Daily Fact raporton se një raport i miratuar në fund të janarit me një shumicë të madhe akuzonte përdorimin e certifikatave jeshile për të “ndëshkuar të pavaksinuarit”.

Kjo ka bërë që shteteve t’u kërkohet të informojnë qytetarët se askush nuk duhet të vaksinohet nëse nuk dëshiron dhe të sigurojnë që askush nuk do të diskriminohet nëse nuk vaksinohet.

Në thelb, sipas raportit, koncepti i lejes së gjelbër është “në kundërshtim me shkencën”, në mungesë të të dhënave për efektivitetin e vaksinave në uljen e ngjitjes dhe për kohëzgjatjen e imunitetit të fituar. Vota, e cila nuk është e detyrueshme, hedh poshtë dekretet e qeverisë Draghi, të cilat “diskriminojnë” ata që nuk janë të vaksinuar me ndalime që synojnë “parandalimin e SarsCov2”.

Sipas dosjes së dorëzuar në Senat me ‘Green pass’ nga avokatja Renate Holzeisen, cenohet edhe njohja reciproke ndërmjet vendeve të BE-së të certifikatave të vaksinimit, e cila sipas legjislacionit të BE-së është subjekt i provave shkencore për ndërprerjen e zinxhirëve të transmetimit. Ndërsa vaksinat e miratuara nga EMA kanë rezultuar efektive në parandalimin e formave serioze të Covid-it, por nuk parandalojnë përhapjen e virusit.

The post Këshilli i Europës refuzon certifikatën “Green pass”: Është në kundërshtim me shkencën! appeared first on Albeu.com.

Me nisjen e planifikuar në orën 20:45, portat e Meazza do të hapen në orën 18:45. Ftesa e klubit për tifozët është që të shkojnë në stadium tashmë afër orarit të hapjes për të lehtësuar rrjedhën e operacioneve gjatë kontrolleve të sigurisë.

“Këshillohet shfaqja e Green Pass-it të përforcuar mundësisht në format dixhital për të shpejtuar leximin dhe për të përgatitur dokumentet gjatë pritjes në radhë, në mënyrë që të lehtësohet kontrolli nga stjuardët.

Do të ndalohet futja në stadium e objekteve të mëposhtme: paterica, çadra të mëdha, çakmakë, lazer, tymuese, flamuj ose pankarta të paautorizuara më parë, helmeta, karroca dhe pajisje profesionale fotografike.

Ftohen të gjithë tifozët të mbajnë distancë, të dezinfektojnë duart rregullisht dhe të shmangin turmat”, shkruan “Inter.it”./ h.ll/albeu.com

The post Sfida Inter-Lazio/ Stadiumi me rregulla të reja për tifozët appeared first on Albeu.com.

Komentet ai gjatë momentit që po pyetej për procesin e vaksinimit, ku bëri të ditur se në formularin që do t’i shkojë çdo familjeje shqiptare do të jetë si pyetje edhe vendosja e certifikatës së vaksinimit për të aksesuar hapësira të mbyllura apo për të marrë pjesë në tubime të mëdha.

Ndërsa përmendte këto të fundit, kreu i qeverisë solli në vëmendje edhe krizën në Partinë Demokratike.

“Kohëve të fundit kemi tubime për brava, për çelësa, kamerdare…”, tha Rama.

Ndërsa, i pyetur rreth krizës energjitike në Kosovë, Rama tha se me të njëjtën krizë po përballet edhe Shqipëria, por shtoi ai, pa e lënë të “rrëshqasë në kurriz të familjarëve apobizneseve.” Kurse, pyetjet e bëra rreth situatës aktuale në PD, kryeministri i shmangi duke thënë se duhet të kursejmë kohën.

“Ta kursejmë kohën, situata në seriozitetin e vet është qesharake, opozita e zënë ën kurthin e një kacafytje mes një kufome grata dhe një nongrata”, u shpreh kryeministri.

Ndërsa bëri të ditur se synohet që pensionet të rriten brenda mandatit të tretë dhe se këtë vit do të mbyllen sportelet për t’i kaluar shërbimet në e-albania, Rama tha po ashtu se edhe çështja e “Open Balkan” do të jetë e shtruar në formularë.

“Open Balkan është në formularin që mund të aksesohet online nga qytetarët për të dhënë opinionin e tyre… opinionet kërkohen në funksion të dëshirës tonë për të dëgjuar se çfarë mendojnë shqiptarët pavarësisht bindjeve të tyre… ne harxhojmë orë për t’u marrë me politikë… të shohim mundësinë për t’u marrë me problemet reale që kemi”, shtoi Rama.

Pyetjes së bërë nga një qytetar për “Emaar Group” dhe akuzat për përfshirje të kryedemokratit Lulzim Basha në projektin e portit të Durrësit, Rama iu përgjigj kështu:

“E para Emaar Group është një nga më të mëdhenjtë e botës dhe s’ka nevojë të vijë në Shqipëri përveçse për të bërë një projekt të madh. Duke siguruar bazat ligjore të një investimi gjigant. Një investim i tillë, i madh, jo në një HEC apo pus nafte, por në industri si turizmi sjell përshkallëzim eksponencial të investimeve të kësaj natyre, përbëjnë një bazë për të bërë një kapërcim epokal, ekonomik e social. Në varësi nga klima, jam besimplotë, dhe një sërë idesh të tjera do të mund të vihen në një fazë më të avancuar për t’u realizuar…”, përfundoi Rama./albeu.com/

The post A do të duhet “Green Pass” për lokale, markete e tubime? Rama jep përgjigjen (VIDEO) appeared first on Albeu.com.

Qeveria nuk bën përjashtime dhe ka vendosur se çdo sportist duhet të ketë Green Pass-in për të marrë pjesë në profesionin e tyre.

Nuk do të ketë asnjë përjashtim njësoj si pjesa tjetër e popullsisë në palestra, pishina etj. Kjo metodë do të zbatohet si fillim në Seria A e më pas deri te futbolli amator./ h.ll/albeu.com

The post Vaksinim i detyruar për të gjithë sportistët appeared first on Albeu.com.

Gjithashtu, bëhet me dije se të gjithë qytetarët shqiptarë mund të evidentojnë dhe regjistrojnë vaksinat e kryera jashtë vendit, pranë mjekut të familjes. Evidentimi i çertifikatave të vaksinimit të qytetarëve që kanë kryer të paktën njërën dozë të vaksinës jashtë vendit dhe regjistrimi i tyre në Shqipëri, ju jep mundësinë të gjithë qytetarëve shqiptarë të kryejnë dozën e dytë apo dozën e tretë booster në Shqipëri dhe anasjelltas.

Instituti i Shëndetit Publik informon se nisur dhe nga rekomandimet e Komitetit të Eksperteve për paraqitjen e kartës së vaksinimit në kufi, të dhënat e kryerjes së vaksinës si dhe njehsimi i çertifikatës së vaksinimit, po dokumentohen në sistemet tona të integruara të regjistrimit të personave të vaksinuar dhe më pas reflektohen në sistemin e-Albania.

Çertifikata e vaksinimit e Republikës së Shqipërisë është e integruar me sistemin europian dhe njihet njëlloj si green pass i vendeve të Bashkimit Europian. Pra, qytetarët shqiptarë mund ta përdorin çertifikatën e vaksinimit brenda dhe jashtë vendit.

Duke filluar nga dita e sotme, në raportimet e vaksinimit do të përfshihen edhe të dhënat e qytetarëve shqiptarë që janë vaksinuar jashtë vendit dhe që janë të regjistruar në sistemet tona të integruara, për t’u dhënë të gjithëve mundësinë për të përmbushur procesin e vaksinimit në Shqipëri ose jashtë vendit./albeu.com/

The post ISHP ndan lajmin, tregon mënyrën e marrjes së “green pass” për të vaksinuarit appeared first on Albeu.com.

Sipas mediave lokale atje, një 50-vjeçar u paraqit në qendrën e vaksinimit me një krah silikoni, gjë që nuk i ka shpëtuar vëmendjes së infemieres.

Në momentin që infermierja bëri gati vaksinën ai nxorri krahun, por ajo e kuptoi kur e preku duke zbuluar planin e 50-vjeçarit, i cili donte të merrte certifikatën e vaksinimit pa e bërë atë.

“Është situatë tragjike, por edhe komike. Megjithatë mund ta konsideroj një akt të papranueshëm”, tha Alberti Cirio, president i rajonit të Piemontes.

Kujtojmë se një pjesë e madhe e qytetarëve kanë ende dyshime nëse duhet ta kryejnë ose jo vaksinën anti-covid./albeu.com/

The post ÇUDIA/ Infermierja shkon t’i bëjë vaksinën, burri i nxjerr krahun silikon appeared first on Albeu.com.

Mediat greke thonë se pasi ai ishte ulur në lokal, punonjësi i ka kërkuar certifikatën e vaksinimit dhe kur pa që i moshuari nuk e kishte, i ka kërkuar të dalë jashtë.

77-vjeçari nuk hoqi dorë dhe bëri përpara pa mbajtur maskën. Kur njëri nga punonjësit tentoi ta ndalonte, ai e kafshoi në fytyrë.

I moshuari u arrestua dhe u dërgua në prokurorinë e Verias i akuzuar për plagosje me dashje dhe shkelje të masave të vendosura në kuadër të pandemisë./albeu.com/

The post “E kafshoi në faqe”, veprimi i çuditshëm i të moshuarit kur iu kërkua certifikata e vaksinimit (FOTO LAJM) appeared first on Albeu.com.

Brataj tha se deklarata e Manastirliut është keqkuptuar, dhe se deri tani nuk është marrë asnjë vendim i tillë që duhet një Green Pass për t’u futur në lokale.

“Mënyra si veprohet në Europë është kjo, por këtu ende nuk është marrë asnjë vendim. Krahasimi është që në të gjitha vendet e tjera po bëhet. Monitorimi dhe analiza e situatës bëhet në çdo moment, por deri tani nuk është marrë asnjë vendim. Kemi vënë re se si shtet kemi ruajtur një linjë tonën, ku ka muaj të tërë ku nuk kanë ndryshuar masat. E rëndësishme është të respektohen ato që janë në fuqi. Deri tani asnjë vendim i tillë nuk ekziston,” tha Brataj.

Pyetje: A do duhet një Green Pass?

“Në fillim diskutohej për vaksinën, a do ekzistojë apo jo. Tani jemi në momentin që a ta bëjmë vaksinën apo jo. Shikoni Bullgarinë e Rumaninë, që kanë përqindje të ulët vaksinimi dhe shikoni sa të vdekur po ka. Çdo shtet ka gjetur mënyrën e vet për të imunizuar popullin e vet. Danimarka ishte vendi i parë që rriti vaksinimin masiv dhe hoqi masat. Nuk ka një model perfekt. Çdo shtet reagon në bazë të situatës ku ndodhet”./albeu.com

The post A do të duhet një “Green Pass” për të hyrë në lokale? Brataj: Ende nuk ka asnjë vendim appeared first on Albeu.com.

“Si hyhet në një restorant, bar, në Europë. A futet me Green pass? Po, do e vendosim dhe ne, e vendosëm dhe në universitete. Për qytetarët është e rëndësishme, që ne kemi pika vaksinimi në çdo qendër shëndetësore, dhe në universitete. Do të vendosim “Greenpass” për të hyrë në lokale dhe në strukturat e shërbimit”, tha Manastirliu.

Një qytetar ka komentuar në postimin e kryeministri Rama për uljen e tatimeve për pagat 150-200 mijë lekë, nga 32% në 13%, duke thënë se me këtë po përgatisni popullin për green pass.

Rama i është përgjigjur se nuk mund të lejohet të hyjë në lokal dhe të infektojë popullin, kush nuk respekton shkencën e nuk vaksinohet.

Qytetari: Ulje tatimeve dhe nga ana tjeter, pergatisni terrorizimin e popullit duke i pergatitur (green pass) pff: Zoti Rama lereni popullin te vendose …

Rama: Ky lloj “terrorizmi” po ushtrohet gjeresisht ne vendet me demokratike te botes, keshtu qe nese do te jete nevoja do te ushtrohet edhe ne Shqiperi, pasi nuk mund te lejohet qe kush nuk do te respektoje shkencen e te vaksinohet, te infektoje dynjane ne emer te popullit!

The post “Green pass” për të hyrë në lokale, Rama: Nuk lejojmë të infektojnë dynjanë ata që nuk respektojnë shkencën appeared first on Albeu.com.