Situata jo e mirë nga pandemia e covid 19, në shtetin fqinj Greqi, ka çuar në shtyrjen e afatit të mbylljes nga ana e palës greke të Doganës së Kristalopigi.

Nisur nga njoftimi zyrtar i Autoriteteve të Policisë Greke në PKK Kristalopigi, është njoftuar shtyrja e afatit të bllokimit të Pikës së Kalimit Kufitar Kapshticë, deri në datën 3.7.2021.

Deri në këtë datë, dalja nga Shqipëria dhe hyrja drejt Greqisë nëpërmjet kësaj pike kalimi, vijon të jetë e mbyllur. Ndërsa dalja nga Greqia dhe hyrja drejt vendit tonë, do të jetë e lejuar nga ora 06:00 deri në orën 22:00, vetëm për këmbësorët dhe mjetet e tonazhit të rëndë (kamiona mallrash).

Sipas autoriteteve greke, lejohet kalimi për 400 persona në ditë, bëhet fjalë vetëm për punëtorët sezonale me leje pune nga autoritetet greke, dhe për asnjë shtetas si europian ashtu edhe shqipetar.

Mjetet si autobusa, taksi, apo çdo mjet tjetër i transportit të pasagjerëve, nuk do të lejohet të kalojnë.

Për të gjithë qytetarët dhe bizneset njoftojmë se Dogana e Kakavijës vijon punën normalisht.

Dogana Shqiptare do të jetë në komunikim të vazhdueshëm për të informuar publikun dhe biznesin.

The post Plane për të udhëtuar drejt Greqisë? Ky njoftim i rëndësishëm është për ju appeared first on Albeu.com.

Në njoftim bëhet e ditur se “Aeroporti i Athinës Elefterios Venizelos, pika kufitare e Kakavijës dhe Qaf Bota funksionojnë normalisht për turistët shqiptarë, me kuota përkatëse 1500 dhe 250 persona në ditë”.

Një vendim i çuditshëm është fakti se autobusët e linjave shqiptare nuk lejohen, pasi dogana deklaron se nuk ka marrë ende qarkoren për hapjen e kufirit, edhe pse ajo është publikuar që në datën 19 në media.

Sipas njoftimit të Drejtorisë së Policisë Kufitare Udhëtarët mund të kalojnë kufirin vetëm në këmbë, me makinat e tyre dhe me autobusët e linjave të brendshme greke.

Ndërsa porti i Sarandës mbetet i mbyllur për të gjitha  anijet e linjave me Greqinë, ndërsa Kapshtica përpunon vetëm 400 punëtorë sezonalë.

Sakaq, kushdo dëshiron të kalojë, kryen rapid test në tokën shqiptare, merr letrën që është negativ, tregon PLF dhe kalon.

Në rastet e turistëve, mirë është që personi që udhëton, të ketë me vete ftesën që i bëjnë të afërmit (“ypeftini dhylosi” të vulosur në policinë e lagjes ose bashki) ose të ketë me vete rezervimin e hotelit ku do të qëndrojë, si dhe t’ju tregojë autoriteteve nëse ua kërkojnë, shumën që do ti duhet për qëndrimin në Greqi. Gjithmonë, nëse kjo do ti kërkohet prej policisë në kufi.

Këto masa do të jenë deri në datën 28 qershor, kur pritet të lehtësohen edhe më tej./ TCH

The post Çfarë po ndodh në Kapshticë? Grekët: Kalojeni kufirin në këmbë, autobusët shqiptarë nuk lejohen! appeared first on Albeu.com.