Ata dyshohet se kanë kryer të paktën 110 grabitje mes provincave si Venezia, Treviso e Padova.

Shtetasit e arrestuar janë: Shpëtim Skënderi, 28 vjeç; Dilaver Veliu, 26 vjeç; Elson Shera, 33 vjeç dhe Eriksid Hasimaj, i cili mbushi 30 vjeç ditën e arrestimit.

Prangosja e tyre u bë në zonën e quajtur Bassa.

Si funksiononte grupi i shqiptarëve?

Mediat italiane shkruajnë se ata punonin gjithmonë të katër. Tre hynin në aksion në shtëpinë e zgjedhur për tu grabitur, ndërsa i katërti qëndronte i gatshëm në makinë në mënyrë që t’i largonte sa më shpejt nga vendi i ngjarjes. Detyra e tyre ishte të gjenin fillimisht vila në zona të izoluara. Ata bënin një vrimë në anën e dorezës së dritares anësore duke përdorur  një shpuese të vogël që nuk bënte zhurmë dhe e kryente punën shumë shpejt.

Të paarmatosur, këta hajdutë hynin e dilnin në heshtje nga vilat dhe brenda pak sekondave kishin në duart e tyre para, bizhuteri, flirnj e sende të shtrenjta. Shumë herë ata arrinin të bënin edhe tetë “goditje” brenda një nate.  Midis shtatorit dhe tetorit ata grabitën: në zonën veneciane (në San Donà, Pramaggiore, Concordia, Martellago, Annone, Mira, Cinto); në zonën e Trevisos (Santa Lucia di Piave, Cappella Maggiore, Arcade, Salgareda, Vittorio Veneto); në Pordenone (Azzano Decimo, Fiume Veneto, Chions)./albeu.com/

The post Bënin “namin” me vjedhje vilash, policia italiane “zbardh” strategjinë e 4 shqiptarëve dhe i burgos appeared first on Albeu.com.