Ngjarja e rëndë ndodhi pak pas orës 20:00 të mërkurën, kur viktima, duke u kthyer nga puna, tentoi të kalonte rrugën në kryqëzimin e rrugëve Kyrillou dhe Methodiou me Konstantinou Paleologou.

Në atë moment, një përrua i fuqishëm zbriste nga mali drejt rrugës Kyrillou dhe Methodiou, duke e rrëmbyer gruan dhe duke e bllokuar nën një automjet që ishte zhvendosur më parë nga sasia e madhe e ujit.

Banorët e zonës, të cilët panë skenën, njoftuan menjëherë autoritetet. Zjarrfikësit arritën në vendngjarje dhe e nxorën 56-vjeçaren nga poshtë makinës, por fatkeqësisht ajo ishte pa ndjenja dhe nuk arriti të mbijetojë.

Një dëshmitar okular përshkroi momentet dramatike: “Ajo po kalonte rrugën për t’u kthyer në shtëpi. Përroi e mori menjëherë. U bllokua nën makinë dhe nuk mundëm ta shpëtonim. Uji ishte shumë i fortë, me gurë. Vetëm këmbët e saj dukeshin. Ishte 56-vjeçe dhe kishte familje, një vajzë”.

Autoritetet po hetojnë rrethanat e ngjarjes, ndërsa moti i keq ka shkaktuar probleme të shumta në zonë, me përmbytje dhe dëme materiale.

Sakaq, një aksident tragjik ndodhi në Astros të Kynourias, ku një roje bregdetare 53-vjeçare humbi jetën gjatë ushtrimit të detyrës. Viktima mbante gradën nëntoger dhe shërbente si oficer në Departamentin Portual të zonës.

Sipas njoftimit zyrtar të Rojës Bregdetare Helenike, 53-vjeçari ndodhej në patrullim këmbësor në port, së bashku me komandantin e Departamentit Portual.

Gjatë ankorimit të anijeve, një valë e fortë e rrëmbeu, duke i shkaktuar një dëmtim të rëndë në kokë.

Roja bregdetare, u nxor menjëherë nga uji pa ndjenja dhe u transportua në Qendrën Shëndetësore të zonës, ku mjekët konstatuan vdekjen e tij.

Autoritetet po hetojnë rrethanat e sakta të ngjarjes, ndërsa shërbimi i Rojës Bregdetare shprehu ngushëllimet për humbjen e oficerit, i cili humbi jetën në krye të detyrës.

The post Moti i keq godet Greqinë/ Humb jetën një grua dhe roja bregdetare appeared first on Albeu.com.

Sipas të dhënave, tërmeti ndodhi 54 km në perëndim të Hanias në Kretë, në orën 16:26 me orën lokale.

Tërmeti ishte në një thellësi prej 47 km dhe u raportua se u ndje nga disa njerëz pranë epiqendrës.

Disa qytete dhe fshatra më të vogla ndodhen më afër epiqendrës dhe mund të kenë përjetuar dridhje më të forta, raportojnë mediat greke, ndërsa nuk bëhet e ditur për dëme apo të lënduar.

The post Tërmet në Greqi, ja sa ishte magnituda appeared first on Albeu.com.

Përqindjet e shiut që ranë në qytet arritën në gati 100 milimetra, (konkretisht 97.6) bazuar në matjet e stacionit meteorologjik të Observatorit Kombëtar të Athinës.

Në fakt reshjet e shiut kanë arritur për pak minuta 312 mm/h, ku është dashur ndërhyrja e policisë për rregullimin e qarkullimit dhe ndalimin e kalimit të mjeteve.

Në rajonin e Magnezisë fenomeni ka goditur me ashpërsi gjatë natës Pelionin e Jugut, duke përmbytur rrugë dhe rrugica në Zagora, Milies, por pa krijuar asnjë problem serioz.

Në qytetin e Volos, ka pasur probleme me energjinë elektrike gjatë natës, por ato janë rikthyer shumë shpejt.

Një çift izraelit në Limionas, komuna e Zagorës, të cilët po qëndronin në një apartament në Airbnb, kërkuan ndihmë pasi ishin të frikësuar nga një përrua aty pranë që doli nga shtrati.

Forcat zjarrfikëse mbërritën menjëherë në vendngjarje dhe i transportuan të sigurt në Tsagarada.

Ministri i Mbrojtjes Civile dhe Krizave Klimatike Vassilis Kikilias, ndodhet prej ditës së djeshme në Thesali, për të monitoruar nga afër zhvillimin e motit të keq.

“Kishte një shqetësim të justifikuar të qytetarëve këtu në Thesali, sepse kujtimet e një fatkeqësie janë të freskëta, prandaj ishim të gjithë këtu, të koordinuar dhe të organizuar.

Më vjen mirë sepse deri më tani, kjo përpjekje ka dhënë rezultat. Duke punuar së bashku dhe të koordinuar, mund të marrim rezultate shumë të mira”, theksoi ministri nga Larisa.

Gjatë natës po hetohet nëse ka rrëshqitje dherash në rrjetin malor dhe veçanërisht në Pelion, ku kanë rënë disa milimetra shi.

Megjithatë, një stuhi e fortë goditi edhe ishujt e Sporadave Veriore, Skiathos dhe Skopelos.

The post Stuhia e fortë godet Greqinë, moti i keq shkakton përmbytje në disa zona (VIDEO) appeared first on Albeu.com.

Bëhet e ditur se situata në pikën kufitare të Kapshticës, i është rikthyer normalitetit për të siguruar qarkullimin e të gjitha automjeteve, autobusëve apo kamionëve.

Pritet në orët në vijim një fluks i shtuar i lëvizjeve nga të dyja krahët.

Kujtojmë se për 48 orë u pezullua plotësisht qarkullimi, përveç emergjencave shëndetësore dhe këmbësorëve pa bagazhe.

Sipas policisë, gjatë 24 orëve të fundit janë regjistruar 348 në hyrje dhe 248 në dalje.

The post Hapen të gjitha pikat kufitare me Greqinë appeared first on Albeu.com.

Kjo grevë, e cila pritet të përfundojë në orët e para të mëngjesit të së enjtes ka shkaktuar pengesa për udhëtarët, por dhe për grupe turistësh, të cilët nuk kanë qenë në dijeni të kësaj mase.

Gazetari Elidon Berberi, nga Kakavija raporton se një grup turistësh nga Tajvani, kanë mbetur në doganë pasi nuk kanë patur informacion për bllokimin e kufijve.

“Ka pasur disa grupe turistësh nga Tajvani, të cilët nuk kanë qenë në dijeni të bllokimit të kufirit dhe janë detyruar të kthehen pas në Gjirokastër”, raportoi ai.

Jashtë kamerave, turistët janë shprehur se pasi kanë vizituar Shqipërinë destinacioni i radhës ishte jugu i Greqisë, por bllokimi i kufirit i ka detyruar të kthehen pas dhe të akomodohen në Gjirokastër.

“Nga ajo që diskutova me ta, thanë se kishin shëtitur në mbarë Shqipërinë dhe do shkonin në jug të Greqisë dhe më pas do të ktheheshin sërish në Shqipëri”, raportoi gazetari.

Greva nuk i ka penguar këmbësorët të kalojnë në të dyja anët e kufirit. Të martën në Kakavijë kanë kaluar në të dyja anët e kufirit mbi 300 persona, ndërsa kalimi i tyre është bërë pa bagazhe, ashtu siç kishte njoftuar Policia Kufitare dhe Ministria për Evropën dhe Punët e Jashtme të Shqipërisë.

“Ka edhe nga ata persona që kanë kaluar kufirin në këmbë dhe pa bagazhe. Gjatë ditës së djeshme ka pasur 310 shtetas, të cilët kanë kaluar në të dyja anët e kufirit”, shtoi gazetari.

The post Mbyllja e kufirit me Greqinë/ Turistët të painformuar, mbesin në doganë appeared first on Albeu.com.

Njoftohet se deri më datë 4 prill, dogana e Kapshticës, e Kakavijës, e Tre Urave dhe Qafë Bota, nuk do të funksionojnë.

Shkak është bërë një grevë nga ana e Sindikatës Doganore.

Kushtet e tjera të grevës mbeten të njëjta, që do të thotë se nga data 2-4 Prill nuk do të lejohen hyrje-daljet e mjeteve të transportit të mallrave, të autobusëve dhe shërbimit taksi, por vetëm këmbësorët pa bagazhe.

The post Greva e Sindikatës Doganore/ Nga nesër mbyllen të gjitha pikat kufitare me Greqinë appeared first on Albeu.com.

Sipas një njoftimi, pikat doganore do të jenë të mbyllura nga data 2 prill deri në datën 4.

Pika kufitare e Kapshticës, do të vijojë të punojë normalisht dhe nëse do të ketë bllokime, do të jepet një njoftim i dytë.

Njoftimi i plotë:

Qendra e Bashkëpunimit Policor në Greqi, ka njoftuar Policinë e Shtetit, se nga data 02.04.2024, prej orës 05:30, deri më datë 04.04.2024, në orën 05:30, pikat doganore greke në Kakavijë, Tre Urat, Përmet, dhe Qafë Botë, Sarandë, do të jenë të mbyllura për shkak të protestës nga sindikatat greke.

Nuk do të lejohet qarkullimi i automjeteve, autobusëve dhe kamionëve.

Do të lejohen të qarkullojnë vetëm këmbësorët, pa bagazhe, dhe automjetet që do kenë emergjenca shëndetësore.

Në këtë kuadër, të gjithë qytetarët dhe drejtuesit e automjeteve që kanë planifikuar lëvizjen drejt shtetit grek, në këtë periudhë kohore, nëpërmjet pikave të kalimit kufitar Kakavijë, Tre Urat Përmet dhe Qafë Botë Sarandë, të përdorin pikat e tjera të kalimit për në shtetin grek.

Me qëllim moskrijimin e konfuzionit në këto pika kalimi, Policia e Shtetit kërkon mirëkuptimin e qytetarëve dhe të drejtuesve të automjeteve që janë të interesuar për të lëvizur në drejtim të Greqisë, që të ndjekin udhëzimet e Policisë.

Policia e Shtetit është në kontakt të vazhdueshëm me autoritetet policore greke dhe do të ketë njoftime të tjera për çdo ndryshim, si dhe në rast se do të ketë bllokim edhe në pikën e kalimit kufitar Kapshticë.

The post Greqia mbyll 3 pikat e kalimit kufitar me Shqipërinë appeared first on Albeu.com.

Sulmuesi i Lazios realizoi në shtesë golin e barazimit teksa Dardanët deri në ato momente po humbnin pas golit të Douvikas në fund të pjesës së parë duke e mbyllur përfundimisht sfidën 1-1.

Kosova mbetet e treta në Grupin B me 4 pikë, ndërsa Greqia është e katërta me 3 pikë. /albeu.com/

The post Muriqi shpëton Kosovën nga humbja, Dardanët barazojnë me Greqinë (VIDEO) appeared first on Albeu.com.