Në veçanti, i pyetur për deklaratën e Kyriakos Mitsotakis, gjatë vizitës së tij në Paris, se “ne presim që ata që kërcënojnë të vijnë brenda natës, të vijnë në dritën e ditës”, ministri i Jashtëm turk, sipas mediave turke, u përgjigj se “ne do të vendosim se kur dhe ku do të shkojmë”, duke lëshuar kështu një tjetër kërcënim të drejtpërdrejtë kundër Greqisë.

“Dukshmëria dhe arritjet e Turqisë në komunitetin ndërkombëtar e çmendin Greqinë. Prandaj edhe Greqia dëshiron të provokojë Turqinë”, ka shtuar Mevlut Çavusoglu.

The post Ministri i Jashtëm turk provokon sërish Greqinë: Ne vendosim se kur dhe ku do të shkojmë appeared first on Albeu.com.

Këtë herë kryeministri grek, Kyriakos Mitsotakis u shpreh pozitiv ndaj Turqisë, duke thënë se është e domosdoshme që dy vendet të mbajnë kanale të hapura.

Nga Qipro Mitsotakis tha se dy vendet duhet të ulen dhe të dialogojnë për të zgjidhur problemet midis tyre, shkruan To Vima.

Ndërkohë më herët, presidenti turk, Rexhep Tajip Erdogan bëri deklarata të forta në lidhje me raportet e Turqisë dhe Greqisë, në një kohë të tensionuar mes dy shteteve, ku flitet herë pas here edhe për ndonjë konflikt të armatosur për shkak të ishujve.

“Unë i kam shprehur edhe më herët qendrimet e mia në lidhje me atë që po ndodh me Greqinë. U kemi thënë që nuk ka më takime me ta për aq kohë sa përballë nuk do të kemi politikanë të ndershëm dhe që mbajnë fjalën. Po ashtu u kemi thënë se nuk do të zhvillohen më mbledhje të nivelit të lartë këshillit strategjik. Takimi i planifikuar këtë vit nuk do të zhvillohet. Ky është një mesazh i qartë. Nga sot e tutje, Greqia të shohë hallin e vet dhe të kujdeset vetë për hallet e saj”, tha Erdogan.

Grekët janë duke u përgatitur për skenarin më të keq në marrëdhëniet me Turqinë gjatë kësaj vere. Mediat greke raportojnë duke iu referuar burimeve nga Ministria e Mbrojtjes se janë duke u përgatitur për një skenar si ai i krizës në ishullin Imia në vitin 1996 që çoi vendet në prag të luftës.

“Protothema” raporton se ushtria greke është duke u bërë gati për një pushtim të një ose disa ishujve nga forcat turke pas retorikës së ashpër nga Erdogan dhe Ministria e Jashtme e Turqisë, të cilët kanë vënë në dyshim sovranitetin territorial të Greqisë mbi ishujt në fjalë, raporton abcneës.al.

Prej vitesh Turqia kërkon demilitarizimin e ishujve grekë përballë tokës turke duke iu referuar Traktatit të Luzanës, i cili parashikonte se asnjë ushtar apo teknikë ushtarake nuk duhej të gjendej në këto ishuj. Me këtë kusht, ishujt kaluan nën sovranitetin e Greqisë.

The post Tensionet Greqi-Turqi, vjen reagimi i Mitsotakis, ja ftesa për Erdogan appeared first on Albeu.com.

Notis Mitarachi, ministër për Çështje të Migrimit, tha se muri prej çeliku do të zgjatet nga 40 në 120 kilometra dhe puna për këtë çështje do të nisë më vonë gjatë këtij viti.

“Është vendimi i Qeverisë që të zgjasë edhe më tej murin dhe ne kemi kërkuar fonde evropiane”, tha Mitarachi gjatë një interviste për një radio greke.

Ai nuk dha detaje se sa parashikohet që të kushtojë ndërtimi i murit prej çeliku.

Greqia e ka akuzuar Turqinë për “instrumentalizimin” e migrimit, duke e përdorur si mjet për të bërë presion te shtetet e BE-së. Ky pretendim është hedhur poshtë nga Ankaraja, e cila thotë se vetëm po mban barrën më të madhe të migrimit, duke strehuar afër katër milionë refugjatë, shumica e të cilëve kanë ikur nga lufta civile në Sirinë fqinje.

Vitin e kaluar, 12 shtete, përfshirë edhe Greqinë, kërkuan fonde nga BE-ja për ndërtimin e mureve kufitare, ndërtimi i të cilave aktualisht financohet nga buxhetet kombëtare.

Komisioni Evropian deri më tani nuk ka paguar për ndërtimin e mureve në kufijtë e jashtëm, duke argumentuar se këto fonde do të merreshin nga fondet e dedikuara për aktivitetet për migrantët, përfshirë edhe financimin e agjencisë për mbrojtje kufitare të bllokut, Frontex./REL

The post Greqia planifikon të zgjasë murin në kufi me Turqinë appeared first on Albeu.com.