Filmi aksion që flet një grabitje të madhe ka sjellë në kinema edhe ish-kryepolicin, Gledis Nano. Një figurë disi e tërhequr nga jeta aktive e Tiranës, Nano ka habitur jo pak me praninë e tij në premierë.

I shoqëruar nga disa miq të tij, Gledisi ka shijuar mbrëmjen dhe filmin. Jemi të sigurt që si polic, Gledisi i ka pasur disa ide gjatë filmit. Por si i ftuar në event, ai e ka kaluar kohën me shokët e tij të famshëm.

The post Gledis Nano në tapetin e kuq mes VIP-ave! Kush e shoqëron ish-kryepolicin në premierën e filmit të Luana Vjollcës (FOTOT) appeared first on Albeu.com.

Vendimi është marrë nga trupa gjykuese e përbërë nga gjyqtarët Ardian Dvorani, Gentian Hamiti dhe Sokol Ibi, të cilët rrëzuan ankimimin e Këshillit të Ministrave dhe Ministrisë së Brendshme, të cilat kishin kërkuar anulimin e vendimit që i dha të drejtë Nanos.

Në bazë të këtij vendimi përfundimtar, shteti shqiptar detyrohet t’i paguajë Gledis Nanos një dëmshpërblim prej 60 pagash mujore, që përkon me afatin pesëvjeçar të mandatit të tij të ndërprerë, në vlerën totale prej rreth 100 mijë euro.

Nano u shkarkua nga detyra më 31 gusht 2022, me propozim të ish-ministrit të Brendshëm Bledi Çuçi, ndërsa kryeministri Edi Rama, kishte deklaruar publikisht se i kishte kërkuar dorëheqjen.

Arsyeja zyrtare për largimin e tij, ishte “mosrealizimi i objektivave”.

Vendimi i Gjykatës së Apelit, është dhënë më 26 qershor 2025 dhe ende nuk dihet nëse qeveria do të paraqesë rekurs në Gjykatën e Lartë, brenda afatit 30-ditor.

Sakaq, Gledis Nano, është në garë për kreun e ri të Byrosë Kombëtare të Hetimit, duke kaluar fazën e parë të vlerësimit nga Komisioni i Posaçëm i SPAK.

The post U shkarkua nga Bledi Çuçi/ Gledis Nano fiton gjyqin ndaj qeverisë, ja sa do dëmshpërblehet appeared first on Albeu.com.

Ai është një nga katër emrat që kanë aplikuar për këtë pozicion të rëndësishëm, brenda afatit zyrtar që përfundon këtë të premte.

Sipas burimeve, kandidatët e tjerë janë dy oficerë të BKH-së, Menton Cuku dhe Joni Keta.

Procesi i përzgjedhjes së kreut të ri të BKH-së zhvillohet nga SPAK dhe pritet me interes, për shkak të rolit kyç të kësaj strukture në luftën kundër korrupsionit dhe krimit të organizuar.

The post Gara për drejtuesin e BKH-së/ Ish-kreu i Policisë në listën e aplikantëve (EMRAT) appeared first on Albeu.com.

Nano shprehet se kjo tragjedi shërben si këmbanë alarmi, për rreziqet që po përballen çdo ditë efektivët e rendit.

Më tej, ish-kreu i Policisë së Shtetit shprehet se çdo efektiv meriton të kthehet në shtëpi, shëndoshë e mirë.

“Tragjedia e fundit në fshatin Baltëz të Fierit shërben si kujtesë e fortë e rreziqeve me të cilat përballen çdo ditë efektivët e rendit. Një punonjës policie i forcave “Shqiponja” humbi jetën, duke lënë pas një familje të pikëlluar, kolegë dhe një komunitet në zi.

Çdo anëtar i këtij komuniteti meriton të ndihet i sigurt dhe çdo oficer meriton të kthehet në shtëpi.

Ngjarje si kjo japin shembull për të rritur ndërgjegjësimin për sfidat me të cilat përballet forca policore dhe rëndësinë e sigurimit të burimeve dhe mbështetjes që u nevojiten për të mbrojtur dhe për t’i shërbyer komunitetit tonë në mënyrë efektive”.

The post Vrasja e efektivit në Fier, reagon ish-kreu i Policisë Gledis Nano appeared first on Albeu.com.

Një anëtar shumë  i rrezikshëm i një organizate kriminale ka planifikuar që  të vrasë Nanon.

Paraprakisht dyshimet janë për shkak të hetimeve për të njëjtin grup në kohën që ishte drejtues i Antiterrorit.

Nuk dihet saktësisht në çfarë kushtesh është kuptuar nga policia, por blutë asnjëherë nuk kanë bërë me dije për një planifikim të tillë të mundshëm për eliminimin e Nanos.

Sakaq nuk bë het i ditur as emri i anëtarit të  grupit kriminal që  kishte planifikuar ekzekutimin e Nanos./albeu.com

The post Gledis Nano në shënjestër të krimit, një grup kirminal planifikoi ta ekzekutonte appeared first on Albeu.com.

Prej asaj kohe, Nano ka qenë më i tërhequr nga syri i publikut, me përjashtim të disa intervistave dhe shumë pak e dinë si po vazhdon karriera e tij tani.

Për të shuar kureshtjen e të gjithë  të interesuarve, gazetarët e Albeu.com zbuluan se me çfarë po merret Nano aktualisht.

Teksa vizitonte panairin e librit që po mbahet në Pallatin e Kongreseve, Nano zbuloi për Albeu.com se po vazhdon ende masterin për kriminologji, teksa tregoi edhe çfarë do të lexojë këtë vit.

“Dua të marr edhe disa libra për fëmijët. Ju siç e dini unë jam angazhuar paralelisht edhe në botën akademike. Vazhdoj paralelisht edhe masterin për kriminologji, kështu që më tepër libra të fushës sime, nuk shkëputem dot nga fusha e sigurisë”, tha Nano. /albeu.com

The post VIDEO/ Nga ka “humbur” Gledis Nano? AlbEu e “kap” ish-drejtorin duke blerë libra: Nuk shkëputem… appeared first on Albeu.com.

Do të ishte naive po qe se Gledis Nano do të pretendonte rikthimin në detyrë. Por nuk besojmë se është ky objektivi i tij. Ai vetëm sa kërkon të zhbëjë juridikisht vendimin e beftë të qeverisë për ta shkarkuar. Pikërisht cilësimi si “shkarkim nga detyra” në vendim është pjesa që atij i prishë punë. Rrëzimi i si i paligjshëm i këtij vendimi të qeverisë do t’i hapë rrugë më pas edhe ngritjes së pretendimeve të tjera nga Nano pse jo për dëmshpërblim financiar.

Gjyqtari i çështjes tregon burimi për Lapsi.al ka administruar pothuajse një pjesë të madhe të dokumentacionit që i duhet për këtë proces. Jo vetëm vendimin e shkarkimit i cili është i aksesueshëm publikisht, por edhe relacionin shoqërues të përgatitur enkas për të kopsitur ligjërisht shkarkimin e Gledis Nanos. Burimi ynë shton më tej se janë zhvilluar dhe seancat e para të procesit fundi i të cilit nuk dihet si do të rrjedhë.

Qoftë edhe formalisht për vijimin e karrierës së tij, mbase jo më kurrë në Policinë e Shtetit, por në një drejtim tjetër, një vendim qeverie me “shkarkim nga detyra” duket se nuk e ndihmon Gledis Nanon për t’u rikthyer ndonjëherë në strukturat shtetërore. Për këtë ai ka nisur në gjykatë një betejë me Edi Ramën ndërkohë që vijon edhe studimet Master në Fakultetin e Drejtësisë në një program të posaçëm të mbështetur nga OSBE.

Shkarkimi i Gledis Nanos erdhi asokohe pasi ai kishte refuzuar largimin e negociuar me dorëheqje nga Policia e Shtetit. i orientuar edhe nga ambasada amerikane në Tiranë, e cila e kishte mbështetur vijimësisht Gledis Nanon, ai bëri rezistencë përballë Kryeministrit dhe Ministrit të Brendshëm. Rama pranoi më vonë se ia kishte kërkuar dorëheqjen Nanos, por sipas tij ai ia drodhi fjalën.

Më pas erdhi shkarkimi që la pas shumë pikëpyetje dhe enigma. Gjerësisht u përhap narrativa se Gledis Nano u shkarkua sepse ishte një drejtor i Policisë së Shtetit që pëshpëriste më shumë se ç’duhej në veshët e ambasadave dhe kjo i prishte punë regjimit të Tiranës. Pikërisht për këtë arsye ai u shkarkua dhe do të mbahet mend si drejtori më jetëshkurtër në krye të Policisë së Shtetit. Drejtori më jetëshkurtër dhe pa ndonjë shkëlqim të madh në detyrë, si në fakt të gjithë drejtorët e tjerë që Rama ka çuar në Policinë e Shtetit përgjatë këtyre 10 viteve./LAPSI

The post Vazhdon përplasja Rama-Nano, ish-drejtori i Policisë së Shtetit padit qeverinë për shkarkimin nga detyra appeared first on Albeu.com.

Intervista e plotë e Gledis Nanos për “5pyetjet.al”

Policia e shtetit feston 110 vjetorin! Në momentin e prezantimit si drejtor i policisë, ju keni thënë që jeni frymëzuar nga babai për të nisur këtë rrugë, çfarë do të thotë kjo ditë për ju dhe si ka ndikuar në familjen tuaj?
Ju faleminderit që më sollët ndërmend një prej momenteve më të rëndësishme të jetës sime, atë kur mu besua detyra e Drejtuesit të Përgjithshëm të Policisë së Shtetit. Në natyrën time është tepër e vështirë të ndash njeriun nga profesioni. Kjo më ndodh sepse asnjëherë nuk e kam ndjerë se më ka lidhur me policinë, vetëm orari i përcaktuar i funksionit në detyrë. Përkundrazi, familja ku jam rritur dhe ajo që ndërtova më pas, e kanë njohur e përjetuar në çdo kohë këtë ritual e ndjesi të përzier. Së pari me tim atë e më pas me mua.

Në përgjithësi etërit janë modele frymëzuese për bijtë e tyre. Figura që im atë ndërtoi përgjatë gjithë jetës së tij, kam kuptuar se ka ndikuar edhe në formimin tim, si njeri, si qytetar e më tej edhe si punonjës dhe drejtues policie. Gjithsesi, në mendjen e çdo njeriu baballarët apo edhe mësuesit, janë emblema të cilat sado të mundesh t’i prekësh apo edhe të përpiqesh t’i përngjash, janë dhe do të mbeten të paarritshëm. Mendoj se kam ende se çfarë të mësoj nga im atë.

A jeni penduar që e keni zgjedhur këtë profesion?

Kjo është një pyetje e cila, sa herë më përsillet në mendje, nuk mëtoj aspak t’i krijoj një vend apo hapësirë sado të vogël në ndërgjegjen time sepse është pikërisht profesioni që më ka përcjellë emocionet më të mëdha dhe nëpërmjet tij, pas çdo sfide e kam rifituar vetveten, më të mirë dhe më të fortë se më parë! Në fund të fundit, jeta për cilindo është një fushëbetejë të cilën do të duhet ta fitosh, e nëse rrethanat e sjellin që ndonjëherë të qëllon të jesh humbës, kurajoja drejt ringritjes është ajo që nuk lejon kurrë të ndihesh i mposhtur!

A do jua rekomandonit fëmijëve tuaj, ashtu sikur babai ju frymëzoi ju?

Në këtë pikë do të respektoja vendimin e tyre, ashtu si im atë dhe nëna ime më besuan dikur mua dhe më mbështetën në idenë time, ide e cila vit pas viti u shndërrua në mision.

Si është jeta e një efektivi policie, kush janë vështirësitë më të mëdha?

Jeta e një efektivi policie është gjithmonë e ndryshme nga jeta e çdo individi tjetër. Kjo sepse çdo punonjës policie e ka të lidhur pazgjidhshmërisht jetën e tij me atë të dikujt tjetër. Qetësia e tjetrit është edhe qetësia e tij, po ashtu edhe problematika e tjetrit bëhet problematika e punonjësit të policisë dhe në shumë raste edhe e familjeve të tyre. Vështirësia më e madhe qëndron në faktin se atij i mbetet fare pak kohë të kthej vështrimin nga vetvetja, nga familjarët apo edhe fëmijët e tij. Fati i tij është i destinuar të përndjekë në çdo kohë e moment, çdo dukuri negative apo kërcënuese që i avitet shoqërisë ku ai bën pjesë.

Me çfarë po merreni tani pas largimit nga policia e shtetit?

Kam vijuar itinerarin tim, me angazhime akademike, intelektuale por padyshim edhe me obligimet familjare, sidomos me fëmijët e mi, të cilëve për shumë vite, nuk iu kam dhënë gjithë kohën dhe vëmendjen që ata kërkonin nga unë, për shkak të funksioneve dhe detyrave që kam kryer. Ka gjithmonë një kohë për të vepruar, siç ka edhe një kohë për reflektim. Terreni preket gjithmonë nga erozioni, ashtu si edhe moti nga rituali i stinëve dhe çdokush, ashtu si edhe unë, duhet të jetë i vetëdijshëm dhe mëse i bindur, për vendin dhe rolin që e pret në këtë cikël evolutiv.

A ishte më e vështirë të futeshe në kampin “Al Hol” apo të drejtoje policinë e shtetit?

Kur isha fëmijë, ëndërroja dhe përpiqesha t’i përngjaja personazheve të filmave aksion apo komisarëve të policisë, të cilën në çdo moment përballeshin me rrezikun, me qëllim për t’i sjellë paqe dhe qëndrueshmëri shoqërisë. E ndoqa këtë ëndërr, duke marrë parasysh çdo sakrilegj e përkushtim, deri sa një ditë u shndërrova në njërin prej këtyre personazheve dhe kështu, të jetoja ëndrrën që thurra dikur, fshehtas në imagjinatën time.

A keni një peng nga largimi si drejtues i policisë?

Nëse do të rrija një çast apo një ditë më tepër në detyrën e Drejtorit të Përgjithshëm të Policisë së Shtetit, e di fare mirë, që ai njeri apo ai grup individësh që shkelin ligjin apo abuzojnë me të drejtën dhe lirinë e dikujt tjetër, do të përjetonin një çast apo një ditë më tepër, peshën e pasigurisë. Dhe kështu do të vijonte dhe vetëm kështu mund të ishte…/5pyetjet

The post Gledis Nano thyen heshtjen: Çfarë do të bëja nëse do të isha qoftë dhe një çast më shumë në krye të Policisë së Shtetit appeared first on Albeu.com.

Nëse në e-mailin tuaj vjen një mesazh nga ish-drejtori i Policisë së Shtetit, Gledis Nano, nuk duhet ta hapni, pasi aty fshihet virus nga hakerët, të cilët mund të marrin të dhënat tuaja personale./tch

The post E-mail nga Gledis Nano? Kujdes, fshihet virus nga hakerët appeared first on Albeu.com.

Kështu, pas largimit nga drejtimi i Policisë së Shtetit, Nano i është rikthyer studimeve.

Në fund të muajit gusht, Nano dha dorëheqjen pas ngjarjeve të njëpasnjëshme kriminale dhe zhdukjes së Ervis Martinajt. Në vend të tij u emërua Muhamet Rrumbullaku./albeu.com

The post Pas largimit nga posti i drejtorit të Përgjithshëm të Policisë, Nano rikthehet studimeve, nis masterin appeared first on Albeu.com.