Burimet bëjnë me dije se protagonisti kryesor Astrit Pukameka në një kohë të shkurtër ka kryer dy plagosje në vende të ndryshme.

Në rrugë kryesore ai ka hasur kushëririn e ish-gruas së tij. Për arsye ende të paqarta ai e ka qëlluar me thikë duke e lënë të plagosur.

I zhvendosur pak metra më tutje ai ka ndaluar një taksi. Për të vazhduar më tej planin e tij ai ka marrë peng taksistin Arjan Shaun. Ky i fundit nuk ka pranuar t’i bindet dhe ka tentuar që të largohet. Autori i ka bërë presion me thikë dhe ka urdhëruar që ta çojë në destinacionin që ai dëshiron. Gjatë rrugës ka hasur në kundërshtinë e taksistit por autori pasi ka arritur në pikën e karburantit e ka plagosur para se të zbresë.

Pengun e la në taksi kurse vetë është futur te pika e karburantit. Me thikë në dorë u ka kërkuar lekët në të kundërt u ka thënë se do t’i vërë flakën karburantit.

Shitësit të karburantit i ka marrë xhiron ditore pre 120.000 lekë të rinj./abcnews.al

The post Skenë filmash në Kavajë, 45-vjeçari plagos kushëririn e ish-gruas, merr peng taksistin dhe e terrorizon me thikë! Në fund grabit edhe karburantin appeared first on Albeu.com.