Ngjarja ka ndodhur në një parkim privat. Sipas të dhënave paraprake, gjatë një manovre me automjetin tip “Audi”, me targa CS 440 PP, shtetasi Ergys Marku ka goditur vajzën e tij, Ajla Marku, 4-vjeçe.

Pavarësisht ndërhyrjes, fëmija nuk ka mundur të mbijetojë dhe ka ndërruar jetë si pasojë e plagëve të marra.

Policia e Sarandës, ka nisur hetimet për zbardhjen e plotë të rrethanave të ngjarjes dhe dokumentimin e saj.

The post Ngjarje tragjike në Ksamil/ Babai godet aksidentalisht vajzën 4-vjeçare me makinë, fëmija humb jetën appeared first on Albeu.com.

Ditën e djeshme në Prishtinë, u organizua Akademia Përkujtimore për 25-vjetorin e rënies së komandantit Tahir Sinani.

Kryeministri në detyrë, Albin Kurti, deklaroi se kjo ishte akademia e parë për të e zhvilluar nga institucionet e Kosovës, konkretisht nga qeveria.

Gjatë fjalës së mbajtur në ceremoni, Kurti e përshkroi gjeneral Tahir Sinanin si një prej luftëtarëve më të dalluar të çështjes kombëtare.

Sipas tij, Sinani mori pjesë në disa nga betejat më të lavdishme të shqiptarëve në historinë moderne.

“Luftëtari i paepur i lirisë. Pasi të përfshihej edhe vetë ai në zemër të luftës. Por pavarësisht kësaj, ai refuzoi t’i mbivendosej zinxhirit komandues të ushtarëve që i kishte trajnuar vetë. Duke këmbëngulur që fillimisht ta kalonte një sprovë personale përballjen e parë me forcat armike serbe. Dhe mu kështu edhe ndodhi. Vite më pas kur Tahir Sinani nuk do të ishte më i gjallë mes bashkëluftëtarëve, njëri prej tyre, Rexhep Selimi, i mirënjohur edhe për kreativitetin e tij të shumanshëm artistik, do ta përkthente këtë akt të Tahir Sinanit në një poezi që do të kompozohej në një këngë e që natyrshëm e kemi përfshirë edhe sot në këtë akademi. Angazhimin e tij në luftën e Kosovës, Tahir Sinani e përmbylli duke qenë në detyrën e komandantit të Zonës Operative të Pashtrikut, teksa në ditët e çlirimit të Kosovës, ai hyri triumfalisht në Prizren në krye të ushtarëve të tij”, u shpreh Kurti, sipas KosovaPress.

Pak ditë më parë, në qershor 2026, Taulant Balla, në kuadër të sulmeve kundër protestuesve, e cilësoi komandantin e UÇK-së dhe Heroin e Kombit, Tahir Sinani, si një mercenar të paguar.

Deklarata e kreut të grupit parlamentar të PS-së shkaktoi reagime në Kosovë, ku u vlerësua si një akt paturpësie.

Në akademinë kushtuar 25-vjetorit të rënies së Tahir Sinanit mori fjalën edhe ish-bashkëluftëtari i tij, Sadik Halitjaha. Ai deklaroi se figura e Sinanit mund të vendoset përkrah heronjve epikë të kombit shqiptar.

“Ai ishte gjenetikisht stërnip i Mic Sokolit dhe ishte gjak shqiptari. Siç e thoshte edhe vetë: ‘Unë nuk munda të rri e të bëj sehir e të vriteshin vëllezërit e mi në Kosovë’. U përpoq të takojë njerëz nëpër qendrat e trajnimeve në veri të Shqipërisë dhe ra në kontakt me qendrën e furnizimeve të UÇK-së dhe me komandantin e përgjithshëm Azem Syla. Aty mori instruksionet dhe urdhrin për të hyrë në Kosovë. Në Kosovë hyri me një grup jo të madh shumë të ushtarëve që t’i krijojë një perimetër të sigurisë, por ai sigurinë e kishte në zemër dhe në shpirt, pasi e kishte automatikun në dorë. Hyri me Ruzhdi Kryeziun dhe disa shokë të tjerë me përvojë lufte”, deklaroi Halitjaha.

Tahir Sinani ishte pjesëmarrës në tri luftëra, të zhvilluara në Kosovë, Maqedoni dhe Luginën e Preshevës.

The post Kurti godet Ramën, nderon ish-komandantin e UÇK, Tahir Sinanin: Luftëtari i paepur i lirisë appeared first on Albeu.com.

Vetëm pesë minuta shi i rrëmbyer dhe erë e fortë mjaftuan për të shkulur pemë të tëra, të cilat bllokuan disa akset rrugore dhe vështirësuan lëvizjen.

Era shkatërrimtare goditi edhe fasadat e lokaleve përgjatë shëtitores, duke shkaktuar dëmtime të ndryshme.

Një prej ngjarjeve më shqetësuese ndodhi në rrugën pranë stadiumit të qytetit, ku rrëzimi i një pishe dëmtoi tre makina të parkuara.

Ndërkohë, nga urgjenca mjekësore bëhet me dije se tre qytetarë u plagosën nga copat e xhamave të thyer gjatë furisë së motit. Ata morën mjekimin e duhur në spital dhe më pas u kthyen në shtëpi.

Pamjet e sjella nga vendi i ngjarjes pasqyrojnë pasojat e stuhisë në disa pika të Sarandës. Forcat e shërbimeve bashkiake kanë dalë menjëherë në terren për të inspektuar dëmet dhe për të ndërhyrë në zonat e prekura.

Siç shihet edhe në pamje, stuhia ka shkaktuar dëme të konsiderueshme në disa zona të Sarandës, ndërsa punonjësit e shërbimeve të Bashkisë kanë zbritur në terren për të monitoruar situatën dhe për të ndërhyrë në zonat e prekura.

The post Stuhia e fuqishme godet Sarandën, raportohet për tre të plagosur dhe dëme të shumta appeared first on Albeu.com.

Publicisti Fahri Xharra ka kritikuar deklaratën e Snezhana Paunoviç, ministre në Qeverinë e Serbisë, e cila është shprehur se “do ta kishte spastruar etnikisht Kosovën në vitin 1998”.

Përmes një reagimi në Facebook, Xharra vlerësoi se mendësi të tilla vazhdojnë të ekzistojnë në politikën serbe. Ai theksoi se shqiptarët flasin dhe reagojnë më shumë për Palestinën, ndërsa, sipas tij, i kushtohet pak vëmendje deklaratave që nxisin urrejtje ndaj Kosovës.

Në postimin e tij, Xharra shkroi:

Miq shqiptar,

Sa qahet e mallkohet nga ne per Palestinen, e shume pak debatojne me kete ministreshë serbe e cila e fajëson kohën e Millosheviqit që nuk na kanë zhduk nga faqja e dheut.

Kjo ide iu sillet edhe sot ne kokat e tyre kriminale.

Ndoshta na shpëton Grenelli, miku i shumë kujt në Kosovë!

The post Xharra reagon pas deklaratës për spastrim etnik: Ndoshta na shpëton Grenelli appeared first on Albeu.com.

Me firmën e Altin Dumanit dhe Elida Kackinit, u firmosën në total 15 urdhra arrest me burg, ndërsa 5 të tjerë në arrest shtëpie, për veprat penale të trafikut të kokainës, pastrimit të parave në vlera miliona euro, si dhe organizatës kriminale.

Në mesin e të dyshuarve është Artur Shehu, personazhi kontrovers që po hetohet edhe për skemën e tjetërsimit të pronave në Zvërnec, ku do të investonte për ndërtimin e një resorti luksoz Jaresh Kushner, dhëndri i presidentit amerikan Donald Trump.

Shehu nuk është arrestuar, pasi jeton prej afro 3 dekadash në SHBA. Në kërkim është shpallur Artur alias Luçiano Koçeku që drejton një grup ndërkombëtarë trafiku droge bashkë me vëllezërit e tij.

Koçeku prej vitesh ka bazën në Dubai. Grupi trafikonte kokainë nga Kolumbia, Ekuadori, Bolivia, Surinam, Paraguai, Uruguai, Porto-Riko e Brazil drejt Europës.

Paratë që fitoheshin nga shitja e kokainës në vende të ndryshme të Europës, pastroheshin në Shqipëri. Për dyshimet për pastrim parash është firmosur masë arresti për Ilir Shtufin, që ishte njeriu i Koçekëve dhe investonte në ndërtim, ndërsa u arrestua biznesmeni Orest Sota.

Një tjetër grupim drejtohej nga Renato Hamzai, lidhje e Artur Shehut, i pranishëm në takimin e shumëpërfolur të Arubës, ku bosët e krimit u bënë bashkë dhe biseduan për çështje kriminale.

Shehu pastronte para përmes vëllezërve Erion e Adrian Rama, nipat e Fatmir Ramës i njohur si Miri i Xhikes, i ekzekutuar në 9 mars 2003 në kompleksin luksoz Kartodromi, si dhe Leonard Bishajtr i njohur si Coco.

Orgest Bircaj, pronari i kompanisë Top Seven përfundoi në pranga. Ai e përdorte kompaninë për trafikun e drogës. Në kuadër të të njëjtin aksioni është dërguar në arrest shtëpie Edmond Jaupi.

SPAK sekuestroi miliona euro pasuri të Kocekëve, vëllezërve Rama, si dhe Ilir Shtufit apo personave të bashkëlidhur me të. Anëtarët e organizatës kriminale kishin investuar në ndërtimin e resorteve luksoze në jug të vendit. Ndërsa kishin fituar leje ndërtimi për resorte të reja.

EMRAT E 20 TE AKUZUARVE:

Artur Shehu

Ilir Shtufi

Ardian Zykaj

Alfredo Hamzai

Luciano Koçeku alias Artur Koçeku

Dino alias Abedin Koçeku

Ervin Koçeku

Adrian Rama

Erjon Rama

Orgest Birçaj

Elton Memeti

Leonard Bishaj

Arben Ismaili

Edmond Jaupi

Orest Sota

Besnik Myftari

Dritan Aga

Astrit Vladi

Kastriot Vladi

Gezim Islami

The post SPAK godet grupin e Artur Shehut dhe vëllezërve Koçeku. Nga ‘koka’ te anëtarët, ‘zbërthehet’ roli i rrjetit të kokainës që pastronte paratë me resorte luksoze në jug appeared first on Albeu.com.

Gjatë kontrolleve, u vu re se këto subjekte kryenin këmbim valutor në kundërshtim me ligjin.

Si rezultat, janë vënë në hetim tre pronarët e tyre, të identifikuar me inicialet O. L., 31-vjeç, E. P., 35-vjeçe dhe M. D., 40-vjeç.

Ata ushtronin aktivitetin në rrugët “Abdyl Frashëri”, “Sokrat Miho” dhe “Sulejman Delvina”.

Gjatë operacionit, u sekuestruan shuma të konsiderueshme parash: 45 mijë euro, 7000 dollarë, 3000 paund dhe 1.5 milionë lekë.

Ky aksion vjen në vijim të kontrolleve të policisë për goditjen e aktiviteteve ekonomike të paligjshme. Hetimet po vazhdojnë për të zbuluar raste të tjera të mundshme.

Materialet i janë dërguar Prokurorisë së Tiranës për veprime të mëtejshme.

The post Goditen pikat valutore pa licencë në Tiranë/ 45 mijë euro dhe miliona lekë të bllokuara në 3 subjekte appeared first on Albeu.com.

Lëkundjet sizmike u raportua se kishin një fuqi me magnitudë 7.4 ballë të shkallës Rihter.

Tërmeti goditi bregun verilindor të Japonisë, raportoi NHK.

Një tsunami deri në 3 metra i lartë pritej të arrinte prefekturën Iwate në ishullin Honshu dhe pjesë të Hokkaidos, sipas paralajmërimit të lëshuar.

Deri tani nuk ka raportime për viktima, teksa mund të ketë dëme të shumta materiale.

The post Tërmeti i fuqishëm godet Japoninë, sa ishte magnituda appeared first on Albeu.com.

Gjatë natës dhe në orët e para të mëngjesit, reshjet e dëborës janë regjistruar në aksin Kukës–Shishtavec, ku kompania kontraktore ka ndërhyrë menjëherë me mjete borëpastruese dhe punëtorë për të mbajtur të kalueshëm segmentin rrugor.

Ndërhyrjet janë përqendruar veçanërisht në pjesën nga Ura e Shtrezës deri në doganën e Shishtavecit, ku ka edhe prani të dëborës dhe mjegullës së dendur.

Sipas të dhënave nga terreni, intensiteti i reshjeve të dëborës në lartësitë mbi 700 metra mbi nivelin e detit është në rënie.

I gjithë qarku i Kukësit është përfshirë nga mot i paqëndrueshëm, i shoqëruar me reshje shiu në zonat e ulëta dhe reshje dëbore në zonat e larta malore. Kushtet atmosferike janë shoqëruar edhe me erëra të forta.

The post Stuhi dhe reshje dëbore, moti i keq godet Kukësin/ Zbardhet malësia, si paraqitet situata në “Rrugën e Kombit” (VIDEO) appeared first on Albeu.com.

Pas një dite të mbushur me debate, akuza dhe përplasje verbale, konflikti mes tyre ka kaluar në një tjetër nivel, duke shkaktuar reagime të forta te banorët dhe publiku.

Gjatë ditës, marrëdhënia mes Selinës dhe Rogertit ka qenë e ngarkuar, me fjalë të ashpra dhe situata që kanë rritur ndjeshëm tensionin mes tyre.

Pavarësisht përpjekjeve për të ruajtur qetësinë, duket se ngjarjet e ditës kanë lënë pasoja emocionale, të cilat janë reflektuar gjatë natës.

Në orët e vona, teksa Rogerti ndodhej në shtrat, Selina i është afruar dhe e ka goditur me forcë, duke përdorur një objekt që nuk dallohet qartë për shkak të errësirës.

Veprimi ka qenë i papritur dhe ka zgjatur vetëm pak çaste, por ka mjaftuar për të shkaktuar reagim të menjëhershëm.

Rogerti ka reaguar me një pasthirrmë dhimbjeje, ndërsa zhurma ka alarmuar banorët e tjerë, të cilët janë zgjuar nga gjumi dhe janë afruar për të kuptuar se çfarë kishte ndodhur.

Tashmë pritet reagimi i produksionit dhe vendimi që do të merret lidhur me këtë situatë, e cila mund të ndikojë ndjeshëm në vazhdimësinë e lojës dhe marrëdhëniet mes banorëve.

 

View this post on Instagram

 

A post shared by CLASS MAGAZINE (@revistaclass_)

The post Debate të forta në “Big Brother”, Selin godet Rogertin (VIDEO) appeared first on Albeu.com.

Shkolla dhe rrugë në mbarë vendin janë mbyllur, ndërsa mijëra fluturime janë anuluar, pasi kushte të përshkruara si “kërcënuese për jetën” janë shtrirë nga Teksasi deri në New England, sipas Shërbimit Kombëtar të Motit, raporton BBC.

Të paktën dy persona humbën jetën nga hipotermia në Luiziana, ndërsa vdekje të tjera të lidhura me stuhinë janë raportuar në Teksas, Tenesi dhe Kansas.

Sipas të dhënave të publikuara pasditen e së dielës nga poweroutage.us, mbi 800 mijë familje kanë mbetur pa energji elektrike.

Ndërkohë, më shumë se 11 mijë fluturime janë anuluar, sipas FlightAware.

Reshje të dendura bore dhe akull kanë përfshirë zona të vendit. Fenomeni i shiut të ngrirë, ku pikat e ftohura të shiut ngrijnë menjëherë në kontakt me sipërfaqet, konsiderohet veçanërisht i rrezikshëm.

Autoritetet paralajmërojnë se kushtet e motit mund të zgjasin për disa ditë dhe se stuhia mund të prekë rreth 180 milionë amerikanë, më shumë se gjysmën e popullsisë së vendit.

The post Stuhia dimërore godet SHBA-në/ Shtatë persona kanë humbur jetën, mbi 800 mijë familje pa energji elektrike appeared first on Albeu.com.