Para gjykatës, Kalasi ka mohuar përfshirjen në grabitjen e ndodhur më 5 gusht, ndërsa ka pretenduar se nuk ka lidhje me maskën e përdorur nga autorët gjatë ngjarjes.

“Maskat i kam qejf dhe i përdor për Halloween. Pasi festoja, i hidhja poshtë. Kjo mund të jetë një nga ato maskat”, ka deklaruar 32-vjeçari.

Ndërkohë, Kalasi ka refuzuar të japë informacion për personin tjetër që dyshohet se ka marrë pjesë në grabitjen e argjendarisë.

The post Grabitja me armë e argjendarisë në Paskuqan/ Gjykata lë në burg 32-vjeçarin! Zbardhet dëshmia: Maskat i kam qejf… appeared first on Albeu.com.

Raportohet se në pranga ka rënë Argys Kalsi, i cili, sipas burimeve, është arrestuar në Qafë Thanë, teksa po tentonte të largohej nga Shqipëria.

Mësohet se në momentin që ka tentuar të kalojë kufirin, Kalsi është ndaluar dhe arrestuar nga shërbimet e Policisë.

Burime bëjnë me dije se i riu ishte identifikuar prej disa ditësh nga Policia e Tiranës si një prej autorëve të dyshuar të grabitjes.

Megjithatë, arrestimi i tij ishte shtyrë pasi hetuesit po e mbanin nën vëzhgim dhe po kryenin veprime të tjera hetimore, me qëllim identifikimin dhe kapjen edhe të bashkëpunëtorit të dytë.

Ndërkohë, Policia e Tiranës, vijon hetimet për identifikimin dhe arrestimin e autorit të dytë të dyshuar për grabitjen.

Njoftimi i policisë:

Kamëz/Vijojnë veprimet intensive hetimore për identifikimin dhe kapjen e autorëve të vjedhjes së një sasie bizhuterish në një argjendari në Kamëz, më datë 05.08.2026.

Identifikohet, kapet dhe vihet në pranga njëri prej autorëve të dyshuar.

Sekuestrohen gjatë periudhës së hetimit arma e zjarrit automatik, motomjeti, veshjet, maska silikoni dhe një krehër me fishek.

Specialistët për Hetimin e Krimeve të Komisariatit të Policisë Nr. 5, si rezultat i punës intensive hetimore dhe procedurale, të kryer për disa javë, me metoda proaktive, në drejtimin e Prokurorisë së Tiranës, kanë finalizuar operacionin e koduar “Gold”, duke bërë të mundur identifikimin, kapjen dhe arrestimin e shtetasit:

-A. K., 35-vjeç, banues në Laç.

Nga hetimet dyshohet se ky shtetas, në bashkëpunim me një shtetas tjetër ende të paidentifikuar, më datë 05.08.2026, kanë vjedhur një sasi bizhuterish në një argjendari dhe më pas janë larguar me një motomjet.

Në vijim të veprimeve të pandërprera hetimore dhe kërkimeve intensive në terren, më datë 06.08.2026, në një zonë të pyllëzuar të fshatit Zgafnur, u gjetën dhe u sekuestruan, në cilësinë e provës materiale, një armë zjarri automatike, një krehër me fishekë, një skafandër motoçiklete e lyer me ngjyrë gri, dy maska silikoni, një palë doreza, si dhe veshje të tjera që dyshohet se janë përdorur nga autorët gjatë kryerjes së veprës penale.

Gjithashtu, më datë 09.08.2026, në vendin e quajtur “Liqeni i Qinamit”, fshati Qinam, u gjet dhe u sekuestrua, në cilësinë e provës materiale, një motomjet i cili dyshohet se është përdorur nga autorët gjatë kryerjes së veprës penale.

Vijon puna për identifikimin dhe kapjen e bashkëpunëtorit tjetër, si dhe për dokumentimin e plotë të rastit.

Materialet procedurale i kaluan Prokurorisë, për veprat penale “Vjedhja me dhunë e kryer në bashkëpunim” dhe “Mbajtja pa leje dhe prodhimi i armëve shpërthyese dhe i municionit”.

The post Arrestohet njëri prej autorëve të grabitjes me armë të argjendarisë në Paskuqan appeared first on Albeu.com.

Pamjet e kamerave të sigurisë tregojnë se autorët kanë lëvizur nëpër rrugicat periferike të Kamzës, duke mos përdorur rrugët kryesore. Edhe gjatë largimit pas grabitjes, ata kanë përshkuar të njëjtin itinerar.

Brenda argjendarisë, grabitësit kanë marrë vetëm sende floriri, vlera e të cilave llogaritet në mbi 1.5 milionë lekë. Rruga e zgjedhur prej tyre ka ngritur dyshimet e grupit hetimor se ata e njohin mirë zonën.

Hetuesit dyshojnë gjithashtu se njëri nga autorët mund ta ketë vizituar dyqanin si klient disa ditë më parë, pasi grabitësit e dinin saktësisht se ku mbaheshin bizhuteritë me vlerë të konsiderueshme. Nuk përjashtohet as mundësia që në ngjarje të jenë përfshirë bashkëpunëtorë të tjerë.

Dy autorët nuk janë personat që kryen grabitjen e 16 majit në një tjetër argjendari në Kamëz, pasi të dy të dyshuarit për atë ngjarje rezultojnë të arrestuar.

The post Detaje nga grabitja e argjendarisë në Paskuqan, autorët morën florinj me vlerë 1.5 mln lekë dhe shmangën akset kryesore appeared first on Albeu.com.

Sipas njoftimit zyrtar, rreth orës 14:50, dy persona ende të paidentifikuar kanë hyrë në ambientet e argjendarisë në pronësi të shtetasit me iniciale L. L..

Nën kërcënimin e një sendi që dukej si armë zjarri, ata kanë kanosur punonjëset dhe kanë marrë një sasi bizhuterish.

Ata janë larguar me itinerar Institutin Bujqësor, për të humbur gjurmët më tej.

Menjëherë pas marrjes së njoftimit, shërbimet e Policisë kanë mbërritur në vendngjarje, kanë ngritur pika kontrolli dhe kanë nisur kontrollet në zonë për identifikimin dhe kapjen e autorëve.

Ndërkohë, grupi hetimor po punon për administrimin e provave, me qëllim identifikimin e autorëve, zbardhjen e plotë të rrethanave të ngjarjes dhe dokumentimin e saj.

Njoftimi i Policisë Kamëz:

“Më datë 05.08.2026, rreth orës 14:50, në Paskuqan, 2 shtetas ende të paidentifikuar, kanë hyrë në ambientet e argjendarisë në pronësi të shtetasit L. L. dhe duke kanosur punonjëset me send në dukje armë zjarri, kanë marrë një sasi bizhuterish.

Menjëherë pas marrjes së njoftimit, në vendngjarje kanë shkuar shërbimet e Policisë, të cilat kanë ngritur pika kontrolli dhe po kryejnë kontrolle për kapjen e autorëve.

Grupi hetimor po punon për fiksimin e çdo prove që do të çojë në identifikimin e autorëve dhe kapjen e tyre, si dhe dokumentimin e plotë të rastit”.

The post Grabitja e armatosur e argjendarisë në Paskuqan/ Policia zbulon detajet: Autorët kërcënuan punonjëset autorët kërcënuan punonjëset, morën bizhuteritë dhe u larguan në… appeared first on Albeu.com.

Kjo është dëshmia që ka dhënë punonjësi i sigurisë, Fehmi Çullhaj, i cili u arrestua nga policia e Tiranës për akuzën e “Shpërdorimit të detyrës”.

Sipas hetimeve të kryera Çullhaj është arrestuar pasi ka lënë derën e bankës hapur dhe është larguar në tualetin e brendshëm.

Pikërisht në këtë interval kohe, personi ende i paidentifikuar ka hyrë lehtësisht në bankë me një kokore në kokë dhe një armë që dyshohet si lodër dhe është drejtuar drejt sportelit të arkës.

Këtu ka aritur të marrë një sasi eurosh ende të papërcaktuar nga policia, (por besohet diku tek 10 mijë euro) dhe është larguar sërisht nga dera ku kishte hyrë.

Në të gjithë këtë interval kohor, punonjësi i sgurisë së bankës ka qëndruar në tualet, duke mos kryer detyrën e mbylljes së derës së jashtme nga brenda bankës.

Sipas policisë së Tiranës, gjithçka ka ndodhur për shkak të veprimeve arbitrare të Fehmi Çullhaj, i cili nuk ka zbatuar protokollin e sigurisë, për mbylljen e derës nga brenda. Kjo ka sjellë lehtësim të veprimeve për të hyrë brenda dhe larguar më pas, të autorit të grabitjes.

The post La derën e bankës pa mbyllur dhe iku në tualet, zbardhet rrëfimi i rojes së arrestuar appeared first on Albeu.com.

Burime bëjnë me dije se autori ka arritur që t’i grabisë 10 mijë pound një qytetareje, e cila ishte brenda bankës dhe po depozitonte paratë.

Ndërkohë, ka arritur që të grabisë dhe paratë nga arka e vetë bankës.

Ende nuk dihet shuma totale që është grabitur, ndërsa ai ndodhet në arrati.

The post Grabitja e OTP Bank, arrestohet roja i bankës: Nuk neutralizoi autorin appeared first on Albeu.com.

Autori ende i paidentifikuar, i veshur me të zeza dhe i maskuar hyri në bankë dhe nën kërcënimin e një arme, ai i është afruar një qytetareje që kishte me vete rreth 15 milionë lekë të vjetra në një çantë, të cilat sapo po i depozitonte në bankë dhe ia ka marrë.

Grupi hetimor ka dyshime se autori e ka ndjekur gruan çaste më parë deri në momentin e hyrjes në bankë. Nga këqyrja e kamerave të sigurisë, ka rezultuar se autori është afruar pranë bankës me një skuter elektrik nga kryqëzimi i Komunës së Parisit, dhe e ka lënë jashtë bankës.

Më pas, autori është futur në bankë dhe pasi ka marrë paratë është larguar nëpërmjet rrugës Sulejman Delvina, dhe dyshohet se ka braktisur skuterin në një garazh.

Më pas është larguar drejt zonës së bllokut nëpërmjet rrugicave të zonës. Grupi hetimor është duke punuar për të sqaruar rrethanat e plota, si dhe për të identifikuar autorin e grabitjes.

The post Grabitja në filialin e “OTP”/ Autori dyshohet se ndoqi një grua që mbante me vete rreth 15 milionë lekë, hyri në bankë dhe kreu vjedhjen appeared first on Albeu.com.

Menjëherë pas marrjes së njoftimit, janë ngritur pika kontrolli dhe janë orientuar të gjitha shërbimet policore, për identifikimin dhe kapjen e autorit.

Ndërkohë, grupi hetimor po punon për identifikimin e autorit dhe dokumentimin e rastit.

Njoftimi i Policisë:

Rreth orës 12:26, në rrugën “Gjin Bue Shpata”, një shtetas i maskuar ka hyrë në ambientet e një banke dhe, dyshohet se në kërcënimin e një sendi në dukje armë, ka marrë një shumë parash. Menjëherë pas marrjes së njoftimit, janë ngritur pika kontrolli dhe janë orientuar të gjitha shërbimet policore, për identifikimin dhe kapjen e autorit. Grupi hetimor po punon për identifikimin e autorit dhe dokumentimin e rastit.

The post Grabitja në bankën OTP në Tiranë/ Policia jep detaje: Autori ende i paidentifikuar appeared first on Albeu.com.

Kërkesa është depozituar nga avokatët e tyre, Evjola Shehu dhe Neshat Fana, të cilët kërkojnë shfuqizimin e vendimit aktual dhe rikthimin e çështjes për shqyrtim të ri.

Sipas mbrojtjes, gjatë procesit gjyqësor janë cenuar standardet e procesit të rregullt ligjor dhe të drejtat kushtetuese të të dënuarve.

Gjykata e Lartë, kishte lënë më herët në fuqi dënimet për grupin e akuzuar për grabitjen e ndodhur në prill të vitit 2019 në pistën e aeroportit “Nënë Tereza”, ku u morën miliona euro nga një automjet që transportonte para për bankat e nivelit të dytë.

Për këtë dosje, Klement Çala është dënuar me 20 vite burg, ndërsa Eldi Çala me 17 vite burg. Në total, për të akuzuarit e grupit janë konfirmuar mbi 120 vite burg.

Grabitja e Rinasit, konsiderohet një nga ngjarjet kriminale më të bujshme në Shqipëri, pasi autorët hynë të armatosur në pistën e aeroportit dhe morën një shumë të madhe parash brenda pak minutash.

The post Grabitja në Rinas/ Vëllezërit Çala çojnë çështjen në Kushtetuese, kërkojnë rrëzimin e vendimit të dhënë nga Gjykata e Lartë appeared first on Albeu.com.

Ashtu siç edhe në pamje, ky është momenti kur një person, ende i paidentifikuar, me xhup dhe kapuç të zi, ka kryer vjedhjen e pikës së këmbimit valutor në qendrën tregtare në zonën e “5 Majit” në Tiranë.

Gazetarja Xhensila Kodra, raporton se dyshohet që autori ka marrë 1.2 milionë lekë të vjetra. Po ashtu, gazetarja raportoi se autori ka hyrë si klient brenda pikës valutore dhe nën kërcënimin e armës, ka arritur të marrë sasinë e lekëve.

Më pas, ka dalë jashtë me shpejtësi, ndërsa ka arritur që të largohet me shpejtësi duke përdorur një motor.

Policia ka bërë rrethimin e zonës dhe ka ngritur pika kontrolli në akset rrugore përreth.

Njoftimi i Policisë:

“Rreth orës 09:10, në rrugën “5 Maji”, një shtetas ende i paidentifikuar, nën kërcënimin e një sendi në dukje armë zjarri (pistoletë), ka vjedhur një shumë parash në një pikë këmbimi valutor brenda një qendre tregtare dhe është larguar nga vendi i ngjarjes.

Menjëherë pas marrjes së njoftimit, shërbimet e Policisë kanë shkuar në vendngjarje, kanë bërë rrethimin e zonës dhe kanë ngritur pika kontrolli në akset rrugore përreth.

Shërbimet e Policisë po krehin zonën dhe po vijojnë kontrollet me qëllim kapjen e autorit.

Ndërkohë, grupi hetimor po punon për sqarimin e plotë të rrethanave të rastit”, njofton policia.

The post Grabitja me armë te “5 Maji”/ Momenti kur autori grabit pikën e këmbimit valutor, ja shuma e parave që arriti të marrë (FOTO) appeared first on Albeu.com.