grabiti Archives - Albeu.com

Grabiti kamionin në Greqi, arrestohet 36-vjeçari shqiptar

Tau Lanti — Wed, 29 Nov 2023 16:02:23 +0000

Policia në Greqi ka arrestuar një shtetas shqiptar pasi akuzohet për grabitje. Mediat vendase shkruajnë se në pranga ka rënë një 36-vjeçar, i cili ka grabitur një furgon.

Shqiptari rezulton i akuzuar edhe më parë për vjedhje. Nga hetimet e policisë rezultoi se vetëm pak ditë më parë, rreth mesit të nëntorit, i njëjti person kishte vjedhur sërish një kamion të vogël nga zona e Metamorfosit, me lëvizjet e tij të regjistruara në videon e kamerës së sigurisë.

36-vjeçari shqiptar do të dalë përpara Gjykatës, ku do të vendoset për trajtimin e mëtejshëm penal të tij.

The post Grabiti kamionin në Greqi, arrestohet 36-vjeçari shqiptar appeared first on Albeu.com.

I maskuar dhe i armatosur grabiti një pikë kaburanti, arrestohet 31-vjeçari (EMRI)

Tau Lanti — Tue, 07 Nov 2023 18:16:08 +0000

Policia e Lushnjës ka zbardhur grabitjen e një pike karburanti, të kryer në kërcënimin e armës, dhe si rezultat ka arrestuar autorin. Në kuadër të operacionit të koduar “How it ends” është vënë në pranga shtetasi Fabjan Bujaraj, 31 vjeç, banues në Lushnjë.

Autoritetet raportojnë se nga hetimet ka rezultuar se Fabjan Bujaraj,, në orët e para të mëngjesit të sotëm, ka hyrë i maskuar në një karburant dhe duke kanosur me armë gjahu, ka marrë një shumë parash (një pjesë të xhiros ditore).

Policia ka sekuestruar në cilësinë e provës materiale armën e gjahut që ka përdorur autori për të kryer vjedhjen, automjeti që kishte marrë me qira, veshjet që ka mbajtur gjatë vjedhjes, një sasi lënde e dyshuar narkotike heroinë dhe një peshore elektronike.

Materialet procedurale i kaluan Prokurorisë së Fierit për veprime të mëtejshme, për veprat penale “Vjedhja me armë”, “Prodhimi dhe mbajtja pa leje e armëve të gjuetisë dhe sportive” dhe “Prodhimi dhe shitja e narkotikëve”.

The post I maskuar dhe i armatosur grabiti një pikë kaburanti, arrestohet 31-vjeçari (EMRI) appeared first on Albeu.com.

Policia me “duar të lidhura”, Dan Hutra plagosi më herët të dashurën dhe i grabiti paratë, u end i lirë deri sa kreu masakrën në Paskuqan

Tau Lanti — Wed, 01 Mar 2023 15:03:23 +0000

AlbEu.com ka mësauar detaje të reja që lidhen me ngjarjen e rëndë të ditës së sotme në Paskuqan, ku 40-vjeçari Dan Hutra vrau ish-kunatën, nusen e vëllait të ish-bashkëjteueses, si dhe plagosi këtë të fundit dhe nënë e saj.

Pak para vrasjes Dan Hutra ka kryer një tjetër krim në Astir. Albeu.com mëson se Hutra ka shkuar në banesën e të dashurës së tij në zonën e Astirit, ku ka plagosur me thikë atë dhe më pas i ka vjedhur dhe paratë.

Njoftimi i policisë:

Më datë 01.03.2023, rreth orës 12:15, është paraqitur për të marrë ndihmë mjekësore në spital, shtetasja M. G., 40 vjeçe, e dëmtuar me mjet prerës, e cila ndodhet jashtë rrezikut për jetën.

Dyshohet se kjo shtetase është dëmtuar me mjet prerës, në zonën e quajtur “Astiri”.

Po punohet për identifikimin dhe kapjen e autorit të dyshuar.

Pas plagosjes në astir ai ka shkuar në Paskuqan në banesën familjes Hysja, ku ka plagosur me armë zjarri shtetaset Elena Hysa, 35 vjeçe, dhe Kujtime Hysa, 60 vjeçe (ish-bashkëjetuesja e tij dhe nëna e saj) dhe ka vrarë me armë zjarri shtetaset, Mevlute Hysa 30 vjeçe, (motra e ish-bashkëjetueses së tij) dhe Hasime Dafku 30 vjeçe, (e fejuara e vëllait të ish-bashkëjetueses).

Autori i dyshuar është shpallur në kërkim dhe vijon puna për kapjen e tij.

/AlbEu.com/

The post Policia me “duar të lidhura”, Dan Hutra plagosi më herët të dashurën dhe i grabiti paratë, u end i lirë deri sa kreu masakrën në Paskuqan appeared first on Albeu.com.