KFOR-i ka vendosur të fillojë kalimin gradual të pranisë së përhershme nga ura kryesore mbi lumin Ibër në Mitrovicë, ndërsa në Manastirin e Deçanit Policia e Kosovës do të përfshihet hap pas hapi në arkitekturën e sigurisë së misionit ndërkombëtar. Ky zhvillim po konsiderohet me rëndësi të veçantë për Kosovën, pasi ka hapur debat rreth fuqizimit të institucioneve vendore dhe përgjegjësisë së tyre për garantimin e sigurisë në të gjithë territorin e vendit.

Juristi nga Belgjika, Skënder Musliu, duke folur për “Bota sot”, e cilësoi këtë lëvizje të KFOR-it si një vlerësim të rëndësishëm për institucionet shtetërore dhe, në mënyrë të veçantë, për Policinë e Kosovës.

Sipas Musliut, nuk bëhet fjalë për një vendim të papritur, por për përfundimin e një procesi të gjatë analizash dhe vlerësimesh të zhvilluara nga KFOR-i dhe NATO-ja, në bashkëpunim me institucionet e Kosovës.

Ai tha se, pavarësisht zhvillimeve që i quajti destruktive nga opozita në Kuvendin e Kosovës, KFOR-i dha ditë më parë një lajm pozitiv. Musliu kujtoi se misioni ndërkombëtar, pasi e kishte ruajtur për 27 vite urën mbi lumin Ibër, vendosi që këtë angazhim t’ia kalojë gradualisht në kompetencë Policisë së Kosovës. Po ashtu, ai theksoi se KFOR-i njoftoi për integrimin gradual të Policisë së Kosovës edhe në Manastirin e Deçanit.

Musliu beson se ky hap është ndërmarrë vetëm pas shqyrtimit të hollësishëm të gjendjes së sigurisë dhe pas një bashkëpunimi të vazhdueshëm me autoritetet kosovare.

Duke iu referuar deklaratave që e paraqitën lajmin si befasi, ai u shpreh se, sipas vlerësimit të tij, vendimi ishte përgatitur më herët mbi bazën e analizave të shumta të ekspertëve ushtarakë dhe të sigurisë të KFOR-it dhe NATO-s. Ai shtoi se procesi është zhvilluar gjithashtu përmes konsultimeve dhe punës së vazhdueshme me institucionet e Kosovës.

Një nga sinjalet kryesore të këtij vendimi, sipas juristit, është vlerësimi i KFOR-it dhe NATO-s se siguria në Kosovë është përmirësuar dhe se Policia e Kosovës i zotëron kapacitetet e nevojshme për të marrë më shumë përgjegjësi.

Musliu tha se KFOR-i dhe NATO-ja kanë arritur në përfundimin se paqja dhe siguria në Kosovë kanë shënuar përmirësim të dukshëm. Sipas tij, Policia e Kosovës është vlerësuar si e aftë, profesionale dhe e trajnuar mirë për ta menaxhuar situatën në urën e Ibrit, e cila ndër vite ka qenë pikë përplasjesh dhe tensionesh ndëretnike.

Ai e interpreton vendimin edhe si një sinjal politik me peshë për institucionet kosovare, veçanërisht përballë pretendimeve se politika e Qeverisë Kurti ndaj veriut dhe çështjeve të sigurisë i ka vënë në rrezik raportet me partnerët ndërkombëtarë.

Sipas Musliut, besimi që KFOR-i po u jep institucioneve të Kosovës rrëzon akuzat dhe propagandën e opozitës dhe të disa mediave, të cilat pretendojnë se Kurti po rrezikon paqen e stabilitetin dhe po dëmton marrëdhëniet me faktorin ndërkombëtar.

Duke trajtuar rëndësinë e urës mbi lumin Ibër, Musliu nënvizoi se për shumë vite ajo nuk përfaqësonte vetëm një objekt që bashkonte dy pjesët e Mitrovicës. Sipas tij, ura ishte shndërruar edhe në simbol të ndarjes politike dhe institucionale të Kosovës.

Ai tha se pesha e zhvillimit të fundit mund të kuptohet më mirë duke parë zanafillën e problemeve në veri dhe periudhën e gjatë gjatë së cilës institucionet e Kosovës kishin mundësi të kufizuara veprimi në atë pjesë të territorit.

Musliu rikujtoi se, nga paslufta deri në vitet e fundit, ura mbi Ibër simbolizonte ndarjen e pjesës veriore të Kosovës, ku institucionet shtetërore nuk e ushtronin plotësisht sovranitetin. Në atë zonë vepronin struktura paralele serbe, ndërsa ndikimi i Beogradit, për një kohë të gjatë, ishte shumë i madh.

Sipas tij, veriu është përballur ndër vite me probleme të shumta të sigurisë, me krimin e organizuar dhe me funksionimin e strukturave paralele. Musliu përmendi edhe sulmin terrorist në Banjskë, duke e renditur atë ndër dëshmitë më të rënda të kërcënimeve që kanë ardhur nga kjo pjesë e territorit.

Ndryshimet e viteve të fundit në veri, sipas tij, duhen analizuar gjithashtu në kuadër të rikthimit të autoritetit të institucioneve të Kosovës në atë zonë të vendit.

Musliu deklaroi se ardhja e Albin Kurtit në pushtet solli ndryshime të shumta. Ai përmendi mbylljen e institucioneve paralele, goditjen e strukturave ilegale dhe rivendosjen e autoritetit të institucioneve të Republikës së Kosovës. Sipas tij, Qeveria Kurti jo vetëm e hapi urën mbi lumin Ibër, por ndërtoi dhe vuri në funksion edhe ura të tjera, ndërsa ka paralajmëruar ndërtimin e urave të reja.

Kalimi në mënyrë graduale i përgjegjësive nga KFOR-i te Policia e Kosovës, sipas Musliut, duhet parë para së gjithash si një përparim institucional në të mirë të shtetit, ndonëse në aspektin politik mund të vlerësohet edhe si një arritje e rëndësishme e qeverisë së tanishme.

Ai theksoi se zhvillimi nuk duhet t’i atribuohet vetëm suksesit të një partie apo të një qeverie, sepse në radhë të parë përbën një hap institucional në interes të shtetit të Kosovës. Megjithatë, Musliu vlerësoi se politikat e Qeverisë Kurti në veri kanë ndihmuar në krijimin e rrethanave që u mundësojnë institucioneve kosovare të marrin përgjegjësi më të mëdha.

Në këtë kuadër, ai kritikoi edhe reagimin e opozitës dhe të një pjese të mediave ndaj njoftimit të KFOR-it, duke thënë se një ngjarje e tillë meritonte hapësirë më të madhe në vëmendjen publike.

Musliu u shpreh se lajmi pozitiv i KFOR-it duhej të ishte trajtuar si kryelajm nga mediat, por, sipas tij, opozita dhe një pjesë e mediave zgjodhën ta heshtnin. Ai shtoi se, në vend që të vlerësohet besimi gjithnjë më i madh që një institucion ndërkombëtar si KFOR-i po u jep institucioneve të Kosovës, diskutimi politik shpesh kufizohet vetëm te përplasjet mes partive.

Juristi nga Belgjika vlerësoi se vendimi përçon një mesazh të drejtpërdrejtë edhe për Beogradin dhe për aktorët politikë që e kundërshtojnë fuqizimin e institucioneve kosovare: përgjegjësia për sigurinë brenda territorit të Kosovës po u kalon gjithnjë e më shumë institucioneve të Republikës së Kosovës.

Sipas tij, mesazhi është se institucionet kosovare po fitojnë besim dhe po marrin përgjegjësitë që u takojnë në sektorin e sigurisë. Musliu tha se kjo ka rëndësi si për qytetarët e Kosovës, ashtu edhe për marrëdhëniet e vendit me partnerët ndërkombëtarë, ndërsa për Beogradin dëshmon se realiteti institucional në Kosovë nuk mund të kthehet prapa.

Në përfundim, Musliu bëri thirrje që vendimi i KFOR-it të trajtohet nga politika kosovare përtej interesave të ngushta partiake, ndërsa konsolidimi i institucioneve të shihet si një proces shtetëror.

Ai tha për “Bota sot” se institucionet dhe partitë politike duhet ta vlerësojnë këtë hap përtej interesave të momentit. Megjithëse mund të ekzistojnë dallime politike rreth mënyrës së qeverisjes, Musliu theksoi se vlerësimi i KFOR-it se Policia e Kosovës është e përgatitur të marrë përgjegjësi më të mëdha duhet konsideruar, mbi të gjitha, lajm i mirë për shtetin e Kosovës. Sipas tij, kjo dëshmon se institucionet po konsolidohen, ndërsa sovraniteti dhe përgjegjësia shtetërore po fuqizohen.

The post Musliu pas lëvizjes së KFOR-it: Vendimi nuk erdhi rastësisht, bie propaganda e opozitës ndaj Kurtit appeared first on Albeu.com.

Presidenti i Serbisë, Aleksandar Vuçiq, deklaroi së fundi se Milan Radoiçiq, i cili ka pranuar përgjegjësinë për sulmin e armatosur ndaj Policisë së Kosovës në Banjskë të Zveçanit në shtator të vitit 2023 dhe për të cilin Interpoli ka shpallur njoftim të kuq, nuk po hetohet për ndonjë vepër konkrete penale. Sipas Vuçiqit, rasti ndaj tij lidhet me “çështjen e Kosovës” dhe jo me krime të mirëfillta.

Kjo deklaratë e rikthen sërish Milan Radoiçiqin në fokusin e debatit politik dhe juridik ndërkombëtar, ndërsa shtohen pikëpyetjet për mënyrën se si po trajtohet çështja e tij dhe për përgjegjësinë lidhur me sulmin në Banjskë. Njëkohësisht, kjo situatë thellon dilemat për raportin e Serbisë me mekanizmat e drejtësisë dhe për mundësinë që Radoiçiq të dalë para drejtësisë.

Për këtë çështje ka folur për “Bota sot” avokati serb Cedomir Stojkoviq, i cili u shpreh se Radoiçiq, në bashkëpunim me shërbimet sekrete të Serbisë, organizoi një sulm ndaj Kosovës me synimin për të krijuar një skenar të ngjashëm me “Donbasin”.

Ai theksoi se që në fillim kishte qenë e dukshme se Vuçiq nuk do të vepronte për arrestimin e Radoiçiqit.

“Menjëherë pasi Milan Radoiçiq, së bashku me shërbimet sekrete të Serbisë, organizoi një sulm terrorist në Kosovë me qëllim krijimin e një skenari ‘Donbas’ bazuar në agresionin e Putinit në Ukrainë – unë njoftova publikisht se procedurat penale kundër tij në Serbi janë thjesht një Roshomoniyad dhe një shfaqje për bashkësinë ndërkombëtare. Që në fillim ishte e qartë se Vuçiq nuk do ta arrestonte Radoiçiqin – sepse Vuçiq e punësoi Radoiçiqin për të kryer sulmin në Banjskë”, deklaroi ai.

Stojkoviq tha gjithashtu se, pasi plani u zbulua dhe skenari “Donbas” në Kosovë dështoi, Vuçiq nisi përpjekjet për të krijuar distancë publike nga Radoiçiq përpara bashkësisë ndërkombëtare. Sipas tij, në këtë kuadër u hap edhe hetimi në Beograd, të cilin ai e cilëson të inskenuar dhe të ndërtuar për të prodhuar një narrativë politike.

Sipas avokatit serb, këto lëvizje nuk janë ndërmarrë për ta ndëshkuar Radoiçiqin, por për të menaxhuar imazhin e pushtetit dhe për t’iu shmangur përgjegjësisë.

“Kur u zbulua plani dhe kur skenari ‘Donbas’ në Kosovë u parandalua nga aktiviteti i shërbimeve të sigurisë së Kosovës – atëherë Vuçiq u përpoq ta shpëlajë veten nga Radoiçiq para publikut të bashkësisë ndërkombëtare. Kjo është arsyeja pse ai urdhëroi prokurorinë në Beograd, të cilën ai e kontrollon, të fillonte një hetim fiktiv kundër Radoiçiqit – me vetëm një qëllim – ta bënte atë një shfaqje cirku për politikanë naivë në Perëndim. Politikanëve naivë në Perëndim, Vuçiq u pohoi: ‘Nuk kam të bëj fare me Banjskën, as me Radoiçiqin – shikoni, prokuroria në Beograd po zhvillon procedura kundër Radoiçiqit’, por kjo ishte një gënjeshtër. Në fakt është e vërtetë që Vuçiq e organizoi Banjskën përmes Radoiçiqit – dhe më pas, për të fshehur lidhjet e tij me të, urdhëroi fillimin e procedurave kundër tij – por në një mënyrë të tillë që Radoiçiq të mos arrestohej kurrë dhe që vendimi kundër tij të mos jepej kurrë në Serbi. Kjo është arsyeja pse procedurat kundër Radoiçiqit në Serbi janë të rreme që nga fillimi – sepse ato nuk synojnë dënimin e tij, por shpëtimin e Vuçiqit në bashkësinë ndërkombëtare. E pohova këtë në vitin 2023, dhe tani, tre vjet më vonë, mund ta shihni sa të drejtë kisha – Radoiçiq është ende një njeri i lirë, siç pretendova se do të ishte, dhe do të jetë kështu për sa kohë që Vuçiq është në pushtet – sepse ai kontrollon edhe gjykatën dhe prokurorinë. Në Serbi nuk ka gjyqësor të pavarur”, shtjelloi avokati serb.

Më tej, ai nënvizoi se, sipas vlerësimit të tij, pothuajse tre vjet pas ngjarjes në Banjskë, presidenti Vuçiq po sillet gjithnjë e më i relaksuar ndaj kësaj çështjeje, për shkak se ajo po zbehet si në opinionin publik, ashtu edhe në atë ndërkombëtar.

Stojkoviq theksoi se kjo, sipas tij, e ka shtyrë Vuçiqin të thotë se Radoiçiq nuk ka kryer asnjë krim, ndonëse nga ajo ngjarje pati viktima. Ai shtoi se incidenti, sipas tij, ishte pjesë e një skenari më të gjerë të përgatitur për veprime të natyrës ushtarake.

“Tani që kanë kaluar gati tre vjet që atëherë, Vuçiq ndihet më i qetë për Banjskën, sepse vëren se Banjska po harrohet gjithnjë e më shumë – dhe për këtë arsye ai tani po thotë gjithnjë e më shumë se Radoiçiq nuk kreu asnjë krim edhe pse njerëzit vdiqën për shkak të sulmit terrorist në Banjskë. Edhe pse është gabim ta quash atë sulm ‘sulm terrorist’, ai ishte një përgatitje për pushtimin ushtarak të Kosovës përmes grupit paramilitar të Milan Radoiçiq, një grup i organizuar nga shërbimi sekret serb i komanduar nga Vuçiq. Ai pushtim ishte planifikuar sipas modelit të Putinit në Donbas në 2014 dhe 2022.

Kjo është arsyeja pse tani është më e rëndësishme se kurrë që bashkësia ndërkombëtare të kujtohet për këtë – sepse qëllimet e Aleksandar Vuçiq janë gjithmonë të njëjta – vetëm rrethanat ndërkombëtare janë të ndryshme tani. Qëllimi i tij është i njëjtë. Dhe nëse Milan Radoiçiq mbetet i lirë – kjo do të thotë se është e mundur të dërgohen sulme paramilitare në Kosovë pa u ndëshkuar dhe pa frikë – sepse autorët nuk arrestohen kurrë. Dhe nëse Serbia mendon kështu, kjo do të thotë vetëm se e njëjta gjë do të provohet përsëri”, përfundoi Cedomir Stojkoviq për “Bota sot”.

The post Avokati serb akuzon Vuçiqin: Radoiçiq u përdor për sulmin në Banjskë dhe mbrohet nga pushteti appeared first on Albeu.com.

Në një reagim publik, Ngjela shprehet se pakënaqësia qytetare dhe protestat nuk janë kundër Partisë Socialiste, por kanë në shënjestër vetë Ramën. Sipas tij, kreu i qeverisë nuk po arrin të lexojë siç duhet klimën politike dhe qëndrimin e opinionit publik, ndërsa vijon të mbajë drejtimin e partisë pavarësisht kundërshtive.

Sipas Ngjelës, kjo sjellje po i shkakton dëm jo vetëm Partisë Socialiste, por edhe Shqipërisë, pasi mosmarrja parasysh e kërkesave dhe pakënaqësive të protestuesve mund të çojë në rritje të tensioneve shoqërore.

“Protestuesit janë kundër Edi Ramës, por jo kundër Partisë Socialiste”, thekson Ngjela, duke argumentuar se largimi i Ramës nga kreu i partisë do të ishte një lëvizje që do të ndikonte në qetësimin e klimës politike.

Ai paralajmëron se, nëse situata vijon të përkeqësohet dhe protestat marrin përmasa më të mëdha, revolta qytetare mund të mos mbetet më vetëm kundër Ramës, por të drejtohet edhe ndaj Partisë Socialiste. Sipas tij, një zhvillim i tillë do të sillte pasoja më të rënda politike dhe shoqërore për vendin.

Shkrimi i plotë:

Edi Rama nuk e kupton dot se kush është ai dhe cila është Partia Socialiste.

Opinioni publik është ́hedhur në protestë kundër Edi Ramës. Por ai po bën sikur nuk po kupton.

Dhe po e dëmton shumë Partinë Socialiste.

Prandaj duhet të japë dorëheqjen si kryetar i Partisë Socialist.

Dhe kjo po tregon se Rama është patologjik dhe jo politikan.

Protestuesit janë kundër Edi Ramës.

Por jo kundër Partisë Socialiste.

Prandaj Rama duhet të japë dorëheqjen, ngaqë kokfortësia e tij për të qëndruar në krye të Partisë Socialiste, dëmton edhe PS, por edhe Shqipërinë, sepse revolta paqësore e protestuesëve mund ta agravoje gjendjen shoqërore në Shqipëri.

Kurse deri tani protestuesit janë hedhur vetëm kundër Edi Ramës, prandaj…

Po të vijojë me acerim, kjo protestë, e shumuar në numur, protestuesit do të ngrihen edhe kundër Partisë Socialiste.

Atëherë???

The post Ngjela kërkon largimin e Ramës nga drejtimi i PS: Qëndrimi i tij po dëmton partinë dhe vendin appeared first on Albeu.com.

27-vjeçari u arrestua një ditë pas ngjarjes së rëndë ku mbeti i lënduar rëndë turisti gjerman.

Velaj ishte duke lundruar me gomone jashtë perimetrit të sigurisë, ndërsa dispononte edhe dokumentacion të rregullt, ndërsa turisti ka qenë duke u zhytyr në afërsi të gomones, kur është goditur nga helikat.

Për pasojë ka pësuar prerje në gjymtyrët e poshtme dhe në shtyllën kurriozore. Fillimisht ka qenë vetë 27-vjeçari që e ka ndihmuar duke njoftuar dhe policinë kufitare e cila e ka shoqëruar turistin gjerman për në spitalin e Himarës.

The post Goditi me gomone turistin në Gjipe, Gjykata e Vlorë jep vendimin për drejtuesin e mjetit ujor appeared first on Albeu.com.

Policia njofton se e reja pretendon se është goditur me sende të forta nga një person, ngjarje e ndodhur në rrugën Gjon Buzuku në Tiranë.

Blutë bëjnë me dije se ky person është identifikuar por po punohet për zbardhjen e plotë të ngjarjes.

Informacion paraprak

Më datë 27.12.2024, rreth orës 23:40, është paraqitur në spital për ndihmë mjekësore shtetasja K.Ç, 21 vjeçe, e cila deklaron se tek rruga Gjon Buzuku, është goditur me sende të forta nga një shtetas i identifikuar si K.K.

Grupi hetimor po punon për zbardhjen e plotë të rrethanave të ngjarjes dhe dokumentimin e plotë të saj.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

The post “Më goditi…”/ 21-vjeçarja përfundon në spital, çfarë ndodhi në Tiranë appeared first on Albeu.com.

22 vjeçarja, ishte ulur këmbëkryq në skenë në Desert Diamond Arena në Glendale, Ariz, të premten (13 dhjetor), kur ajo që dukej të ishte një byzylyk e goditi në fytyrë teksa performonte këngën e saj “What Was I Made For?”

Eilish hodhi byzylykyn që e goditën dhe më pas vazhdoi të këndonte këngën e saj fituese të Oscarit nga kolona zanore e filmit Barbie.

Artistja filloi turneun e saj Hit Me Hard and Soft në fund të shtatorit.

The post Billie Eilish goditet në fytyrë gjatë koncertit, ja si reagoi këngëtarja appeared first on Albeu.com.

Emigrantët burra mbërritën në portin shqiptar të Shëngjinit me një anije ushtarake të premten, pasi u shpëtuan në ujërat ndërkombëtare ndërsa po përpiqeshin të mbërrinin në Evropë.

Qeveria italiane kishte argumentuar se të gjithë duhet të kthehen në vendet e tyre “të sigurta” në Egjipt dhe Bangladesh. Një burrë që fillimisht ishte pjesë e grupit u dërgua tashmë në Itali, pasi u konsiderua i pambrojtur.

Vendimi i së hënës shënoi herën e dytë që gjyqtarët italianë urdhërojnë kthimin e emigrantëve nga qendra në Shqipëri në Itali, duke ngritur më tej pikëpyetje në lidhje me planet e BE-së për të krijuar qendra të përpunimit të migracionit dhe ndalimit jashtë bllokut.

Qeveria e Italisë, e udhëhequr nga Vëllezërit e Italisë së ekstremit të djathtë të Giorgia Melonit, dënoi me zemërim vendimin e gjyqtarëve të hënën, duke fajësuar “magjistratët e politizuar” që “do të donin të shfuqizojnë kufijtë e Italisë”.

“Një tjetër dënim politik, jo kundër qeverisë, por kundër italianëve dhe sigurisë së tyre”, tha zëvendëskryeministri Matteo Salvini.

Sipas marrëveshjes, burrat nga vendet që konsiderohen “të sigurta” dhe të përgjuar në ujërat ndërkombëtare ndërsa përpiqeshin të kalonin nga Afrika në Evropë, supozohet se do të mbahen në Shqipëri ndërsa kërkesat e tyre për azil janë duke u përpunuar.

Skema, e cila përjashton gratë, fëmijët dhe individët vulnerabël, mund të përpunojë deri në 3,000 burra në muaj.

Megjithatë, që kur qendrat u hapën më 11 tetor, vetëm 24 persona kanë mbërritur në Shqipëri në total dhe, pas vendimit të së hënës, të gjithë do të transferohen në Itali me urdhër të gjyqtarëve që kanë vendosur se nuk mund të kthehen në vendet e tyre të origjinës.

Punonjësit e ndihmës dhe partitë e opozitës sulmuan marrëveshjen Itali-Shqipëri, e përshëndetur nga liderët e ekstremit të djathtë dhe të tjerë në Evropë si një plan potencial për të ardhmen e migracionit, si një “dështim i plotë” dhe “katastrofë financiare”.

“Kjo është historia e një dështimi, e paaftësisë ose mungesës së vullnetit për të menaxhuar fenomenin,” tha Laura Boldrini, një deputete e Partisë Demokratike dhe një ish-zëdhënëse e Komisionerit të Lartë të Kombeve të Bashkuara për Refugjatët për Evropën Jugore.

“Shpresoj që Giorgia Meloni të paktën të ndjejë një siklet të madh për këta njerëz që po kërcejnë si topa ping-pongu për një lojë që është thjesht propagandistike. Larg nga të qenit një model për Evropën, ky është një bumerang. Objektet e emigrantëve në Shqipëri nuk shërbejnë vetëm për të poshtëruar emigrantët e përdorur si kukulla”.

Vendimet e gjyqtarëve që 24 emigrantët duhet të transferohen në Itali, në fakt mbështesin një vendim të mëparshëm të Gjykatës së Drejtësisë së Bashkimit Evropian (GJED), të cilin qeveria italiane u akuzua se e shpërfillte.

Në Shqipëri mund të dërgohen vetëm personat që vijnë nga një listë prej 18 kombesh Italia të klasifikuara si “të sigurta”. Egjipti dhe Bangladeshi janë mes tyre, por GJED vendosi që një vend jashtë bllokut nuk mund të shpallet i sigurt, nëse i gjithë territori i tij nuk konsiderohet i sigurt.

Projektligji për iniciativën, të cilën OJQ-të e kanë etiketuar si “çnjerëzor, absurd dhe një sistem i kushtueshëm që shkel detyrimet ndërkombëtare të të drejtave të njeriut”, vlerësohet në rreth 1 miliardë euro (830 milion £) gjatë pesë viteve.

Mosmarrëveshja për Shqipërinë, ka përkeqësuar marrëdhëniet tashmë të tensionuara mes qeverisë dhe gjyqësorit, me ministrin e drejtësisë, Carlo Nordio, duke sulmuar gjyqtarët. “Përkufizimi i një vendi të sigurt nuk mund t’i lihet gjyqësorit”, tha ai.

The post Emigrantët kthehen në Itali, “The Guardian”: Gjykata tjetër goditje marrëveshjes Rama-Meloni appeared first on Albeu.com.

Gjatë aksionit policor, janë arrestuar 4 persona, si dhe janë shpallur në kërkim 3 të tjerë për rastet e kultivimit të bimëve narkotike.

Gjithashtu, janë proceduar penalisht për shpërdorim detyre 3 kryetarë fshatrash dhe 1 specialist pyjesh.

Në operacionin që u përfshinë komisariatet e Policisë Mirditë dhe Kubin, Forca e Posaçme Operacionale e DVP Lezhë dhe grupe të Forcës Kombëtare të Sigurisë, Njësia Fier janë gjetur dhe asgjësuar rreth 2706 fidanë dhe bimë kanabis.

1.Komisariati i Policisë Mirditë, në kuadër të një hetimi 1-mujor, me metoda proaktive, të kryer në drejtimin e Prokurorisë së Lezhës, goditi një rast të kultivimit të bimëve narkotike, për të cilin u arrestuan në flagrancë shtetasit:

E. K., 41 vjeç, banues në fshatin Zheje, për veprën penale “Kultivimi i bimëve narkotike”;

K. D., 33-vjeç, banues në Laç, me detyrë Operator i Zyrës së Shërbimeve për Qytetarët, në Komisariatin e Policisë Kurbin, pasi dyshohet se duke shpërdoruar detyrën, ka informuar autorët e kësaj veprimtarie kriminale, për lëvizjet e Policisë.

Në vijim të këtij operacioni u shpallën në kërkim bashkëpunëtorët e shtetasit të arrestuar E. K., shtetasit A. Z. alias I. L. alias I. L., 39 vjeç, banues në fshatin Sanxhak dhe G. L., 33 vjeç, banues në fshatin Vinjollë.

Nga hetimet dyshohet se të tre këta shtetas kanë kultivuar 1900 bimë narkotike dhe 650 fidanë narkotikë (në kubikë), në afërsi të përroit të Karmës, në fshatin Përshqesh.

Gjithashtu, për këtë rast, u referuan materialet në Prokurori, ku nisi procedimi në gjendje të lirë, për veprën penale “Shpërdorimi i detyrës”, për shtetasin P. Ll., 62 vjeç, kryetar i fshatit Përshqesh dhe për shtetasin Gj. L., 58 vjeç, specialist pyjesh në fshatin Orosh.

2.Në Kurbin, shërbimet e Policisë, gjatë kontrollit të territorit, bazuar dhe në inteligjencën policore, në pyjet e fshatit Shëmri, Kurbin, gjetën 3 parcela ku ishin kultivuar 151 bimë narkotike cannabis sativa.

Si rezultat i hetimeve u identifikuan organizatorët e këtij rasti kultivimi, shtetasit S. B., 46 vjeç dhe A. B., 35 vjeç, vëllezër, të dy banues në Kurbin. Në vijim u bë e mundur kapja dhe arrestimi i 46-vjeçarit, ndërsa vijon puna për kapjen e shtetasit A. B..

Gjithashtu, për këtë rast u referuan materialet në Prokurori, ku nisi procedimi në gjendje të lirë, për veprën penale “Shpërdorimi i detyrës”, për kryetarin e fshatit Shëmri, shtetasin B. K., 52 vjeç.

3.Më tej, shërbimet e Komisariatit të Policisë Kurbin, në bazë të informacioneve nga inteligjenca policore, në Milot, gjetën disa bimë të tjera narkotike cannabis sativa, si dhe identifikuan dhe vunë në pranga autorin e dyshuar të kultivimit të tyre, shtetasin A. K., 24 vjeç.

Megaoperacioni kombëtar “Territor i pastër” vijon. Materialet procedurale, i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.

The post Lezhë/ 3 goditje kundër kultivimit të kanabisit, arrestohen 4 persona appeared first on Albeu.com.

Ndërkohë Komisariati i Policisë në Shkodër bëri të mundur arrestimin në flagrancë të Gj.P., 50 vjeç pasi kishte kryer lidhje të paligjshme të energjisë elektrikë në biznesin në pronësi të tij. Për këtë rast ka nisur një hetim për 6 punonjës të OSHEE-së për ‘Shpërdorim detyre’.

‘Komisariati i Policisë Shkodër, në bashkëpunim me Seksionin kundër Krimeve Ekonomiko-Financiare, arrestoi në flagrance shtetasin Gj. P., 50 vjeç, pasi nga verifikimet e kryera, rezultoi se kishte lidhje të paligjshme të energjisë elektrike në biznesin në pronësi të tij. Në vijim të veprimeve procedurale për rastin u referuan materialet procedurale në Prokurori, ku nisi procedimi në gjendje të lirë për 6 punonjës të OSHEE-së, mbi dyshime për veprën penale “Shpërdorimi i detyrës”.’, thuhet në njoftimin e policisë.

The post Shkodër/ Ndalohet një person pasi goditi punonjësin e Komisariatit, ndërsa një 50-vjeçar arrestohet për lidhje të paligjshme të energjisë appeared first on Albeu.com.

Drejt saj është hedhur një kanaçe, kur për fat nuk e ka prekur në kokë.

Ngjarja u regjistrua në momentin që moderatorja shpalli emrin e një prej finalistëve të këtij edicioni.

Pas gjuajtjes ajo u shpreh: ‘Gabim, stop, stop. Kjo që bëre është shumë e gabuar. Ti gocë e vogël që hedh këtë gjënë këtu është shumë e gabuar, sepse kjo nuk përcakton sesa i aftë apo jo është ky konkurrent. Ky është një djalë fitues. Ky është një shembull i keq që mua më revolton shumë që po ndodh po çfarë ti bësh.’

The post Alketa Vejsiu goditet me kanaçe në skenën e ‘X Factor’ appeared first on Albeu.com.