gomisteri Archives - Albeu.com

Vdekja e 23 vjeçarit në gomisteri, merret vendimi për pronarin

admin — Fri, 09 Jul 2021 19:25:24 +0000

Gjykata e Durrësit ka caktuar masën e sigurisë ‘arrest me burg’ për pronarin e gomisterisë ku humbi jetën punonjësi 23-vjeçar Rafael Talaj.

Pak pas ngjarjes së rëndë, të ndodhur më 6 korrik policia arrestoi pronarin e gomisterisë në zonën e Kënetës, Xhemal Dukën.

Mësohet se Rafael Talaj humbi jetën në vendin e tij të punës pas një incidenti që ndodhi gjatë momentit kur frynte gomën e një kamioni, e cila shpërtheu duke i shkaktuar atij vdekjen. Pronari i gomisterisë akuzohet për “Shkelja e rregullave të mbrojtjes në punë”.

The post Vdekja e 23 vjeçarit në gomisteri, merret vendimi për pronarin appeared first on Albeu.com.

Vdekja e punëtorit 23-vjeçar në Durrës, arrestohet pronari i gomisterisë, nën hetim shoferi i ambulancës

E B — Wed, 07 Jul 2021 07:05:59 +0000

Ditën e djeshme humbi jetën tragjikisht një 23-vjeçar ndërsa po ndërronte gomën e një kamioni në gomisterinë ku punonte në Durrës.

Sot policia ka vënë në pranga pronarin e gomisterisë Xh. D., 54 vjeç, për veprën penale “Shkelja e rregullave të mbrojtjes në punë”, dhe është proceduar shoferi i ambulancës, pasi dyshohet se është vonuar për të shkuar në vendngjarje, duke sjellë vonesë për dhënien e ndihmës së parë.

Njoftimi i policisë:

Nga specialistët për Hetimin e Krimeve në Komisariatin e Policisë Durrës u arrestua në flagrancë për veprën penale “Shkelja e rregullave të mbrojtjes në punë”, shtetasi Xh. D., 54 vjeç, banues në Durrës, pasi ditën e djeshme, në gomisterinë në pronësi të tij, si pasojë e një shpërthimi të një gome, humbi jetën shtetasi R. T., 23 vjeç (punonjës). Për këtë rast është proceduar penalisht për veprën penale “Shpërdorim detyre”, shtetasi T. L., 37 vjeç, banues në Durrës (shoferi i ambulancës), pasi dyshohet se është vonuar për të shkuar në vendngjarje, duke sjellë vonesë për dhënien e ndihmës së parë./albeu.com

The post Vdekja e punëtorit 23-vjeçar në Durrës, arrestohet pronari i gomisterisë, nën hetim shoferi i ambulancës appeared first on Albeu.com.

I shpërthen goma e kamionit, humb jetën 20-vjeçari që punonte në gomisteri

E B — Tue, 06 Jul 2021 07:26:54 +0000

Një 20-vjeçar ka humbur jetën sot në Durrës, në vendin e punës. Ndërsa po rregullonte një kamion, ka shpërthyer goma dhe për pasojë është lënduar rëndë. Për shkak të plagëve të marra, i riu ka humbur jetën

Njoftimi i policisë:

Durrës/Informacion paraprak

Më datë 06.07.2021, rreth orës 08:50, në lagjen nr.14/1, Kënetë, në ambientet e një gomisterie, duke rregulluar një gomë të një kamioni e cila ka shpërthyer, është lënduar shtetasi R. T., 20 vjeç, (punonjës), i cili si pasojë e plagëve të mara ka ndërruar jetë.

Grupi hetimor ndodhet në vendngjarje dhe po punon për zbardhjen e rrethanave të ngjarjes.

The post I shpërthen goma e kamionit, humb jetën 20-vjeçari që punonte në gomisteri appeared first on Albeu.com.