Greva njëditore, e thirrur nga sindikata “Verdi”, ka bërë që që nga ora 03:00 të mos qarkullojnë autobusë, tramvaje dhe metro.

Sipas sindikatës, grevat kanë prekur të gjitha, përveç njërit, nga 16 landet federale të Gjermanisë.

Rreth 5 000 punonjës të transportit publik në landin verior të Saksonisë së Poshtme janë të përjashtuar nga greva për shkak të një marrëveshjeje që i ndalon të marrin pjesë në aksion.

Veprimi sindikal nuk prek shërbimet e udhëtimit në distanca të gjata, si dhe trenat rajonalë dhe ata periferikë, që veprojnë nga kompania shtetërore hekurudhore” Deutsche Bahn”.

Bisedime për marrëveshjen kolektive po zhvillohen me shoqatat lokale të punëdhënësve në të 16 landet.

“Verdi” kërkon përmirësime të ndjeshme të kushteve të punës për punonjësit e transportit publik, përfshirë uljen e orëve javore dhe kohëzgjatjes së turneve, periudha më të gjata pushimi, si dhe shpërblime më të larta për turnet e natës dhe fundjavës.

Sipas sindikatës, në landët e Bavarisë, Brandenburgut, Saarlandit dhe Turingisë, si dhe në rrjetin e metrosë së Hamburgut, në negociata janë në diskutim edhe rritjet e pagave.

“Prioriteti ynë është të arrijmë përparim në tryezën e negociatave”, tha kreu i ekipit negociator të “Verdi” Serat Canyurt.

“Kolegët tanë kanë gjëra më të mira për të bërë sesa të hyjnë në grevë në këtë mot ”, shtoi ai.

Pjesë të Gjermanisë janë goditur nga kushte të qëndrueshme dimërore, me temperatura nën zero dhe reshje dëbore, çka ka sjellë ndërprerje në transportin publik, përfshirë edhe Berlinin.

The post Grevat mbarëkombëtare paralizojnë transportin publik në të gjithë Gjermaninë appeared first on Albeu.com.

Transporti publik mbeti shumë i prekur, megjithëse më shumë tramvaje, autobusë dhe trena ishin në qarkullim sesa në ditët e mëparshme. Sektori i arsimit do të përjetojë gjithashtu ndërprerje të vazhdueshme, me disa mësues që do të bëjnë grevë për të dytën ditë radhazi.

Dy aeroportet kryesore të Belgjikës po përjetojnë ndërprerje të konsiderueshme. Asnjë fluturim nuk do të niset ose mbërrijë në Aeroportin e Charleroi, ndërsa Aeroporti i Brukselit ka anuluar të gjitha nisjet dhe pret probleme të mundshme edhe me fluturimet hyrëse.

“Për shkak të ditës kombëtare të veprimit të planifikuar për të mërkurën, më 26 nëntor, nga një front i bashkuar i sindikatave dhe mungesës së stafit në dispozicion për të siguruar operacione të sigurta, Aeroporti i Charleroi nuk do të jetë në gjendje të operojë nisjet dhe mbërritjet e planifikuara”, shkroi në një deklaratë aeroporti i dytë më i ngarkuar i kryeqytetit belg.

Portet në Flandër u përballën gjithashtu me probleme operacionale, sipas agjencisë së lajmeve Belga, me dhjetëra anije që nuk mund të hynin ose të dilnin nga portet e Antwerpit, Ghentit dhe Zeebrugges.

The post Belgjika në ditën e 3-të të grevës, vijon ndërprerja e shërbimeve dhe transportit appeared first on Albeu.com.

Mësohet se doganierët më datë 27 Tetor, nga ora 06:00 deri në orën 10:00 (me orën shqiptare), në PKK Kakavijë nuk do të lojojnë lëvizjen e automjeteve.

Sipas tyre, do të lejohen të qarkullojnë vetëm këmbësorët pa bagazhe dhe automjetet që do të kenë emergjenca shëndetësore.

Njoftimi

Policia Kufitare Kakavijë, nëpërmjet qendrës së përbashkët të shkëmbimit të informacionit Kakavijë, është njoftuar nga Policia Kufitare Greke se më datë 27.10.2025, nga ora 06:00 deri në orën 10:00 (me orën shqiptare), në PKK Kakavijë nuk do të lejohet lëvizja e mjeteve, për shkak të grevës së doganierëve.

Do të lejohen të qarkullojnë vetëm këmbësorët pa bagazhe dhe automjetet që do të kenë emergjenca shëndetësore.

Policia Kufitare Kakavijë kërkon mirëkuptimin e qytetarëve dhe sugjeron planifikimin e udhëtimeve me automjete në orare të tjera të ditës.

The post Doganierët grekë në grevë, mbyllet pika kufitare e Kakavijës më 27 Tetor, ja oraret e bllokimit appeared first on Albeu.com.

Në shkresën zyrtare të dorëzuar këtë të premte, punonjësit kërkojnë vëmendje dhe ndërhyrje urgjente nga institucionet përkatëse, me qëllim që të parandalohet çdo pasojë serioze për shëndetin dhe jetën e tyre, pasi – siç theksojnë ata – situata është bërë e padurueshme.

The post Punonjësit e Bankers Petroleum në ditën e 10-të të grevës së urisë, kërkojnë ndërhyrjen urgjente të BE-së dhe institucioneve shqiptare appeared first on Albeu.com.

Masat e kursimit nuk janë kundërshtuar deri më tani nga Kryeministri i sapoemëruar Sébastien Lecorni, i cili u emërua në këtë post nga Presidenti Emmanuel Macron. Mospërcaktimi i pozicionit të tij ka rritur pakënaqësinë dhe tensionet në opinionin publik dhe sindikatat.

Ministri i Brendshëm në largim, Bruno Retagio, paralajmëroi për një pjesëmarrje të konsiderueshme në grevë dhe bëri të ditur se 80,000 forca policie do të jenë në gatishmëri për të garantuar rendin dhe për të parandaluar incidente të mundshme.

Ndërkohë, Lecorni vazhdoi sot takimet intensive me drejtuesit e partive politike, në përpjekje për të formuar një qeveri të re që, në mungesë të mbështetjes, të paktën të tolerohet nga shumica parlamentare, duke shmangur kështu një tjetër rrëzim të kabinetit, siç ndodhi me dy qeveritë e mëparshme.

Kryeministri zhvilloi një takim të rëndësishëm me drejtuesit e Partisë Socialiste, nga ku nuk munguan tensionet. Sekretari i përgjithshëm i saj, Olivier Faure, pas takimit la të kuptohej se nuk ishte i kënaqur me atë që dëgjoi, duke vënë në pikëpyetje sigurinë e votave socialiste në Asamblenë Kombëtare vota që konsiderohen vendimtare për formimin e një shumice të qëndrueshme.

Situata politike në Francë mbetet e tensionuar, me një krizë institucionale në horizont dhe një valë protestash që pritet të testojë seriozisht qeverinë e re.

The post Franca përgatitet për një ditë greve, 250 qytete pritet të përfshihen në protesta appeared first on Albeu.com.

Sipas Sulës, parlamenti është shtojcë e republikës kryeministrore. “E kam thënë në parlament që tmerri juaj do të jetë Arben Ahmetaj dhe inceneratori janë varri i hapur që do t’i përpijë të gjithë”.

“Këto kanë humbur arsyen. Arroganca e tyre nuk ka kufij më. Është prish çdo lloj balance politike me krimin ekonomike me krimin e institucionet. këtu ka vetëm një qeveri, ne dhe parlamenti mos ju rrejë mendja që jemi republikë parlamentare. Jemi shtojcë e republikës kryeministrore nuk jemi republikë parlamentare. Nuk është vetëm sot edhe në kohën tonë kështu ka qenë, por është tjetër gjë të jesh hajdut xhepash që vjedh 1 mijë lekë dhe hajdut bankash.

Vjedhja e korrupsioni i tyre është kaq i madh. Nuk kishim dëgjuar kurrë që taksat e bashkisë i marrin vetë. Edhe taksat tuaja e tonat i marrin ata. E kuptoni ku kanë arritur këta? Berisha ka 12 vite që ka ikur prapë ai e ka fajin? Ai Zagani nuk lënë gjë pa i bërë e futën në burg e internuan. Po ai Ahmetaj që po merr azil politik i joni ka qenë? E kam thënë në parlament që tmerri juaj do të jetë Arben Ahmetaj dhe inceneratori janë varri i hapur që do t’i përpijë të gjithë”.

Duke folur për çështjen Xhaçka, për të cilën socialistët do të kërkojnë mendimin e Komisionit të Venecias, Sula solli në vëmendje debatin për imunitetin e Berishës dhe ngre pyetjen, pse nuk iu drejtuan Venecias edhe për këtë çështje.

“Debati për imunitetin e Berishës edhe unë që jam këtu duhet të kalonte përmes komisionit të imunitetit dhe mandateve. A u pengua? Nuk tha parlamenti, këta që u dhimbset kushtetuta, të thoshin që këtu ka paqartësi dhe t’i drejtohemi Venecias. Kur është për opozitën nuk pyet për kushtetutën e shkel, kurse për interesat e tyre thonë jo se nuk e di; duhet të votoj apo jo”, tha Sula.

Pas injorimit të kushtetueses nga parlamenti, Sula thotë se Kryetari i Gjykatës Kushtetuese ose e gjithë trupa duhet të jepte dorëheqjen.

“Nuk mund të shkelë Gjykatën Kushtetuese, procedura. Në momentin që gjykata gjen që nuk ka shkelje procedure, hyn në themel. Kryetari i Gjykatës Kushtetuese duhet të jepte dorëheqjen. Nuk ka shtet ligjor dhe të së drejtës. Nëse nuk zbaton vendimin e Gjykatës Kushtetuese mori fund kjo punë”.

Gjithashtu, Sula thekson se është momenti për të radikalizuar aksionin opozitar, duke paralajmëruar grevë urie.

“Është shkallmuar mjeti i vetëm i parlamentit me ligjin për komisionet hetimore dhe e kam thënë që ne nuk duhet të kemi marrëveshje me mazhorancën, ne nuk duhet të hyjmë në parlament, por në ngujim e grevë urie. Ia vlen të vdesësh si burrat për demokracinë. Ajo që thashë atëherë duhet të bëhet tani. Është momenti për radikalizim, grevë urie e sakrificë sublime. Ka burra parlamenti. Unë jam i pari që hyj në grevë”.

The post Dashnor Sula paralajmëron grevë urie: Ua kam thënë që Arben Ahmetaj dhe inceneratori do jetë varri juaj appeared first on Albeu.com.

“Të gjitha fluturimet që nisen dhe mbërrijnë në aeroportin Charleroi janë anuluar,” tha pak pas orës 6:00 të mëngjesit, drejtoresha e komunikimeve e Charleroi, Nathalie Pierard, raporton gazeta belge Le Soir.
Siç theksojnë mediat belge, udhëtarët që nisen gjatë ditës këshillohen të mos shkojnë në aeroport dhe të kontaktojnë linjën e tyre ajrore.

The post Grevë 24-orëshe në aeroportin Charleroi në Belgjikë, anulohen fluturimet appeared first on Albeu.com.

Sipas denoncimeve të vetë të burgosurve, qarkorja në fjalë është bërë enkas për të mbajtur brenda burgjeve disa prej terroristëve të organizatës famëkeqe “17 Nëntori” si dhe të dënuarit për organizatën kriminale të Agimit të Artë, rastet e përdhunuesve të të miturve ose vrasjeve të grave, por prek edhe të dënuarit e tjerë të cilët thonë se penalizohen me të pa drejtë.

Në greve marrin pjesë të dënuar që mbahen në burgjet e Haniasë, Halkidhës, Korfuzit, Dhomokosë, Nafplios, Patrës, Neapolit dhe Larisës.

Ministria greke e drejtësisë pranon se situata është e vështrirë dhe se po shqyrton rastet herë pas here me qëllim përjashtimin nga kjo qarkore të të dënuarve që vlerësohet se janë reabilituar ose nuk konsiderohen të rrezikshëm.

Të burgosurit denoncojnë edhe raste në të cilat drejtues të burgjeve iu bëjnë presion për të ndërprerë grevën.

The post Grevë urie në burgjet greke, mes tyre edhe 1589 të burgosur shqiptarë appeared first on Albeu.com.

Rezoluta, e sponsorizuar nga Shtetet e Bashkuara, mori 14 vota për dhe asnjë kundër. Rusia abstenoi.

Kjo është rezoluta e parë e Këshillit të Sigurimit për planin për armëpushim që ka për qëllim t’i japë fund luftës mes Izraelit dhe Hamasit në Gazë.

Rezoluta e mirëpret propozimin e presidentit amerikan, Joe Biden, për armëpushim në Gazë, për të cilin Shtetet e Bashkuara thonë se është pranuar nga Izraeli. Ajo i bën thirrje Hamasit, i cili fillimisht tha se e ka shqyrtuar “pozitivisht” propozimin, ta pranojë atë.

Rezoluta u bën thirrje Izraelit dhe Hamasit “t’i zbatojnë plotësisht kushtet e saj pa asnjë vonesë dhe asnjë kusht”.

Propozimi i Bidenit përbëhet nga kushte për “një armëpushim të plotë”, lirimin e pengjeve që po mbahen nga Hamasi, kthimin e mbetjeve të pengjeve të vdekura dhe shkëmbimin e të burgosurve palestinezë.

Plani përfshin tri faza për t’i dhënë fund luftës me një plan shumëvjeçar për rindërtimin e Gazës, e cila është rrënuar pothuajse plotësisht si pasojë e luftimeve.

Të hënën më herët, sekretari amerikan i Shtetit, Antony Blinken, e fajësoi Hamasin se po e zvarrit arritjen armëpushim në Gazë.

Duke folur pas një takimi në Kajro me presidentin e Egjiptit, Abdel Fattah al-Sisi, Blinkeni tha se Hamasi është pala e vetme që ende nuk është pajtuar me propozimin e Bidenit.

Uashingtoni thotë se propozimi parashikon armëpushim në faza, që përfundimisht çon drejt dhënies fund të luftës.

Megjithatë, Izraeli thotë se do të pajtohet vetëm me ndërprerje të përkohshme të luftës derisa Hamasi të mposhtet plotësisht, ndërsa Hamasi thotë se nuk do ta pranojë një armëpushim, i cili nuk ofron garanci se lufta do të përfundojë.

Izraeli e nisi luftën në Gazë si përgjigje ndaj një sulmi nga Hamasi në jug të Izraelit më 7 tetor, ku u vranë 1.200 njerëz, kryesisht civilë, dhe u rrëmbyen rreth 250 të tjerë.

Izraeli thotë se më shumë se 100 pengje po mbahen ende në Gazë, së bashku me trupat e pajetë të rreth 30 të tjerëve.

Prej atëherë, lufta izraelite në Gazë i ka vrarë më shumë se 36.000 palestinezë, gjysma e të cilëve fëmijë dhe gra, sipas zyrtarëve shëndetësorë palestinezë./rel

The post Këshilli i Sigurimit të OKB-së miraton një rezolutë për armëpushim në Gazë appeared first on Albeu.com.

Koalicioni qeverisës është akuzuar se ka ndikuar në programe, duke përfshirë censurimin e temave që nuk janë në përputhje me qëndrimin e qeverisjes.

Greva të hënën erdhi mes një debati në rritje në Itali për ndikimin politik në media pasi Rai u akuzua për censurimin e një monologu antifashist që do të lexohej në një nga emisionet e tij televizive nga autori i profilit të lartë, Antonio Scurati.

“Kjo grevë ka një aspekt që lidhet me pavarësinë dhe autonominë e gazetarëve,” u tha meidave në Romë Daniele Macheda, presidenti i Usigrai, sindikata kryesore që përfaqëson gazetarët e Rai.

Që nga viti 2005, shumica e bordit të Rai-t është zgjedhur nga politikanët dhe aksioneri kryesor i tij, ministria e ekonomisë, si pjesë e një ligji që u përforcua nga qeveria e qendrës së majtë të Matteo Renzi në 2015.

“Ne gjithmonë kemi thënë se prania e partive politike në Rai duhet të eliminohet,” shtoi Macheda. “Shkuam nga viti 2005 në 2015, kur ligji i Renzit vendosi kontrollin e Rait në duart e drejtpërdrejta të qeverisë,” shtoi ai.

Ndërsa ndikimi politik dhe loja ka qenë gjithmonë një çështje në Rai, shqetësimet janë intensifikuar që kur qeveria e koalicionit e udhëhequr nga Fratelli d’Italia e Melonit, parti e cila ka origjinë neofashiste, mori pushtetin në tetor 2022.

Scurati duhej të lexonte monologun që shënon festën kombëtare të 25 prillit, e cila feston çlirimin e Italisë nga fashizmi, në emisionin e bisedimeve Rai 3 Chesarà. Por disa orë përpara se të niste emisioni, ai mori një njoftim që i thoshte atij se dalja e tij ishte anuluar “për arsye editoriale”.

Scurati është i njohur në Itali për librat e tij për diktatorin Benito Musolini dhe periudhën fashiste. Fjalimi i tij iu referua Giacomo Matteotti, një kundërshtar politik i Musolinit i cili u vra nga vrasësit fashistë në 1924, dhe masakrave të tjera të kryera nga regjimi. Ai përmbante gjithashtu një paragraf që kritikonte liderët “post-fashistë” të Italisë për mos “përgënjeshtrimin e të kaluarës së tyre neofashiste”.

Qeveria e saj është akuzuar gjithashtu se ka larguar menaxherët e Rai ose drejtuesit e TV me pikëpamje të majta.

The post “Kontroll mbytës mbi median”, gazetarët e RAI-t në grevë kundër qeverisë së Giorgia Melonit appeared first on Albeu.com.