Mori ryshfet për të liruar të burgosurin, Apeli lë në fuqi dënimin për gjyqtaren Mimoza Margjekaj

Tau Lanti — Tue, 12 Dec 2023 10:24:14 +0000

Apeli i Posaçëm ka konfirmuar dënimin me 4 vite e 6 muaj burg të gjyqtares, Mimoza Margjekaj. Ajo akuzohet për korrupsion, pasi hetimet provuan marrjen e një ryshfeti prej 6 mijë euro nga një i arrestuar për trafik klandestinësh. Por, dënimi u konvertua në 3 vite shërbim prove dhe 5 vite heqje e të drejtës të funksioneve publike.

Bashkëshorti i saj Arben Cara akuzohet si ‘ndërmjetës’, pasi ishte ai që mori paratë. Edhe për bashkëshortin e gjyqtares Apeli i Posaçëm la në fuqi vendimin e GJKKO duke konfirmuar burgimin me 4 vite, të cilat do të kryehen në një burg të sigurisë së zakonshme.

“Deklarimin fajtor të të pandehurit A.C., për kryerjen e veprës penale “Korrupsioni pasiv i gjyqtarit, prokurorit, dhe i funksionarëve të tjerë të organeve të drejtësisë” e kryer në bashkëpunim, e parashikuar nga neni 319/ç – 25 i Kodit Penal dhe në bazë të kësaj dispozite dënimin e tij me 4 (katër) vite burgim”, thuhet ne njoftimin zyrtar.

The post Mori ryshfet për të liruar të burgosurin, Apeli lë në fuqi dënimin për gjyqtaren Mimoza Margjekaj appeared first on Albeu.com.

Gjykatësja thërret palët për të diskutuar mbrojtjen e të dhënave në çështjen ndaj Trump

E B — Wed, 09 Aug 2023 05:09:56 +0000

Gjykatësja federale në çështjen e zotit Trump, ku akuzohet për përpjekje për të përmbysur rezulatin e zgjedhjeve të vitit 2020, ka urdhëruar avokatët e tij dhe prokurorët federalë që të paraqiten në gjykatë të premten për një seancë dëgjimore lidhur me përcaktimin se si mund të përdoren dhe ndahen të dhënat e çështjes në fjalë.

Gjykatësja Tanya Chutkan vendosi që seanca të zhvillohej të premten në orën 10 të mëngjesit, menjëherë pas përplasjeve midis palës mbrojtëse dhe prokurorëve lidhur me datën e caktimit të seancës.

Avokatët e zotit Trump kishin kërkuar shtyrjen e seancës deri në fillim të javës së ardhshme, ndërsa akuza tha se ishte e gatshme gjatë gjithë javës.

Seanca e së premtes vjen pasi ekipi mbrojtës i zotit Trump kundërshtoi të hënën një kërkesë nga prokurorët, që gjykatësja Chutkan të nxjerrë një urdhër për të siguruar që provat konfidenciale të mos bëhen publike nga zoti Trump, duke sugjeruar se ai mund ta përdorte informacionin për të frikësuar dëshmitarët.

Zoti Trump ka thënë se është i pafajshëm dhe i ka quajtur akuzat të motivuara politikisht.

Avokatët e zotit Trump thanë se kufizimet do të cenonin të drejtën e tij për lirinë e fjalës, e mbrojtur nga Amendamenti i Parë i Kushtetutës së Shteteve të Bashkuara.

Zoti Trump nuk pritet të jetë i pranishëm në sallën e gjyqit të premten.

The post Gjykatësja thërret palët për të diskutuar mbrojtjen e të dhënave në çështjen ndaj Trump appeared first on Albeu.com.

gjykatesja Archives - Albeu.com

Mori ryshfet për të liruar të burgosurin, Apeli lë në fuqi dënimin për gjyqtaren Mimoza Margjekaj

Gjykatësja thërret palët për të diskutuar mbrojtjen e të dhënave në çështjen ndaj Trump