According to preliminary information, the spouses were traveling by motorcycle on the road segment along the rural road of Çekrez when a horse suddenly cut them off.

Because of the short distance and the impossibility of avoiding the collision, the motorcycle rider lost control of the vehicle, causing both of them to fall onto the asphalt.

As a result, the man and woman suffered various bodily injuries. Immediately after the report was received, Gramsh Police services and the medical emergency team arrived at the scene, provided first aid, and transported the injured to the Gramsh Hospital.

Doctors carried out the initial examinations and kept them under observation for about an hour. Given their health condition and the need for more specialized treatment, it was decided that the couple would be transported by ambulance to the Trauma Hospital in Tirana, where they are receiving the necessary medical care.

Meanwhile, the Police have launched procedural actions to fully clarify the circumstances of the accident. It is preliminarily suspected that the cause of the incident was the animal’s sudden entry onto the roadway, which made it impossible for the motorcycle rider to avoid the collision.

This accident once again draws attention to the problem of animals left loose on roadways, especially during nighttime hours, when visibility is limited and the risk of accidents increases significantly. Therefore, drivers must exercise increased caution in rural areas, while animal owners should comply with their legal obligations to keep them under control in order to avoid such incidents.

The post Accident in Gramsh, married couple rushed to the Trauma Hospital appeared first on Albeu.com.

Sipas informacioneve paraprake, bashkëshortët po lëviznin me motor në segmentin rrugor që përshkon rrugën rurake të Çekrezit, kur një kalë u ka prerë rrugën në mënyrë të menjëhershme.

Për shkak të distancës së shkurtër dhe pamundësisë për të shmangur përplasjen, drejtuesi i motorit ka humbur kontrollin e mjetit, duke bërë që të dy të rrëzoheshin në asfalt.

Për pasojë, burri dhe gruaja kanë pësuar lëndime të ndryshme trupore. Menjëherë pas marrjes së njoftimit, në vendngjarje kanë mbërritur shërbimet e Policisë së Gramshit dhe ekipi i urgjencës mjekësore, të cilët kanë dhënë ndihmën e parë dhe kanë transportuar të plagosurit drejt Spitalit të Gramshit.

Mjekët kanë kryer ekzaminimet e para dhe i kanë mbajtur nën monitorim për rreth një orë. Duke parë gjendjen e tyre shëndetësore dhe nevojën për trajtim më të specializuar, është vendosur që çifti të transportohej me ambulancë drejt Spitalit të Traumës në Tiranë, ku po marrin kujdesin e nevojshëm mjekësor.

Ndërkohë, Policia ka nisur veprimet procedurale për zbardhjen e plotë të rrethanave të aksidentit. Paraprakisht dyshohet se shkaku i ngjarjes ka qenë dalja e papritur e kafshës në karrexhatë, ç`ka i ka pamundësuar drejtuesit të motorit të shmangte përplasjen.

Ky aksident rikthen në vëmendje problematikën e kafshëve të lëna të lira në akset rrugore, veçanërisht gjatë orëve të natës, kur dukshmëria është e kufizuar dhe rreziku për aksidente rritet ndjeshëm , prandaj drejtuesit e mjeteve duhet të tregojnë kujdes të shtuar në zonat rurale, ndërsa pronarët e kafshëve të respektojnë detyrimet ligjore për mbajtjen e tyre nën kontroll, me qëllim shmangien e ngjarjeve të tilla.

The post Aksident në Gramsh, çifti i bashkëshortëve dërgohen me urgjencë në Spitalin e Traumës appeared first on Albeu.com.

Sipas informacioneve paraprake, dyshohet se mjeti po qarkullonte me shpejtësi mbi normat e lejuara, çka mund të ketë bërë që drejtuesi të humbasë kontrollin.

Si pasojë, automjeti ka devijuar nga korsia dhe është përplasur me forcë me shtyllën dhe për pasojë drejtuese ka pësuar dëmtime të lehta.

Në vendngjarje shkuan menjëherë shërbimet e Policisë dhe grupi hetimor, të cilët po punojnë për të zbardhur rrethanat e plota të aksidentit dhe për të përcaktuar shkaqet që çuan në këtë ngjarje.

Ende nuk ka një njoftim zyrtar lidhur me gjendjen e personave të tjerë që ndodheshin në automjet, ndërsa hetimet vijojnë për dokumentimin e plotë të rastit.

The post Aksident në Gramsh, makina del nga rruga dhe përplaset me shtyllën (VIDEO) appeared first on Albeu.com.

Viktima me iniciale R.Xh ishte, shofer i turistëve që po vizitonin zonën

Dyshohet se ai ka qenë duke luajtur me top me persona të tjerë dhe më pas ka rrëshqitur e ka rënë nga lartësia.

Njoftimi i policisë:

Më datë 19.04.2026, rreth orës 12:45, tek Ujëvara e Sotirës, shtetasi R. Xh., 53 vjeç, banues në Durrës, i cili ushtronte aktivitet në transportin e vizitorëve për qëllime turistike drejt zonës, dyshohet se është rrëzuar aksidentalisht gjatë lëvizjes në këmbë dhe, për pasojë, ka humbur jetën.

Grupi hetimor po punon për zbardhjen e rrethanave dhe dokumentimin ligjor të rastit.

The post Ngjarje e rëndë në Gramsh/ Shoferi i turistëve bie nga Ujëvara e Sotirës, vdes në vend! appeared first on Albeu.com.

Sipas informacioneve paraprake, zjarri është përhapur në një zonë të thellë malore, duke e bërë të pamundur ndërhyrjen e mjeteve zjarrfikëse për shkak të terrenit tepër të vështirë dhe mungesës së aksesit rrugor.

Fatmirësisht, deri në këto momente, vatra e zjarrit ndodhet larg zonave të banuara dhe nuk paraqet rrezik të drejtpërdrejtë për banorët. Megjithatë, autoritetet po ndjekin nga afër situatën për të parandaluar përhapjen e flakëve në sipërfaqe më të gjera

Burime zyrtare bëjnë me dije se dyshohet që zjarri të ketë qenë aksidental, ndërsa pritet një vlerësim më i plotë i situatës nga strukturat përkatëse në vijim.

Ndërkohë, nuk përjashtohet mundësia e ndërhyrjes nga ajri nëse situata përkeqësohet, për shkak të pamundësisë së ndërhyrjes nga toka.

The post Flakë në malin e Koshnicës në Gramsh, ndërhyrja e zjarrfikësve e pamundur për shkak të terrenit të vështirë appeared first on Albeu.com.

Sipas informacioneve paraprake, një automjet ka humbur kontrollin teksa kalonte mbi urë dhe ka rënë në liqenin e Banjës, duke përfunduar i zhytur në ujë.

Ngjarja ka qenë sa e frikshme, aq edhe e rrezikshme, pasi çdo sekondë ka qenë vendimtare për jetën e drejtuesit të mjetit.

Falë reagimit të menjëhershëm dhe profesional të forcave zjarrfikëse të Gramshit, është bërë e mundur nxjerrja në kohë e drejtuesit nga automjeti i fundosur.

Ai është transportuar me urgjencë drejt spitalit, ku po merr ndihmën e nevojshme mjekësore, ndërsa burimet bëjnë me dije se ndodhet jashtë rrezikut për jetën.

Shkaqet e aksidentit mbeten ende të paqarta, ndërsa autoritetet po punojnë për zbardhjen e plotë të rrethanave.

Paraprakisht dyshohet se humbja e kontrollit të mjetit, mund të ketë ardhur si pasojë e shpejtësisë apo kushteve të rrugës.

Ngjarja rikthen edhe një herë vëmendjen mbi sigurinë rrugore në segmentet pranë liqenit të Banjës, ku mungesa e barrierave mbrojtëse apo faktorë të tjerë rrezikojnë seriozisht jetën e drejtuesve të mjeteve.

Fatmirësisht, këtë herë bilanci nuk u kthye në tragjedi. Një shpëtim që shumëkush po e konsideron si një mrekulli.

The post Aksident i frikshëm në Gramsh/ Makina del nga rruga dhe përfundon në liqenin e Banjës, pamje nga vendi i ngjarjes appeared first on Albeu.com.

E mitura ishte larguar nga banesa ku jetonte me gjyshen dhe prej disa ditësh nuk u bë e gjallë.

Ishte gjyshja e saj ajo që bëri denoncimin në polici, ndërsa ka deklaruar se mbesa ishte njohur me një djalë 17-vjeçar, por sqaroi se nuk kishte dijeni për emrin e tij.

Mësohet se vajza jetonte me gjyshen, pasi prindërit i kishte të divorcuar dhe kishin krijuar familje.

Ndërkohë, sot policia njoftoi se vajza ishte kthyer vetë në banesë, ndërsa kishte deklaruar se kishte ikur me dëshirë.

“Në vijim të informacionit të dhënë më datë 13.02.2026, për largimin nga banesa të një 14-vjeçareje, informojmë se kjo shtetase u gjet dhe u kthye në banesë, në gjendje të mirë shëndetësore. Ajo deklaroi se ishte larguar me dëshirën e saj”, sqaron policia.

The post E zhdukur prej 12 shkurtit/ Gjyshja e denoncoi të humbur, 14-vjeçarja kthehet në banesë: Ika me dëshirë appeared first on Albeu.com.

Urdhri e përshkroi Hoxhën si një profesioniste të përkushtuar, nënë e tre fëmijëve dhe bashkëshorte e dashur, e cila për pesë vite shërbeu me dinjitet dhe përgjegjësi ndaj komunitetit të fshatit Kabash, në Bashkinë Gramsh.

Përkushtimi i saj ndaj pacientëve e bëri atë një figurë të respektuar nga kolegët dhe banorët e zonës.

“Kujtimi dhe veprat e Dëshira Hoxhës do të mbeten të gjalla dhe të paharruara në komunitetin infermieror dhe përtej tij”, theksoi Urdhri, duke shprehur ngushëllimet më të sinqerta për familjen, të afërmit dhe kolegët e të ndjerës.

Aksidenti ndodhi pasi kamionçina, që po udhëtonte në rrugën Gramsh-Poroçan pranë fshatit Bardhaj, doli nga rruga dhe ra në një humnerë me thellësi 70 metra, duke u rrokullisur disa herë.

Për pasojë humbi jetën 43-vjeçarja Dëshira Hoxha, ndërsa u plagosën rëndë mësuesja Albana Boja dhe shoferi Shaban Kotorri, të cilët po marrin trajtim në spital.

Policia Rrugore po vijon hetimet për të përcaktuar shkaqet e aksidentit.

“Dëshira Hoxha ishte një profesioniste e përkushtuar, bashkëshorte dhe nënë e tre fëmijëve, e cila për pesë vite me radhë shërbeu me dinjitet, humanizëm dhe përgjegjësi të lartë profesionale ndaj komunitetit të fshatit Kabash, në Bashkinë Gramsh. Përkushtimi i saj ndaj pacientëve dhe misionit fisnik të infermierisë e bëri atë një figurë të respektuar dhe të dashur, si nga kolegët, ashtu edhe nga banorët e zonës ku shërbente”, shprehet Urdhri për të ndjerën.

The post Aksidenti i rëndë në Gramsh/ Urdhri i Infermierit shpreh dhimbje të thellë pas humbjes tragjike të infermieres: Shërbeu për vite me dinjitet dhe humanizëm appeared first on Albeu.com.

Sipas informacioneve paraprake, një mjet tip kamion ka dalë nga rruga dhe ka rënë në humnerë, duke shkaktuar pasoja fatale.

Mësohet se në mjet udhëtonin tre persona, pjesë e personelit të shërbimit në fshatra: një mësuese, një infermiere dhe drejtuesi i mjetit.

Si pasojë e aksidentit, drejtuesi i automjetit Shaban Kotorri, dhe mësuesja Albana Boja, janë plagosur, ndërsa infermierja 43-vjeçare Dëshira Hoxha, ka mbetur viktimë.

Forcat e policisë dhe shërbimet e emergjencës kanë mbërritur menjëherë në vendngjarje, duke kryer veprimet e nevojshme dhe duke nisur hetimet për zbardhjen e shkaqeve të aksidentit.

Paraprakisht, dyshohet se rruga e vështirë dhe kushtet e terrenit mund të kenë ndikuar në humbjen e kontrollit të mjetit.

The post Aksident tragjik në Gramsh/ Kamioni del nga rruga dhe bie në humnerë, humb jetën një grua appeared first on Albeu.com.

Ngjarja ka ndodhur rreth orës 17:00 në Gramsh, ndërsa nën hetim pas grindjes u morën 4 persona, respektivish babë dhe bir dhe dy vëllezër.

Policia vendore bëri me dije se dyshohet që E. H., 46 vjeç dhe L. A., 49-vjeç, janë konfliktuar për motive të dobëta.

“Gjithashtu, në konflikt u përfshinë edhe djali i 46-vjeçarit, një 17-vjeçar, si dhe vëllai i 49-vjeçarit, shtetasi F. A., 57-vjeç (punonjës policie)”, bënë me dije burime zyrtare.

Në vijim të veprimeve për këtë rast, specialistët për Hetimin e Krimeve të Komisariatit të Policisë Gramsh referuan materialet në Prokurori, ku nisi procedimi penal për E. H., 46 vjeç, për veprën penale “dëmtime të tjera me dashje”.

“Sa i përket veprimeve procedurale që lidhen me 49-vjeçarin dhe vëllanë e tij F. A. (punonjës policie), ato po kryhen nga Agjencia e Mbikëqyrjes Policore (AMP)”, sqaroi policia.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme, teksa pritet të sqarohen dinamika dhe shkaqet e përleshjes mes tyre.

The post Sherr mes dy familjeve në Gramsh, përfshihet edhe efektivi i Policisë, AMP e merr nën hetim bashkë me vëllanë appeared first on Albeu.com.