Pyetja “A je afër?”, edhe kur bëhet me qëllim të mirë ose për të komunikuar gjatë intimitetit, nuk pritet gjithmonë mirë. Një studim ku morën pjesë 20,000 persona tregon se shumë gra e përjetojnë atë si presion, gjë që mund t’i shkëpusë nga momenti.

Sipas ekspertëve, kjo pyetje mund të tingëllojë si shenjë padurimi. Si pasojë, gratë mund të fillojnë të mendojnë nëse po vonohen apo nëse partneri është lodhur, duke e bërë më të vështirë arritjen e orgazmës.

Në vend të kësaj, këshillohen pyetje që lidhen drejtpërdrejt me kënaqësinë, përfshirë “A të pëlqen kështu?”, “Do të vazhdoj kështu?” dhe “A është mirë ritmi?”. Këto forma komunikimi mund ta ndihmojnë partneren të ndihet më e qetë dhe më e përfshirë në atë moment, shkruan Metro, transmeton Klankosova.tv.

The post Pyetja intime që mund t’ua prishë momentin shumë grave appeared first on Albeu.com.

Pyetja “A je afër?”, edhe kur bëhet me qëllim të mirë ose si pjesë e komunikimit gjatë intimitetit, nuk pritet gjithmonë mirë. Një studim ku morën pjesë 20,000 persona tregon se shumë gra e përjetojnë atë si burim presioni, çka mund t’i largojë nga përqendrimi te momenti.

Sipas ekspertëve, kjo pyetje mund të tingëllojë si shenjë padurimi. Si pasojë, gratë mund të fillojnë të mendojnë nëse po vonohen apo nëse partneri është lodhur, duke e bërë më të vështirë arritjen e orgazmës.

Në vend të kësaj, sugjerohen pyetje që lidhen drejtpërdrejt me kënaqësinë, përfshirë “A të pëlqen kështu?”, “Do të vazhdoj kështu?” dhe “A është mirë ritmi?”. Këto forma komunikimi mund ta ndihmojnë partneren të ndihet më e qetë dhe më e përfshirë në atë çast, shkruan Metro, transmeton Klankosova.tv.

The post Pyetja intime që shumë burra bëjnë, por që gratë shpesh e përjetojnë si presion appeared first on Albeu.com.

Këto deklarata ai i bëri në konferencën e parë “Gratë në Biznes – She Rises 2026”, të organizuar nga Ministria e Industrisë, Ndërmarrësisë, Tregtisë dhe Inovacionit, ku ishin të pranishme rreth 300 gra nga fusha e ndërmarrësisë, si edhe përfaqësuese të institucioneve dhe organizatave vendore e ndërkombëtare.

Sipas Kurtit, një grua që është e pavarur ekonomikisht përbën themelin e një familjeje të qëndrueshme, të një shoqërie përparimtare dhe të një ekonomie të zhvilluar.

“Qeveria e Republikës së Kosovës është e bindur se barazia është parimi udhëheqës dhe rruga e vetme drejt progresit. Prandaj, jemi kujdesur që mbështetja jonë për gratë në biznese të mos mbetet vetëm deklarative, por të përkthehet në programe të dedikuara, si subvencionimi i drejtpërdrejtë dhe lehtësimi i qasjes në financa”, ka thënë Kurti.

Ai bëri të ditur se edhe gjatë këtij viti do të vijojë zgjerimi i mbështetjes për bizneset, inovacionin, digjitalizimin dhe ndërmarrësinë e grave.

“Do të vazhdojmë të zgjerojmë mbështetjen për bizneset, inovacionin, digjitalizimin dhe ndërmarrësinë e grave, përfshirë edhe themelimin e Divizionit për Gratë Ndërmarrëse në Agjencinë të cilën po e krijon Ministria”, është shprehur ai.

Po ashtu, kryeministri në detyrë njoftoi edhe fillimin e Programit “Superpuna për Gratë”, që synon rritjen e përfshirjes së grave në tregun e punës.

“Në mbështetje të punësimit dhe zhvillimit ekonomik, do të nisë Programi ‘Superpuna për Gratë’, i cili do të garantojë pagën minimale për gjashtë muaj për gratë që hyjnë ose rikthehen në tregun e punës, duke krijuar përfitime si për punëmarrëset ashtu edhe për bizneset”, ka deklaruar Kurti.

The post Kurti prezanton “Superpuna për Gratë”, skemë e re për nxitjen e punësimit të grave appeared first on Albeu.com.

Ai nënvizoi se gratë që kanë vendosur të investojnë, të nisin iniciativa biznesore dhe të drejtojnë kompani po japin një kontribut të rëndësishëm për zhvillimin ekonomik të vendit.

Në konferencën “Gratë në Biznes – She Rises”, Kurti tha se çdo biznes i udhëhequr nga gratë, ashtu si edhe çdo vend i ri pune që ato hapin, ndihmon në ndërtimin e një ekonomie më të fortë dhe më të qëndrueshme.

Sipas tij, qeveria i ka mbështetur gratë për t’u përfshirë në ndërmarrësi përmes skemave mbështetëse.

Kurti theksoi gjithashtu se institucionet janë përkujdesur që përkrahja për gratë të mos mbetet vetëm në nivel deklarativ, por të shoqërohet me masa konkrete përmes subvencioneve dhe lehtësimit të qasjes në financa.

Ai u shpreh se një grua ekonomikisht e pavarur përbën një shtyllë të fortë për familjen, komunitetin dhe gjithë shoqërinë.

Duke folur për jetën politike, Kurti vlerësoi përparimin e grave, duke thënë se në vitet e fundit Kosova ka parë gjithnjë e më shumë gra që udhëheqin me dije, profesionalizëm dhe kompetencë të lartë.

Sipas tij, ky zhvillim në skenën politike tregon se kur grave u jepet hapësira dhe mundësia e nevojshme, ato arrijnë rezultate të rëndësishme dhe japin kontribut në avancimin e shoqërisë.

Ministrja në detyrë e Industrisë, Ndërmarrësisë, Tregtisë dhe Inovacionit, Mimoza Kusari-Lila, deklaroi se gratë e kanë mbajtur gjallë shpirtin e popullit në kohë sfiduese dhe se askush nuk ka mundur t’ua marrë vullnetin, përkushtimin dhe forcën për të ecur përpara.

Ajo tha se pjesëmarrja e grave në biznes ka shënuar rritje të vazhdueshme, duke u rritur nga 10 për qind në vitin 2017 në 18 për qind sot, gjë që sipas saj dëshmon për përparimin e arritur në fuqizimin ekonomik të grave.

“Ne kemi bërë një rrugë të gjatë. Sot sjellim histori pune, përkushtimi dhe vizioni, por edhe histori suksesi që tregojnë se kur grave u jepet mundësia, ato arrijnë rezultate të jashtëzakonshme”, tha ministrja.

Kusari-Lila vlerësoi se rrugëtimi i grave drejt suksesit nuk ka qenë i lehtë, por shtoi se sot ato qëndrojnë si dëshmi e potencialit, aftësive dhe kontributit të tyre në zhvillimin ekonomik dhe shoqëror të vendit.

Sipas saj, konferenca “She Rises” ka për synim të promovojë dhe mbështesë ngritjen e grave në ndërmarrësi, duke krijuar hapësira për rrjetëzim, shkëmbim përvojash dhe fuqizim të mëtejshëm ekonomik të grave në Kosovë.

The post Kurti premton vijimin e mbështetjes për gratë në sipërmarrje appeared first on Albeu.com.

Banori u ndal për pak çaste për të uruar të gjitha gratë, duke e nisur mesazhin e tij me familjen.

Ai dërgoi një urim të veçantë për nënën dhe gjyshen e tij, duke treguar se i mungojnë shumë gjatë qëndrimit në shtëpinë e Big Brother.

“Urime 8 marsin të gjithëve, mbi të gjitha uroj mamin dhe gjyshen time dhe i puth fort, më ka marrë malli për ta. Urime të gjitha grave, janë forca që mban botën gjallë”, u shpreh Stenaldo.

Mesazhi i tij u prit me duartrokitje dhe vlerësim nga publiku, ndërsa momenti u kthye në një nga çastet më të dashura të spektaklit.

The post Stenaldo uron gratë për 8 Mars: Janë forca që mban botën gjallë appeared first on Albeu.com.

Në mesazhin e tij, Rama shprehu mirënjohje për kontributin e grave në shoqëri dhe theksoi rëndësinë e rritjes së pjesëmarrjes dhe angazhimit të tyre në jetën publike.

Postimi:

“MIRËMËNGJES ???? dhe në këtë 8 Mars, për të gjitha gratë, për të gjitha nënat, motrat, gjyshet dhe vajzat shqiptare, jo vetëm një falënderim për gjithçka bëjnë çdo ditë, por edhe një urim me gjithë zemër që pjesëmarrja e tyre të rritet, angazhimi i tyre të forcohet dhe gjithçka që ato i sjellin Shqipërisë të bëhet edhe më shumë, falë zërit, energjisë dhe kontributit të tyre”, shkroi Rama.

Në fund të mesazhit, kryeministri uroi gjithashtu, që kjo ditë të jetë një e diel e paqtë për të gjitha gratë shqiptare.

The post Kryeministri Rama uron gratë për festën e 8 Marsin: Faleminderit për gjithçka bëni çdo ditë appeared first on Albeu.com.

Një grua merrte 75.4 mijë lekë/muaj, ose 10.6% më shumë se në 2023-n. Të dhënat janë bërë të ditura nga INSTAT.

Teksa pagat mesatare të grave janë rritur me ritme më të shpejta se të burrave, hendeku është ngushtuar në 4.9%, nga 6.2% një vit më parë.

Kjo do të thotë se burrat paguhen mesatarisht rreth 5% më shumë sesa gratë. Hendeku mbetet gjithsesi më i lartë se në vitin 2021 kur diferenca e pagave mes dy gjinive arriti në nivelin më të ulët historik prej 4.5%.

Ndonëse hendeku është ngushtuar, janë vetëm 4 grup profesione, ku gratë u paguan më shumë se burrat në vitin 2024, nga 5 një vit më parë. Profesionet ku gratë paguhen më shumë janë:

Drejtues administrativë dhe komercialë; Ligjvënës, nëpunës të lartë të administratës shtetërore dhe drejtorë ekzekutivë; Punonjës në profesionet e elektro-teknologjisë; Punëtorë shërbimi dhe ndihmës.

Gratë drejtuese paguhen më shumë

Ndonëse në pjesën më të madhe të profesioneve, gratë marrin më pak sesa burrat, ka një kategori ku ato gjithmonë dominojnë, atë të drejtuesve, duke qenë madje më të paguarat nga të gjithë.

Sipas INSTAT, në grup-profesionin “Drejtues administrativë dhe komercialë”, gratë u paguan mesatarisht me 214 mijë lekë në muaj në 2024-n, me rritje prej 6% në raport me vitin e mëparshëm. Ky është grup-profesioni më i paguar në vend. Në krahasim me burrat që punojnë në të njëjtin profesion (200.7 mijë lekë), femra drejtuese paguhen 6.5% më shumë.

Edhe në shtet, gratë paguhen më shumë. Në grup-profesionin “Ligjvënës, nëpunës të lartë të administratës shtetërore dhe drejtorë ekzekutivë”, paga mesatare mujore e femrave ishte 118 mijë lekë, ose 7.9% më shumë sesa e meshkujve në të njëjtën kategori.

Profesionet me diferencat më të mëdha të pagave

Profesioni që i paguan më pak gratë se burrat është industria, me një diferencë prej 29%, për shkak të vështirësive fizike që ka ky aktivitet, ku nga vetë natyra preferohen meshkujt.

Burrat në industri paguhen 71 mijë lekë në muaj, përkundrejt 50 mijë lekë gratë, me këto të fundit që janë të punësuara kryesisht në industrinë e tekstileve e këpucëve.

Aftësitë në mësimdhënie në lëndët shkencore vlerësohen më pak tek femrat. Diferenca në grup profesionin “Specialistë të shkencave të fizikës, matematikës dhe inxhinierisë” është 17%, me burrat që paguhen 107 mijë lekë dhe gratë rreth 88 mijë lekë në muaj.

Edhe në arsim në përgjithësi, mësueset femra paguhen 13% më pak sesa ata meshkuj. Diferencë të lartë ka dhe në shëndetësi, me gratë që paguhen 94 mijë lekë, ose 15.6% më pak sesa burrat. Barazia më e madhe në paga është në Punonjës të shërbimeve personale dhe të mbrojtjes (rreth 48 mijë lekë secili).

The post Në vetëm 4 profesione, gratë paguhen më shumë se burrat, por ua kalojnë në drejtim appeared first on Albeu.com.

Shqipëria renditet e para në botë për nën-treguesin “Barazia në paga për punë të ngjashme”, që është pjesë e tregtuesi “Pjesëmarrja Ekonomike dhe Mundësitë”, një prej katër grupeve kryesore që matin indeksin e barazisë gjinore, së bashku me “Arsimin”, “Shëndetin dhe Mbrojtjen”, dhe “Fuqizimin Politik”.

Sipas raportit, Shqipëria mbyll 93.1% të hendekut gjinor për barazinë në paga, që do të thotë se gratë marrin mesatarisht 93.1% të asaj që fitojnë burrat për të njëjtin punë.

Kjo përqindje është më e larta në botë dhe ka diferencë me vendin e dytë që është Islanda dhe e mbyll hendekun me 85.1%.

Treguesi “barazia në punë për paga të ngjashme” bazohet në të dhënat e Vëzhgimit me Drejtuesit, që organizohet nga Forumi Ekonomik Global, ku mbi 11 000 udhëheqës biznesi nga 123 vende përgjigjen në shkallën 1–7 për pyetjen:

“Në shtetin tuaj, për punë të ngjashme, në çfarë mase pagat e grave janë të barabarta me ato të burrave”? (1 = jo fare, shumë më pak se burrat; 7 = plotësisht, të barabarta). Vlerat mesatare të përgjigjeve (1–7) konvertohen në një indeks 0–1, ku 1 (ose 100%) përfaqëson barazi të plotë (“fully equal”) dhe 0 (ose 0%) përfaqëson mosbarazi të plotë.

Shqipëria ka një barazi shumë më të lartë në paga në krahasim me shtetet e tjera të Ballkanit Perëndimor.

Në Serbi, hendeku gjinor mbyllet në nivelin 64%, Mali i Zi 66.3%, Bosnjë Hercegovinë 60.8%, Maqedoninë e Veriut 54.6% (e fundit në Europë).

Të dhënat për Kosovën mungojnë. Ndërsa e parafundit në Europë është Italia (55%), pra me gratë që paguhen gati sa gjysma e burrave.

Femrat drejtuese në Shqipëri paguhen më shumë sesa meshkujt

Sipas të dhënave të tjera të INSTAT, që i referohen vitit 2023, Paga mesatare e femrave ishte 68.2 mijë lekë, ose 6.2% më pak sesa e meshkujve, që paguhen 72.7 mijë lekë në muaj.

Nga 36 grup-profesione që raporton INSTAT, vetëm në 5 prej tyre, (Drejtues administrativë dhe komercialë; Ligjvënës, nëpunës të lartë të administratës shtetërore dhe drejtorë ekzekutivë; Punonjës në profesionet e elektro-teknologjisë; Punëtorë shërbimi dhe ndihmës; Punonjës të shërbimeve personale dhe të mbrojtjes) ose 14% të grup-profesioneve gjithsej, gratë paguhen më shumë sesa burrat.

Ndonëse në pjesën më të madhe të profesioneve, gratë marrin më pak sesa burrat, ka një kategori ku ato gjithmonë dominojnë, atë të drejtuesve, duke qenë madje më të paguarat nga të gjithë.

Sipas INSTAT, në grup-profesionin “Drejtues administrativë dhe komercialë”, gratë u paguan mesatarisht me 201 mijë lekë në muaj në 2023, me rritje prej 16% në raport me vitin e mëparshëm.

Ky është grup-profesioni më i paguar në vend. Në krahasim me burrat që punojnë në të njëjtin profesion (188 mijë lekë), femra drejtuese paguhen 7.2% më shumë.

Edhe në shtet, gratë paguhen më shumë. Në grup-profesionin “Ligjvënës, nëpunës të lartë të administratës shtetërore dhe drejtorë ekzekutivë”, paga mesatare mujore e femrave ishte 108 mijë lekë, ose 6% më shumë sesa e meshkujve në të njëjtën kategori./MONITOR

The post Forumi Ekonomik Global: Shqipëria, e para në botë për barazinë në paga mes burrave e grave appeared first on Albeu.com.

Të gjithë u mundën nga kandidate gra, por jo me votë, por me kuotë gjinore.

Kodi zgjedhor parashikon se në çdo tre emra fitues, një duhet të jetë grua, edhe nëse ajo ka më pak vota se sa burrat në garë, informon ‘shqiptarja.com’.

Po të mos ishte ky korrigjim i kuotës gjinore, Xhemal Qefalia me 9950 vota, do të ishte në parlament. Ai ka vota më shumë se sa Anila Denaj dhe Olta Xhaçka që kanë fituar mandate.

Edhe Pandeli Majko me 6736 vota e Toni Gogu 6680 janë viktima të kuotës gjinore, e ata nuk do të jenë në parlamentin e ri.

Olta Xhaçka 6288 vota, më pak se sa Qefalia, Majko e Gogu, do të hyjë në Kuvend për shkak të gjinisë.

Ky fenomen nuk është i kufizuar vetëm në qarkun Tiranë.

Në Berat, Julian Zyla dhe Erdis Hyka, kanë marrë qindra vota më shumë se sa Hatixhe Konomi, por mundësia e tyre për të fituar një mandat, është djegur.

Edhe në qarkun Durrës, dy burra janë penalizuar prej gjinisë. Ilir Ndraxhi, ka dyfishin e votave të Etleva Budinit, por zonja rezulton fituese. Bashkë me Ndraxhin janë djegur dhe afro 6000 votat e Gentian Hillës.

Po të mos ishte kuota gjinore, deputeti i 6-të i Korçës do të ishte Arian Jaupllari dhe jo Besa Spaho.

Avantazhi i grave për shkak të gjinisë, është ndjerë mes zonjave socialiste, pasi demokratët fituan pak mandate dhe në asnjë qark nuk morën 3 mandate përtej listës së mbyllur që të aktivizohej mekanizmi i kuotës gjinore.

TIRANË
Xhemal Qefalia 9950 (Humbës)

Anila Denaj 9257 (Fituese)

Pandeli Majko 46736 (Humbës)

Toni Gogu 6680 (Humbës)

Olta Xhaçka 6288 (Fituese)

BERAT

Julian Zyla 6002 (Humbës)

Erdis Hyka 5058 (Humbës)

Hatixhe Konomi 4467 (Fituese)

DURRËS

Ilir Ndraxhi 8244 (Humbës)

Gentian Hilla 5881 (Humbës)

Etleva Budini 4910 (Fituese)

KORÇË

Arian Jaupllari 8461 (Humbës)

Besa Spaho 7957 (Fituese) /

The post Zgjedhjet e 11 majit/ Kandidatët burra që u mundën nga gratë me kuotë gjinore dhe jo me votë appeared first on Albeu.com.

Në fjalën e tij Berisha i shpreh se; “Ftesa dhe sugjerimi im është të mbahen sa më shumë takime”.

“Historia ka treguar se sado e fortë të jetë censura, sërish është e kapërcyeshme. Fushata e fundit e Donald Trump ka leksionin më të madh të saj takimin me njerëzit,. Ai kishte një censurë të jashtëzakonshme në tërësi nga të gjitha mainstream media, përveç njërit që ishte i lëkundur.

Poll-et ishin humbëset më të mëdha në historinë e njerëzimit sepse dolën mashtruese. 1.6 mld euro u shpenzuan për polle nga kundërshtaret e tij dhe të gjitha përfunduan atje ku duhet të ishin sepse mashtruan kombin amerikan duke shpallur fitues atë që nuk mund të fitonte. Mbështetësit e Trump fituan vetëm duke takuar njerëzit dhe amerikanët.

Ftesa dhe sugjerimi im është të mbahen sa më shumë takime. Cila është gjendja te qytetarët? Është një optimizëm shumë i madh. Në terma reali është 2 kate më i madh se ce mendojmë,. Optimizëm që nuk mbahet mend kur ka ekzistuar. Të shumëfishojmë takimet me qytetarët. Strukturat e PD duhet të jenë në shërbimin tuaj”, tha ai.

The post Berisha takim me gratë në Tiranë: Të veprojmë si Trump, sa më shumë takime që të fitojmë mbi censurën appeared first on Albeu.com.