Në një konferencë për shtyp të mbajtur ditën e sotme, tekniku i londinezëve, Graham Potter ka komentuar këto transferime, teksa e ka klasifikuar eksperiencën që po kalon te Chelsea, si një situatë emocionuese dhe mbi të gjitha një provë për të dhe stafin e tij.

“Kur shpenzon para, zhurma e jashtme bëhet më e fortë. Një gjë është të kesh burime, është tjetër gjë t’i shpërndash ato, të marrësh vendimet e duhura, të krijosh një mjedis.

Është një situatë emocionuese, është një provë për mua dhe stafin tim. Kemi shumë lojtarë të mirë, kemi nevojë për konkurrencë të shëndetshme, por ndonjëherë do të ketë zhgënjime, kështu funksionon.

Do të ketë pyetje dhe biseda të pakëndshme, pasi vetëm 11 persona mund të hyjnë në fushë, Duhet të jesh i sinqertë, i hapur, të respektosh faktin që njerëzit duan të luajnë”,- u shpreh Potter gjatë konferencës, ku nuk hodhi më shumë “dritë”, mbi vendimet që do të marrë mbi 11-çen e tij të preferuar. /albeu.com

The post Potter i “emocionuar” pas transferimeve: Është një provë për mua dhe stafin tim appeared first on Albeu.com.

Pjesa e parë plot grintë e nerv. “Blutë” e Londrës u hodhën menjëherë në sulm, me Kai Havertz që gjetin rrugën e rrjetës që në minutën e 3’-të, të lojës por festimet e gjermanit u prishën nga sistemi VAR. Me kaq u mbyll pjesa e parë, në një ndeshje që nuk pati shumë për të folur.

Me fillimin e pjesës së dytë u prit që situata të ndryshonte, por zëvendësimet e bëra nga të dy trajnerët nuk arritën dot të bënin diferëncën. Rastin më të pastër e pati ukrainasi 100 milionësh i Chelsea, Mykhailo Mudryk, i cili me portën e boshatisur nuk arriti dot ta çonte topin në rrjetë duke e nxjerrë topin jashtë.

Me këtë barazim, pozitat e të dyjave ekipeve kanë ndryshuar me Liverpool që pozicionohet në vendin e 8-të, me 29 pikë dhe Chelsea mbetet sërish në vendin e 10-të, me po 29 pikë, por me një golavarazh më të dobët se ai i “të kuqve”. /albeu.com

The post Chelsea shpenzon por sulmuesit nuk dinë të shënojnë, mbyllet në barazim përballja me Liverpool appeared first on Albeu.com.

Përballë “bluve” të Londrës, tekniku Marco Silva ka zgjedhur formacionin 4-2-3-1, ku në mbrojtje është pozicionuar Tete, Adarabiyo, Ream dhe Robinson. Përpara mbrojtjes është vendosur Palhinha dhe Reed, ndërsa në pjesë ofensive të mesfushës trajneri Silva ka pozicionuar Reid, Andres Pereira dhe brazilianin Ëillian, të cilët do të jenë në mbështetje të sulmuesit të vetëm, Carlos Vinicus.

Në krahun tjetër, Graham Potter e kërkon me ngulm fitoren dhe për këtë përballje ka përdorur formacionin më të mirë të mundshëm. Në portë Kepa e para tij në mbrojtje Koulibaly, Silva dhe Chalobah. Në mesfushë Hall, Kovacic, Zakaria e Azpilicueta. Për të plotësuar formacionin 3-4-2-1, tekniku Potter ka vendosur të hedhë në fushën e lojës, Mason Mount dhe afrimin më të ri të “bluve”, Joao Felix, ku në qendër të sulmit përpara 2 të rinjve do të jetë Kai Havertz. /albeu.com

The post Formacionet zyrtare Fulham-Chelsea: Joao Felix debuton me “blutë”, Potter në kërkim të 3 pikëve appeared first on Albeu.com.

“Ai është një lojtar cilësor, ai do të bëjë diferencën në sulm dhe mezi pres të filloj të punoj me të. Ai është i ri dhe ka shumë eksperiencë. Na ka dhënë një shtysë të gjithëve. Kam kohë që jam në dijeni të operacionit, por me dëmtimet që kemi pasur, jemi përshpejtuar për të. Është mirë ta kemi atë këtu dhe se ai tani mund të stërvitet me ne.”,- është shprehur në fjalën e tij, tekniku Potter.

Potter deklaroi se ata janë në pritje të konfirmimit për të parë nëse ai do të jetë në gjendje të luajë kundër Fulham këtë të enjte.

Ndërkaq, amerikani Christian Pulisic do të mungojë për disa muaj për shkak të lëndimit, dëmtim ky që lë të lirë portugezin Joao Félix për të fituar një vend në njëmbëdhjetëshen titullare.

Graham Potter konfirmoi seriozitetin e dëmtimit të Pulisic, i cili dëmtoi gjurin e tij në ndeshjen e javës së kaluar kundër Manchester City, të cilën Chelsea e humbi (0-1). Lojtari u largua nga fusha me një dhimbje në gju dhe Potter tha në një konferencë për shtyp të mërkurën se ai do të jetë “jashtë për disa muaj”. /albeu.com

The post Graham Potter: Mezi po e prisja Felix në Londër, shpresoj të jetë gati sa më shpejt appeared first on Albeu.com.

“Në përgjithësi, loja jonë ishte nën mesataren. Ju duhet t’i jepni kredi Nottinghamit. Nuk bëmë mjaft mirë.

Nuk është e lehtë të ndërtosh kundër Nottinghamit, ata dinë të mbrohen thellë dhe të sulmojnë mirë. Ne vuajtëm në pjesën e dytë. Si rezultat, ne jemi të pakënaqur me lojën, duhet të marrim një pikë, por jemi të zhgënjyer.

Sado i zhgënjyer me golin që pësuam, nuk është arsyeja pse humbëm pikë. Loja jonë në tërësi nuk ishte shumë e mirë. Duhet të jemi të sinqertë dhe të përpiqemi të përmirësojmë lojën”,- tha Potter. /albeu.com

The post Graham Potter pas barazimit me Nottingham: Jemi të pakënaqur, loja jonë ishte nën mesataren appeared first on Albeu.com.

Anglezi u lëndua sërish gjatë ndeshjes ndaj Bournemouth, duke u larguar nga fusha me ndihmën e barelës.

Pas ndeshjes, trajneri Graham Potter tha se,- “Do të duhet të presim 24/48 orët e ardhshme për të kuptuar shkallën e dëmtimit të ri. Por ishte shumë e trishtueshme ta humbja kaq shpejt pas kthimit të tij në fushë”. /albeu.com

The post James dëmtohet sërish pas 50 minutash lojë appeared first on Albeu.com.

“Urime djemve sepse nuk mund të ishim të sigurt se si do të shkonte loja pas këtij pushim të gjatë. Por kjo lojë ishte shumë e mirë, lojtarët bënë më të mirën dhe aplikuan atë për të cilën punuam. Një fitore e merituar, por ne duhet të mbajmë. Meritat e Bournemouth duhet të njihen pasi e bënë lojën konkurruese.”,- tha Potter.

Më tej tekniku i “bluve” foli dhe për lëndimin e Reece James.

“Nuk jam i sigurt për dëmtimin që kishte, por ne pamë cilësinë e tij, çfarë lojtari është. Është një goditje e keqe për ne, por gishtat e kryqëzuar. Nuk mund të them se sa e rëndë është situata për momentin.”,- tha më tej tekniku. /albeu.com

The post Graham Potter: Morëm një fitore të merituar, lëndimi i James është një lajm i keq për ne appeared first on Albeu.com.

Si u ndiet pasi shënuat golin e parë me fanellën e Chelsea-t?

Ishte një ndjesi e mrekullueshme kur shënova golin tim të parë me Chelsea-n në Premier League, me ekipin tim të fëmijërisë. Ishte si një ëndërr e bërë realitet. E kam të vështirë ta përshkruaj, por ishte një moment fantastik për mua dhe për familjen time dhe ndihem i lumtur që pata mundësinë ta arrij këtë. Shpresoj se do të realizoj gola të tjerë në të ardhmen.

Tani keni një trajner të ri tek Chelsea. Çfarë ka ndryshuar që pas ardhjes së Graham Potter?

Që kur Potter u afrua, ai ka komunikuar shumë mirë me të gjithë lojtarët. Ka arritur t’i njohë të njohë të gjithë dhe ka adresuar problemet e ekipit. Ai ka qenë i mahnitshëm që në momentin e parë këtu, në ekip. Ai i ka ndihmuar të gjithë lojtarët dhe me të mund të flasim lirshëm kur gjërat nuk ecin siç duhet. Ai është me të vërtetë bashkëpunues dhe jemi me fat që kemi mundësinë të mësojmë nga ai dhe stafi i tij.

A mendoni se trajneri i ri ka më shumë besim tek ju dhe do t’ju japë më shumë minuta në krahasim me Thomas Tuchelin?

Nuk jam shumë i sigurt, por që kur ka ardhur ai më ka folur shumë, jo vetëm mua, por edhe me lojtarët e tjerë. Ai është munduar t’i njohë të gjithë me hollësi, prejardhjet dhe formimin që kanë. Për më tepër, unë kam marrë më shumë minuta. Formacioni është zgjedhje e tij, ai zgjedh skuadrën dhe ai e bën këtë gjë në bazë të asaj që është më e duhura sipas tij. Sipas këndvështrimit tim, unë duhet vetëm të punoj fort dhe të stërvitem, në mënyrë që kur të jem në fushë të provoj të gjej rrugën e rrjetës, të asistoj për shokët e skuadrës dhe të kontribuoj sa më shumë të jetë e mundur, diçka që është shumë e rëndësishme.

Sezonin e fundit shënuat 6 gola me Southamptonin, me Vitessen shënuat rreth 11. Cili është objektivi për këtë sezon? Sa gola mendon se mund të shënosh?

Nuk mund të përcaktoj një numër të saktë, zakonisht objektivat i mbaj për vete. Personalisht, do të mundohem t’i arrij objektivat gjatë sezonit. Nuk më pëlqen të vendos një numër. Thjesht dua që të luaj, ta shijoj, të luaj për shokët, skuadrën dhe tifozët. Nuk vendos numra për arritjet e mia, mundohem t’i mbaj për vete.

Si mendon se është të luash rreth “superyjeve” të Chelsea-t si Aubameyang dhe Sterling, që, së fundmi, kanë formuar edhe një partneritet në repartin e sulmit?

Është e mrekullueshme. Ata të dy kanë bërë gjëra të shkëlqyera në karrierat e tyre. Kështu që të mësoj nga ata në stërvitje dhe jashtë fushës është shumë e rëndësishme për mua si lojtar i ri. Kam mundësinë të shoh si stërviten dhe çdo gjë që bëjnë. Mundohem të marr mësime nga ata, të marrë ndonjë ide dhe ta implementoj tek vetja. Pa dyshim që përpiqem të mësoj nga dy lojtarë të mëdhenj si Aubameyang dhe Sterling.

Pyetja e fundit. A keni ndonjë mesazh për tifozët shqiptarë, pasi ata të ndjekin çdo javë duke luajtur me Chelsea-n?

Natyrisht, tifozët shqiptarë kanë një vend të madh në zemrën time. Ata më kanë mbështetur përgjatë gjithë rrugëtimit tim, kështu që i falënderoj shumë për mbështetjen e vazhdueshme, e vlerësoj shumë, faleminderit djema!

Falë teje, Chelsea në Shqipëri ka më shumë tifozë…

Faleminderit!

The post Broja i thotë të gjitha/ Ndjesia e golit të parë me Chelsea-n, trajneri i ri dhe mesazhi për tifozët “kuqezinj” appeared first on Albeu.com.

21-vjeçari erdha nga stoli, ashtu siç ka bërë në gjashtë takime të Premier League këtë sezon dhe elektrizoi tifozët e Chelsea-s dhe gjithë shqiptarët me një super gol në minutën e 90.

“Ai erdhi nga stoli dhe punoi shumë për skuadrën. Brojës i është dashur të tregohet i duruar, por ai ka bërë një punë të madhe në stërvitje, ka punuar mirë dhe është kënaqësi që shënoi gol”, deklaroi trajneri Graham Potter.

“Jam pa fjalë në lidhje me golin tim të parë me klubin tim të fëmijërisë. Faleminderit të gjithë fansave, urime ditëlindjen babi”, shkroi Broja në rrjetet sociale.

Teksa foli edhe për Chelsea TV nuk mungoi edhe një koment për trajnerin Potter: “Ai është një person shumë i mirë, është e lehtë të flasësh dhe të merresh vesh me të. Ai të motivon dhe inkurajon gjatë gjithë kohës. Gjithmonë ma përsërit se duhet të punoj fort, të shfrytëzoj mundësitë e mia dhe të ndihmoj ekipin sa më shumë të mundem”.

Shikoni KËTU golin e Brojës./albeu.com

The post Goli i parë me Chelsea-n/ Broja ia dedikon babait të tij për ditën e veçantë dhe trajnerit Potter (VIDEO) appeared first on Albeu.com.

Trajneri i Chelsea, Graham Potter, ka vendosur që të mos komentojnë ardhjen e sulmuesin Christopher Nkunku në “Stamford Bridge”.

Lojtari ka kompletuar testet mjekësore me “Blutë” dhe në verë pritet që të transferohet në Londër.

Potter është pyetur në lidhje me këtë lëvizje, ndërsa ai është shprehur shkurt: S’kam koment”.

Potter nuk është i vetmi që preferon ta mbaja të fshehur këtë lëvizje, pasi edhe vëtë drejtuesit nuk kanë folur./albeu.com

The post Transferimi i “fshehtë” i Nkunku, trajeri i ri i Chelsea “kyç” gojën appeared first on Albeu.com.