Në kuadër të këtij operacioni është goditur një bandë italo-shqiptare, e dedikuar për trafikun ndërkombëtar të drogës.

Janë dhënë gjithsej 40 masa sigurie, 22 prej të cilave janë “arrest me burg”.

Operacioni filloi në orën 04:00 të mëngjesit të sotëm, 20 nëntor.

Në krye të grupit kriminal ishte një burrë nga Quartu Sant’Elena që menaxhonte marrëdhëniet me Spanjën për importin e hashashit dhe me Shqipërinë për kokainë.

I njëjti person, sipas hetuesve, ka koordinuar dy grupe të tjera kriminale, një që vepronte në Quartu dhe merrej me trafik droge në zonën e Cagliarit dhe një në Sassari.

Gjatë hetimeve, të cilat kanë zgjatur disa muaj, janë sekuestruar sasi të mëdha droge.

Operacioni, nisur nga rrjeti i njohjeve mes anëtarëve, u quajt “Familja dhe Miqtë”.

Mediet italiane nuk kanë dhënë ende detaje për personat e arrestuar./albeu.com

The post Në Shqipëri merrnin kokainën, në Spanjë hashashin, çmontohet banda italo-shqiptare appeared first on Albeu.com.