Mediat greke shkruajnë se dëshmitarët kanë deklaruar se në Larisa, Greqi, burri 54-vjeç hyri në tavernën e vëllait të gruas së tij dhe qëlloi 8 herë më armë zjarri bashkëshorten e tij, 43 vjeçe.

Pasi kreu vrasjen, autori u përpoq të shpëtonte, por u ndalua dhe u çarmatos nga Policia.

Sipas protothema.gr, presidenti i Sotiritsës, Vassilis Letsios ka bërë me dije se 43-vjeçarja ishte kthyer në fshatin e saj 4-5 muaj më parë për të ndihmuar biznesin e vëllait të saj, i cili ndodhet në një qendër rehabilitimi.

“Ai nuk ishte këtu, ai erdhi nga Athina dhe e vrau. Çfarë mund të them më?Vajza ishte nga fshati dhe ajo ishte martuar me të në Athinë, jetonin bashkë atje. Por erdhi se iu sëmurë i vëllai dhe nuk kishte kush ta ndihmonë. Tani askush prej nesh nuk e di se çfarë problemesh kishin me njëri -tjetrin. Ai erdhi nga Athina për ta vrarë. Ata ishin të martuar për shumë vite sepse fëmijët e tyre janë thuasje 20 vjeç,“-tha ai.  /albeu.com/

The post Shkak xhelozia? Greku merr armën e qëllon 8 herë mbi gruan e tij dhe tenton të arratiset appeared first on Albeu.com.

Ditën e sotme është bërë publike një ngjarje pazakontë ku një familje më gjashtë anëtarë është marrë peng dhe për lirimin e tyre kërkohet një shumë e madhe parash

Protothema raporton se autorët kanë marrë peng katër fëmijë të mitur dhe prindërit e tyre në një fermë duke mbajtur ata peng gjithë natën dhe duke iu kërkuar para për lirimin e tyre.

Fatmirësisht kryefamiljari arriti të arratisej edhe pse u plagos në dorë nga autorët dhe informoi policinë mbi ngjarjen.

Më pas, policia arriti të identifikojë dhe të arrestojë tre persona në një rrugë fshati në Komunën Tempi, ndërsa ka shpallur në kërkim edhe dy bashkëpunëtor të tyre. Ata ishin të gjithë shtetas të huaj. Pasi kryefamiljari ishte larguar autorët kishin lënë të lirë edhe nënën bashkë me fëmijët. /albeu.com/

The post Merret peng një familje me gjashtë anëtarë, rrëmbyesit kërkojnë para për lirimin appeared first on Albeu.com.

Flet për Policinë greke psikologu i 20-vjeçares, Caroline Crouch, që u vra mizorisht në banesën e saj disa javë më parë.

Sipas mediave greke, psikologu kishte dëshmuar në Polici se ata ishin një çift shumë i lumtur dhe i afërt dhe në fakt piloti e shoqëronte gruan e tij në çdo seancë.

Ajo shtoi se e reja kishte shkuar për ta takuar në mënyrë që të ishte një nënë sa më e përgatitur.

“Për këtë çift, unë kam vetëm më të mirën për të thënë. Ata gjithmonë bashkoheshin. Caroline nuk kishte shoqë. Ajo ishte një fëmijë 20 vjeç, e pashë si fëmijën tim. Ajo donte këshillën time sepse ishte pak e shqetësuar, por nuk kishte frikë nga asgjë. Ajo ishte një fëmijë e qeshur, me qëllime, ankthi i saj kishte lidhje me fëmijën e saj. Para se të lindte ajo kishte pësuar një abort spontan, ajo gjithashtu lindi Lydia-s para kohe, kështu që ju e kuptoni pse kishte ankth. Babis ishte shumë mbështetës në gjithçka,”-tregoi ajo.

Por të gjitha mundësitë janë të hapura. Edhe pse psikologia dëshmon për paqe në çift, sërish bashkëshorti nuk është “zhdukur” si i dyshuar kryesor. Kjo pasi pyetjet që ka ngritur Policia nuk po marrin dot përgjigje.

The post Krimi horror në Greqi, psikologu i 20 vjeçares hedh dyshime: Bashkëshorti nuk e linte kurrë vetëm! (FOTO LAJM) appeared first on Albeu.com.

Ndërkohë që në pranga është vënë vetëm 1 autor i dyshuar, mediat greke kanë bërë me dije se bashkëshorti i saj, piloti 32-vjeçar nuk e ka identifikuar gjeorgjianin e prangosur.

Edhe pasi 36-vjeçari nga Gjeorgjia nisi të fliste në gjuhën e tij, bashkëshorti i viktimës nuk e ka njohur atë. Autoritetet dyshojnë se gjeorgjani ka pasur rolin e informatorit tek anëtarët e tjerë të bandës.

Gjithashtu hetimet e Policisë Greke janë shtrirë deri në Kretë për të gjetur autorët e vrasjes së 20-vjeçares. Në të gjitha burgjet u kërkua një listë e të burgosurve të liruar përgjatë vitit të kaluar, të cilët kanë punuar për krime të rënda. Po ashtu Policia Greke po përpiqet të sigurojë “informatorë” nëpër burgje që mund të kenë ndonjë ide se cilit grup i përket kjo vrasje.

Sipas informacionve të bëra me dije dyshohet se një prej autorëve është identifikuar dhe dyshohet se është nga Shqipëria, por i dënuar në Greqi për vepra të ndryshme penale. Ai është personi i vetëm që piloti i pa fytyrën, ndaj konsiderohet edhe si “çelësi” i zbardhjes së çështjes. /albeu.com/

The post Vrasja e 20-vjeçares në Greqi: Bashkëshorti nuk e njeh gjeorgjianin e arrestuar, në kërkim të shqiptarit appeared first on Albeu.com.