Mbajtja e samitit u konfirmua edhe pasi presidenti amerikan më 21 janar hoqi dorë nga vendosja e tarifave, pasi në Davos të Zvicrës u arrit një pajtim për kornizën e marrëveshjes për Grenlandën gjatë një takimi me sekretarin e Përgjithshëm të NATO-s, Mark Rutte.

Bashkimi Evropian në samit kishte planifikuar fillimisht të diskutojë për një përgjigje të përbashkët ndaj kërcënimeve amerikane për tarifa. Pritet që udhëheqësit evropianë të bisedojnë edhe për strategjinë e përgjigjes ndaj kërcënimeve të mundshme në të ardhmen nga presidenti Trump.

Presidenti i Këshillit Evropian, Antonio Costa, në ftesën drejtuar shefave të shteteve dhe qeverive të BE-së, theksoi se dëshiron një diskutim mbi sfidat në marrëdhëniet transatlantike, pasojat e tyre për Bashkimin Evropian, si dhe koordinimin e hapave të ardhshëm.

Parlamenti Evropian më 21 janar pezulloi procesin e ratifikimit të marrëveshjes tregtare me Shtetet e Bashkuara të Amerikës, në dritë të tensioneve lidhur me Grenlandën.

Udhëheqësit e BE-së do të diskutojnë për Grenlandën dhe raportet tregtare me SHBA-në.

BE-ja synon që marrëdhëniet tregtare të jenë të qëndrueshme, të parashikueshme dhe të sigurta, por nëse kjo nuk ndodh, atëherë dëshiron të ketë në dispozicion kundërmasa të shpejta.

Sipas diplomatëve evropianë, blloku evropian dëshiron të përcaktojë qartë sa i fortë, i qëndrueshëm dhe i parashikueshëm është aktualisht partneriteti transatlantik tregtar dhe aleanca ushtarake.

Fokusi i diskutimit pa dyshim do të jetë Grenlanda, dhe pritet që udhëheqësit të marrin më shumë informacione nga Danimarka.

Kryeministrja e vendit pas konfirmimit të arritjes së pajtimit për kornizën e marrëveshjes tha se shteti i saj është i gatshëm të bisedojë për sigurinë në Arktik, por insiston në respektimin e integritetit territorial.

Bordi për Paqe në agjendën e takimit të liderëve evropianë

Bashkimi Evropian aktualisht heziton të marrë pjesë zyrtarisht në Bordin e ri për Paqe, duke pritur sqarime shtesë nga pala amerikane, por edhe duke analizuar nëse pjesëmarrja në këtë trup lejohet nga kushtetutat e disa shteteve anëtare.

Komisioni Evropian fillimisht përshëndeti idenë e këtij Bordi, por BE do të përpiqet të marrë një qëndrim të përbashkët edhe për këtë çështje. Për disa vende evropiane problematike është fakti që Trump ka ftuar në Bord edhe presidentët e Rusisë dhe Bjellorusisë, Vladimir Putin, dhe Aleksandar Lukashenko.

Megjithatë, unanmiteti për këtë çështje nuk është më i mundur, pasi në këtë Bord janë bashkuar Bullgaria dhe Hungaria./rel

The post Udhëheqësit BE mblidhen në Bruksel për një samit urgjent! Diskutime për Groenlandën dhe raportet tregtare me SHBA-në appeared first on Albeu.com.

“Ne diskutuam se sa i rëndësishëm është Arktiku, përfshirë Grenlandën për mbrojtjen tonë kolektive dhe se si Danimarka po rrit investimet në aftësitë kryesore. Ne do të vazhdojmë të punojmë së bashku si aleatë për këto çështje të rëndësishme,” tha Rutte në një postim në platformën X.

Mediat e huaja shkruajnë se Danimarka dhe Grenlanda kanë diskutuar mundësinë e dërgimit të NATO-s në Arktik. Këtë e bëri me dije ministri danez i Mbrojtjes Trolls Lund Poulsen, pasi ai dhe ministrja e Jashtme e Grenlandës Vivian Mozartfelt u takuan me Sekretarin e Përgjithshëm të Aleancës së Atlantikut të Veriut Mark Rutte në Bruksel.

“Ne e kemi propozuar këtë. Sekretari i përgjithshëm i NATO-s e ka marrë parasysh këtë dhe besoj se tani mund të përcaktojmë një kornizë se si mund të arrihet kjo. Është gjithashtu në përputhje me atë që kemi diskutuar me qeverinë e Grenlandës”, tha Poulsen.

The post Mark Rutte: NATO do të vazhdojë të punojë me Danimarkën dhe Grenlandën për sigurinë e Arktikut appeared first on Albeu.com.

Ministria gjermane e Mbrojtjes tha se misioni specifik, në të cilin marrin pjesë shtetet anëtare evropiane të NATO-s, synon të shqyrtojë mundësitë për të siguruar sigurinë në dritën e kërcënimeve ruse dhe kineze në Arktik. Sipas të njëjtit informacion, 13 personel i Bundeswehr-it do të vendosen në Nuuk nga e enjtja deri të dielën, pas një ftese nga Danimarka.

Presidenti francez Emmanuel Macron tha se vendi i tij së shpejti do të dërgojë forca ushtarake shtesë tokësore, ajrore dhe detare për të marrë pjesë në ushtrime në Grenlandë .

“Një grup i parë ushtarësh francezë është tashmë në vend dhe do të përforcohet në ditët në vijim nga toka, ajri dhe deti”, tha Macron në një fjalim të Vitit të Ri drejtuar ushtarëve.

Në të njëjtën kohë, zëvendëskryeministri i Grenlandës, Mute Egde, tha se nga sot dhe në ditët në vijim, prania e ushtarëve të NATO-s në Grenlandë pritet të rritet. Pritet të ketë më shumë fluturime dhe anije ushtarake, duke specifikuar se këto forca do të marrin pjesë në stërvitje.

Njoftimi i misionit përkoi me takimin e ministrave të jashtëm të Danimarkës dhe Grenlandës me zëvendëspresidentin e SHBA-së J.D. Vance dhe Sekretarin e Shtetit Marco Rubio në Uashington. Ministri i Jashtëm danez Lars Lokke Rasmussen, duke folur pas largimit nga Shtëpia e Bardhë, vuri në dukje se pushtimi amerikan i Grenlandës nuk është absolutisht i nevojshëm.

“Ne nuk kemi arritur ta ndryshojmë qëndrimin amerikan. Është e qartë se presidenti ka dëshirë të pushtojë Grenlandën. Prandaj, ne ende kemi një mosmarrëveshje themelore ne pajtohemi që nuk pajtohemi”, u tha ai gazetarëve./

The post Ushtarët e parë evropianë mbërrijnë në Grenlandë, ja cilat vende po dërgojnë forca ushtarake appeared first on Albeu.com.