Lëkundjet u ndjenë në orën 05:32 me orën lokale greke.

Sipas Institutit Gjeodinamik, thellësia fokale është 12.9 kilometra. Katër minuta më vonë, një tërmet me magnitudë 4.7 ndodhi në të njëjtën zonë, të vendosur rreth 20 km nga Janina, pranë kufirit me Shqipërinë.

Lëkundja u ndje veçanërisht në Ishujt Jonian dhe Thesali, por dhe në jug të Shqipërisë.

Në deklaratat për ERT, Profesor Efthymios Lekkas tha se të dhënat e para tregojnë se është një tërmet mjaft i fortë në një thellësi relativisht të cekët.

Zona ka një histori, shtoi ai, duke vënë në dukje se tërmetet e kësaj magnitude nuk japin paralajmërim. Nga ana e tij, nënkryetari i bashkisë së Mbrojtjes Civile në Janinë, tha se nuk ka asnjë pamje të dëmeve.

Në qytetin e Janinës, shumë njerëz dolën në rrugë, ndërsa pati edhe një ndërprerje të energjisë elektrike që u rivendos shpejt në qytet, megjithëse në zonat jashtë tij zgjati më shumë.

The post Tërmeti “shkund” Greqinë/ Panik në Janinë, lëkundjet ndihen dhe në Shqipëri appeared first on Albeu.com.

Sipas autoriteteve greke, shqiptari Aleks Vangjeli, është paraqitur në spital me plagë ne zonën e barkut.

Fillimisht ai deklaroi se ishte përplasur me makinë. Ai u dërgua me ambulancë drejt Athinës, por fatkeqësisht nuk mundi t’u mbijetojë plagëve të marra.

Në të njëjtën kohë në një klinikë private në Korinth u paraqit edhe një 19-vjeçar grek, po ashtu i lënduar me thikë, ku po ashtu deklaroi se është përfshirë në një aksident.

Ende nuk dihen shkaqet e përleshjes mes ty të rinjve, por dyshohet se mes tyre ka pas sherr për motive të dobëta.

The post Njgjarje e rëndë në Greqi/ Sherr mes të rinjve, vritet 17-vjeçari shqiptar (EMRI) appeared first on Albeu.com.

Hetimet e deritanishme zbulojnë se vrasja dyshohet të ketë qenë e porositur nga jashtë vendit.

Sipas hetimeve, Hoxhaj u ekzekutua ndërsa po shkonte mëngjesin e 27 prillit për të marrë turnin e tij të rojës në një pallat në ndërtim pranë banesës së tij.

“Mëngjesin e krimit, Renato sapo kishte dalë nga banesa dhe ndërsa po ecte në rrugicën këmbësore u qëllua me armë zjarri, duke humbur jetën menjëherë,” thuhet në dosjen hetimore.

Autori i vrasjes u identifikua si Daniel Cornea, një shtetas rumun me banim në Greqi dhe me rekorde të shumta penale.

Hetimet tregojnë se ai hyri në Shqipëri përmes Greqisë nga pika kufitare e Qafë Botës një javë para krimit dhe u largua po nga e njëjta pikë kalimi kufitar.

Makina që përdori, një Range Rover Sport me targa AB898IH, ishte blerë nga një shtetas shqiptar, Eris Mehmetaj, banues në Tiranë me origjinë nga Bajram Curri, i cili u arrestua një ditë pas ngjarjes për sigurimin e mjetit që përdori Cornea, por me kartën e identitetit të një gruaje me banim në Vlorë.

Sipas të dhënave të dosjes hetimore, vrasja ishte e porositur nga Dubai, megjithatë, ende nuk është e qartë se kush qëndron pas urdhrit dhe motivet e eliminimit të Hoxhajt mbeten të paqarta.

“Nga hetimet rezulton se automjeti me të cilin lëviz autori i vrasjes së Renato Hoxhaj, ka qenë në pronësi të një kompanie private këpucësh në Kamëz. Ku nga kontakti me administratorin e kësaj kompanie si dhe me punonjës të tjerë del se më datë 9 Prill 2025, ky automjet është shitur nëpërmjet një fature të rregullt, shtetases D. Sako, e cila është banuese në qytetin e Vlorës.

Por nga ajo që konstatohet është se automjeti është tërhequr fizikisht në ambientet e kompanisë nga një person mashkull i panjohur për administratorin dhe punonjësit e kompanisë.

Por edhe pse në fillim personi që tërhoqi makinën ‘Land Rover’ nga kompania ishte i panjohur, grupi hetues pas kqyrjes së pamjeve filmike, mundi të bjerë shpejt në gjurmët e tij.

Dhe të krijojë bindjen se ky person ishte Eris Mehmetaj.

I cili këtë ditë ishte paraqitur bashkë me një person tjetër në kompaninë e këpucëve ku ndodhej makina.

Edhe pse makina ishte blerë nga shtetasja D. Sako, nga pamjet filmike të kamerave të kompanisë, u pa se për të tërhequr këtë automjet në kompani u paraqit në fillim një shtetas i panjohur, por që më pas u identifikua si Eris Mehmetaj”, thuhet në dosjen hetimore.

Pjese nga dokumentari

Ende nuk është e qartë se kush është porositësi i vrasjes së tij, dhe arsyeja përse u eleminua.

Por saktësia gati kirurgjikale me të cilën ai u ekzekutua mëngjesin e herët të datës 27 Prill 2025, gjatë kohës kur po shkonte te merrte turnin e tij të rojës në një nga pallatet në ndërtim pranë banesës së tij, sigurisht që dëshmonte se pas ngjarjes, ishte një grup kriminal.

Viktima ishte Renato Hoxhaj, por që njihej edhe me gjeneralitetet Alfred Hoxhaj, i moshës 58 vjeç, që nuk kishte në CV-në e tij, një spektër të tillë kriminal, aq sa të dyshohej te e shkuara e tij e errët.

Por që vetë atentati të linte të dyshohej për një një vrasje të mirëorganizuar, ashtu siç në fakt do të zbulohej edhe në vazhdim.

Ku të gjitha rrethanat krijuan besimin se kishim të bënim me një krim të porositur, por që edhe sot motivet mbeten të paqarta.

Se përse një personazh si Renato Hoxhaj, ishte kaq i rëndësishëm për krimin, sa jo vetëm të urdhërohej eleminimi i tij por edhe të ftohej nga jashtë Shqipërisë për të një vrasës me pagesë i huaj.

Vrasës që u evidentua si Daniel Cornea.

Një shtetas rumun me banim në Greqi, me rekorde të shumta penale, që hyri dhe doli nga Shqipëria me të vetmin mision, atë të një ‘pastruesi’.

Atë të vrasjes së Renato Hoxhaj.

Ndërsa më vonë në skenë do të dilnin emra të njohur të botës së krimit nga veriu i vendit si të implikuar në krimin e rëndë, por që baza e tyre ishte Dubai.

Sikurse është Alesio Dobrozi, i dyshuar për krime të rënda në veri të vendit, por asnjëherë ndaj tij ska patur një akuzë zyrtare.

Por çfarë i bëri bashkë grupet e veriut dhe jugut për të ekzekutuar Renato Hoxhaj? Cila ishte pesha e tij në krimin e organizuar që ai duhej me çdo kusht të qëllohej për vdekje?

Përse nevojitej një shtetas i huaj?

Lajmin e parë për atë që i kishte ndodhur bashkëshortit të saj e dha bashkëjetuesja e tij, e cila në momentin e ngjarjes ndodhej në banesë, ku sapo e kishte përcjellë të shoqin për në punë.

Dhe ora shënonte 06:25 e mëngjesit të datës

27 Prill 2025.

Dosja Hetimore

Renato Hoxhaj alias Alfred Hoxhaj, i moshës 58 vjeç, është gjetur i pajetë në rrugicën këmbësore që të çon për në banesën e tij private në këtë vend.

Nga ajo që u konstatua është se viktima sapo kishte dalë i vetëm nga banesa, dhe ndërsa po shkonte në punë, në gjysmë të rrugës është qëlluar me armë zjarri, ku edhe ka gjetur vdekjen e menjëhershme.

Por si u zbulua që autori i krimit ishte një vrasës i huaj me pagesë, i identifikuar më pas si Daniel Cornea, me shtetësi rumune.

Që sipas hetimeve të kryera kishte hyrë në Shqipëri nëpërmjet Greqisë, një javë para se të kryhej krimi dhe ishte larguar nga këtu, po nga e njëjta pikë kalimi kufitare e Qafë-Botës në Sarandë.

Por para se të shkojmë te mënyra se si Daniel Cornea veproi dhe u soll si një ujk i vetmuar në Vlorë, deri në çastin kur asgjësoi objektivin e tij, është me interes të shikohet si u zbulua fillimisht makina me të cilin ai lëvizi, para dhe pas krimit.

Makinë e cila kishte qarkulluar për ditë të tëra në qytet.

Ashtu si dhe mëngjesin e krimit.

Ku pamjet filmike e panë atë të largohej jo shumë larg nga skena e vrasjes.

Një automjet tip ‘Land Rover’ fuoristradë, i modelit ‘Range Rover Sport’, me targa AB898IH.

Që rezultoi se ishte blerë nga një shtetas shqiptar në një fabrikë këpucësh në qytetin e Kamzës.

Ky shtetas që shpejt i identifikua si Eris Mehmetaj, banues në Tiranë, por me origjinë nga Bajram Curri.

I cili sipas hetimeve ishte paraqitur vetë në këtë filial për të kryer tërheqjen e automjetit që më pas u pa të përdorej nga autori i krimit në vrasjen e Renato Hoxhaj.

Eris Mehmetaj, që u arrestua nga policia më datë 28 Prill 2025, vetëm një ditë pas krimit të ndodhur në Vlorë, në akuzën e personit që ka siguruar kushtet dhe mjetet për të kryer vrasjen e Renato Hoxhajt.

Në dyshimin se u kishte dorëzuar makinën ‘Land Rover’, modeli ‘Range Rover’ sportiv të blerë nga ai në Kamëz, personave të përfshirë në organizimin dhe realizimin e vrasjes së shtetasit Renato Hoxhaj.

Dosja Hetimore

Nga hetimet rezulton se automjeti me të cilin lëviz autori i vrasjes së Renato Hoxhaj, ka qenë në pronësi të një kompanie private këpucësh në Kamëz. Ku nga kontakti me administratorin e kësaj kompanie si dhe me punonjës të tjerë del se më datë 9 Prill 2025, ky automjet është shitur nëpërmjet një fature të rregullt, shtetases D. Sako, e cila është banuese në qytetin e Vlorës.

Por nga ajo që konstatohet është se automjeti është tërhequr fizikisht në ambientet e kompanisë nga një person mashkull i panjohur për administratorin dhe punonjësit e kompanisë.

Por edhe pse në fillim personi që tërhoqi makinën ‘Land Rover’ nga kompania ishte i panjohur, grupi hetues pas kqyrjes së pamjeve filmike, mundi të bjerë shpejt në gjurmët e tij.

Dhe të krijojë bindjen se ky person ishte Eris Mehmetaj.

I cili këtë ditë ishte paraqitur bashkë me një person tjetër në kompaninë e këpucëve ku ndodhej makina.

Dosja Hetimore

Edhe pse makina ishte blerë nga shtetasja D. Sako, nga pamjet filmike të kamerave të kompanisë, u pa se për të tërhequr këtë automjet në kompani u paraqit në fillim një shtetas i panjohur, por që më pas u identifikua si Eris Mehmetaj.

Ku gjatë marrjes në pyetje, shoferi i kësaj kompanie pohoi se më datë 9 Prill 2025, ai ishte kontaktuar me anë të telefonit nga një shtetas që iu prezantua si nipi i Palit, ky i fundit roje pranë kësaj kompanie.

Bisedë gjatë së cilës, personi në anën tjetër të telefonit, i tha se ishte i interesuar për të blerë automjetin fuoristradë, ‘Range Rover Sport’.

Ku pasi ranë dakord për çmimin, personi i interesuar ka pranuar t’a blejë automjetin në fjalë dhe për këtë fakt i ka nisur në telefon shtetasit A. S. foton e dokumentit ‘Kartë Identiteti’ të shtetases D. Sako, me qëllim që blerja e automjetit të bëhej në emër të kësaj shtetase.

Po sipas rojes së kompanisë, në po të njëjtën datë ai u telefonua sërish nga personi që ishte i interesuar për të blerë makinën.

I cili mesa duket nxitonte që ta bënte të vetën.

Dhe ashtu siç edhe kishin biseduar, ata u takuan me njëri-tjetrin mesditën e kësaj date në ambientet e kompanisë.

Person që sipas rrëfimit të rojes së objektit, duke qenë se kishte vështirësi orientimi, u desh që të shkonin dhe ta merrnin në rrugën kryesore.

Dhe pasi ia kanë dorëzuar makinën, sërish e kanë shoqëruar deri në dalje të aksit rrugor.

Dosja HetimoreNga kqyrja e pamjeve filmike të kamerave të sigurisë në kompaninë e këpucëve në Kamëz, të datës 9 Prill, evidentohet qartë momenti kur personi i panjohur merr nga ky filial automjetin për të cilin kishte rënë dakord për ta blerë. Person i cili vjen te ky filial si pasagjer me automjetin e markës ‘BMW’, me targë AB298EI, i drejtuar nga një shtetas tjetër. Automjet i cili është larguar nga ky filial duke ndjekur mjetin e porsablerë ‘Range Rover’.

Persona që nga ana jonë janë evidentuar si Eris Mehmetaj, dhe Laert Maçi, ky i fundit në drejtimin e automjetit me të cilin,

ata paraqiten në kompaninë ku ndodhej makina që do të blinin.

Të gjendur përballë pamjeve që nuk linin asnjë mëdyshje, Eris Mehmetaj dhe Laert Maçi, pranuan përpara grupit hetues se ishin ata që kishin marrë makinën ‘Land Rover’ nga ambientet e kompanisë së këpucëve.

Por i vetmi që pranoi se ishte interesuar për të blerë makinën, ishte Eris Mehmetaj.

I cili zbuloi edhe emrin e personit që e kishte kontaktuar nga Dubai për të blerë automjetin në fjalë.

Ky person sipas tij ishte Alesio Dobrozi.

Një emër i njohur i krimit, i cili kohë pas kohe ka qenë i përfshirë në ngjarje të shumta kriminale.

The post Vrasja e Renato Hoxhajt në Vlorë, zbulohen detaje të reja: Vrasësi rumun hyri nga Greqia, automjeti Range Rover u dorëzua nga Eris Mehmetaj për atentatin nga Dubai appeared first on Albeu.com.

“Historia mes tij dhe Elton Çiçës është një nga ngjarjet më të dhunshme që është raportuar ndonjëherë nga media në Shqipëri, për shkak edhe të vrasjes se si ndodhi vrasja e Elton Çiçës në ish-Bllok”, u shpreh gazetari, Xhevahir Zhabina.

“Në këtë periudhë nga sa kam unë dijeni, është ngritur një grup hetimor, i cili në një kohë rreth 20-25 ditë e ka zbardhur si ngjarje, pavarësisht se autori Jani Aliaj nuk u arrit të kapet asnjëherë dhe të vendoset përpara drejtësisë, por policia ka bërë një punë shumë të mirë lidhur me dokumentimin ligjor të kësaj ngjarjeje”, u shpreh avokati, Gjergj Nikolli.

Brenda, gjithçka dukej e zakonshme: një person në këmbë pranë banakut, katër të ulur në një tavolinë, mes tyre Elton Çiça, me kokën e ulur mbi telefon, i painteresuar për atë që po afrohej drejt tij. Kamera fikson çdo lëvizje, çdo hap, çdo sekondë që çon drejt aktit fatal.

“Rreth orës 22:15, në ambientet e lokalit ‘De Niro’, ka hyrë një person i veshur sportiv, me kapele të bardhë, i cili është drejtuar me hapa të shpejtuar drejt tavolinës ku ndodhej viktima.”

Por ajo që e bën këtë skenë edhe më tronditëse është mënyra si ndodh përballja: autori i drejtohet me emër viktimës, sikur të kërkonte konfirmim, sikur të donte që objektivi ta dinte se kush po e thërriste në atë çast të fundit.

Brenda dy sekondash, arma del nga brezi dhe dy të shtëna thyejnë qetësinë e lokalit, duke e shndërruar atë tavolinë në skenë krimi.

“Autori, pasi i është drejtuar me emër viktimës, ka nxjerrë armën e zjarrit tip pistoletë dhe ka qëlluar dy herë në drejtim të trupit të tij, duke u larguar menjëherë nga vendi i ngjarjes.”

Pamjet tregojnë edhe një detaj që hetuesit e konsiderojnë domethënës: para se të largohet, autori kthen kokën për një fragment sekonde, si për të verifikuar rezultatin e veprimit të tij.

Hetuesit detyrohen të kthehen pas në kohë. Motivi nuk gjendet në javët apo muajt e fundit, por në vitin 2006, në një vrasje në Greqi. Në një miqësi fëmijërie. Në një premtim hakmarrjeje të dërguar brenda një burgu.

Grupi hetimor u fokusua pikërisht tek saga e përplasjes me Jani Aliajn, që do të identifikohej si autori i krimit.

Në dosje përshkruhet qartë se pas këtyre episodeve, ai ishte i vendosur të vepronte, duke e konsideruar Elton Çiçën si organizatorin e sulmeve ndaj tij.

Hetuesit theksojnë se vendimi për të goditur nuk ishte impulsiv, por i menduar dhe i paraprirë nga vëzhgime të lëvizjeve të viktimës.

“Pas dy atentateve të dështuara ndaj shtetasit Jani Aliaj, ky i fundit, i bindur se organizator ishte shtetasi Elton Çiça, ka vendosur të kundërpërgjigjet duke planifikuar eliminimin fizik të tij.”

“Një nga arsyet që pati një angazhim kaq të madh, për shkak se informacionet kanë qenë të atilla që hakmarrja do vazhdonte shumë e ashpër ndaj dy grupeve. Pikërisht për të evidentuar këtë u bë një përkushtim i kësaj ngjarjeje u mor me shumë seriozitet si nga drejtoria e policisë Tiranë, dhe nga prokuroria derisa u arrit të dokumentohej me prova ligjore,” u shpreh avokati, Gjergji Nikolli.

Hetuesit ndoqën çdo gjurmë, çdo lëvizje të automjetit që kishte transportuar autorin. Kamerat e sigurisë identifikuan veturën me të cilin Aliaj u largua pas ngjarjes, ku rezultoi si një mjet i blerë vetëm tre ditë para ngjarjes. Një zgjedhje që fliste për planifikim dhe përkushtim ndaj detajeve. Makina ishte blerë në emër të Renato Milloshit, i cili u dënua vetëm për moskallëzim krimi…

Përpara hetuesve ai u shpreh se Aliaj i kishte kërkuar ta regjistronte automjetin në emër të tij me pretendimin se e kishte vendodhjen në Tepelenë…

“Sipas deklarimeve, ai nuk mund të merrte mjetin në emrin e tij, pasi e kishte vendbanimin në qytetin e Tepelenës. Duke u ndjerë borxhli për shkak të respektit që i pandehuri Jani Aliaj i kishte bërë, Renato kishte pranuar ta blinte mjetin në emrin e tij dhe për këtë e kishin lënë për t’u takuar tek noteri Sh. Gj., për të kryer veprimet.”

“Unë i konsideroj këto si vepra të rënda penale që vijnë si pasojë e një grupi për t’u vendosur ndaj një tjetri, për t’u mbivendosur ndaj një tjetri ose për të siguruar veten e tij, ose për të siguruar jetën nga kundërshtarët, duke qenë se kjo frikë është më e madhe se nevoja për hakmarrje ose për të kundërshtuar, ose për të vrarë për arsye të një konflikti të mëparshëm. Mendoj që kjo sjell viktimat më të mëdha”, u shpreh avokati, Indrit Sefa.

Detajet e mëtejshme të dosjes zbuluan një skemë të kujdesshme për të fshehur gjurmët. Dëshmitari me inicialet K. A., shitësi i makinës, rrëfen pamjen që sot duket si një skenë filmike:

“Mbasi kemi shkuar tek noterja, ka ardhur një djalë me kapele të cilën e kishte të ulur deri poshtë hundës dhe i dallohej vetëm pjesa e gojës. Kanë marrë makinën dhe kanë shkuar të bëjnë targat.”

Një provë të rëndësishme për autorsinë e vrasjes dha shitësi i automjetit, i cili i dorëzoi hetuesve numrin e telefonit me të cilin kishte komunikuar për shitjen e mjetit, i cili rezultoi se përdorej nga Jani Aliaj…

“Nga analiza e tabulateve të numrit të telefonit ka rezultuar se numri ishte në përdorim të pandehurit Jani Aliaj dhe antena e qelizës së vendndodhjes rezultoi në zonën e rrugës në drejtim të vendit të ngjarjes.”/Top Channel

The post Vrasja që i ‘vuri zjarrin’ disa qyteteve, Jani iu drejtua me emër Eltonit, të pathënat e eliminimit të Çiçës në mes të Bllokut appeared first on Albeu.com.

Jani Aliaj u vra brenda një burgu që teorikisht kontrollohet 24 orë në 24, ku kamerat, rojet dhe protokollet e sigurisë synojnë të parandalojnë çdo incident. Ai ishte i njohur si një figurë problematike, një emër që mbart histori të errëta dhe konflikte të pazgjidhura.

“Ajo që vihet re tek personazhi Jani Aliaj është se tradhton shokët dhe miqtë nga Tepelena, dhe i bashkëngjitet bandave të trafikut të drogës dhe gjobvënies në qendër të Athinës. Bashkohet fillimisht me grupin e Fierakëve, të cilët në një rrethanë të caktuar duket se krijon edhe aty armiq dhe largohet, bashkohet me një bandë hajdutësh grabitësish nga Berati, edhe me ta largohet dhe në fund bëhet anëtar i një bande gjobëvënsish me komanda greke, por me eksponent kryesor të saj, njerëz nga veriu i Shqipërisë”, u shpreh gazetari, Artur Bibe.

“Ajo që di unë nga informacionet e mia është që policia po analizon tërë historikun e tij, për të lidhur vrasjen e tij me të kaluarën, pasi janë skenarë të ndryshëm që analizohen nga policia. Edhe thonë që mund të ketë lidhje me ndonjë grup të krimit të organizuar ose me një armiqësi të kaluarës”, u shpreh gazetarja, Mikaela Sava.

Si arriti të organizohej një sulm i tillë brenda një hapësire të monitoruar pa ndërprerje? A ishte gjithçka e orkestruar nga brenda mureve të burgut, apo kishte elementë që vinin nga jashtë? Dhe më e rëndësishmja, pse ende pas hetimeve fillestare, pyetjet mbeten më të shumta se përgjigjet?

“Kjo histori nuk mund të ndahet nëse vrasja ka ndodhur për shkak të aktivitetit të tij kriminal në Greqi, apo për shkak të konflikteve që ai ka pasur në Shqipëri, pasi të dyja gjërat janë të lidhura. Kam përshtypjen që aktiviteti kriminal i ndërtuar ndër vite i Jani Aliajit dhe kundërshtarëve të tij në Greqi, ka prodhuar konflikt në Shqipëri dhe më pas gjërat kanë rrjedhur në Greqi, ku ai ishte i burgosur”, u shpreh Xhevahi Zhabina, gazetar.

“Jani Aliaj është një eksponent i njohur i botës së krimit me shumë armiq. Ka nisur saga e tij, emri i tij është i njohur për autoritetet greke që në vitet 2000, kur Aliaj ka hyrë në Greqi, ka patur depërtim nga policia greke, pastaj është përfshirë në disa ngjarje të vogla kriminale”, u shpreh Artur Bibe, gazetar./Top Channel

The post Nga tradhtia ndaj shokëve tepelenas te piruetat me grupet e fierakëve dhe beratasve, aktiviteti i Jani Aliajt në Greqi appeared first on Albeu.com.

Incidenti ndodhi më 20 korrik 2019, kur një grup të burgosurish shqiptarë u përleshën me një grup pakistanezësh brenda ambienteve të burgut.

Nga përplasja mbetën të plagosur tre persona, njëri prej të cilëve u godit me një thikë të improvizuar dhe pësoi plagë të rënda.

I burgosuri, me origjinë pakistaneze, u transportua menjëherë në Spitalin e Përgjithshëm të Hanias, ku iu nënshtrua një ndërhyrjeje kirurgjikale.

Ai luftoi për jetën për dy ditë në Njësinë e Kujdesit Intensiv, por nuk arriti t’u mbijetojë plagëve të marra.

Pas hetimeve, katër të burgosur u arrestuan për përfshirje në vrasje. Sipas dosjes hetimore, ata ishin identifikuar përmes pamjeve të kamerave të sigurisë së burgut.

Nga katër të pandehurit, njëri – me origjinë shqiptare – i cili kishte qëndruar në paraburgim gjatë gjithë këtyre viteve, u shpall fajtor për vrasje nga Gjykata e Apelit me Juri të Përzier dhe u dënua me burgim të përjetshëm.

Tre të pandehurit e tjerë u liruan nga akuzat për shkak të dyshimeve, në përputhje me parimin juridik “në favor të të pandehurit”.

Vendimi i gjykatës mbyll një proces të gjatë gjyqësor për një nga incidentet më të rënda të dhunës të regjistruara në burgun e Hanias.

The post Vrau pakistanezin në qeli, dënohet me burg përjetë i burgosuri shqiptar në Greqi appeared first on Albeu.com.

Sipas informacioneve, fëmija po luante në shesh kur, pa u vënë re nga prindërit, ra në ujë. Kalimtarët që panë ngjarjen njoftuan menjëherë një patrullë policie që ndodhej aty pranë.

Efektivët reaguan menjëherë, nxorën vajzën nga uji dhe e transportuan me makinë patrullimi në Spitalin Pediatrik “Aglaia Kyriakou”.

Në spital, mjekët u përpoqën për rreth 40 minuta të ringjallnin vajzën e mitur, duke kryer ndërhyrje të menjëhershme reanimimi (CPR).

Përpjekjet rezultuan të suksesshme, pasi fëmija u rikthye në jetë, por autoritetet shëndetësore bëjnë me dije se gjendja e saj shëndetësore mbetet kritike dhe ajo ndodhet e shtruar në njësinë e kujdesit intensiv.

Gjatë hetimeve, autoritetet konstatuan se prindërit, kur u pyetën nga mjekët e urgjencës, kishin deklaruar se vajza ishte 5-vjeçe, ndërkohë që më pas u vërtetua se ajo ishte vetëm 2-vjeç, ç`ka ka ngritur shqetësime serioze për neglizhencë në mbikëqyrje.

Në këto rrethana, policia greke bëri të ditur se arrestoi babanë e fëmijës, një 25-vjeçar me origjinë shqiptare, ndërsa nëna 23-vjeçare po hetohet në gjendje të lirë.

Të dy prindërit do të dalin para prokurorit ditën e hënë, me akuzën e neglizhencës në mbikëqyrjen e një të mituri.

Sipas mediave greke, ndaj babait është ngritur një çështje penale për veprën e “ekspozimit të një të mituri ndaj rrezikut”, ndërsa e njëjta akuzë rëndon edhe ndaj nënës, e cila ndodhet pranë vajzës së saj në spital, nën mbikëqyrjen e policisë. Hetimet për zbardhjen e plotë të rrethanave të ngjarjes vijojnë.

The post E rëndë në Greqi/ 2-vjeçarja ra në shatërvan, në gjendje kritike për jetën, arrestohet babai shqiptar, prindërit gënjyen për… appeared first on Albeu.com.

Një tjetër tërmet dhe këtë herë më i fuqishëm nga të parët, u regjistrua mëngjesin e sotëm (8 shkurt)në Kretë.

Sipas ekspertëve, forca e lëkundjeve kishte magnitudë 4.8 ballë dhe me epiqendër brigjet e Kretës.

“Protothema” informon se epiqendra ishte 44 kilometra në perëndim të Paleochoras, Chania, ndërsa thellësia fokale u vlerësua në 27 kilometra, sipas Zgjidhjes Automatike të Institutit Gjeodinamik.

Nuk ka raportime për dëme dhe të lënduar, por forca goditëse cilësohet mesatarisht e fortë.

The post Greqia nuk gjen qetësi, tronditet nga një tjetër tërmet, ja sa ishte magnituda appeared first on Albeu.com.

Sipas mediave greke në total u gjetën dhe sekuestruan: 2 pako najloni me kanabis të përpunuar (çokollatë) me një peshë totale bruto prej 2.75 gramësh, 4 telefona celularë, kartë SIM, karikues të bardhë dhe kabllo karikimi.

“Konkretisht, oficerët e policisë nga Nën-Drejtoria e Narkotikëve, me ndihmën e oficerëve të policisë nga Nën-Drejtoria e Krimeve kundër Jetës dhe Pronës dhe Nën-Drejtoria e Inteligjencës dhe Veprimeve Speciale të D.A.O.E., si dhe Njësia Speciale Shtypëse Antiterroriste (EKAM) dhe një Qen Policor, kryen kontrolle në 10 qeli, 3 dhoma të Deposë Qendrore të Burgjeve të Koridhalos, si dhe në 31 të burgosur”, informuan autoritetet.

Kush ishte Jani Aliaj?

49-vjeçari nga Tepelena, i cili ndodhej i arrestuar në Greqi prej 31 dhjetorit 2024. Aliaj ishte dënuar me burg përjetë në Shqipëri, për vrasjen e Elton Çiços më 2016 në Tiranë, në një konflikt të vjetër mes tyre që përfundoi me hakmarrje dhe fatalitet. Gjithashtu akuzohej edhe për një ngjarje të ndodhur në vitin 2015 në Përmet, ku tentativa e vjedhjes së një sasie të madhe marihuane përfundoi me të plagosur.

Si ndodhi ngjarja?

49-vjeçari, Jani Aliaj u ekzekutua në 19 Janar 2026, brenda burgut të Koridallos. Autori është një grek 28-vjeçar, i cili me një thikë të improvizuar vrau shokun e tij të burgosur brenda Krahut të 3-të të burgut më të madh të vendit. Gjithçka tregon se kjo është një kontratë vdekjeje, me hetimin që po kryhet nga Siguria e Pireut. Viktima 49-vjeçare ka një të kaluar të rëndë kriminale, ashtu si edhe autori.

Dosja hetimore përshkruan një skenë të rëndë dhune. Sipas ekspertizës mjeko-ligjore, Jani Aliaj ka marrë 23 goditje me thikë, kryesisht në fytyrë dhe kraharor, plagë që kanë tronditur edhe vetë ekspertët. Gjatë përplasjes u plagos edhe një tjetër i burgosur, i cili kishte ndërhyrë për t’i ndarë. Ngjarja ndodhi në një sektor të burgut ku nuk ka kamera sigurie, në një moment kur institucioni funksiononte me regjim të hapur, duke u lejuar të burgosurve lëvizjen nga një ambient në tjetrin.

28-vjeçari rezulton me precedentë të rëndë penalë dhe është i akuzuar edhe për dy vrasje të tjera. Prej nëntë vitesh, emri i tij ndodhej në listën e kuqe të Interpolit për një vrasje të kryer në Greqi

The post Vrasja e Jani Aliajt dhe plagosja e bashkëatdhetarit të tij/ Policia kontrollon 10 qeli dhe 31 të dënuar! Ja çfarë u gjet appeared first on Albeu.com.

Sipas uniformave blu, 59-vjeçari është dënuar me burgim të përjetshëm, ndërsa motivi i ngjarjes ka qenë se xhaxhai i të miturit, i ka vrarë vëllanë dhe ishte arratisur nga IEVP-ja.
Ky shtetas fshihej në Greqi duke përdorur një identitet shqiptar fals.

Njoftimi i policisë:
Kjo fazë e operacionit, rezultat i bashkëpunimit disavjeçar ndërmjet Departamentit për Marrëdhëniet Ndërkombëtare të DPPSh-së, Interpol Tiranës, Oficerit Ndërlidhës të Policisë shqiptare në Athinë, Sektorit të Identifikimit dhe Krahasimit të fytyrës (Facial Recognition) dhe Interpol Athinës.
Kapet në Greqi, një shtetas i dënuar me burgim të përjetshëm, për vrasjen e një 9-vjeçari, në muajin mars, 1997, me motivin se xhaxhai i të miturit i kishte vrarë vëllanë dhe ishte arratisur nga IEVP-ja.
Ky shtetas fshihej në Greqi, duke përdorur një identitet shqiptar fals.
Në kuadër të kësaj faze të operacionit ndërkombëtar “The wanted”, koordinimi operacional i realizuar nëpërmjet Oficerit Ndërlidhës të Policisë shqiptare në Athinë, shkëmbimi intensiv i informacionit ndërmjet Interpol Tiranës dhe Interpol Athinës dhe verifikimet disavjeçare, mundësuan lokalizimin, kapjen dhe arrestimin me qëllim ekstradimin në Shqipëri, të shtetasit të shpallur në kërkim ndërkombëtar:
-Kostandin Nishku alias Baki Duzha alias H. V., 59 vjeç, lindur në Gramsh.
59-vjeçari, i cili është dënuar në vitin 1998, me burgim të përjetshëm, për veprën penale “Vrasja për shkak të cilësive të veçanta”, iu fshihej autoriteteve, në Greqi, ku përdorte një identitet shqiptar të falsifikuar (H. V.).
Në muajin mars, 1997, shtetasi Kostandin Nishku alias Baki Duzha alias H. V. dhe shtetasi R. K., kanë shkuar të armatosur, në shtëpinë e shtetasit K. B., dhe kanë kërkuar vëllanë e këtij të fundit, shtetasin V. B., i cili ishte arratisur nga IEVP ku vuante dënimin për vrasjen e vëllait të shtetasit Kostandin Nishku alias Baki Duzha alias H. V., në vitin 1993. Pasi shtetasi K. B. dhe familjarët e tij nuk i janë përgjigjur kërkesës së 59-vjeçarit, mbi vendndodhjen e shtetasit V. B., shtetasi Kostandin Nishku alias Baki Duzha alias H. V. ka vrarë me armë zjarri, djalin 9 vjeç të shtetasit K. B..
Identifikimi i këtij shtetasi është bërë i mundur si rezultat i krahasimit të fotografisë së tij, në vitin 1997 dhe fotografisë në pasaportën false të marrë në vitin 2013.
Bashkëpunimi ndërmjet strukturave homologe të INTERPOL-it vijon, për të finalizuar procedurën për ekstradimin e këtij shtetasi, në Shqipëri.

The post I dënuar me burgim të përjetshëm për vrasjen e një 9-vjeçari në 1997, arrestohet 59-vjeçari. Fshihej në Greqi appeared first on Albeu.com.