Në fund të seancës së sotme, Gjylameti ka ndarë një mesazh në rrjetet sociale, ku ka përmbledhur 12 vitet në Kuvend, ndjenjat dhe reflektimet e përjetuara.

Reagimi i Gjylametit:

Të dashur qytetarë, miq, bashkëpunëtorë dhe bashkëudhëtarë në këtë rrugëtim politik,

Pas dymbëdhjetë vitesh si përfaqësuese në Kuvendin e Shqipërisë, ndjej sot nevojën të ndaj me ju disa mendime, ndjenja dhe reflektime.

Ka qenë një privilegj i jashtëzakonshëm. Më është dhënë mundësia të përfaqësoj zërin tuaj në Parlamentin e Shqipërisë, të jem pjesë e vendimeve që kanë ndikuar në jetën e shumë familjeve shqiptare, të mbroj vlera dhe të ndërtoj ura bashkëpunimi mes qytetarëve dhe institucioneve. E kam bërë me ndershmëri, përkushtim dhe pa u kursyer, sepse besoj se politika është, mbi të gjitha, shërbim dhe përgjegjësi.

Kam luftuar për barazi dhe më shumë mundësi për gratë, për të rinjtë, për familjet që kërkojnë mbështetje dhe për një shoqëri më të drejtë dhe më solidare. Kam besuar fort në idealin e një Shqipërie europiane dhe do të vazhdoj ta besoj këtë ideal, pavarësisht rolit tim institucional.

Nuk mund të fsheh se rezultati i zgjedhjeve ishte një moment reflektimi për kontributin e dhënë me ndërgjegje të pastër, për t’i shërbyer njerëzve dhe vendit tim. Kam dhënë më të mirën time në çdo moment. Mendoj se, edhe pse nuk do të jem më pjesë e Parlamentit, angazhimi qytetar nuk ka fund – sepse përkushtimi ndaj komunitetit nuk lidhet me një mandat, por është një mënyrë jetese.

Ndaj sot nuk largohem, por thjesht i hap rrugë një etape të re. Një fazë tjetër e shërbimit publik – ndoshta në një formë tjetër, por me të njëjtin pasion dhe me të njëjtat parime që më kanë udhëhequr deri më sot.

Uroj shumë suksese kolegëve të mi, të vjetër dhe sidomos të rinjve, që së bashku me kapitenin tonë Edi Rama , do të vazhdojnë historinë e Partisë Socialiste në Parlamentin e Shqipërisë. Këtë herë, jo vetëm si vijim i rrugës së nisur që në fillimet e tranzicionit, por mbi të gjitha për të çuar deri në fund misionin e transformimit të Shqipërisë në një vend europian.

Na pret shumë punë përpara, për të shpërblyer besimin dhe votën me të cilën qytetarët na kanë besuar të ardhmen e tyre dhe të vendit.

Me mirënjohje dhe përulësi.
Blerina

The post Mbeti jashtë Kuvendit të ri në zgjedhjet e 11 Majit, Gjylameti për herë të fundit në Parlament, deputetja: Pas 12 vitesh, sot… appeared first on Albeu.com.

E ftuar në studion e emisionit, deputetja dhe kandidatja për deputete e PS në Tiranë, Blerina Gjylameti, u shpreh se në zgjedhjet parlamentare të 11 Majit, Partia Socialiste nuk e ka garë me Partinë Demokratike por me vetveten.

Gjylameti tha gjithashtu se Partia Socialiste reflekton pas çdo mandati duke përmirësuar punën e vet.

“Kemi treguar që kemi transformuar rrënjësisht jo vetëm Shqipërinë, por çdo institucion. Ne nuk e kemi garën me PD, e kemi me vetveten. Mandat pas mandati PS ka një moment reflektimi për të bërë më të mirën nga ajo që ka bërë. Sot pas 3 mandateve edhe me dy fatkeqësitë natyrore që prekën vendin tonë, Covidin dhe tërmetin, sot ne jemi me një borxh publik që është rreth 55-56%. Ne nuk marrim para sikundër merrej në kohën e PD. Asnjëherë nuk kemi marrë borxh për të shtuar borxhin dhe pa bërë investime. Nëse flasim duhet të flasim për ata që na kanë votuar. Sot qytetarët kanë rreth 3 herë më shumë të ardhura seç kanë patur në 2013”, tha ndër të tjera deputetja Blerina Gjylameti.Partia Socialiste është në pushtet prej 3 mandateve radhazi dhe kërkon një mandat të katërt qeverisës.

The post Deputetja Gjylameti: Garën nuk e kemi me PD-në, por e kemi me vetveten! appeared first on Albeu.com.

Përmes një postimi në rrjete sociale, deputetja dhe njëherësh Kryetarja e Delegacionit të Kuvendit në KiE, Blerina Gjylameti thekson se Shqipëria është duke hedhur hapa të rëndësishëm në përpjekjet e saj për një shoqëri më të zhvilluar, transparente dhe respektuese ndaj vlerave europiane.

“Me Zv. Kryetaren e Kuvendit të Ermonela Felaj Valikaj dhe kolegun Kreshnik Collaku nga Budapesti drejt Europës: Aspirata shqiptare për integrimin europian është një udhë e vështirë, por e frytshme. Sot, në takimin e krerëve të parlamenteve të vendeve të Europës Juglindore. Shqipëria është duke hedhur hapa të rëndësishëm në përpjekjet e saj për një shoqëri më të zhvilluar, transparente dhe respektuese ndaj vlerave europiane. Ndërsa ecim në këtë rrugë plot sfida, mbrojmë me krenari identitetin dhe kulturën tonë, siç na kujtuan edhe z. Varhelyi dhe z. Fontana. Sot dhe gjithmonë, jemi vendosur për të përmbushur synimet tona europiane dhe për të kontribuar në forcimin e bashkëpunimit ndërmjet vendeve”, nënvizon Gjylameti.

Deputetja socialiste shprehet se në rrugën tonë drejt BE-së, bashkëpunimi dhe integrimi i Ballkanit Perëndimor shërbejnë si kundërpeisazh i fuqishëm ndaj influencave destabilizuese.

“Shqipëria mbetet e angazhuar për një rajon të stabilizuar, ku vlerat europiane janë kornizë e bashkëpunimit dhe zhvillimit të qëndrueshëm”, nënvizon deputetja Gjylameti.

The post Takimi me krerët e parlamenteve të vendeve të Europës Juglindore, Gjylameti: Shqipëria e angazhuar për një rajon të stabilizuar appeared first on Albeu.com.

Të gjithë shqiptarët janë të vetëdijshëm për ndryshimetqë pësojnë zonjat në momentin kyr hyjnë në politikë.

Siç shihet edhe në foto, ndryshimet që ka pësuar deputetja e PS, Blerina Gjylameti janë të mëdha.

Sigurisht që deputetja Gjylameti ka qenë simpatike dhe tërheqëse që në momentin e parë që është bërë pjesë e politikës, por përgjatë viteve është bërë si vera” sa më e vjetër aq më e mirë”.

Por zonja Gjylameti nuk është e vetmja, pasi ndryshime rrënjësore ka pësuar edhe ministrja Olta Xhaccka, Elisa Spiropali, Belinda Balluku, apo deputetja e PL, Monika Kryemadhi, por edhe zonjat demokrate gjithashtu kanë ndryshuar për mirë në paraqitje.

The post FOTO LAJM/ Pushteti të zbukuron, ndryshimi drastik i deputetes së PS appeared first on Albeu.com.