Ata ankohen se janë shkelur të drejtat me ndryshimet e shpeshta që i janë bërë kodit penal në Greqi. Të burgosurit pretendojnë se drejtësia greke, nuk u njeh të drejtën e lirimit me kusht dhe po i mban në burg në mënyrë të paligjshme.

Për “Shqipëria Live”, ka folur sot Fabio Dushku, i cili vuan dënimin në burgun e Domokos. Ai u shpreh se në burgjet greke rregullat vendosen sipas interesave të drejtorëve dhe se shkelen të drejtat e të gjithëve.

Gjithashtu, ai tha se nuk po u miratohen lejet vjetore sipas ligjit, e po ashtu po u zgjatet dënimi. Ai ka kritika dhe për institucionet shqiptare, nga të cilat ndihen të braktisur.

“Jemi shumë kombësi. Kur erdhi partia e djathtë në pushtet na lajmëruan që do ndryshojë kodi penal. U ngritën avokatët dhe të burgosurit në burg. Pastaj na thanë që nuk na përfshinte ne dhe ne hoqëm dorë nga greva sepse çdo kush vepron për vete. Ne kërkuam të merrnin lejen 5-ditore siç është rregulli këtu, që na takojnë me ligj. Por na thanë që nuk na i miratojnë. Thanë ka ndryshuar kodi penal dhe nuk ju takon. Problemin e kanë me një organizatë terroriste dhe na futën dhe ne për ta fshehur.
Këtu burgjet janë si shtetet e SHBA-së. Çdo burg ka rregullat e veta, i bëjnë siç duan. Ne nisëm grevë sërish në datën 19 korrik. Do vazhdojmë grevën, o do vdesim të gjithë në burg, ose të lirohemi siç e thotë ligji. Kërkojmë drejtësi.

Kërkojmë dhe ndihmë nga shteti shqiptar. Ambasada jonë nuk na përgjigjet në telefon. Edi Rama mos vijë këtu vetëm për politikë, për shfaqje. Ta bëjnë si ambasada turke, që sapo e kërkuan, erdhi në burg. Kërkojmë drejtësi dhe që ambasada shqiptare të reagojë“,– tha Dushku.

The post Shqiptarët e burgosur në Greqi në grevë urie: Po na shkelin të drejtat appeared first on Albeu.com.

Shkak për këtë grevë, është bërë transferimi i tij nga burgu i Reçit në burgun e Burrelit.

Mësohet se mbrëmjen e djeshme, për shkak të rëndimit të gjendjes shëndetësore është dërguar me urgjencë në spitalin e Burrelit.

Nuk dihet gjendja shëndetësore, ndërsa Hoxhaj vijon të qëndrojë në grevë urie, deri në plotësimin e kërkesave për ta transferuar në IEVP Reç.

The post Prej 13 ditësh në grevë urie, i dënuari në burgun e Burrelit përfundon në spital appeared first on Albeu.com.

Ligjvënësit serbë, Janko Veselinoviç dhe Danijela Grujiç nisën grevën e urisë në shenjë proteste kundër rezultatit të zgjedhjeve të parakohshme në Serbi ku partia në pushtet e presidentit Aleksandër Vuçiç mbajti pushtetin me një numër të madh votash.

Nëpërmjet një njoftimi në rrjetin social ‘X’, Veselinoviç shkruan se së bashku me Grujiç ndodhet në Qendrën Klinike të Vojvodinës.

“Ne jemi mirë. Mos u shqetësoni. Nuk e kemi përfunduar ende grevën e urisë. Por, me këshillën e mjekut do ta ndërpresim sot”, ka shkruar Veselinoviç në platformën X.

Grujiç filloi grevën e urisë më 21 dhjetor, ndërsa Veselinoviç dy ditë më vonë sipas mediave serbe.

Koalicioni kryesor opozitar, “Serbia kundër dhunës” kërkon anulimin e zgjedhjeve me pretendimin se ka pasur vjedhje elektorale. Ndërsa presidenti serb, Vuçiç, i cilëson protestat nga opozita si një plan nga perëndimi për rrëzimin e tij nga pushteti.

The post Në grevë urie që nga humbja e zgjedhjeve në Serbi, dy deputetët e opozitës serbe përfundojnë në spital appeared first on Albeu.com.

Teksa deputetët e mazhorancës u larguan dhe automati i Kuvendit u fik, deputetët e opozitës megjithatë vijuan të qëndronin brenda ambienteve të Kuvendit.

Madje në sfond dëgjoheshin dhe këngë patriotike, e mes tyre edhe kënga “Mora Fjalë” që i kushtohet heroit legjendar Adem Jashari.

 

View this post on Instagram

 

A post shared by Albeu.com (@albeucom)

Ditën e sotme, në konferencën e përjavshme me gazetarët, ish-kryeministri Sali Berisha ka paralajmëruar grevë urie.

Berisha: Absolutisht greva e urisë është përmendur, ashtu siç thoni ju. Plotësisht! Ka gatishmëri të vërtetë dhe është një opsion. Nuk ka diskutim, kjo është betejë. Ne e kemi nisur këtë, kur ai de facto na asgjësoi ne në parlament. Kur arriti gjer aty sa të na caktojë përfaqësuesin tonë në komisionin e reformës elektorale.

Çfarë mund të presësh më shumë se kaq? Ka një eliminim më të fortë se ky? Pra, ne caktuam Oerd Bylykbashin, një ekspert i shquar, i njohur edhe nga komuniteti ndërkombëtar për njohuritë e tij në të drejtën elektorale, dhe ai thotë unë dua Enkelejdin. Jo atë, nuk e pranoj, pranoj Enkelejdin. Pranon pengun. Kështu pastaj nuk mund të ecet.

Ai këtë situatë e krijoi vetë, për këtë situatë do përgjigjet. Ky është njëri aspekt, por çdo aspekt tjetër është i tillë. Merrni ju qëndrimin ndaj Kosovës. Nuk mund të pranojmë ne kurrë këtë. Ne kemi qëndruar në një pozicion të vetëpërmbajtur sepse ne nuk duam të ndërhyjmë në punët e brendshme të Kosovës. Në raste madhore kur cenohet interesi kombëtar, siç janë çështjet e territorit, sigurisht e kemi këtë të drejtë.

Por në raste të tjera nuk kemi ne, Kosova ka përfaqësuesit e vet. Më vjen keq që e përsëris, jam marrë gjithë jetën me të.

Që në momentin që Kosova ka pasur përfaqësuesit e vet, kam pasur vetëm një fjalë për udhëheqjen politike të Beogradit. Kurrë në tryezë me mua nuk diskutoni çështjen e Kosovës. Kurse ky organizon kurthe. A nuk u takua ky fshehtas me Vuçiç në Nju Jork? Dhe tre apo pesë ditë më vonë, Radoiçiç bëri atë që bëri. Dhe ky nuk e mohoi, përkundrazi doli e tregoi se çfarë kishin biseduar atje. Pa shprehur ngushëllime për Afrim Bunjakun, të rënin.

Tani merr fund kjo gjë, jemi gjysma e kombit. Nuk mund të sillet kurrë në këtë mënyrë, ose ta mbyllë gojën të mos ndërhyjë në punët e brendshme, ose do i bëhet ajo problem i madh këtu brenda.

The post Deputetët u ngujuan mes territ në Kuvend, Berisha paralajmëron grevë urie: Kjo është betejë! appeared first on Albeu.com.

Ata do të presin deri në orën 16:00 të ditës së sotme për një përgjigje pozitive nga qeveria, në të kundërt do të ngujohen në ambientet e brendshme të një prej sallave të Universitetit Politeknik, në shenjë proteste për shurdhërinë ndaj të drejtave të tyre.

Deklarata

Nga Politekniku, aty ku janë mbledhur prej javësh në një qëndresë simbolike me shpresën për t’u dëgjuar nga autoritetet, Sindikata e Punonjësve në Universitete deklaroi vendimin për të nisur grevën e urisë, një hap të padëshirueshëm dhe unik të këtij lloji në botë. “Nesër (sot) pasdite do të jetë diskutimi i fundit për këtë çështje. Enkas është lënë ora 16:00, sepse është mbyllja e orarit zyrtar qeveritar që t’i japë një rrugëzgjidhje situatës. Në këtë fazë, për dy-tri çështjet kryesore që i kemi kërkuar qeverisë, ata nuk janë përgjigjur pozitivisht. Ne do të mblidhemi këtu dhe do të vendosim përfundimisht nëse ka një përgjigje nga qeveria. Në bazë të saj, do të vendosim fiks si do të operojmë. Nëse nuk do të kemi diçka pozitive kemi gatishmërinë e një pjese të stafit që është i gatshëm të kalojë në grevën e ngujimit, si grevë simbolike, e padëshirueshme. Do jetë unike në botë që në grevë urie të futet personel akademik”, tha kreu i SPASHit, Sandër Kovaçi, në protestën e radhës të zhvilluar ditën e djeshme. Bëhet fjalë për afro dhjetë pedagogë të universiteteve të ndryshme të vendit, të cilët janë shprehur të gatshëm ta çojnë deri në fund rezistencën e tyre për një arsim të lartë dinjitoz. Ata do të ngujohen në ambientet e brendshme të një prej sallave të universitetit ku protestuan për gati tri javë. Me gjithë kërkesat e njëpasnjëshme dhe letrat e hapura, sindikata nuk ka marrë asnjë sinjal nga qeveria, përpos statuseve në rrjete sociale, më tepër intimiduese sesa shpresëdhënëse për një dorë bashkëpunimi.

“Njohim vetëm 7% rritje”

Pavarësisht se qeveria proklamon shpesh një rritje pagash për pedagogët me 15%, gjysmën e së cilës ia ka faturuar universiteteve si faturë, sindikata nuk e konsideron fare. Për më tepër, nuk ka kurrfarë garancie që kjo masë do të vijojë. Dhe këtë e mbështet me shifra konkrete. “Ne kemi njohur vetëm 7% si rritje. Universiteti i Tiranës ka rritur 8% vetëm për këtë periudhë dhe nuk ka asnjë garanci për vitin e ardhshëm. Kurse universitetet e tjera, si Politekniku, edhe ai gjatë kësaj periudhe, këtë tremujorësh, mund ta mbulojë me shumë vështirësi. Përveç mjekësisë, ndoshta ata kanë më shumë buxhet. Universitetet e tjera nuk kanë asnjë lloj mundësie për të arritur 8%-shin. Për shembull, rritja me 8% në Universitetin e Shkodrës do të kushtonte 200 milionë lekë, ndërsa të ardhurat vjetore ishin vetëm 100 milionë. Ne duhet të sigurohemi për 8% dhe për faktin që ai nuk merret nga buxheti i studentëve dhe nuk sjell ulje të investimeve në universitete. Dhe duhet të bëhet transparencë mbi shpenzimet”, nënvizon Kovaçi, duke shprehur rezerva mbi 8 për qindëshin ekstra që duhet të jepet nga IAL-të. Edhe në rast se rritja totale prej 15% do të jepej nga vetë qeveria, ajo masë nuk i kënaq pedagogët, të cilët kërkojnë një vlerësim më dinjitoz. Së paku, të përafërt me ato të kolegëve të tyre në vendet fqinje. Një tjetër detaj që lë gjithashtu të pakënaqur sindikatën e punonjësve të universiteteve është mospërfshirja e stafit ndihmës akademik dhe punonjësve mbështetës. “Në këtë 8% rritje nuk është përfshirë stafi ndihmës akademik dhe administrativ. Ata kanë paga aq të ulëta sa edhe 15% nuk i rrit asgjë. Ne kemi kërkuar që 30% i sivjetmë të jetë i plotë edhe për profesoratin dhe për stafin akademik dhe administrativ”. Ndonëse është etiketuar si një protestë për pagat, ajo çfarë kërkojnë pedagogët është shumë më tepër se aq. Një financim më i lartë për universitetet, që ndonëse është rritur me përqindje të vogla, është sërish shumë larg premtimit të qeverisë për ta çuar atë në 5 për qind kur erdhi në pushtet.

The post Sot përfundon ultimatumi i pedagogëve për qeverinë, gati për grevë urie: Presim deri në orën 16:00 appeared first on Albeu.com.

“Shiksi i NonGratës paska marrë urdhër për t’i dhënë ultimatum qeverisë me grevë urie të pedagogëve!

Grevë urie për rritje rrogash bëjnë vetëm njerëz pa fe e pa atdhe, rublaxhinj pa din e pa iman, foltorexhinj e baltaxhinj që vetëm Shqipërisë e shqiptarëve nuk i shërbejnë!” shkruan Rama.

Shiksi i NonGratës paska marrë urdhër për t’i dhënë ultimatum qeverisë me grevë urie të pedagogëve! Grevë urie për rritje rrogash bëjnë vetëm njerëz pa fe e pa atdhe, rublaxhinj pa din e pa iman, foltorexhinj e baltaxhinj që vetëm Shqipërisë e shqiptarëve nuk i shërbejnë! pic.twitter.com/D5t9ggP444

— Edi Rama (@ediramaal) November 1, 2022

The post Pedagogët paralajmërojnë grevë urie, reagon Rama: Shiksi i NonGratës paska marrë urdhër appeared first on Albeu.com.

Kreu i sindikatës së pedagogëve, Sandër Kovaçi, ftoi kolegët të njoftojnë nëse do të bëhen pjesë e grevës, që do të nisë të mërkurën në orën 16:00.

Ata kanë filluar protestat prej disa kohësh, ndërsa i kanë bojkotuar tri javët e para të vitit akademik. Kërkesa e tyre kryesore është rritja e pagës me 50% dhe nuk kanë rënë dakord me atë që u ka ofruar qeveria.

“Qeveria nuk i dëgjon kërkesat tona. Qeveria ofron zgjidhje kozmentike. Ka dhe presione që të shuhet kauza jonë e drejtë, është propozuar që protestë të kalojë në trajtën e grevës së urisë. I leme qeverisë dy ditë kohë deri të mërkurën përndryshe, të mërkurën, ora 16:00 të gjithë jemi në shesh. Ftohen të gjithë ata që duan të jenë pjesë e saj”, tha kreu i sindikatës së universiteteve.

The post Pedagogët drejt grevës së urisë, ultimatum qeverisë për të reaguar appeared first on Albeu.com.

Banorët kërkojnë të mos preket burimi, sepse sipas tyre, me atë vadisin tokat dhe mbajnë gjallë jetën në fshat.

Sot ata ndodhen në ditën e dytë të grevës dhe janë shprehur se nuk do të dorëzohen derisa fjala e tyre të dëgjohet.

Dy prej banorëve kanë probleme me hipertensionin dhe ilaçet që pinë duhet të konsumohen pas buke.

“Gjendja ime shëndetësore është e dobët. Pas vizitës së bërë nga mjekët, më thanë se unë nuk duhet të jem këtu pasi kam probleme të rënda. Unë u thash se do të rri këtu deri në vdekje dhe nuk tërhiqem. Unë i lutem kryeministrit që ta marrë njëherë mundimin dhe jo vetëm ai por kushdo që ka mend në kokë do na japë të drejtë. Ai vetë nuk do të vijë po të dërgojë një përfaqësues. Kam dhe diçka për Ardi Veliun që po drejton operacionin e policisë në Lumas, ku të gjithë po na marrin në tel se çfarë kemi bërë dhe ne kemi thënë se na kanë blindura. I bëjmë thirrje Ramës pasi ai është i pari i të gjithëve të verifikojnë gjendjen dhe të na thotë nëse nuk kemi të drejtë që të ikim ku të duam”, ka thënë një nga banorët.

Ndërkohë një tjetër banor në fjalën e tij ka deklaruar se i vetmi fajtor për dhunën e ushtruar ndaj tyre është Ardi Veliu.

“Jam prononcuar disa herë nëpër televizione dhe çështje tona janë që kryeministri të na shikojë me vëmendje pasi po na zhvat policia të gjallë, të merren masa për Ardi Veliun, na rrahin policët dhe thonë se kanë urdhër për ta bërë këtë. Nuk kemi punë me asnjë por me bashkinë e Kuçovës që na e shpërbëri këtë zonë dhe atë turistike e bëri që të mos jetojnë më hardhucat e breshkat jo ne si njerëz”, ka thënë ai./albeu.com

The post Banorët e Lumasit në ditën e dytë të grevës, dy prej tyre shfaqin probleme shëndetësore appeared first on Albeu.com.

Kërkesa e infermierit nga Kosova, që ka më shumë se dy dekada që punon në sistemin shëndetësor lidhet me pagesat e ulëta, të cilët ata përfitojnë për orët e natës, orët shtesë gjatë fundjavës, por edhe me pagesat që ata duhet të përfitonin për rrezikun në punë.

Ai ishte sot në një lidhje “Skype” për “Wake Up”, ku theksoi se kanë përdorur të gjitha mjetet e komunikimit për të shprehur problemin e tyre, por nuk kanë marrë asnjë përgjigje.

“Kërkesat janë po ato të vitit 2019, që janë rritja e pagesës për qëndrimin e natës për infermierët.

Pagesa e punës gjatë fundjavës dhe të orëve shtesë siç u paguhet mjekëve dhe pagesa e rrezikshmërisë në punë. Pasi së fundmi janë shtuar rastet e dhunës ndaj mjekëve. Këto më kanë detyruar që të marr një vendim më radikal.

Thirrja i shkon Presidentes, Kryeministrit, Ministrisë së Shëndetësisë dhe kryetares së Komisionit për Shëndetësinë. I kemi shfrytëzuar të gjitha rrugët e komunikimit, por nuk kemi marrë asnjë përgjigje”, tha ai.

The post Infermieri shqiptar hyn në grevë urie, kërkesa që ka për institucionet appeared first on Albeu.com.

Përmes një postimi në Instagram, Navalny tha se shëndeti i tij është i përkeqësuar dhe se po vazhdon të kërkojë që ai të kontrollohet nga mjekët e tij personal.

Më 22 prill, mjekët i thanë atij se duhet ta përfundojë grevën e urisë, dhe se nëse ajo vazhdon edhe pak “nuk do të kenë më një pacient për të trajtuar”.

Navalny, 44-vjeçar tha se do të duhen 24 ditë për t’u kthyer gradualisht në një rutinë normale të ngrënies. Ai e filloi grevën e urisë më 31 mars duke kërkuar trajtim shëndetësor nga mjekët jasht burgut.

Mjeku personal i Navalnyt, kreu i sindikatës së Aleancës së Mjekëve të Rusisë dhe tre mjekë të tjerë, përfshirë një kardiolog, thanë në një letër për Shërbimi Penal Federal të Rusisë se gjendja e tij ishte përkeqësuar me shpejtësi dhe se ai mund të pësonte infarkt “në çdo minutë”.

Vendimi për të ndërprerë grevën e urisë vjen dy ditë pasi mijëra rusë anëmbanë Rusisë iu bashkuan protestave duke kërkuar që Navalny të marrë trajtimin e duhur mjekësorë.

Protesta u thirr nga Fondacioni Kundër Korrupsionit, që e udhëheq Navalny (FBK). Autoritetet ruse kanë filluar procedurat për mbylljen e tij.

Më shumë se 1.700 persona u arrestuan gjatë protestave. Organizata Amnesty International ka thënë se kjo paraqet “goditje tronditëse të lirive themelore”. Policia arrestoi të paktën 10 gazetarë në lidhje me mbulimin e protestave, sipas vëzhguesve të lirisë së medias.

Navalny u arrestua më 17 janar pas kthimit të tij në Rusi nga Gjermania, ku ai mori trajtim pas sulmin me agjent helmues në Siberi. Ai ka insistuar që helmimi i tij me një agjent nervor kimik – Noviçok – ishte urdhëruar direkt nga presidenti rus, Vladimir Putin.

Kremlini ka mohuar çdo rol në helmim.

Në shkurt, një gjykatë në Moskë vendosi që ndërsa ishte në Gjermani, Navalny kishte shkelur kushtet e një lirimi me kusht nga një lëndë e vjetër gjyqësore.

Shtetet e Bashkuara dhe Bashkimi Evropian kanë vendosur sanksione ndaj Rusisë lidhur me çështjen Navalnyt dhe goditjen e qeverisë ndaj demonstruesve në fillim të këtij viti në tubimet që kundërshtuan arrestimit e Navalnyt./ REL

The post Rrezikonte jetën, Navalny heq dorë nga greva e urisë appeared first on Albeu.com.