Bashkimi i Sindikatave të Pavarura të Kosovës (BSPK) ka shënuar sot 36 vjet nga Greva e Përgjithshme e 3 shtatorit 1990, duke e vlerësuar atë si një ndër momentet kulmore të qëndresës paqësore në vend.

Në një njoftim për shtyp, kreu i kësaj sindikate, Atdhe Hykolli, nderoi kujtimin e punonjësve dhe gjithë qytetarëve që në ato kohë të vështira u mobilizuan për të mbrojtur të drejtat në punë, dinjitetin njerëzor dhe aspiratat politike e kombëtare.

Sipas BSPK-së, ky aktivitet i 3 shtatorit nuk ishte thjesht një ndërprerje pune. Ai u pa si një kundërpërgjigje e koordinuar ndaj diskriminimit të ushtruar nga regjimi serb, shkarkimeve masive të shqiptarëve nga puna, heqjes së autonomisë dhe goditjes së institucioneve kosovare.

Thirrjes së lëshuar nga sindikata iu bashkuan punëtorë, studentë, artizanë dhe banorë nga e gjithë Kosova, duke e kthyer atë grevë njëditore në një shfaqje masive të rezistencës së paarmatosur.

BSPK nënvizon se punëmarrësit e asaj periudhe treguan se vendi i punës nuk është vetëm burim jetese, por edhe simbol i dinjitetit, përgjegjësisë kolektive dhe lirisë.

“Në formë, Greva e Përgjithshme ishte e heshtur, por përmbajtja dhe jehona e saj qenë të fuqishme”, theksohet në komunikatë.

Sindikata e çmon 3 shtatorin 1990 si një datë kyçe në historinë e lëvizjes sindikale, politike dhe sociale të Kosovës.

Megjithatë, BSPK ka shprehur edhe brenga për situatën e sotme të punëtorëve, duke përmendur nivelin e pagave, shtrenjtësinë e jetesës, sigurinë në punë dhe ngecjet në dialogun social.

Duke rikujtuar 3 shtatorin, kryetari Atdhe Hykolli i drejtohet Qeverisë – partnerit social – me kërkesën që të krijohen pa zvarritje kushtet për të negociuar dhe firmosur Marrëveshjen e Përgjithshme Kolektive, si dhe të dëgjohet zëri i BSPK-së si përfaqësues legjitim i punonjësve të vendit.

BSPK thekson se përkujtimi i kësaj dite duhet të shndërrohet në një përkushtim për ruajtjen e të drejtave të punëmarrësve.

“Lavdi qëndresës së punëtorëve të Kosovës! Nderim Grevës së Përgjithshme të 3 shtatorit 1990!”, përfundon deklarata.

The post BSPK përkujton 36-vjetorin e Grevës së Përgjithshme të 3 Shtatorit appeared first on Albeu.com.

Greva e punëtorëve teknikë në shkollat fillore dhe të mesme të Prishtinës, e nisur më 1 shtator, do të vazhdojë derisa të shlyhen të gjitha detyrimet financiare ndaj tyre. Kështu deklaroi në një konferencë për media kryetari i Sindikatës së Punëtorëve të Sektorit Privat, Jusuf Azemi.

Shkak për grevën është mospagesa e punëtorëve të shkollave të mesme të larta për muajt korrik dhe gusht. Ndërkohë, punëtorët e shkollave fillore ende nuk e kanë marrë pagën e gushtit dhe pagesën për 11 ditë të korrikut.

Azemi njoftoi se për këtë çështje është zhvilluar një takim me drejtorin e Drejtorisë së Arsimit në Komunën e Prishtinës, Arianit Elshani, dhe me zyrtarin komunal Arben Gashi. Sipas tij, sindikata kishte pritur që nga ky takim të dilte një zgjidhje për kapërcimin e bllokadës.

Ai bëri të ditur se për muajin gusht ishte paraqitur mundësia që punëtorët të paguheshin 391 euro, ose 425 euro bruto. Arsyetimi i dhënë ishte se paga minimale nuk ishte amendamentuar dhe se kontraktuesit, në momentin e nënshkrimit të kontratave, kishin përcaktuar shumën prej 425 eurosh.

Sipas Azemit, Drejtoria e Arsimit kishte thënë se duhej t’i delegonte dhe t’i transferonte këto mjete. Megjithatë, sindikata e refuzoi ofertën, me arsyetimin se ajo nuk përfaqëson pagën e plotë të përcaktuar me kontratë dhe bie ndesh me pagën minimale sipas ligjit në fuqi.

Paga e këtyre punëtorëve, bazuar në kontratat e tyre dhe në pagën minimale, është 500 euro bruto.

Kreu i sindikatës tha se Komuna nuk kishte nevojë të transferonte asnjë cent nëse nuk i shlyente të gjitha detyrimet ndaj punëtorëve. Ai sqaroi se paratë e hedhura në llogaritë e tyre do të tërhiqeshin, por kjo nuk do ta zgjidhte problemin dhe greva do të përfundonte vetëm pasi Komuna e Prishtinës t’i përmbushte të gjitha obligimet që ka ndaj tyre.

Azemi kritikoi zyrtarët komunalë për mosmarrjen me këtë problem, pavarësisht se sindikata, sipas tij, kishte paralajmëruar për më shumë se një muaj se situata mund të përfundonte në bllokadë. Ai e lidhi gjendjen e krijuar me mungesën e mjeteve dhe të realitetit.

Ai tha se disa zyrtarë të Komunës së Prishtinës deklaronin se nuk ishin në dijeni që punëtorët ndodheshin në grevë. Azemi e cilësoi të rëndë faktin që pagat mungonin prej 45 ditësh, ndërsa personat zyrtarë që duhej të merreshin me pagesat e punëtorëve nuk kishin dijeni për grevën.

Duke kërkuar mirëkuptim nga qytetarët dhe nxënësit, Azemi tha se përgjegjësinë për situatën e kanë institucionet që, sipas tij, nuk i kanë përmbushur detyrimet ndaj punëtorëve.

Për momentin, sindikata synon të vazhdojë vetëm me grevë dhe nuk planifikon veprime më radikale. Megjithatë, Azemi nuk e përjashtoi përdorimin e masave të tilla nëse detyrimet financiare nuk realizohen, ndonëse shprehu bindjen se nuk do të jetë e nevojshme të arrihet deri aty.

Ai tha se institucionet nuk kanë rrugë tjetër përveçse të veprojnë, pasi punëtorët nuk mund të rrezikojnë shëndetin e fëmijëve duke i dërguar të sëmurë në shkolla për shkak të njerëzve që paguhen mirë për t’i kryer detyrat e tyre.

KosovaPress ka kërkuar një qëndrim nga Drejtoria e Arsimit e Komunës së Prishtinës për këtë çështje, por deri në publikimin e artikullit nuk ka marrë përgjigje.

The post Punëtorët teknikë mbeten në grevë, Azemi: Refuzuam ofertën e Komunës për pagë bruto prej 450 eurosh appeared first on Albeu.com.

Viti i ri shkollor në Kosovë do të hapet pa vonesa, më 1 shtator.

Sindikata e Bashkuar e Arsimit, Shkencës dhe Teknologjisë (SBAShK) ka siguruar se arsimtarët janë plotësisht të përgatitur për fillimin e mësimit.

Megjithatë, me afrimin e datës së fillimit, sindikata ka ngritur zërin për një problem të vazhdueshëm prej vitesh. Ymer Ymeri, sekretari i SBAShK-ut, shprehu habi ndaj pretendimeve në disa komuna se një pjesë e mësuesve po trajtohen si “tepricë teknologjike”.

Sipas tij, ky etiketim është i pakuptueshëm, veçanërisht në ato komuna ku vazhdimisht hapen konkurse për mësues dhe pranohen staf të rinj. Ai lë të kuptohet se qëllimi i vërtetë mund të jetë heshtja e zërave kritikë.

Në lidhje me ecurinë e procesit mësimor, Ymeri konfirmoi se, sipas të dhënave që disponon sindikata, të gjitha institucionet arsimore janë gati për të mirëpritur nxënësit. Mësimdhënësit e përfaqësuar prej tyre tashmë kanë filluar të paraqiten nëpër shkolla, ndërsa në pjesën më të madhe të objekteve përgatitjet kanë përfunduar. Në disa shkolla të tjera, punimet rinovuese janë në fazën finale, duke lënë të kuptohet se mësimi do të nisë sipas planit.

Kreu sindikal shprehu gjithashtu shpresën për një proces të qetë të subvencionimit të teksteve mësimore, duke shtuar se nxënësit nuk duhet të përballen me vonesa në pajisjen me librat e nevojshëm.

Ai mbylli çdo spekulim mbi një veprim të mundshëm grevist nga ana e sindikatës, duke shprehur besimin se kërkesat e tyre do të shqyrtohen seriozisht nga autoritetet qendrore.

Edhe Ministria e Arsimit ka dhënë garanci të ngjashme, duke konfirmuar për Klankosova.tv se data e 1 shtatorit mbetet e pandryshuar për nisjen e mësimit.

Nga ana tjetër, Këshilli i Prindërve ka përsëritur shqetësimet dhe pakënaqësitë e tij, veçanërisht për mënyrën sesi po realizohet subvencionimi i librave, si dhe për kërkesa të tjera që, sipas tyre, janë injoruar nga Ministria e Arsimit dhe Shkencës.

The post Fillimi i rregullt i vitit shkollor, SBAShK-u paralajmëron për shqetësimin e “tepricës teknologjike appeared first on Albeu.com.

Njoftimi i përcjellë nga autoritetet doganore greke, bën me dije se shërbimet doganore dhe kalimi i mjeteve në të dyja drejtimet do të bllokohen mes orës 07:00 dhe 11:00, sipas orës shqiptare.

Gjatë këtyre katër orëve, asnjë automjet nuk do të mund të hyjë apo të dalë, për shkak të pezullimit të plotë të veprimtarisë nga ana greke.

Dogana Shqiptare apelon tek të gjithë udhëtarët dhe operatorët ekonomikë që synojnë të lëvizin drejt Greqisë, që të mos e përdorin këtë pikë kalimi në intervalin orar 07:00–11:00 të së hënës.

Për të evituar radhët dhe vonesat e gjata, këshillohet që lëvizjet të programohen jashtë kësaj dritareje kohore.

The post Greva në anën greke bllokon për katër orë qarkullimin në Kakavijë të hënën appeared first on Albeu.com.

Këtë të hënë, Belgjika ka hyrë në ditën e parë të një greve të gjerë tre-ditore, e cila pritet të paralizojë transportin, shërbimet publike dhe sektorin privat, në shenjë proteste ndaj reformave fiskale të qeverisë së kryeministrit Bart De Wever.

Sindikatat e kanë cilësuar paketën e masave si një “shkatërrim të shtetit të mirëqenies”, duke akuzuar qeverinë se po i ngarkon qytetarët me koston e shtrëngimeve buxhetore.

Që prej së dielës, kompania publike hekurudhore SNCB ka ulur në minimum shërbimet, ndërsa sot vetëm një në dy ose tre trena është në funksion.

Edhe pjesa tjetër e transportit publik është paralizuar, ndërsa linjat Eurostar që lidhin Brukselin me Parisin pritet të preken ndjeshëm. Të martën greva do të shtrihet në shkolla, çerdhe, poste, shërbime të mbledhjes së mbeturinave dhe në një pjesë të madhe të sistemit shëndetësor.

Transporti publik do të vazhdojë të funksionojë me ndërprerje.

Kulmi i mobilizimit pritet të mërkurën, kur do të bashkohen edhe sektorët kryesorë të ekonomisë private.

Aeroportet e Brukselit dhe Charleroit paralajmërojnë se nuk do të ketë nisje të fluturimeve, për shkak të grevës së stafit tokësor dhe personelit të sigurisë. Edhe mbërritjet do të preken rëndë.

Qeveria e qendrës së djathtë, ka njoftuar masa shtrënguese që synojnë kursimin e 10 miliardë eurove deri në vitin 2030, në një kohë kur Belgjika është ndër vendet më të borxhlira të Bashkimit Evropian dhe përballet me kërkesat e BE-së për të respektuar rregullat e deficitit dhe borxhit.

Në të njëjtën kohë, vendi duhet të rrisë ndjeshëm shpenzimet ushtarake sipas angazhimeve të NATO-s.

Protestat kundër reformave janë intensifikuar muajt e fundit. Në tetor, rreth 100,000 njerëz marshuan në Bruksel kundër paketës së qeverisë, ndërsa vala e re e grevave tregon rritjen e presionit ndaj kabinetit De Wever. Në ditët në vijim, Belgjika përballet me paralizën më të madhe sindikale të viteve të fundit.

The post Belgjika paralizohet nga greva/ Ndalen trenat , mbyllen aeroportet, shërbimet publike në kolaps appeared first on Albeu.com.

Ajo ka shkuar në dhomën e gjumit ku i kërkon Julit të flasë me Romeon, ose përndryshe këtij të fundit do t’i bjerë të fikët.

Por përgjigjia e Julit nuk ishte ajo që Rike priste të dëgjonte.

Pjesë nga biseda:

Juli: Po lëre mo, t’i bjerë të fikët edhe të iki.

Rike: Gjynaf mo…

Juli: Po për çfarë? Për çfarë po e bën? Cila është arsyeja? Po lëre se po bën viktimën.

View this post on Instagram

A post shared by Big Brother Alb VIP Edition (@bigbrotheralb_vip)

The post Greva e urisë së Romeos/ Juli: Le t’i bjerë të fikët e të iki appeared first on Albeu.com.

Grevat do të zhvillohen në tri aeroporte gjermane.

“Pothuajse 100.000 pasagjerët do të vuajnë si rezultat i taktikave të grevave të Verdit”, tha drejtori i kësaj shoqate, Ralph Beisel.

Të premten pritet të ketë greva edhe të punëtorëve të hekurudhave në Gjermani, që pritet të shkaktojnë telashe të mëdha për personat që përdorin këtë mjet transporti.

Shoqata e aeroporteve akuzoi sindikatat e punëtorëve se po keqpërdorin të drejtën e grevave. Sipas kësaj shoqate, në tre muajt e parë të këtij viti, mbi 900.000 pasagjerë janë detyruar që të ndryshojnë fluturimet apo janë përballur me anulim fluturimesh për shkak të grevave.

Sindikata Verdi është duke zhvilluar negociata me Shoqatën e Aviacionit dhe të Kompanive të Sigurimit lidhur me bonuset e punëtorëve dhe po ashtu po kërkon që të arrihet një kontratë e re kolektive, që do të përfshinte pagesën për punën jashtë orarit për stafin e sektorit të sigurisë dhe të shërbimeve në aeroportet komerciale.

Deri më tani, sindikalistët kanë refuzuar ofertat e Shoqatës së Aviacionit, teksa negociatat pritet të vazhdojnë më 27 dhe 28 prill.

Sa i përket grevës së punëtorëve të hekurudhave, operatori kombëtar i hekurudhave ka paralajmëruar qytetarët se do të ketë “kufizime të mëdha” në transport./rel

The post Grevat në Gjermani, pritet anulimi i qindra fluturimeve appeared first on Albeu.com.

Tetë sindikata të mëdha po marrin pjesë në grevë, e cila po bllokon shkollat, transportin publik dhe rafineritë e naftës.

Protestat po zhvillohen në të gjithë Francën, pasi dita e parë e aksionit tërhoqi më shumë se një milion njerëz.

Sindikatat thanë se gjysma e mësuesve të vendit i ishin bashkuar grevës. Ministria e Arsimit tha se numri ishte pak më shumë se një e katërta.

Qeveria Macron po ecën përpara me reformat e moshës së pensionit përballë sondazheve të opinionit që sugjerojnë se dy të tretat e votuesve janë kundër ndryshimeve, të cilat fillojnë kalimin e tyre në Asamblenë Kombëtare javën e ardhshme.

Pa një shumicë në parlament, qeveria do të duhet të mbështetet tek republikanët e krahut të djathtë për mbështetje po aq sa edhe deputetët e partive në pushtet.

Përpara protestës kryesore në Paris, mijëra marshues dolën në Toulouse, Marseille dhe Nice në jug dhe Saint Nazaire, Nantes dhe Rennes në perëndim.

Protestat në rrugë priten në të paktën 200 qytete dhe rreth 11,000 policë u vendosën për të mbuluar demonstratat.

Në disa qytete, shifrat u tha se ishin më të larta se në grevën e parë kombëtare 12 ditë më parë.

Pati një ndërprerje të rëndë në transport, me një në tre trena me shpejtësi të lartë dhe vetëm dy linja metroje pa shofer që funksiononin normalisht në Paris. Turma të mëdha u raportuan në një nga linjat kryesore mbitokësore në kryeqytet.

Sindikata CGT tha se të paktën tre të katërtat e punëtorëve ishin larguar nga rafineritë e mëdha të naftës TotalEnergies dhe depot e karburantit, megjithëse kompania tha se numri ishte shumë më i ulët.

Termocentralet raportuan ulje të prodhimit pasi punëtorët hynë në grevë në kompaninë kryesore të energjisë elektrike EDF. /albeu.com

The post “Paralizohet” Franca, grevë mbarëkombëtare kundër rritjes së moshës së pensionit appeared first on Albeu.com.

“Nuk mendoj se grevat do të kenë ndikim shumë të madh ekonomik në ekonominë franceze”, ka thënë Le Maire në Forumin Ekonomik Botëror në Davos, duke shtuar se ekonomia franceze është “duke ia dalë mirë”.

Më shumë se një milion persona kanë marshuar nëpër qytetet franceze të enjten për të kundërshtuar planet e presidentit Emmanuel Macron për reformat në pensione.

Sindikatat e punëtorëve kanë bërë thirrje për protesta të reja më 31 janar, mirëpo Qeveria nuk ka treguar shenja të zmbrapsjes.

“Ne besojmë fuqishëm se kjo reformë është e nevojshme për Francën. Është mënyra më e mirë për të siguruar më shumë prosperitet për popullin francez”, ka thënë Le Maire.

Megjithatë, ia ka thënë se Qeveria do të ketë mendje “të hapur” sa u përket diskutimeve për ndryshimeve eventuale.

Plani për reforma në pensione parasheh rritjen e moshës së pensionimit nga 62, sa është tani, në 64 vjeç.

Reforma duhet të miratohet në Parlament, ku Macroni ka humbur shumicën, por që shpreson në miratim me mbështetjen e konservatorëve. /REL

The post Rritja e moshës së pensionit, qeveria franceze nuk tërhiqet: Grevat nuk mund të dëmtojnë ekonominë appeared first on Albeu.com.

Ne jemi të gatshëm, pakënaqësia dhe revolta tek qytetarët është e lartë. Pritshmëria e tyre është shumë e lartë.

Ato do ndodhin fuqishëm, po punohet.

Të hënën është mbledhja e Këshillit Kombëtar, do miratohet kodi i primareve dhe sigurisht do jepet edhe alarmi dhe udhëzimi për fillimin e protestave dhe grevave.

The post Kur do nisin protestat? Paralajmëron Berisha: Do ketë revolta të fuqishme, do ketë greva dhe mosbindje civile appeared first on Albeu.com.