Brukseli ka urdhëruar Athinën të kthejë 392.2 milionë euro nga fondet evropiane, për shkak të dështimeve sistematike në menaxhimin e subvencioneve bujqësore nga viti 2016 deri në 2023.

Agjencia greke përgjegjëse për mbikëqyrjen e pagesave bujqësore të BE-së akuzohet gjithashtu për kryerjen e pagesave pa verifikime të mjaftueshme dhe pa inspektime në terren.

Gjobat vijnë pas një skandali të madh mashtrimi në sektorin bujqësor grek, që po hetohet nga Zyra Evropiane e Prokurorit Publik (EPPO) dhe që ishte objekt i një hetimi të POLITICO-së më herët gjatë këtij viti.

EPPO po ndjek dhjetëra raste ku shtetas grekë kanë marrë fonde evropiane për toka barishtore që nuk i zotëronin ose nuk i kishin marrë me qira, apo për punë bujqësore që nuk i kanë kryer kurrë, duke privuar bujqit e vërtetë nga paratë që u takonin.

Muajin e kaluar, qeveria greke njoftoi mbylljen e OPEKEPE, agjencisë shtetërore që është në hetim. Prokurorja kryesore evropiane, Laura Kövesi, në një intervistë për POLITICO, garantoi se hetimi për skemën e mashtrimit do të vazhdojë pavarësisht “sulmeve” dhe “frikësimeve” ndaj stafit të saj.

“Kundërvënia ndaj vendit tonë vazhdon dhe besueshmëria e tij ndaj institucioneve evropiane po bie në mënyrë drastike,” deklaroi në një komunikatë kreu i opozitës kryesore greke, Nikos Androulakis.

Sipas vendimit të datës 11 qershor, Komisioni Evropian ka vendosur një korrigjim të përgjithshëm prej 5 për qind mbi të gjitha subvencionet direkte greke për shkak të mungesës së mbikëqyrjes efektive.

Për kategori specifike, si programet për fermerët e rinj gjatë viteve 2018-2020, ky korrigjim shkon deri në 10 për qind. Dënimet më të mëdha vjetore, prej 79 milionë dhe 76 milionë eurosh, lidhen me pagesat sipas zonave, të kryera përkatësisht në vitet 2021 dhe 2022.

Gjobat ndikojnë në disa lloje subvencionesh, përfshirë pagesat direkte, programet për fermerët e vegjël, skemat ekologjike dhe masat vullnetare të mbështetjes së lidhur. Të gjitha u konsideruan me përputhje të pamjaftueshme me kriteret e BE-së.

Greqia pritej të merrte rreth 1.9 miliardë euro në pagesa direkte nga BE-ja vitin e ardhshëm, por tani rreth një e katërta e kësaj shume do të reduktohet për shkak të gjobës.

Në mars të këtij viti, Gjykata e Përgjithshme e Bashkimit Evropian refuzoi një ankesë të Greqisë kundër një seti të ngjashëm sanksionesh, duke mbështetur gjetjet e Komisionit Evropian dhe duke urdhëruar Greqinë të paguajë shpenzimet gjyqësore.

Vendimi aktual nuk lidhet drejtpërdrejt me hetimet për pretendimet mashtruese për tokat barishtore. Sipas zyrtarëve grekë të bujqësisë, priten gjoba të tjera./politico

The post Komisioni Evropian gjobit Greqinë me 400 milionë euro për keqmenaxhim të fondeve bujqësore të BE-së appeared first on Albeu.com.

Nën koordinimin e Agjencisë së Mbrojtjes Civile dhe Mekanizmit Evropian të Mbrojtjes Civile, në operacionet për shuarjen e zjarreve në Greqi do të angazhohen 30 zjarrfikës dhe 5 automjete zjarrfikëse nga Shqipëria.

Efektivët zjarrfikës nga Shqipëria, do të angazhohen në bazë të nevojave të paraqitura nga vendi fqinj dhe do të qëndrojnë aty deri në stabilizimin e situatës.

Shqipëria, si anëtare e Mekanizmit Evropian të Mbrojtjes Civile, është përherë e gatshme të ndihmojë aleatët dhe partnerët e saj në raste e fatkeqësive natyrore.

The post Zjarret në Greqi/ Shqipëria i shkon në ndihmë fqinjit me efektivë zjarrfikës e mjete appeared first on Albeu.com.

Ministrja e Punëve të Jashtme e Shqipërisë, Olta Xhaçka, i është përgjigjur deklaratave të ashpra të bëra nga Ministria e Jashtme e Greqisë, pas vendimit të gjykatës për të lënë në burg  Fredi belerin.

Në reagimin e saj Xhaçka i bën thirrje shtetit grek që të ruajë qetësinë dhe të respektojë vendimet e institucioneve shqiptare.

REAGIMI:

Është thuajse e pamundur të kuptohet se si miqtë tanë kanë të drejtë të kundërshtojnë një vendim gjykate në vendin tonë, kur provat e forta që ata kërkonin nuk mund të ishin më të vështira – Fredi Beleri është kapur duke u përfshirë në aktivitet kriminal kundër të lirë dhe zgjedhje të ndershme.

Nuk e kuptojmë se si shtetasi grek e përjashton atë nga ligji si shtetas i Shqipërisë. Ne u bëjmë thirrje miqve tanë grekë të përmbahen nga deklaratat që nuk respektojnë institucionet e pavarura të vendit tonë.

Ministria e Jashtme greke komentoi me tone të ashpra vendimin e gjykatës së Vlorës në Shqipëri, që Fredi Beleri të mbetet në burg. Siç thuhet në një njoftim lidhur me këtë, “vendimi i sotëm i gjykatës, nëse provat nuk janë të pakundërshtueshme, është skandaloz”.

Ministria nënvizon se një vendim i tillë do të ndikojë edhe në marrëdhëniet e Shqipërisë me Bashkimin Evropian.

Njoftimi i plotë:

Vendimi i sotëm i gjykatës, nëse provat nuk janë të pakundërshtueshme, është skandaloz. Arrestimi i një kandidati për Kryetar Bashkie dy ditë para zgjedhjeve nuk përbën shtet ligjor. Vendimi për ndalimin e kandidatit për Kryetar Bashkie sjell një ndryshim të plotë të rregullave të barazisë në zgjedhjet bashkiake në Hemara, qendra më e rëndësishme e pakicës kombëtare greke në Shqipëri .

Një vendim i tillë do të ndikojë edhe në marrëdhëniet e Bashkimit Europian me Shqipërinë, pasi kusht i kësaj rruge europiane është respektimi i rregullave europiane dhe parimeve të shtetit të së drejtës nga vendet kandidate. Vendime si ky i sotmi që shkelin parimet e mësipërme do të thotë se në praktikë Shqipëria nuk po ndjek rrugën europiane.

Kandidati i ‘Bashkë Fitojmë’ për Bashkinë e Himarës është lënë ditën e sotme në ‘arrest me burg’ nga gjykata e Vlorës. Pas disa orësh seancë, prokurori i çështjes ka paraqitur ato që i cilëson prova që vërtetojnë sipas tij akuzën e blerjes së votave, togat e zeza vendosën që të linin në burg Belerin. Dosja e tij do t’i kalojë për gjykim Prokurorisë së Posaçme Antikorrupsion, SPAK-ut.

Beleri u arrestua pak pas mesnate të premten, para lokalit të tij bashkë me një person tjetër nën akuzën për blerje votash për zgjedhjet që pritet të mbahen nesër. Forca të shumta policie morën pjesë në prangosjen e tij, që u bë me urdhër të SPAK. Vetë Beleri dhe të tjerët, kanë mohuar që të jenë përfshirë në shkelje të tilla, si blerja e votave. Sipas policisë, hetimet nisën 4 ditë më parë pas informacioneve se disa persona iu ofronin qytetarëve të ndryshëm, shuma të caktuara parash kundrejt dhënies së votës për një nga kandidatët konkurrues.

The post “Skandaloze …”, Xhaçka i përgjigjet Greqisë pas vendimit të gjykatës për Belerin: Përmbahuni, respektoni institucionet tona appeared first on Albeu.com.

Ekipi i Alain Giresse vjen në këtë ndeshje pas një fitore 2-0 në udhëtim te Qipro dhe synojnë fitoren e radhës për të betonuar pozitën e parë me pikë maksimale nga dy ndeshjet e para.

Formacionet zyrtare:

Kosova: Muric; Kastrati, Rrahmani, Kryeziu, Aliti; Loshaj, Fazliji; Zhegrova, Zeneli, Rashica; Muriqi.

Greqia: Vlachodimos; Baldock, Mavropanos, Chatzidiakos, Tsimikas; Mantalos, Kourbelis, Bakasetas; Limnios, Masouras; Giakoumakis. /albeu.com/

The post Kosova do vetëm 3 pikë ndaj Greqisë, formacionet zyrtare appeared first on Albeu.com.

Por në fushën e blertë nuk kishte edhe aq shumë paqe sa vetë rezultati.

Romelu Lukakut iu përsërit me “Deja vu” skena e përplasjes ndaj Zlatan Ibrahimovic. Këtë herë ishte mbrojtësi grek, Tzavellas, që nuk lëvizi asnjë hap më mbrapa për t’u përballur me sulmuesin e Interit.

Askush nuk mund të ngatërrohet me Lukakun as në një ndeshje miqësore. Kur lojtari grek u rrëzua mes stimulimit në tokë pas një dueli fizik, Romelu shkoi për t’u përleshur.

Shumë fjalë të thëna dhe provokime mes futbollistëve, teksa asnjë prej tyre nuk bëri hap mbrapa. Për të qetësuar situatën ka menduar Papadopulos në mënyrë që lojtarët të ndaheshin.

The post Si në përplasjen me Zlatan Ibrahimoviç, Romelu Lukaku përfundon keq me mbrojtësin e Greqisë appeared first on Albeu.com.

Të arrestuarit janë K.K 25 vjeç, M.F 28 vjeç dhe F.B 42 vjeç, të gjithë nga Shqipëria.

Ndalimi i tyre u bë dje në rrugën rajonale nga Trpejca në Stenje, përmes Parkut Kombëtar Galicica.

Policia ndaloi dy automjete pasagjerësh, tip “Mercedes”, me targa shqiptare, të cilat morën pjesë në transportin e drogës.

Gjatë kontrollit të automjeteve, njëra prej të cilave drejtohej nga K.K dhe pasagjer ishte M.F., dhe e dyta nga F.B, u gjetën dhe konfiskuan 3 thasë të mëdhenj marijuane, të paketuara në 44 pako.

The post MAQEDONI/ Trafik droge drejt Greqisë, arrestohen 3 shqiptarë me 200 mijë euro marijuanë (FOTO+VIDEO) appeared first on Albeu.com.