësojmë simptomat dhe ta shkurtojmë sëmundjen me një ose dy ditë.

Flemë më pak

Kur nuk flemë mjaftueshëm, sistemi ynë imunitar dobësohet, duke e bërë më të vështirë për ne luftimin e infeksionit. Një studim zbuloi se njerëzit që flenë më pak se gjashtë orë në natë kanë katër herë më shumë gjasa të sëmuren sesa ata që flenë të paktën shtatë orë. Kjo është arsyeja pse ne duhet të shkojmë në shtrat më herët dhe të marrim një sy gjumë gjatë ditës. A na mbajnë simptomat zgjuar? Le të qetësojmë kollën e natës me pak mjaltë dhe të ndezim lagështuesin e ajrit për të marrë frymë më lehtë.

Ne këmbëngulim që mjeku të na japë një antibiotik

Kjo recetë nuk do t’ju bëjë të ndiheni më mirë. Antibiotikët vrasin vetëm bakteret, dhe ftohja dhe gripi shkaktohen nga viruset. Pothuajse një e treta e recetave të antibiotikëve janë të panevojshme. Kjo mund të rrisë rrezikun e efekteve anësore, të tilla si diarre dhe reaksione alergjike. Ai gjithashtu kontribuon në një problem të madh shëndetësor global: rezistencën ndaj antibiotikëve. Pastaj bakteret mësohen me barnat, kështu që ato nuk funksionojnë më.

Ne nuk pimë mjaftueshëm lëngje

Kur kemi dhimbje të fytit, nuk është aq e lehtë të gëlltisim lëngun. Por kur jemi të hidratuar, mund të hollojmë mukozën dhe të prishim kongjestionin. Hidratimi gjithashtu mund të eliminojë dhimbjet e kokës. Duhet të kemi kujdes dhe të pimë shumë ujë. Për lehtësim shtesë, mund të pimë një pije të ngrohtë si çaj bimor ose lëng mishi. Hulumtimet tregojnë se kjo mund të ndihmojë në lehtësimin e simptomave të ftohjes si lodhja ose dhimbja e fytit.

Ne i anashkalojmë vaktet dhe ushqimet

Mund të mos kemi oreks, por është e rëndësishme të hamë diçka. Kaloritë dhe lëndët ushqyese do të rrisin qelizat imune që sulmojnë viruset e ftohjes dhe gripit. Rezultati – ne mund të përmirësohemi më shpejt. Një tas me supë pule mund të jetë e dobishme. Hulumtimet tregojnë se ky klasik midis pjatave mund të lehtësojë disa nga simptomat.

Ne pimë duhan

Pirja e duhanit dëmton mushkëritë dhe irriton fytin. Mund të përkeqësojë vetëm simptomat e ftohjes. Kjo është arsyeja pse ne refuzojmë cigaret, cigaret elektronike dhe të gjitha variacionet e tjera dhe qëndrojmë larg duhanpirjes pasive.

Jemi të stresuar

Një hormon që trupi ynë prodhon kur jemi të stresuar është i keq për sistemin imunitar. Ai gjithashtu rrit inflamacionin, i cili mund të përkeqësojë më tej hundën tonë të mbytur. Le të përpiqemi të përqendrohemi te relaksimi dhe rikuperimi dhe mund të shërohemi shumë më shpejt./albu.com

The post Jeni me grip ose ftohje? Gabimet që nuk duhet të bëni nëse dëshironi të shëroheni shpejt appeared first on Albeu.com.