Sitet tona kulturore kanë mirëpritur 569,089 vizitorë gjatë periudhës janar-qershor 2025. Rritja llogaritet në 74% krahasuar me vitin 2023, ndërsa sa i përket të ardhurave, ato janë shtuar me 119% krahasuar po me 2023-shin.

5 destinacionet e preferuara të vizitorëve janë:

1.Parku Arkeologjik Butrint, me 105,623 vizitorë

2.Kalaja Gjirokastër, me 92,999 vizitorë

3.Parku Arkeologjik Shkodër, me 79,885 vizitorë

4.Muzeu “Gjergj Kastrioti” Krujë, me 74,636 vizitorë

5.Parku Arkeologjik Apoloni, me 58,059 vizitorë

Pjesa më e madhe e turistëve, duket se preferojnë të vizitojnë parqet arkeologjike, më pas renditen muzetë kombëtarë dhe kalatë e monumentet e tjera të kulturës.

Me nisjen e sezonit turistik, oraret e vizitave janë zgjatur deri në orën 19:00 në të gjitha sitet kulturore.

The post Blendi Gonxhe: Mbi 560 mijë vizitorë në sitet kulturore, 74% më shumë se në vitin 2023 appeared first on Albeu.com.

Raportohet se Jorida Tabaku, ka marrë një numër të lartë votash, 590 në këtë njësi.

Te Lëvizja bashkë, Blerta Aliaj, ka marrë 95 vota. Lulzim Basha nga Koalicioni Euro-Atlantik në njësinë 10 ka marrë 29 vota.

Sa i përket PS-së, Blendi Gonxhe, ka arritur të marrë 5080 vota, Fatmir Xhafaj, ka marrë 1722 vota, Erion Braçe, ka marrë 624 vota. Ervin Hoxha, ka marrë 376 vota.

The post Njësia 10 në Tiranë/ Ja cilët janë kandidatët që kanë arritur të marrin më shumë vota appeared first on Albeu.com.

Bonusin prej 10 mijë lekësh e marrin 524 mijë pensionistë.

Qeveria ka ndryshuar për të tretën herë buxhetin e këtij viti duke shpërndarë 6.3 miliardë mbështetje për të moshuarit.

Pas përfundimit të mbledhjes së qeverisë ministri Ekonomisë, Kulturës dhe Inovacionit, Blendi Gonxhe, tha se qeveria miratoi sot bonusin e pranverës.

Ai tha se pensionistët që marrin pension më të ulët se 20 mijë lekë do të marrin bonus 10 mijë lekë, ndërsa ata që marrin pension mbi 20 mijë lekë do të përfitojnë bonus 5 mijë lekë.

Ministri Blendi Gonxhe: Miratuam bunusin e pranverës për pensionistët e Shqipërisë. Ky bonus do shpërndahet 10 mijë lekë për ata që marrin pension më të ulët se 20 mijë lekë në muaj dhe 5 mijë lekë do marrin pensionistët që marrin mbi 20 mijë lek pension në muaj.

Kryeministri Rama, lajmëroi në nëntor të vitit të kaluar një bonus të dytë, pas atij të fundvitit.

The post Qeveria miraton bonusin e pranverës për pensionistët/ Gonxhe njofton datën e shpërndarjes, ja cila është shuma dhe kategoritë që pëfitojnë appeared first on Albeu.com.

Ai u shpreh se synim i indeksimit, është të ruhet fuqia blerëse dhe sfidë për qeverinë mbetet rritja e pensioneve, diskutimi për të cilin do të nisë në mes të muajit tetor.

“Vendimi i qeverisë për indeksimin e pensioneve 4.1 përqind. Nis me pagesat e muajit tetor. Përfitojnë 791 257 pensionistë, sipas numrit aktual të ndarë në këto dy kategori, pensione nga skema e detyrueshme dhe pensione nga programe e trajtime të veçanta si ushtarakët apo punonjësit e minierave.

Sa i përket indeksimit të pensioneve, efektet llogaritet në 1.693 milion vetëm për tre muajt e 2024

Synim i indeksimit është të ruhet fuqia blerëse. Qeveria i ka në fokus, sfidë që të rrisim të ardhurat e pensionistëve që të kemi një jetë sa më të denjë për ta. Po studiojmë mënyrat që të kemi një rishikim të skemës dhe mundësive për të patur një rritje, duke nisur me rritjen e bonusit të fundvitit. Në mes të tetorit nis një proces ku do të shihet rishikimi i pensioneve”, u shpreh ai.

The post Ministri Gonxhe: Nga 1 Tetori nisin pagesat për indeksimin e pensioneve, ja kush përfiton appeared first on Albeu.com.

Gjithashtu, Gonxhe shprehet se ky vit ka pasur 11 përqind më tepër regjistrime, sesa viti i mëparshëm akademik.

Ministri theksoi se degët më të preferuara nga nxënësit janë hoteleri turizmi, por edhe teknologjia e informacionit.

“Arsimi dhe formimi profesional ofrohet nga 29 shkolla profesionale dhe 10 qendra të formimit profesional në të gjithë vendin. 14,700 nxënës ndjekin arsimin e mesëm profesional publik për vitin shkollor për vitin 2023-2024. Janë regjistruar për herë të parë, 4709 nxënës, 11% më shumë se një vit më parë.

Programet më të kërkuara për vitin 2024, janë hoteleri turizëm, teknologji informacioni. 8 ofrues ofrojnë edhe kualifikime profesionale. 60% e nxënësve që janë diplomuar, janë punësuar. Nga qendrat e formimit profesional, janë ofruar 71 kurse të formimi profesional, janë regjistruar 15 mijë kursantë. Gjatë vitit 2023, është zbatuar programi i kodimit. Prioritet ka mbetur ofrimi i kushteve të IT. Në zbatim të planit kombëtar, garancia rinore është lançuar në tetor të vitit të kaluar. Ka nisur zbatimi i të nxënit në vendin e punës. Kemi pasur mbështetjen e partnerëve tanë. BE vijon mbështetjen, përmes IPA 2 dhe IPA 3”, u shpreh Gonxhja.

The post Arsimi profesional, Gonxhe: 11 përqind nxënës se një vit më parë, degët më të kërkuara appeared first on Albeu.com.

Teksa aktualisht drejton DPSHTRR, Gonxhe shkruan se kjo është një përgjegjësi e re për të shërbyer për më shumë qytetarë e sektorë në vend.

Reagimi:

“Jam thellësisht i nderuar për vlerësimin e besimin e Kryeministrit Rama në këtë emërim kaq sfidues! Një privilegj që vjen me përgjegjësi të jashtëzakonshme e përkushtimin për të punuar me pasion e përulësi për të shërbyer me ide e zgjidhje për më shumë qytetarë e sektorë në vend”, shkruan Gonxhe.

Ditën e djeshme, kreu i qeverisë njoftoi ndryshime ne kabinetin qeveritar, ku duke bërë me dije formimin e ministrisë së Ekonomisë, Kulturës dhe Inovacionit.

Kështu, shkrihet ministria e Kulturës, me Elva Margaritin që largohet nga kabineti, ndërsa zvogëlohet portofoli i Ervin Metes, i cili tashmë do të jetë ministër vetëm i Financave.

Kryeministri i ka dërguar Presidentit Bajram Begaj, dekretin për emërimin e Blendi Gonxhes.

The post Rama e propozoi si ministër Ekonomie, Kulture e Inovacioni, reagon Gonxhe: Privilegj dhe përgjegjësi e jashtëzakonshme appeared first on Albeu.com.

Ai tha se statistikisht Shqipëria është shumë mirë dhe se në ktahasim me vendet e rajonit jemi përpara Rumanisë, Bullgarisë, Kroacisë e Serbisë.

Më tej Gonxhe tha se Shqipëria është më afrë standarteve të BE-së se sa shtetet e sipërpërmendura.

“Statistikisht, ne nuk jemi keq, jemi shumë mirë. Në krahasim me vendet e rajonit, ne jemi edhe përpara Rumanisë, Bullgarisë, Kroacisë e Serbisë. Jemi më afër standardeve të Bashkimit Evropian se këto shtete, për një vend që ka 20 vjet edukatë dhe kulturë të të pasurit një mjet privat dhe për një vend që nuk ka 120 automotorizim“, theksoi ai./albeu.com/

The post Siguria rrugore në Shqipëri, Gonxhe: Nuk jemi keq, ia kalojmë Serbisë dhe Bullgarisë appeared first on Albeu.com.