google translate Archives - Albeu.com

E dhunoi partneri, 28-vjeçarja shqiptare gjen shpëtim falë “Google Translate”

K Agaj — Wed, 18 Jan 2023 12:14:40 +0000

“Google Translate” është bërë shpëtimi për një 28 vjeçare shqiptare që jeton në Kretë të Greqisë ka kërkuar ndihmë pasi është dhunuar fizikisht nga partneri i saj 44 vjeçar.

Ajo shkoi në një kafene pranë banesës, duke kërkuar ndihmë, shkruajnë mediat greke.

E reja, e cila nuk dinte greqisht, përmes shërbimit Google Translate ka kërkuar ndihmë. 44 vjeçari po e kërkonte dhe kontaktoi policinë pasi kishte frikë se mos arrestohej pasi ajo nuk ka dokumente.

Megjithatë, pasi shqiptarja bëri denoncimin, policia arrestoi 44-vjeçarin për dhunë në familje.

E reja ndodhet në vendin fqinj dokumentet e nevojshme, megjithatë si viktimë e dhunës në familje mbrohet me ligj dhe nuk do të nisë procedura e dëbimit. /albeu.com

The post E dhunoi partneri, 28-vjeçarja shqiptare gjen shpëtim falë “Google Translate” appeared first on Albeu.com.

Google Translate nuk do të përdoret më në Kinë

E S — Tue, 04 Oct 2022 17:33:51 +0000

Google Translate, një nga shërbimet e pakta të mbetura që gjiganti amerikan i teknologjisë e kishte bërë të disponueshëm në Kinë, më nuk do të jetë në këtë vend, duke shënuar tërheqjen e fundit nga tregu më i madh botëror i internetit.

Aplikacioni nuk ka qenë i përdorshëm për përdoruesit kinezë që nga e shtuna. Ata janë ridrejtuar në një skedar të përgjithshëm të kërkimit, me një njoftim ku përdoruesve u kërkohet që ta ruajnë ueb-faqen e shërbimit në Hong Kong, e cila gjithashtu nuk është e akseseueshme nga pjesa qendrore e Kinës, raportojnë mediet kineze.

Funksioni i brendshëm i përkthimit në shfletuesin e Google Chrome është bërë gjithashtu i padisponueshëm në këtë vend, kjo sipas disa posteve të përdoruesve në një rrjet social kinez.

The post Google Translate nuk do të përdoret më në Kinë appeared first on Albeu.com.

Google Translate shton 24 gjuhë të reja

E B — Thu, 12 May 2022 07:19:38 +0000

Gjiganti global i teknologjisë Google ka shtuar 24 gjuhë të reja të folura nga më shumë se 300 milionë njerëz në platformën e tij Google Translate.

Dhjetë nga shtesat e reja janë në Afrikë, duke përfshirë Lingala, Twi dhe Tigrinya.

“Për vite me radhë, Google Translate ka ndihmuar në thyerjen e barrierave gjuhësore dhe lidhjen e komuniteteve në të gjithë botën,” tha kompania me bazë në SHBA.

Ai shtoi se tani dëshiron të ndihmojë ata, gjuhët e të cilëve “nuk janë të përfaqësuara në shumicën e teknologjisë”.

Gjuhët e reja variojnë nga Bhojpuri, i cili flitet nga rreth 50 milionë njerëz në Indinë veriore, Nepal dhe Fixhi, deri në Dhiveri me rreth 300,000 folës në Maldive.

Lëvizja e çon tani në 133 numrin e përgjithshëm të gjuhëve të disponueshme në Google Translate./albeu.com

The post Google Translate shton 24 gjuhë të reja appeared first on Albeu.com.