Rexha ka thënë para uniformave blu, se krimin nuk e kishte planifikuar më parë. Burime për AlbEu.com, bëjnë me dije se ai ëhstë shprehur para hetuesve, se pak para se të kryente krimin ka qenë duke bërë xiro në Kavajë në makinë bashkë me një mikun e tij.

Në ato momente ka parë Arjan Gosën dhe babain e tij ulur në kafe, dhe më pas ka zbritur nga makina, ka nxjerrë pistoletën dhe ka qëlluar.

Pas krimit ai është larguar sërish me makinë me mikun e tij, i cili e ka shoqëruar deri në dalje të qytetit. Dyshohet se gjatë këtyre dy ditëve Rexha ka qenë i fshehur në Kukës.

Ai u vetëdorëzua pas bisedave të bëra me familjarët, të cilët i kërkuan policisë kohë për të realizuar dorëzimin e tij.

“Në vijim të veprimeve kërkimore të kryera nga strukturat e Komisariatit të Policisë Kavajë dhe ato të DVP Tiranë, për kapjen e autorit të vrasjes së shtetasit A. G., të kryer më datë 21.05.2023, ju informojmë se:

Krahas kërkimeve intensive të zhvilluara për kapjen e shtetasit Habib Rexha, strukturat e Policisë negociuan dhe me familjarët me qëllim dorëzimin e këtij shtetasi.

Si rezultat i veprimeve kërkimore, pamundësisë së largimit dhe negociatave me familjarët, shtetasi Habib Rexha u vetëdorëzua në Komisariatin e Policisë Kavajë.

Në bashkëpunim me Prokurorinë, vijojnë veprimet hetimore për dokumentimin e plotë ligjor të kësaj ngjarjeje.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme“, thuhet në njoftimin e policisë.

Arjan Gosa u ekzekutua me plumb në kokë teksa ishte duke konsumuar kafe me të atin në një lokal në Kavajë. Shkak i ngjarjes dyshohet se është hakmarrja.

Habib Rexha është vëllai i Altin Rexhës, i cili së bashku me Edmond Gosën (vëllain e Arjan Gosës) humbën jetën pas një konflikti banal me njëri-tjetrin.

The post “E pashë dhe e vrava …”, zbardhet dëshmia e Habib Rexhës në polici pasi u vetëdorëzua appeared first on Albeu.com.

Gazetari Koka u ndal tek vrasja e dyfishtë në Kavajë, teksa ka dhënë edhe detaje të reja. Sipas gazetarit Koka, fëmija i Altin Rexhës, është plagosur me thikë dhe ka marrë katër qepje. Gjithashtu ai theksoi se familjarët e Rexhës dyshojnë se Gosa mund të jetë ndihmuar edhe nga dikush tjetër, dhe për këtë kërkojnë zbardhjen e plotë të ngjarjes.

Vrasja në Kavajë

Spartak Koka: Ka pasur edhe konflikte të tjera. Iniciuesi i të gjithë konflikti është Armand Gosa. Një personazh problemat në qytetin e Kavajës, Armand Gosa ka arritur të lëvizë lirshëm. Altin Rexha, baba i dy fëmijëve që punonte në Kavajë, kishte marrë lejen e punës për të emigruar në Itali. Altin Rexha, apo  njohur ndryshe edhe si Sali Rexha ka qenë me djalin kur Armand Gosa ka qenë duke e pritur. Gosa i ka zënë rrugën.

Ditën e fundit Armand Gosa shprehej tek njerëzit, ‘unë do ta vras atë malokun’. Tani strukturat kanë marrë dijeni lidhur me këtë ngjarje. Rexha duke e ditur se Gosa edhe pse kryente vrasje sërish shpëtonte i lirë. Në pamjet u pa edhe djali i Altin Rexhës.

Duke u ndjerë i kërcënuar dhe faktin se Gosa fut dorën në pjesën e brendshme ku kishte thikën, Altin Rexhën mbush pistoletën për vetëmbrojtjen dhe i ka thënë jam me djalin. Të dërgoj djalin në shtëpi dhe të sqarohemi. Por Edmond Gosa nuk është larguar.

Pasi e ndajnë nga sherri persona të tjerë, Altin Rexha tenton të largohet dhe është sërish Edmond Gosa që tenton t’i afrohet dhe kërcënon ta vrasë. Altin Rexha është qëlluar nga pas. Dhe si pasojë e goditjes me thikë ndaj Altin Rexhës ka mbetur i plagosur me thikë djali i Altin Rexhës dhe ka katër qepje në krahë. Janë 11 thika që ia janë ngulur Altin Rexhës.

Ka dyshime të forta se si ka mundësi është qëlluar 11 herë dhe familjarët e Altin Rexhë kanë dyshime se Edmond Gosa është ndihmuar edhe nga të tjerë. Problematika është edhe fakti se ambulanca ka ardhur me vonesë.

The post “Do ta vras malokun”, sherri me dy viktima në Kavajë, gazetari: Edhe djali i Altin Rexhës mbeti i plagosur me thikë appeared first on Albeu.com.