Dinamo mori fitoren ndaj Elbasanit në javën e tretë të “Abissnet Superiore”. Ndeshja e luajtur në “Elbasan Arena” u mbyll me rezultatin 1-2 për skuadrën kryeqytetase. Pas përfundimit të takimit, zëvendëstrajneri i Dinamos, Glen Daja, analizoi para mediave paraqitjen e ekipit.

“Ishte një përballje e vështirë, pasi Elbasani është një rival i drejtpërdrejtë në kampionat dhe luante në fushën e tij. Megjithatë, ne e administruam ndeshjen në tërësi dhe duhet ta kishim zgjidhur më herët”, u shpreh Daja.

“Rotacioni i Qefalisë me Alhassanin ishte pjesë e detyrës. Ne vijojmë të aplikojmë mënyrën tonë të lojës dhe kjo është meritë e çunave, por edhe e futbollistëve me eksperiencë. Për më tepër, ndaj Al Nasr kishim mungesën e një prej shtyllave të ekipit, mbrojtësit dhe kapitenit Bruno Dita, i cili është një pikë shumë e rëndësishme në fushë”, deklaroi zv.trajneri i Dinamos.

“Me Devi Metën në fushë u detyruam të improvizonim, por sërish ruajtëm ekuilibrin. Është filozofi apo nevojë? Nuk iu referova të gjithë ekipit, por lojtarëve me eksperiencë. Kemi dy vjet që jemi pjesë e Dinamos dhe kemi ndërtuar filozofinë tonë të lojës. Çunat treguan personalitet, duke mbajtur topin dhe duke mos ia dorëzuar kundërshtarit”, vijoi ai.

“Mendoj se e shfrytëzuam në maksimum këtë pjesë. E rëndësishme ishte të mos ia dorëzonim shpejt topin kundërshtarit. Rotacioni në fushë ishte për të mbuluar Vilën, i cili është një xhol për skuadrën. Çunat e zbatuan në maksimum, ndërsa edhe Elbasani është një kundërshtar i vështirë dhe meriton respekt”, përfundoi Daja.

The post Dinamo fiton 1-2 ndaj Elbasanit, Glen Daja: Duhej ta mbyllnim më herët, ndikuan edhe mungesat appeared first on Albeu.com.

Dinamo do të zbresë nesër në fushë përballë Elbasanit, në kuadër të javës së 3-të të “Abissnet Superiore”. Takimi do të luhet në stadiumin “Elbasan Arena” dhe do të nisë në orën 18:30. Në kushtet kur Ilir Daja është i pezulluar, në konferencën para ndeshjes foli zv.trajneri i Dinamos, Glen Daja.

“Kjo është një ndeshje me shumë rëndësi, pasi përballemi me një rival direkt si Elbasani. Stadiumi ‘Elbasan Arena’ na ofron një terren shumë të mirë, të cilin e njohim tashmë, pasi aty kemi luajtur ndeshjet europiane dhe kemi arritur rezultate të suksesshme.

Shpresojmë të zhvillojmë një takim të bukur, të ngjashëm me paraqitjet tona në Europë. E dimë se na pret një përballje e fortë dhe me rivalitet të madh. Uroj që në stadium të ketë sa më shumë tifozë, në mënyrë që të krijohet një atmosferë pozitive dhe e përshtatshme për futboll. Mbështetja e tyre i ndihmon shumë lojtarët të japin maksimumin.

Pas një periudhe me kalendar të ngarkuar për shkak të angazhimeve europiane, këtë herë kemi pasur, si rrallëherë, thuajse një javë të plotë në dispozicion për t’u përgatitur për ndeshjen e radhës.

Kemi punuar shumë mirë me ekipin dhe shpresoj që skuadra të paraqitet në nivelin e duhur, edhe pse grupi nuk është ende i plotë në masën 100%. Mund të ketë disa mungesa, ndërsa vendimin përfundimtar do ta marrim pranë momentit të ndeshjes”, u shpreh Daja.

The post Glen Daja para duelit me Elbasanin: Kemi pasur pothuajse një javë të plotë për përgatitje appeared first on Albeu.com.

Dinamo ka triumfuar 0-1 ndaj Skënderbeut në “Elbasan Arena”, në takimin e vlefshëm për javën e dytë të “Abissnet Superiore”. Pas përfundimit të ndeshjes, për mediat foli zv.trajneri i skuadrës dinamovite, Glen Daja.

“Kishim pas vetes një rrugëtim të gjatë në Evropë, edhe pse nuk arritëm ta përmbyllnim në mënyrën që dëshironim. Tani duhet ta lëmë atë pas dhe të përqendrohemi te kampionati, pasi ky është realiteti ynë. Fitorja e sotme dhe 3 pikët kanë shumë rëndësi, veçanërisht pas humbjes me Vorën, ku rotacioni ishte bërë përpara ndeshjes me Pafos”, u shpreh Daja.

Ai theksoi se sfida ishte veçanërisht e komplikuar për shkak të lodhjes dhe mungesave në skuadër. “Nuk ishte aspak e lehtë të luanim pas 120 minutave kundër Pafos. Edhe mungesat për shkak të gripit, mes tyre Aliji, na krijuan probleme në ndërtimin e aksioneve nga prapa. Pozicionimi i Vilës ishte pjesë e një plani për manovrën mbrojtëse dhe presingun ultra-ofensiv. Meqë Skënderbeu ndërtonte lojën me 3 lojtarë në prapavijë, menduam t’i përballonim 3 kundër 3”, tha ai.

“Lodhja pati ndikimin e saj, pasi koha në dispozicion për rikuperim ishte shumë e shkurtër. Alhassan hyri në fushë në vend të Ditës, por ai nuk është qendërmbrojtës, ndërsa Hoxhallari u zhvendos në qendër nga krahu i majtë. Na mungoi freskia për të realizuar pasimet vendimtare. Në aspektin e manovrës besoj se funksionuam, por bëmë disa gabime të panevojshme në pasime”, vijoi zv.trajneri i Dinamos.

I pyetur për tratativat Ballsh-Tiranë dhe një afrim të mundshëm në momentet e fundit, Daja deklaroi: “Është e vërtetë. Sot morëm edhe konfirmimin për Përndrecën, por kjo çështje nuk varet nga unë. Nëse Përndreca do të jetë apo jo lojtar i Dinamos, do ta mësoni në orët e ardhshme përmes faqes së klubit”.

The post Një sfidë e vështirë pas 120 minutave me Pafos”, Glen Daja flet për Përndrecën: Vendimi do të publikohet nga klubi appeared first on Albeu.com.