gjyqtarin Archives - Albeu.com

Tifozi godet gjyqtarin me gotë, ndërpritet ndeshja e kampionatit në Belgjikë

V K — Sat, 18 Oct 2025 13:08:18 +0000

Të premten në mbrëmje, një ngjarje e rëndë tronditi futbollin belg kur ndeshja mes Standard Liège dhe Royal Antwerp në Stade Maurice Dufrasne u ndërpre në minutën e 87-të, pasi gjyqtari Lothar D’Hondt u godit nga një gotë e hedhur nga tribuna.

Standard Liège, kaloi në epërsi që në minutën e parë me golin e Rafik Said, por situata u vështirësua për vendasit kur Adnane Abid u ndëshkua me të kuq para përfundimit të pjesës së parë, duke i lënë me 10 lojtarë.

Teksa Antwerp shtonte presionin për të barazuar, në minutën e 87-të, gjatë një situate loje të ndërprerë, gjyqtari Lothar D’Hondt (31-vjeç) qëndronte pranë vijës anësore kur një gotë u hodh nga tribuna, duke e goditur atë në shpinë dhe më pas duke u përplasur në krahun e mesfushorit të Standardit, Tobias Mohr.

Pa hezitim, D’Hondt ndaloi menjëherë ndeshjen dhe u drejtua nga tuneli, duke sinjalizuar për përfundimin e takimit.

Ngjarja shkaktoi zemërim dhe zhgënjim në të dy kampet: Lojtarët e Antwerp, të cilët po kërkonin me ngulm golin e barazimit, reaguan me protesta të ashpra.

Futbollistët e Standard, të cilët kishin mbrojtur rezultatin me një lojtar më pak për më shumë se një pjesë loje, u shfaqën të shkatërruar.

Mbrojtësi Ibe Hautekiet u ul në gjunjë me duart në kokë, ndërsa portieri Matthieu Epolo dhe Mohr u kthyen të zemëruar nga tifozët e tyre, të revoltuar ndaj atij që shkaktoi incidentin.

Sipas rregullores së vendosur nga liga belge në vitin 2022, ndeshja do të rinisë të hënën në orën 15:00, pa praninë e tifozëve, duke vijuar nga minuta e 87-të dhe me rezultatin ekzistues në favor të Standard.

Klubi i Standard, konfirmoi përmes një deklarate të shkurtër se autori i veprimit të papërgjegjshëm është identifikuar: “Tifozi që hodhi gotën ndaj gjyqtarit është identifikuar dhe ndaj tij do të ndërmerren procedura ligjore për ndalim hyrjeje në stadium, si dhe veprime për kompensim të dëmit”.

The post Tifozi godet gjyqtarin me gotë, ndërpritet ndeshja e kampionatit në Belgjikë appeared first on Albeu.com.

Opozita kërkon shpalljen “Dëshmor i Atdheut” për gjyqtarin e vrarë Astrit Kalaja

V K — Wed, 08 Oct 2025 08:19:59 +0000

Gjatë mbledhjes së Konferencës së Kryetarëve, opozita ka kërkuar nisjen e procedurave shtetërore për nderimin e gjyqtarit të ndjerë, Astrit Kalaja, me titullin “Dëshmor i Atdheut”. Sipas opozitës, shteti ka detyrë institucionale dhe morale të njohë kontributin e tij dhe të nisë procedurat zyrtare për këtë nderim. Astrit Kalaja, u vra më 6 tetor në [...]

Tentoi të korruptonte gjyqtarin për të mbyllur një çështje penale, AMP ekzekuton masën ‘Arrest në shtëpi” ndaj ish-oficerit të policisë gjyqësore

V K — Tue, 30 Jul 2024 07:08:07 +0000

Vijon procesi i vetëpastrimit të Policisë së Shtetit. Agjencia e Mbikëqyrjes Policore, ekzekutoi vendimin e Gjykatës së Posaçme të Shkallës së Parë për Korrupsionin dhe Krimin e Organizuar, e cila ka caktuar masën e sigurimit “Arrest në shtëpi” ndaj ish-oficerit të policisë gjyqësore L.F, 46-vjeç, i dyshuar për kryerjen e veprës penale “Korrupsion pasiv i gjyqtarëve, prokurorëve dhe funksionarëve të tjerë të organeve të drejtësisë”.

Nga hetimet disa mujore nën drejtimin e SPAK, u arrit të dokumentohej përfshirja e ish-oficerit të DVP Berat në veprime korruptive, i cili në këmbim të një vlere monetare, tentoi të mbyllte një çështje penale në ngarkim të një qytetari.

Agjencia e Mbikëqyrjes Policore, vijon bashkëpunumin e ngushtë me institucionet ligjzbatuese për të garantuar integritet në rradhët e Policisë së Shtetit dhe strukturave të tjera mbikëqyrëse.

The post Tentoi të korruptonte gjyqtarin për të mbyllur një çështje penale, AMP ekzekuton masën ‘Arrest në shtëpi” ndaj ish-oficerit të policisë gjyqësore appeared first on Albeu.com.

Trukimet e ndeshjeve në Shqipëri, SPAK kërkon burg për gjyqtarin, zyrtarin e klubit dhe ish-futbollistin

admin — Thu, 05 May 2022 15:52:43 +0000

Trukimi i ndeshjeve të futbollit shqiptar përfundon në dyert e SPAK dhe më në fund ka një kërkesë zyrtare për të dënuar pjesëmarrës në manipulimin e rezultatit të ndeshjeve. Bëhet fjalë për një sfidë të Kategorisë së Dytë, atë mes Selenicës dhe Përmetit në marsin e vitit 2020, të fituar nga skuadra e Përmetit me shifrat 1-0 falë një penalltie.

Pas përfundimit të hetimeve, SPAK ka kërkuar 2 vite e gjashtë muaj burg për gjyqtarin e asaj ndeshje, Qerim Ruçi, i cili akuzohet se me vendimet e tij ka ndikuar direkt në rezultatin e asaj sfide. Kërkohet dënim me burg edhe për zyrtarin e Përmetit, Bledar Hajredini, si dhe ish-futbollistin Markelian Alinani. Ky është përfundimi i një hetimi që nisi në mënyrë rastësore, pasi teksa po hetohej një çështje korrupsioni, dolën në pah disa përgjime bisedash mes këtyre personave që çuan në përfundimin se ndeshja ishte trukuar.

Prokuroria e Posaçme Kundër Korrupsionit dhe Krimit të Organizuar, Tiranë, në bashkëpunim me policinë gjyqësore të Drejtorisë së Përgjithshme të Policisë së Shtetit, ka përfunduar hetimet paraprake për procedimin penal nr.102/4 të vitit 2021. Në përfundim të hetimeve paraprake, janë marrë të pandehur dhe dërguar për gjykim të pandehurit:
AKUZA

Mbi dërgimin për gjykim të procedimit penal nr.102/4, viti 2021

Markelian Alinani, akuzuar se ka kryer veprat penale “Ushtrimi i ndikimit të paligjshëm ndaj personave që ushtrojnë funksione publike”, kryer në bashkëpunim dhe “Paracaktim i rezultateve sportive”, në bashkëpunim, parashikuar nga nenet 245/1 paragrafi i parë dhe 25, 197/a/2 dhe 25 të Kodit Penal.

Qerim Ruçi, akuzuar se ka kryer veprën penale “Paracaktimi i rezultateve në garat sportive”, kryer në bashkëpunim, parashikuar nga nenet 197/a, paragrafi i dytë dhe 25 të Kodit Penal.

Bledar Hajredini, akuzuar se ka kryer veprën penale “Paracaktimi i rezultateve në garat sportive”, kryer në bashkëpunim, parashikuar nga nenet 197/a, paragrafi i dytë dhe 25 të Kodit Penal.

DËNIMI I KËRKUAR NGA SPAK
Markelian Alinani – 3 vite e 6 muaj burg
Qerim Ruçi – 2 vite e 6 muaj burg
Bledar Hajredini – 2 vite burg

The post Trukimet e ndeshjeve në Shqipëri, SPAK kërkon burg për gjyqtarin, zyrtarin e klubit dhe ish-futbollistin appeared first on Albeu.com.

E ngriti gjyqtarin si trofe për të festuar, ndëshkohet me karton të kuq (VIDEO)

admin — Sun, 26 Dec 2021 07:56:57 +0000

Një prej ngjarjeve më komike në botën e sportit ka ndodhur në sportin e ragbit.

Një lojtar i ragbit, në ligën e dytë të Francës në Rugby Pro D2, më herët gjatë këtij viti, ka marrë kartonin e kuq më qesharak që mund të shihni.

Një vendim i gjyqtarit i pëlqeu shumë lojtarit, i cili vallëzonte dhe kapi gjyqtarin Laurent Millotte dhe e ngriti lart si një trofe.

Millotte nuk priste këtë veprim dhe lëvizjet e këmbëve të tij tregojnë më së miri këtë.

Pasi e lëshoi në tokë, gjyqtari nxori kartonin e kuq nga xhepi dhe përjashtoi sportistin, Josaia Raisuqe.

Shikoni më poshtë videon për të cilën bëhet fjalë.

L’action de la semaine #celebration pic.twitter.com/A9NUdUzAhB

— jonathan wisniewski (@JonnyWis) January 8, 2021

The post E ngriti gjyqtarin si trofe për të festuar, ndëshkohet me karton të kuq (VIDEO) appeared first on Albeu.com.